Filemonešće 1
1
E Pavlešće pozdravurja
1Akava ramov me o Pavle, savo sem ando phanglipe palo o Isuso Hristo, thaj manca o phral o Timotej, e dragone Filimonešće, amare saradnikošće, 2e phejaće e Apfijaće, e Arhipešće amare suborcošće ando Hristo, thaj e khanđirjaće ande ćiro ćher:
3Milost thaj miro tumenđe e Devlestar, amare Dadestar thaj e Gospodestar e Isuse Hristostar.
E Pavlošći molitveno zahvala
4Uvek zahvaliv mungre Devlešće kana moliv man pale tute Filimone, 5kaj ašunav pale ćiri ljubav pale sa e Devlešće manuša thaj pale ćiro paćipe ando Gospod Isus. 6Moliv man te amaro zajedništvo savo si amen ando paćipe anel tuće majhanduk haćaripe e svako lačhipestar savo si amen ando Hristo. 7Kaj ćiri ljubav but bahtarda man thaj utešisarda man, kaj tu, phrale, osvežisardan e ile e Devlešće manušenđe.
E Pavlošći molitva palo Onisim
8Zato, vi ako si man ando Hristo pherdo pravo te zapovediv tuće so te ćeres, 9zbog e ljubav majradije moliv tut, kasavo sosko sem, me, o phuro Pavle, a akana vi ando phanglipe palo Isuso Hristo. 10Moliv tut pale mungro čhavo Onisim, kašće postanisardem duhovno dad ando phanglipe. 11Vo nas tuće majranije korisno, ali akana si korisno#1,11 korisno O alav “Onisim” značil “korisno”. na samo tuće, nego si korisno vi manđe. 12Bičhalav les tuće palpale, les savo si mungro ilo. 13Kamlem te ačhavav les mande, te služil manđe umesto tute dok sem ando phanglipe pale Bahtali nevimata. 14Ali či kamlem khanči te ćerav dok tu či pristanis, sar akava lačho delo či avilosas sago moraš, nego katar ćiri lačhi volja. 15Šaj te sas baš andar godova pe harni vrjama odvojime tutar sar avilosas ćiro pale sa e vrjama 16thaj na majbut sago robo, nego majlačhe katar o robo – sago voljeno phral. Vo si manđe but drago, a kozom majbut avela tuće, ali na samo sago manuš, nego vi sago phral ando Gospod.
17Pa ako, man inćares palo ćiro saradniko primisar askal les sago kaj primisardanas man. 18A te ćerda tuće vareso pe doš ili ačhilo udžile tuće vareso, me godova lav pe mande. 19Me, o Pavle, ramov akava mungre vastesa: me poćinava tuće, a te na phenav kaj san manđe udžile vi ćiro trajo.
20Ej, phrale, volisardemas te avel man tutar varesošći korist ando Gospod. Osvežisar mungro ilo ando Hristo. 21Ramov tuće kaj sem uverime ande ćiri poslušnost. Džanav kaj ćereja vi majbut nego so mangav tutar.
22Thaj još vareso: lačhar manđe e gostinsko soba kaj nadiv man kaj o Del uslišila tumare molitve thaj dela te uskoro avav tumenđe.
Poslednjo pozdrav
23Pozdravin tut o Epafras, savo si zajedno manca ando phanglipe palo Hristo Isuso, 24thaj mungre saradnikurja o Marko, o Aristarh, o Dimas thaj o Luka.
25Neka e milost amare Gospodešći e Isuse Hristošći avel tumare duhosa.
CC BY SA