2. Timoteješće 2
2
E Hristosko lačho vojniko
1A tu Timoteje, čhaveja, zuravo ande milost savi del amen o Isuso Hristo! 2Okova so ašundan mandar angle but e svedokurja, godova poverisar e paćivale manušenđe save avena sposobne avren te sikaven. 3Delisar manca o pharipe sago lačho vojniko e Isuse Hristosko! 4Khonik savo služil sago vojniko thaj kamel te ugodil pire zapovednikošće, či hamil pe ande svako đesešće trajošće buća. 5Thaj ako vareko takmičil pe, či dobila e nagrada ako či takmičil pes pe pravila. 6O zemljoradniko savo naporno ćerel bući trubul prvo te uživil ande plodurja pire trudošće. 7Gndisar pe godova so phenav tuće! O Gospod dela tut te sa haćares.
8Zapamtisar o Isuso Hristo savo uštilo andar e mule, savo si e Davidesko potomko, prema e Bahtali nevimata savi propovedisarav. 9Pale late trpiv nevolje ande okurja sago kaj sem varesosko zločinco. Ali te sem me ande okurja, e Devlesko alav našti te avel okuime! 10Spremno sem sa te trpiv pale okola saven o Del odabirisarda te isto gajda postignin o spasenje thaj večno slava ando Isuso Hristo.
11Akava si sigurno čačipe:
Te mulam e Isuseja,
lesa vi trajisarasa.
12Ako nastavisaras te trpisaras nevolje,
lesa vi caruisarasa.
Ako odrekni men lestar,
vi vo amendar odreknila pe.
13Ako sam lešće bipaćivale,
vo ačhela paćivalo
kaj vo našti odreknil pe korkoro pestar.
O radniko savo si potvrdime katar o Del
14De gođi e manušen pe godova thaj upozorisar len anglo Del te na traden pe maškar pende zbog e alava. Kaj godova khanči či koristil, a po propast si okolenđe save čhon kan. 15De sa tutar te sikaves tut anglo Del sago dostojno radniko saves naj sostar te ladžal, thaj savo ispravno inćarel o čačo alav. 16Katar e bezbožne thaj dilivane svaturja le tut majdur kaj crden sa majbut ande bezbožnost. 17Kasave alava si sago e putardi rana savi buljol. Maškar lende si duj manuša, o Imenej thaj o Filit. 18Von dujrile katar o čačipe thaj tvrdin kaj o uštipe andar e mule već sas. Von godolesa crden varesaven katar o paćipe.
19Ali e Devlesko čačipe ačhel čvrsto sago o temelji pe savo ramol: “O Gospod pindžarel okolen save si lešće” thaj “Ko god tvrdil kaj pripadil e Gospodešće nek lel pes majdur katar o bilačhipe.”
20Ando barvalo ćher si vasurja ćerdine katar o sunakaj thaj katar o rup, ali vi katar o kaš thaj vi katar e glina. Jek koristin pe ande časne, a aver ande nečasne svrhe. 21Ako o manuš šilavel pes katar sa godola bilačhe buća, avela posvetime, časno thaj koristime posuda pire Gospodešće, pripremime pale svako lačho delo.
22Katar e ternikane požude naš! Dža pale, pravednost, paćipe, ljubav, miro, zajedno okolenca save čiste ilenca rode e Gospode! 23Le tut majdur katar e dile thaj nerazumne rasprave, kaj džanes kaj godova anel samo čingara. 24A o sluga e Gospodesko či tromal te hal pes, nego trubul te avel ljubazno prema savorende. Moraš te avel sposobno te sikavel thaj te avel strpljivo thaj te trpil o bilačhipe, 25te ande blagost poučil e protivnikonen, sar o Del dijas len šansa te pokajin pe thaj te pindžaren o čačipe. 26Thaj te aven peste, thaj len pes majdur andar e zamka e benđešći, savo zarobisarda len te ćeren lešći volja.
