Matiw 18
18
A wuyeh a gwooh mettweett dhighin dhenglong khi Naan?
(Mar 9:33-37; Luk 9:46-48)
1Sh'i mihhseh ni bhi zheppkamm khi Jesu mwopp ji nang phi nyi le, “A wuyeh a gwooh mettweett dhighin dhenglong khi Naan?”
2Jesu peet reb m'ee l'aa wu'shomm lhitaah, bhi l'e tihh l'aa ni dharr kihnaar mwopp. 3Bhi satt mwopp le, “Mihh dheng'pee wu shikhir wu dhen shuk kaa zhepp wu'dyeen se mou, bhi baah wunn p'ee cham dhel dhighin dhenglong khi Naan mou. 4Pee'mhinyi, bhi ih kihh satt wunn, koohweeh w'u saam kihh kaah niy kaa l'aa mihhse se, bhi a nyi a gwooh mettweett dhighin dhenglong khi Naan. 5Koohweeh w'u mihh lapp l'aa wu'shomm kaa mihhse se dhighin shumm nah, bhi lapp a a'n. 6Dhangg gwooh mihh l'e tihh m'ee mwoohdyeen mhize mwopp sh'in shigbis, ai bhi rettmett gwoh ni tihh dyinn mwopp rad a gag m'ee panggfiin tookk nyi mwopp meng nyi lhisam dum kih phider kur'am. 7Ai mak kihh yill ni dihkhillihkk p'ee v'ur bii w'u kihh l'e tihh gurum mwopp sh'in shigbis diy. Ee'h, dhen a ching tihh v'ur bii wu'kihhsheh ni mwopp ja, dhangg mak kihh gwooh mwopp kihh ja lhiwaa a nyi. 8Mihh a sarr gha kooh shiiy gha kihh l'e gha shigbis, bhi ghi gab ghi meng kyekk. Ai gyall ghi dhel dhighin seen w'u harr ngaa-ngaa a dutt kooh khibhil kad mihh'pee ghi kihh dhel a dhighin wus w'u harr ngaa-ngaa kihh sarr gha kooh shiiy gha mwopp weett vel. 9Yakhal mihh a yit gha kihh l'e gha shigbis, bhi ghi gokhol ghi meng kyekk. Ai gyall ghi dhel dhighin seen w'u harr ngaa-ngaa a vyangg kad mihh'pee mwopp kihh meng gha dhighin wusbleng kihh yit weett vel.
10“Pee'mhinyi bhi wu kihh kangg kihh kaah wuh tappseh wu toglong kooh kihmeh dhighin mwoohdyeen mhize ni mwopp mou; p'ee ih kihh satt wunn, tihngg kih dhengNaan, bhi mhi'lop mhitapp mwopp kihh naah yit Daa w'u kih dhengNaan twass. 11P'ee L'aa khi Gurum sam a p'ee lyap mwooh lhi-lakham.#18:11 Pakk r'an ni mwopp kihh wangg w'u 11 mou.
12“Ih nang dhak kihhshe 'y: mihh gurum kihh tihm dhaa kihmeh dhangg kihmeh dhighin mwopp pillip la'kham, bhi kan diy yet mwooh laar pwoghofeerr kihh pwoghofeerr seh dheeh shi'bwut bwumm tihh l'ang diy kihshiiy kihmeh w'u pillip la'kham seh maah? 13Ih kihh satt a zeenn wunn, mihh lyap kad, bhi nyi p'ee sh'in rettyit p'ee tihm w'u kihmeh mhizeh ni mett rettyit wu'nyi nyi kihh nyi p'ee tihm w'u laar pwoghofeerr kihh pwoghofeerr w'u baah wu'mwopp pyallap lakham seh mou. 14A kihhsheh zag bhi baah Puup wu Naan w'u tihngg kih dhengg kihh dh'om tihh kooh kihmeh dhighin mwoohdyeen mhize ky'em mou.
