Jevrejenđe 1
1
O Čhavo e Devlesko majmoćno si katar e anđelurja
1O Del ande okoja vrjama but droma thaj pe but načinurja motholas amare pradadenđe kroz e prorokurja, 2ali ande akala poslednje đesa amenđe motholas kroz piro Čhavo. Les odredisardas te avel nasledniko pe sa, thaj kroz kaste stvorisarda vi o them. 3O Čhavo si odsjaj katar e Devlešći slava thaj čačo odraz katar lesko biće, savo inđarel sa pire silno alavesa. Pošto mulo te šilavel men katar o bezeh, bešlo ando nebo pe počasno desno rig e Devlešći savo sa šaj. 4Gajda Vo postanisardas gadići majmoćno katar e anđelurja kozom o Del dija les majuzvisime alav katar lengo.
5Kaj savešće katar e anđelurja o Del varekana phendas:
“Tu san mungro Čhavo,
ađes bijandem tut”?
thaj još:
“Me avava lešće Dad,
a vo avela manđe Čhavo”?
6Thaj palem, kana e prvo bijande Čhave uvodil ando them, phenel:
“Neka den koča angle leste sa e Devlešće anđelurja.”
7O Del phenel pale anđelurja:
“Pire anđelen ćerel balvajenca
thaj pire slugen sar jagale plamenurja”,
8a e Čhavešće phenel:
“Ćiro prestolje, Devla, ačhel pale uvek.
Pravedno vladis ćire Carstvosa.
9Volis e pravednost, a mrzis o bezakonje.
Zato o Del, ćiro Del, makhla tut
e uljesa katar o bahtalipe
sago ni jeće katar ćire drugaren”,
10thaj:
“Ando početko tu, Gospode, čhutan e temeljurja e phuvjaće
thaj e nebesa delo si ćire vastengo.
11Tu ačhes, a von nestanina
thaj sa phurjola sago e drze.
12Paćareja len sago ogrtači,
zamenina pe sago e purane drze.
A tu san uvek isto,
ćire bršenđe naj krajo.”
13Ni jeće anđelošće o Del nikad či phendas:
“Beš pe mungri počasno desno rig
dok či čhav ćire dušmajen tale ćire pungre.”
14Gajda, ko si e anđelurja? Von si duhurja save služin e Devlešće, bičhalde te služin okolenđe save nasledina o spasenje.
CC BY SA
Jevrejenđe 1
1
O Čhavo e Devlesko majmoćno si katar e anđelurja
1O Del ande okoja vrjama but droma thaj pe but načinurja motholas amare pradadenđe kroz e prorokurja, 2ali ande akala poslednje đesa amenđe motholas kroz piro Čhavo. Les odredisardas te avel nasledniko pe sa, thaj kroz kaste stvorisarda vi o them. 3O Čhavo si odsjaj katar e Devlešći slava thaj čačo odraz katar lesko biće, savo inđarel sa pire silno alavesa. Pošto mulo te šilavel men katar o bezeh, bešlo ando nebo pe počasno desno rig e Devlešći savo sa šaj. 4Gajda Vo postanisardas gadići majmoćno katar e anđelurja kozom o Del dija les majuzvisime alav katar lengo.
5Kaj savešće katar e anđelurja o Del varekana phendas:
“Tu san mungro Čhavo,
ađes bijandem tut”?
thaj još:
“Me avava lešće Dad,
a vo avela manđe Čhavo”?
6Thaj palem, kana e prvo bijande Čhave uvodil ando them, phenel:
“Neka den koča angle leste sa e Devlešće anđelurja.”
7O Del phenel pale anđelurja:
“Pire anđelen ćerel balvajenca
thaj pire slugen sar jagale plamenurja”,
8a e Čhavešće phenel:
“Ćiro prestolje, Devla, ačhel pale uvek.
Pravedno vladis ćire Carstvosa.
9Volis e pravednost, a mrzis o bezakonje.
Zato o Del, ćiro Del, makhla tut
e uljesa katar o bahtalipe
sago ni jeće katar ćire drugaren”,
10thaj:
“Ando početko tu, Gospode, čhutan e temeljurja e phuvjaće
thaj e nebesa delo si ćire vastengo.
11Tu ačhes, a von nestanina
thaj sa phurjola sago e drze.
12Paćareja len sago ogrtači,
zamenina pe sago e purane drze.
A tu san uvek isto,
ćire bršenđe naj krajo.”
13Ni jeće anđelošće o Del nikad či phendas:
“Beš pe mungri počasno desno rig
dok či čhav ćire dušmajen tale ćire pungre.”
14Gajda, ko si e anđelurja? Von si duhurja save služin e Devlešće, bičhalde te služin okolenđe save nasledina o spasenje.
CC BY SA