Matiyu 24
24
O oko Akwilǝ Ashili
(Mar 13:1-2; Luk 21:5-6)
1Nangka Yeso ka suri Akwilǝ Ashili me, kaya nyimi teyeno, na atoma akai de nane wore kai masosowa ma Akwilǝ Ashili me. 2Na ka bekaa nee na, ‘Eya gonta pate masosowa maana? Eyang dongdong obele ying, ata baya le cale leyende kaa ayo baya aza leyende ne. Ayo bacakare ai aa pat.’
Obora ozitǝ
(Mar 13:3-13; Luk 21:7-19)
3Yeso ka ya cikǝ oyara o Zaitun, na atoma akai ne deya kai aa suk, nane beka kai na, ‘‘Bele ro, ngmǝyamea aya eza mapa maana? Eya kangza eyo wore ro odeya o, ka omare lerambo?”
4Na Yeso kabare nee, naka bekaana, “Eza na a sauwo, tana ondo rende ying ne. 5Obena aromo a cake neyo deya aa nyimi leze leng, aane beyaa na, ‘Mia Almasipu’, ka ne rendeze aromo aa cak. 6Eyo kang konaza marooka ma okara kaa ngmǝ acak azaa makara. Tana ekone boome ne, azaa obena dongdong nyimi yo ya, aa omaare tata suri. 7Aromo apeng neyo gera aromo apeng yende bete, togomo teyo gera togomo te yende bete. Ayo eza ekomo kangza, kaa o zukǝrzu adeze, a kuruwǝ. 8Aa pate ka nyimi, onna obora o zitǝa belle.
9“Malo nyimi neyo niyi ying ka gǝǝzǝ ying, aa kang wongha ying. Pate aromo yo nyana ying aza leze leng. 10A were na mea aromo acake yo rizi, neyo iri tukpwei, aa ne nyana tukpwei. 11Atoma o rendaza a cake yo susǝ, aa ne rendeze aromo a cak. 12Azaa waale ogongha araaburu, o yeme aromo acake yo kasarno. 13Aa pate ondooka wa motana aa ale omaare wayo bisǝ. 14Ayo kang baala orooka o leba o togomo te Ashili teena a pate kuruwǝ a nyimi lerambo leena. Malo o nyimi o maare de.”
Ozitǝ oo jǝng
(Mar 13:14-23; Luk 21:20-24)
15“Azaa nyimi, pate awere aaka e laka epa e berebere, o deesa ka ocara, oo ka ondo obeya angmǝ ka mawo ma Ashili Daniyel wa beye angmǝ azaa me, aa waya itǝ ara aa sangsang. Ondo o soola awa rose.#Dan 9:27; 11:31; 12:11. 16Aa andaaka neya makeke ma Yahudiya songha ne lyǝ aa mayara. 17Tana ondooka wa ya azaa akwilǝ jipi a jeka eyapa a nyimi akwilǝ me ne. 18Ondooka waya ara kangza, tana wa kuri aa jeka odibi owai ne.#Luk 17:31. 19Andaye aaka neya ka etumǝ ka ana lewanyo, neyo zitǝ. 20Bosa na Ashili tana tesong teying de aa lekoze na lengme le o teseke ne. 21Aa werename ayo kala o ara ozitǝ, ombela ooka ata aa tukǝ ezame o era obora lerambo aa deya awereena ne. Ato kang sukǝ nyimi ne dakemeeme.#Dan 12:1; T.Yoh 7:14.
22Bangka a kashe shengme sheme ne, ondo ta zene ka waa yoo bisǝ ne, obena andaaka Ashili a zaka ne rene, ayo kashe shengme sheme. 23Awere name pate ondooka wa beka aying na ‘Almasipu waana!’ Koona, ‘Awa niini!’ Tana e kabare ne. 24Ma Almasipu kaa ana o beya angmǝ ka mawo ma Ashili ma orenda kaa neyo deesa, kane ezeze mapapa ma o tesa ukpwei, adorana ne wilǝrǝ pate ka andaaka Ashili a zake, nyimi waayo ya. 25Konanna! Ma bekaa ying ka orabo.
26“Nee bekaa ying na ‘Lakana, awa niini a owake, tana e ale ne.’ Nee kang bekaa ying na, ‘Awaana ara o baasa,’ tana e kabare ne. 27Nangka malmi eze masanto aa surǝ aa dizi aa alea aza, nyimi o kurǝ o Kena ka Oromo yo itǝ.