Em'nangg mihh sh'in wu'bis gha
(Luk 17:3)
15“Mihh m'ee em'nangg sh'in wu'bis gha,#18:15 Pak r'an i mwopp kihh “gha” mou. bhi ghi dum ghi yakshiiy wu'bis w'u sh'in gha seh nyi, wunn vel kyekk yit shag. Mihh klihng gha, bhi ghi b'aa ghi jiji kihh em'nangg a kih arr seh. 16Mihh shiih klihng gha, bhi wu dum dangshag kihh m'ee gurum kihmeh kooh vel, ‘tihh gurum mwopp man zeenn mhi koohmeeh diy sh'i pwoo khi mhi-tupp'pwoo vel kooh kunn.’#18:16 WSW 19.15 17Mihh shiih klihng mwopp zag, bhi ghi dum kihh pwoo ni Ekklesiya. Mihh harr gwoh ni shiih klihng Ekklesiya, bhi ghi m'ang gwoh ni dheeh a kaah gurum w'u a Seghen'gurum se, kooh mhi-lappwapp mwopp se.
18“Ih kihh satt a zeenn wunn, koohmeeh w'u mihh wu bwakhat dhighin yill mhize, bhi nyi p'ee dhen a w'u bhi-bwakhat kih dhengNaan; yakhal koohmeeh w'u mihh wu woo dhighin yill mhize, bhi nyi p'ee dhen a w'u wu-woo kih dhengNaan zag.
19“Dyi zag ih kihh satt wunn ih le, mihh vel dhighin wunn se dhighin yill mhize wu l'e pwoo wu kihshag dhighin dhangNaan p'ee mee'bii, bhi Daa w'u tihngg kih dhengg p'ee sh'in nyi wunn. 20P'ee pee w'u gurum vel kooh kunn mwopp kukhur diy dhighin shumm nah, bhi a'n nhighin naar mwopp.”
Shumpwoo kaah kromm gushiin-kaahdhoonn
21Bhi Bitrus ji kihpee Jesu diy bhi nang phi nyi le, “Gwoohyon, em'naa kihh mak sh'in wu'bis a'n a yit k'ong ayeh bhi ih kihh fwa nyi vitt? Kihh mak wull harr yit pwoghovel aa'?”
22Jesu lapp nyi satt le, “Ih kihh satt gha, baah a yit pwoghovel kyekk mou, a laar pwoghovel yit pwoghovel#18:22 Pakk r'an ni kihh satt le a “laar pwoghovel kihh pwoghovel.”.
23“Pee'mhinyi bhi a'n p'ee mak kattshiiy dhenglong khi Naan a sh'i m'ee miskakhamm w'u kihh t'ang nangshiiy shaghal keeniy w'u sarr m'ee kromm keeniy mwopp. 24Kaarooh miskakhamm ni y'aa nangshiiy shaghal ni phi mwopp, bhi mwopp ji kihh m'ee kromm w'u kihh kaatt mhi millyon kaghapaad kihkyeen miskakhamm ni. 25Dhangg kaarooh baah kromm ni mak kwat kaatt nyi mou, bhi miskakhamm ni gab'waar tihh mwopp seett diy kihh nyi, kihhsheh kihh mat khinyi, kihh zhepp khinyi, kihh kapp bii w'u nyi kihh mwopp kihhdihng tihh mwopp kwat kaatt ni diy dyishig.
26“Bhi kromm ni sam krum kih fr'um niy y'aa so'kumbokk miskakhamm ni le, ‘Kum'bokk, ghi m'ang gung kihh a'n, bhi a'n p'ee kwat kapp kaatt ni gha.’ 27Kaah guluh ni dhoonn kih kromm ni, bhi fwah kaatt ni nyi, bhi yet kromm ni mwan.
28“Dhangg kaarooh kromm ni putt, bhi kang kihh m'ee wu'nin kromm w'u kihh kaatt khinyi mhi shaghal dinarii dhaa kihmeh. Bhi ryaghab y'aa nyi gwaghal nyakk, m'ang tookk nyi pyak, dheeh a mhi muutt, kihh satt nyi le, ‘Ghi kwat kaatt keena w'u kaah gha seh kaa ih kihh satt seh!’
