Ahi 23
23
Ahi noi Devet.
1A Huqe nge a nongu leo goro garea,
neu nain he mahogi tea.
2Mo vai eu nam eno lolo ute lombu,
me mo tomuegi eu lo mwararai wai matamata.
3Mo vurugegi na nongu mwasoana,
me mo tomuegi eu sulo turegi vovohoiana huri na henana.
4Hate huri nain dige turu na dodo,
a waluwelui asiana nain matagu tea gena gineu esi,
huri nigo mei eu;
a nom ruqi mena gaitigo ngere a gai turegu.
5Gom rarai na hinaga
lo nagoi nongu tavului vuro,
gom lai gogogi eu
me a nongu laha mo horo mwalinglingi.
6A hogo liu, a nom gareana me nom vaigarea vin huri eu vataha
na rani nongu mwasoana
me neu nain toga lolo valei Huqe
vagituei.
© Pioneer Bible Translators of Dallas, Texas, USA.