1. Solunjanenđe 5
5
Aven spremne pale Gospodesko avipe
1A kana thaj sar sa godova avela, phralalen thaj phejalen, naj potrebno te ramov tumenđe. 2Kaj vi korkoro lačhe džanen kaj o đes e Gospodesko avela iznenada sago o čor ande rjat. 3Dok e manuša još mothona: “Sa si mirno thaj sigurno”, iznenada aresela len lenđi propast sago e duk e khamne romnja, thaj našti našena. 4Ali tumen, phralalen thaj phejalen, naj sen ande tama, te godova đes avel iznenada pe tumende sago o čor. 5Kaj, savora tumen sen čhavra e svetlošće thaj čhavra e đesešće. Amen či pripadisaras e raćaće niti e tamaće. 6Zato na te sovas sago aver, nego džugade thaj trjazne te avas. 7Kaj, okola save soven, soven raćava, thaj okola save maton, maton raćava. 8A amen, pošto pripadisaras e đesešće, trjazne te avas thaj te las pe amende o oklop so si o paćipe thaj e ljubav, thaj te čhas po šoro e kaciga, so si e nada ando spasenje! 9Kaj o Del či losarda men pale piri bari holji, nego te avel men spasipe kroz amaro Gospod Isuso Hristo, 10savo mulo pale amende, te džude ili mule zajedno lesa trajisaras. 11Zato ohrabrin thaj izgradin jek avres, sago vi kaj ćeren.
E Pavlošće poslednje upute
12Ali moliv tumen, phralalen thaj phejalen, te poštuin okolen save trudin pe maškar tumende, thaj save vodin tumen thaj sikaven tumen ando Gospod. 13Poštuin len thaj volin len zbog e bući savi ćeren. Trajin maškar tumende ando miro jek avresa. 14Molisaras tumen, phralalen thaj phejalen, opomenin okolen kaj khanči či ćeren po soro đes, ohrabrin kolen save si malodušne, pomognin kolenđe kaj si slabe, aven strpljive prema savorende. 15Len sama te na vareko varekašće boldel bilačhipe palo bilačhipe, nego uvek trudin tumen te ćeren lačhipe jek avrešće thaj sa e manušenđe.
16Uvek raduin tumen! 17Stalno molin tumen! 18Den najs pale sa, kaj godova si e Devlešći volja pale tumende ando Isuso Hristo. 19Na mudaren e jag e Sveto Duhošći, 20o proroštvo na prezirin, 21sa proverin thaj zadržin so si lačhe. 22Katar svako bilačhipe len tumen majdur.
23A korkoro o Del e mirosko, neka dovršil tumaro posvećenje, te sasto tumaro biće – o duho, e duša, thaj o telo – avel besprekorno dok či avel amaro Gospod o Isus Hrist. 24Verno si o Del savo akharel tumen. Vo godova vi ćerela. 25Phralalen thaj phejalen, molin tumen vi pale amende. 26Pozdravin sa e phralen ande ljubav. 27Dav tumen solah te čitol pe akava lil sa e phralenđe thaj e phejenđe. 28Milost amare Gospodesko e Isuse Hristosko nek avel tumenca!
CC BY SA