29“Wu'nyee nyi kromm mhizeh sam krum kih fr'um niy tekhem nyi so'kumbokk nyi le, ‘Kum'bokk, ghi m'ang gung kihh a'n bhi a'n p'ee kwat kaatt keegha ni gha.’
30“Weett kihhsheh bhi kromm mhizeh ni dh'om mou. Bhi yakhal kihh wu'nin kromm ni wurr-wurr dum l'e tihh mwopp shakhat nyi diy luh'shakhat, harr seeh gw'ar kwat kaatt ni kyes kwett dhangg. 31Kaarooh kakhar mhinyee mwopp kromm naah bii w'u yakhal seh, bhi phitukhup mwopp wad bis-bis pwetd, bhi mwopp dum yakshiiy bii mihhseh bhangg-bhangg guluh keeru.
32“Bhi guluh ni l'e tihh mwopp ji diy kihh kromm mhizeh ni riy. Bhi so'lek kromm ni le, ‘Gag m'ee kromm wu'bis, w'u bwutdhood! Hah, a'n ih fwa gag kaatt w'u kaah gha seh gha pee'rooh ghi so'kumbokk a'n. 33Bhi kan dyinn rett tihh wu'gha ghi naah chikhirr mhi wu'nak chiitt kihh rooh wu'an ih naah chikhirr keegha seh maah?’ 34Tukhup guluh ni shaan pwetd, bhi pihh kromm mhizeh ni sarr mhi-sha'khat mwopp tihh mwopp kihh nwangzheell diy nyi harr seeh p'ar w'u kwat kaatt w'u kaah niy diy seh kyess dhangg.
35“T'o, a mihhse a bii w'u Daa w'u tihngg kih dhengg p'ee sh'in kihh kooh a meeh wuh wu'rangg seh, kad dheng'pee gwoh ni fwa emnhikhin sam taah kih phider bwut niy mou.”
©️2022 Luke Initiative for Scripture Translation
Matiw 18
18
A wuyeh a gwooh mettweett dhighin dhenglong khi Naan?
(Mar 9:33-37; Luk 9:46-48)
1Sh'i mihhseh ni bhi zheppkamm khi Jesu mwopp ji nang phi nyi le, “A wuyeh a gwooh mettweett dhighin dhenglong khi Naan?”
2Jesu peet reb m'ee l'aa wu'shomm lhitaah, bhi l'e tihh l'aa ni dharr kihnaar mwopp. 3Bhi satt mwopp le, “Mihh dheng'pee wu shikhir wu dhen shuk kaa zhepp wu'dyeen se mou, bhi baah wunn p'ee cham dhel dhighin dhenglong khi Naan mou. 4Pee'mhinyi, bhi ih kihh satt wunn, koohweeh w'u saam kihh kaah niy kaa l'aa mihhse se, bhi a nyi a gwooh mettweett dhighin dhenglong khi Naan. 5Koohweeh w'u mihh lapp l'aa wu'shomm kaa mihhse se dhighin shumm nah, bhi lapp a a'n. 6Dhangg gwooh mihh l'e tihh m'ee mwoohdyeen mhize mwopp sh'in shigbis, ai bhi rettmett gwoh ni tihh dyinn mwopp rad a gag m'ee panggfiin tookk nyi mwopp meng nyi lhisam dum kih phider kur'am. 7Ai mak kihh yill ni dihkhillihkk p'ee v'ur bii w'u kihh l'e tihh gurum mwopp sh'in shigbis diy. Ee'h, dhen a ching tihh v'ur bii wu'kihhsheh ni mwopp ja, dhangg mak kihh gwooh mwopp kihh ja lhiwaa a nyi. 8Mihh a sarr gha kooh shiiy gha kihh l'e gha shigbis, bhi ghi gab ghi meng kyekk. Ai gyall ghi dhel dhighin seen w'u harr ngaa-ngaa a dutt kooh khibhil kad mihh'pee ghi kihh dhel a dhighin wus w'u harr ngaa-ngaa kihh sarr gha kooh shiiy gha mwopp weett vel. 9Yakhal mihh a yit gha kihh l'e gha shigbis, bhi ghi gokhol ghi meng kyekk. Ai gyall ghi dhel dhighin seen w'u harr ngaa-ngaa a vyangg kad mihh'pee mwopp kihh meng gha dhighin wusbleng kihh yit weett vel.