28Pate ara aaka ekeze rene, aya ejogaale kurkǝnǝzǝng ne.
O kurǝ Kena ka Oromo
(Mar 13:24-27; Luk 21:25-28)
29“A saseya malo tomore te ozitǝ oo jǝng me,
‘ongme to kang ya masanto ne,
oreka kangza wato nya masanto ne.
Aa ewerewere yo tǝǝrǝ aa surǝ azaa shili,
ayo zukǝ pate obare ooka waya azaa shili.’#Ish 13:10; 34:4; Ezek 32:7; Joy 2:10; 3:4; 3:15; T.Yoh 3:12-13.
30Awere namea ayo laka o surǝ o Kena ka Oromo aaka surǝ aza shili, pate aleng aa lerambo leena neyo ruuzi, neyo laka Kena ka Oromo aa kaya deya aza mawere, ka obare kaa togomo tee gong.#Dan 7:13; Zak 12:10-14; T.Yoh 1:7. 31Wayo tongha atoma kai o dera lepung kane ulbi tojebe ajǝng, aa ne kurki andaaka aa zaka o era aa ara o susǝ ongme, kaa ara o tǝǝru ongme, aa kulu arungji kaa kulu ayarbawa o lerambo leena.
Epa eeka o eka oo baala azaa uti uli
(Mar 13:28-31; Luk 21:29-33)
32Jeka na eyapa a uti uli. Aa e bana ee obara o sara, kane sǝǝrǝ marane maa sau, ee rosa obena lekoze le amara naname. 33Nyimia awereaka ee laka pate epanana, eyo rosa obena awere a amara, aa bengmǝ be abuudu. 34Ang dongdong ya baala oying, awereena ta kala ne seeka epanana apate eye. 35Shili kaa deze yo maro, aa angmǝ ang to tukǝ omaro ne dakemeeme.
Ondo ta rosa lengme na awere ne
(Mar 13:32-37; Luk 17:26-30,34-36)
36“Ondo ta rosa lengme leme na awereme ne, koona atoma odera lepung ka neya azaa shili, koona Kena kame, seena Ate me belle. 37Waye na nangka a eze awere a Nuhu, nyimia o kurǝ Kena ka Oromo yo za. 38Wa kang ya na tomore tennamea zongka manyi maa gong bore, aya lyelyeeza, aa sosoza, aya nyaza aa angza andaaye, aa dukǝ lengme leeka Nuhu wa lyǝ o onggo o taara manyi. 39Zongka ne rose epa eka eya ale ne, seena manyi maa gong mame lye ne apat. Nyimia o kurǝ o Kena ka Oromo yo za. 40Awerenamea, ayo mana aromo leere ara a ogole, ayo jeka oyende, aa baya oyende. 41Ayo laka andaaye leere aa neya nyanta o nyanto, ayo jeka oyende, aa baya oyende.
42Azaa nyimi, cikǝ na a le'enda, ka eta rosa lengme leeka Ateokora oying ya kurǝ ne. 43Rosana bena, eeya ateakwilǝ yo rosa awere aka okǝri ya deya akwilǝ wai aa lelyaare, waa yo mora aa le'enda tana a lyǝ akwilǝ awai ka eze bekǝri ne. 44Ying kangza cikǝ na ka ogoro, Kena ka Oromo ya deya awereaka ata madoola ma nyimi ne.
Ozara edang kaa o dera edang
(Luk 12:41-48)
45“Ozara o yemea o eza epa edang aa waye ka orosa, ka ateakwilǝ awai yo nya wai le onta le akwilǝ awai, ka wa nyaza odangare azara me epaolya a were aka wa gwara?” 46O kona oleba ya aza ozara oka ateakwilǝ awai yo kurǝ awa mana wai awa ya eza nyimi. 47Eyang dongdong baala oying, wa yo ote wai aza ekeeya e wai. 48Aa ozara name ondo araaburu wa za, wa yo bekaa ukpwei wai na, ‘Ateakwilǝ ta amara ka o deya ne.’ 49Aa wa bore olaza odangare azara me, awa lye, awa soze kaa ana ososoza. 50Ateakwilǝ ozara me yo deya a lengme leeka ata madoola ma o deya wai ne, awere aka wata rosa ne. 51Ka wa daara wai lepung ka lesaro, aa wa nya wai epa eka e gwara ka ana araaburu. Aa arame ayo ruuzi ka o nongza tuuni.”