CC BY SA
2. Timoteješće 2
2
E Hristosko lačho vojniko
1A tu Timoteje, čhaveja, zuravo ande milost savi del amen o Isuso Hristo! 2Okova so ašundan mandar angle but e svedokurja, godova poverisar e paćivale manušenđe save avena sposobne avren te sikaven. 3Delisar manca o pharipe sago lačho vojniko e Isuse Hristosko! 4Khonik savo služil sago vojniko thaj kamel te ugodil pire zapovednikošće, či hamil pe ande svako đesešće trajošće buća. 5Thaj ako vareko takmičil pe, či dobila e nagrada ako či takmičil pes pe pravila. 6O zemljoradniko savo naporno ćerel bući trubul prvo te uživil ande plodurja pire trudošće. 7Gndisar pe godova so phenav tuće! O Gospod dela tut te sa haćares.
8Zapamtisar o Isuso Hristo savo uštilo andar e mule, savo si e Davidesko potomko, prema e Bahtali nevimata savi propovedisarav. 9Pale late trpiv nevolje ande okurja sago kaj sem varesosko zločinco. Ali te sem me ande okurja, e Devlesko alav našti te avel okuime! 10Spremno sem sa te trpiv pale okola saven o Del odabirisarda te isto gajda postignin o spasenje thaj večno slava ando Isuso Hristo.
11Akava si sigurno čačipe:
Te mulam e Isuseja,
lesa vi trajisarasa.
12Ako nastavisaras te trpisaras nevolje,
lesa vi caruisarasa.
Ako odrekni men lestar,
vi vo amendar odreknila pe.
13Ako sam lešće bipaćivale,
vo ačhela paćivalo
kaj vo našti odreknil pe korkoro pestar.
O radniko savo si potvrdime katar o Del
14De gođi e manušen pe godova thaj upozorisar len anglo Del te na traden pe maškar pende zbog e alava. Kaj godova khanči či koristil, a po propast si okolenđe save čhon kan. 15De sa tutar te sikaves tut anglo Del sago dostojno radniko saves naj sostar te ladžal, thaj savo ispravno inćarel o čačo alav. 16Katar e bezbožne thaj dilivane svaturja le tut majdur kaj crden sa majbut ande bezbožnost. 17Kasave alava si sago e putardi rana savi buljol. Maškar lende si duj manuša, o Imenej thaj o Filit. 18Von dujrile katar o čačipe thaj tvrdin kaj o uštipe andar e mule već sas. Von godolesa crden varesaven katar o paćipe.
19Ali e Devlesko čačipe ačhel čvrsto sago o temelji pe savo ramol: “O Gospod pindžarel okolen save si lešće” thaj “Ko god tvrdil kaj pripadil e Gospodešće nek lel pes majdur katar o bilačhipe.”
20Ando barvalo ćher si vasurja ćerdine katar o sunakaj thaj katar o rup, ali vi katar o kaš thaj vi katar e glina. Jek koristin pe ande časne, a aver ande nečasne svrhe. 21Ako o manuš šilavel pes katar sa godola bilačhe buća, avela posvetime, časno thaj koristime posuda pire Gospodešće, pripremime pale svako lačho delo.
22Katar e ternikane požude naš! Dža pale, pravednost, paćipe, ljubav, miro, zajedno okolenca save čiste ilenca rode e Gospode! 23Le tut majdur katar e dile thaj nerazumne rasprave, kaj džanes kaj godova anel samo čingara. 24A o sluga e Gospodesko či tromal te hal pes, nego trubul te avel ljubazno prema savorende. Moraš te avel sposobno te sikavel thaj te avel strpljivo thaj te trpil o bilačhipe, 25te ande blagost poučil e protivnikonen, sar o Del dijas len šansa te pokajin pe thaj te pindžaren o čačipe. 26Thaj te aven peste, thaj len pes majdur andar e zamka e benđešći, savo zarobisarda len te ćeren lešći volja.
CC BY SA