10“Pee'mhinyi bhi wu kihh kangg kihh kaah wuh tappseh wu toglong kooh kihmeh dhighin mwoohdyeen mhize ni mwopp mou; p'ee ih kihh satt wunn, tihngg kih dhengNaan, bhi mhi'lop mhitapp mwopp kihh naah yit Daa w'u kih dhengNaan twass. 11P'ee L'aa khi Gurum sam a p'ee lyap mwooh lhi-lakham.#18:11 Pakk r'an ni mwopp kihh wangg w'u 11 mou.
12“Ih nang dhak kihhshe 'y: mihh gurum kihh tihm dhaa kihmeh dhangg kihmeh dhighin mwopp pillip la'kham, bhi kan diy yet mwooh laar pwoghofeerr kihh pwoghofeerr seh dheeh shi'bwut bwumm tihh l'ang diy kihshiiy kihmeh w'u pillip la'kham seh maah? 13Ih kihh satt a zeenn wunn, mihh lyap kad, bhi nyi p'ee sh'in rettyit p'ee tihm w'u kihmeh mhizeh ni mett rettyit wu'nyi nyi kihh nyi p'ee tihm w'u laar pwoghofeerr kihh pwoghofeerr w'u baah wu'mwopp pyallap lakham seh mou. 14A kihhsheh zag bhi baah Puup wu Naan w'u tihngg kih dhengg kihh dh'om tihh kooh kihmeh dhighin mwoohdyeen mhize ky'em mou.
Em'nangg mihh sh'in wu'bis gha
(Luk 17:3)
15“Mihh m'ee em'nangg sh'in wu'bis gha,#18:15 Pak r'an i mwopp kihh “gha” mou. bhi ghi dum ghi yakshiiy wu'bis w'u sh'in gha seh nyi, wunn vel kyekk yit shag. Mihh klihng gha, bhi ghi b'aa ghi jiji kihh em'nangg a kih arr seh. 16Mihh shiih klihng gha, bhi wu dum dangshag kihh m'ee gurum kihmeh kooh vel, ‘tihh gurum mwopp man zeenn mhi koohmeeh diy sh'i pwoo khi mhi-tupp'pwoo vel kooh kunn.’#18:16 WSW 19.15 17Mihh shiih klihng mwopp zag, bhi ghi dum kihh pwoo ni Ekklesiya. Mihh harr gwoh ni shiih klihng Ekklesiya, bhi ghi m'ang gwoh ni dheeh a kaah gurum w'u a Seghen'gurum se, kooh mhi-lappwapp mwopp se.
18“Ih kihh satt a zeenn wunn, koohmeeh w'u mihh wu bwakhat dhighin yill mhize, bhi nyi p'ee dhen a w'u bhi-bwakhat kih dhengNaan; yakhal koohmeeh w'u mihh wu woo dhighin yill mhize, bhi nyi p'ee dhen a w'u wu-woo kih dhengNaan zag.
19“Dyi zag ih kihh satt wunn ih le, mihh vel dhighin wunn se dhighin yill mhize wu l'e pwoo wu kihshag dhighin dhangNaan p'ee mee'bii, bhi Daa w'u tihngg kih dhengg p'ee sh'in nyi wunn. 20P'ee pee w'u gurum vel kooh kunn mwopp kukhur diy dhighin shumm nah, bhi a'n nhighin naar mwopp.”
Shumpwoo kaah kromm gushiin-kaahdhoonn
21Bhi Bitrus ji kihpee Jesu diy bhi nang phi nyi le, “Gwoohyon, em'naa kihh mak sh'in wu'bis a'n a yit k'ong ayeh bhi ih kihh fwa nyi vitt? Kihh mak wull harr yit pwoghovel aa'?”