©️2022 Luke Initiative for Scripture Translation
Matiyu 24
24
O oko Akwilǝ Ashili
(Mar 13:1-2; Luk 21:5-6)
1Nangka Yeso ka suri Akwilǝ Ashili me, kaya nyimi teyeno, na atoma akai de nane wore kai masosowa ma Akwilǝ Ashili me. 2Na ka bekaa nee na, ‘Eya gonta pate masosowa maana? Eyang dongdong obele ying, ata baya le cale leyende kaa ayo baya aza leyende ne. Ayo bacakare ai aa pat.’
Obora ozitǝ
(Mar 13:3-13; Luk 21:7-19)
3Yeso ka ya cikǝ oyara o Zaitun, na atoma akai ne deya kai aa suk, nane beka kai na, ‘‘Bele ro, ngmǝyamea aya eza mapa maana? Eya kangza eyo wore ro odeya o, ka omare lerambo?”
4Na Yeso kabare nee, naka bekaana, “Eza na a sauwo, tana ondo rende ying ne. 5Obena aromo a cake neyo deya aa nyimi leze leng, aane beyaa na, ‘Mia Almasipu’, ka ne rendeze aromo aa cak. 6Eyo kang konaza marooka ma okara kaa ngmǝ acak azaa makara. Tana ekone boome ne, azaa obena dongdong nyimi yo ya, aa omaare tata suri. 7Aromo apeng neyo gera aromo apeng yende bete, togomo teyo gera togomo te yende bete. Ayo eza ekomo kangza, kaa o zukǝrzu adeze, a kuruwǝ. 8Aa pate ka nyimi, onna obora o zitǝa belle.
9“Malo nyimi neyo niyi ying ka gǝǝzǝ ying, aa kang wongha ying. Pate aromo yo nyana ying aza leze leng. 10A were na mea aromo acake yo rizi, neyo iri tukpwei, aa ne nyana tukpwei. 11Atoma o rendaza a cake yo susǝ, aa ne rendeze aromo a cak. 12Azaa waale ogongha araaburu, o yeme aromo acake yo kasarno. 13Aa pate ondooka wa motana aa ale omaare wayo bisǝ. 14Ayo kang baala orooka o leba o togomo te Ashili teena a pate kuruwǝ a nyimi lerambo leena. Malo o nyimi o maare de.”
Ozitǝ oo jǝng
(Mar 13:14-23; Luk 21:20-24)
15“Azaa nyimi, pate awere aaka e laka epa e berebere, o deesa ka ocara, oo ka ondo obeya angmǝ ka mawo ma Ashili Daniyel wa beye angmǝ azaa me, aa waya itǝ ara aa sangsang. Ondo o soola awa rose.#Dan 9:27; 11:31; 12:11. 16Aa andaaka neya makeke ma Yahudiya songha ne lyǝ aa mayara. 17Tana ondooka wa ya azaa akwilǝ jipi a jeka eyapa a nyimi akwilǝ me ne. 18Ondooka waya ara kangza, tana wa kuri aa jeka odibi owai ne.#Luk 17:31. 19Andaye aaka neya ka etumǝ ka ana lewanyo, neyo zitǝ. 20Bosa na Ashili tana tesong teying de aa lekoze na lengme le o teseke ne. 21Aa werename ayo kala o ara ozitǝ, ombela ooka ata aa tukǝ ezame o era obora lerambo aa deya awereena ne. Ato kang sukǝ nyimi ne dakemeeme.#Dan 12:1; T.Yoh 7:14.
22Bangka a kashe shengme sheme ne, ondo ta zene ka waa yoo bisǝ ne, obena andaaka Ashili a zaka ne rene, ayo kashe shengme sheme. 23Awere name pate ondooka wa beka aying na ‘Almasipu waana!’ Koona, ‘Awa niini!’ Tana e kabare ne. 24Ma Almasipu kaa ana o beya angmǝ ka mawo ma Ashili ma orenda kaa neyo deesa, kane ezeze mapapa ma o tesa ukpwei, adorana ne wilǝrǝ pate ka andaaka Ashili a zake, nyimi waayo ya. 25Konanna! Ma bekaa ying ka orabo.
26“Nee bekaa ying na ‘Lakana, awa niini a owake, tana e ale ne.’ Nee kang bekaa ying na, ‘Awaana ara o baasa,’ tana e kabare ne. 27Nangka malmi eze masanto aa surǝ aa dizi aa alea aza, nyimi o kurǝ o Kena ka Oromo yo itǝ.