22Jesu lapp nyi satt le, “Ih kihh satt gha, baah a yit pwoghovel kyekk mou, a laar pwoghovel yit pwoghovel#18:22 Pakk r'an ni kihh satt le a “laar pwoghovel kihh pwoghovel.”.
23“Pee'mhinyi bhi a'n p'ee mak kattshiiy dhenglong khi Naan a sh'i m'ee miskakhamm w'u kihh t'ang nangshiiy shaghal keeniy w'u sarr m'ee kromm keeniy mwopp. 24Kaarooh miskakhamm ni y'aa nangshiiy shaghal ni phi mwopp, bhi mwopp ji kihh m'ee kromm w'u kihh kaatt mhi millyon kaghapaad kihkyeen miskakhamm ni. 25Dhangg kaarooh baah kromm ni mak kwat kaatt nyi mou, bhi miskakhamm ni gab'waar tihh mwopp seett diy kihh nyi, kihhsheh kihh mat khinyi, kihh zhepp khinyi, kihh kapp bii w'u nyi kihh mwopp kihhdihng tihh mwopp kwat kaatt ni diy dyishig.
26“Bhi kromm ni sam krum kih fr'um niy y'aa so'kumbokk miskakhamm ni le, ‘Kum'bokk, ghi m'ang gung kihh a'n, bhi a'n p'ee kwat kapp kaatt ni gha.’ 27Kaah guluh ni dhoonn kih kromm ni, bhi fwah kaatt ni nyi, bhi yet kromm ni mwan.
28“Dhangg kaarooh kromm ni putt, bhi kang kihh m'ee wu'nin kromm w'u kihh kaatt khinyi mhi shaghal dinarii dhaa kihmeh. Bhi ryaghab y'aa nyi gwaghal nyakk, m'ang tookk nyi pyak, dheeh a mhi muutt, kihh satt nyi le, ‘Ghi kwat kaatt keena w'u kaah gha seh kaa ih kihh satt seh!’
29“Wu'nyee nyi kromm mhizeh sam krum kih fr'um niy tekhem nyi so'kumbokk nyi le, ‘Kum'bokk, ghi m'ang gung kihh a'n bhi a'n p'ee kwat kaatt keegha ni gha.’
30“Weett kihhsheh bhi kromm mhizeh ni dh'om mou. Bhi yakhal kihh wu'nin kromm ni wurr-wurr dum l'e tihh mwopp shakhat nyi diy luh'shakhat, harr seeh gw'ar kwat kaatt ni kyes kwett dhangg. 31Kaarooh kakhar mhinyee mwopp kromm naah bii w'u yakhal seh, bhi phitukhup mwopp wad bis-bis pwetd, bhi mwopp dum yakshiiy bii mihhseh bhangg-bhangg guluh keeru.
32“Bhi guluh ni l'e tihh mwopp ji diy kihh kromm mhizeh ni riy. Bhi so'lek kromm ni le, ‘Gag m'ee kromm wu'bis, w'u bwutdhood! Hah, a'n ih fwa gag kaatt w'u kaah gha seh gha pee'rooh ghi so'kumbokk a'n. 33Bhi kan dyinn rett tihh wu'gha ghi naah chikhirr mhi wu'nak chiitt kihh rooh wu'an ih naah chikhirr keegha seh maah?’ 34Tukhup guluh ni shaan pwetd, bhi pihh kromm mhizeh ni sarr mhi-sha'khat mwopp tihh mwopp kihh nwangzheell diy nyi harr seeh p'ar w'u kwat kaatt w'u kaah niy diy seh kyess dhangg.
35“T'o, a mihhse a bii w'u Daa w'u tihngg kih dhengg p'ee sh'in kihh kooh a meeh wuh wu'rangg seh, kad dheng'pee gwoh ni fwa emnhikhin sam taah kih phider bwut niy mou.”
©️2022 Luke Initiative for Scripture Translation