28Pate ara aaka ekeze rene, aya ejogaale kurkǝnǝzǝng ne.
O kurǝ Kena ka Oromo
(Mar 13:24-27; Luk 21:25-28)
29“A saseya malo tomore te ozitǝ oo jǝng me,
‘ongme to kang ya masanto ne,
oreka kangza wato nya masanto ne.
Aa ewerewere yo tǝǝrǝ aa surǝ azaa shili,
ayo zukǝ pate obare ooka waya azaa shili.’#Ish 13:10; 34:4; Ezek 32:7; Joy 2:10; 3:4; 3:15; T.Yoh 3:12-13.
30Awere namea ayo laka o surǝ o Kena ka Oromo aaka surǝ aza shili, pate aleng aa lerambo leena neyo ruuzi, neyo laka Kena ka Oromo aa kaya deya aza mawere, ka obare kaa togomo tee gong.#Dan 7:13; Zak 12:10-14; T.Yoh 1:7. 31Wayo tongha atoma kai o dera lepung kane ulbi tojebe ajǝng, aa ne kurki andaaka aa zaka o era aa ara o susǝ ongme, kaa ara o tǝǝru ongme, aa kulu arungji kaa kulu ayarbawa o lerambo leena.
Epa eeka o eka oo baala azaa uti uli
(Mar 13:28-31; Luk 21:29-33)
32Jeka na eyapa a uti uli. Aa e bana ee obara o sara, kane sǝǝrǝ marane maa sau, ee rosa obena lekoze le amara naname. 33Nyimia awereaka ee laka pate epanana, eyo rosa obena awere a amara, aa bengmǝ be abuudu. 34Ang dongdong ya baala oying, awereena ta kala ne seeka epanana apate eye. 35Shili kaa deze yo maro, aa angmǝ ang to tukǝ omaro ne dakemeeme.
Ondo ta rosa lengme na awere ne
(Mar 13:32-37; Luk 17:26-30,34-36)
36“Ondo ta rosa lengme leme na awereme ne, koona atoma odera lepung ka neya azaa shili, koona Kena kame, seena Ate me belle. 37Waye na nangka a eze awere a Nuhu, nyimia o kurǝ Kena ka Oromo yo za. 38Wa kang ya na tomore tennamea zongka manyi maa gong bore, aya lyelyeeza, aa sosoza, aya nyaza aa angza andaaye, aa dukǝ lengme leeka Nuhu wa lyǝ o onggo o taara manyi. 39Zongka ne rose epa eka eya ale ne, seena manyi maa gong mame lye ne apat. Nyimia o kurǝ o Kena ka Oromo yo za. 40Awerenamea, ayo mana aromo leere ara a ogole, ayo jeka oyende, aa baya oyende. 41Ayo laka andaaye leere aa neya nyanta o nyanto, ayo jeka oyende, aa baya oyende.
42Azaa nyimi, cikǝ na a le'enda, ka eta rosa lengme leeka Ateokora oying ya kurǝ ne. 43Rosana bena, eeya ateakwilǝ yo rosa awere aka okǝri ya deya akwilǝ wai aa lelyaare, waa yo mora aa le'enda tana a lyǝ akwilǝ awai ka eze bekǝri ne. 44Ying kangza cikǝ na ka ogoro, Kena ka Oromo ya deya awereaka ata madoola ma nyimi ne.
Ozara edang kaa o dera edang
(Luk 12:41-48)
45“Ozara o yemea o eza epa edang aa waye ka orosa, ka ateakwilǝ awai yo nya wai le onta le akwilǝ awai, ka wa nyaza odangare azara me epaolya a were aka wa gwara?” 46O kona oleba ya aza ozara oka ateakwilǝ awai yo kurǝ awa mana wai awa ya eza nyimi. 47Eyang dongdong baala oying, wa yo ote wai aza ekeeya e wai. 48Aa ozara name ondo araaburu wa za, wa yo bekaa ukpwei wai na, ‘Ateakwilǝ ta amara ka o deya ne.’ 49Aa wa bore olaza odangare azara me, awa lye, awa soze kaa ana ososoza. 50Ateakwilǝ ozara me yo deya a lengme leeka ata madoola ma o deya wai ne, awere aka wata rosa ne. 51Ka wa daara wai lepung ka lesaro, aa wa nya wai epa eka e gwara ka ana araaburu. Aa arame ayo ruuzi ka o nongza tuuni.”
©️2022 Luke Initiative for Scripture Translation