1 कुरिन्थियून 8
8
मूर्तिन खिन चढ़ाईना को खानो
1अब मूर्तिन का सामुनि बलि चढ़ाईना चीजून का बारिमें हम जाणनू कि हम सब ज्ञानी छा। सच्ची में ज्ञान हमून घमंडी बनूछो जब की प्रेम हमून एक-दुसारा खिन मददगार बनूछो। 2अगर कोई समझछो कि उ कै जाणछो, त उ ऐल तक यो कैले नै जाणनो जसो जाणू चैछो। 3लेकिन अगर कोई परमेश्वर थैं प्रेम राखछो, त परमेश्वर उ आदिमी स जाणछो।
4येक कारण अब मैं मूर्तिन का सामुनि बलि चढ़ाईना का चीजूनक बारिमें तुमोरो सवालो को जबाब दीन चाछूँ। हम जाणनू कि केवल एक्कै जीवित परमेश्वर छै और यो संसार में मूर्ति बेजान छन। 5-6लेकिन फिरले, आकाश में और धरती में कई लोगून परमेश्वर और प्रभु कयी जाछो। लेकिन हमून खिन एक्कै परमेश्वर छै और उई हमोरो पिता छै। उले सब कुछ बनाछ, और हम उक द्वारा ज्यूना छा। उसीकैं हमोरो एक्कै प्रभु छै और उ यीशु मसीह छै। उक द्वारा सब कुछ बनाई ग्यो छ्यो और उक द्वारा हम ज्यूना छा।
7लेकिन हमार थ्वाड़ा विश्वासी ऐल तक नै जाणना कि मूर्तिन का पास कैले शक्ति नाहातिन, क्याखिनकि उन पैलि उन मूर्तिन की पुज करछ्या। अब जब उन, उन मूर्तिन का सामुनि बलि चढ़ाईना को खाना स खानान, जो गलत सोचनान कि उन ऐल ले उन मूर्तिन की पूजा में शामिल छन। और उन यो सोचभेरन परेशान हुनान कि अगर उन मूर्तिन को चढ़ाईना को खानो खानान त उन पाप कर चुक ग्यान। 8लेकिन खानो हमून परमेश्वरा का नजदीक नै ल्या सकनो। अगर हम ऊस नै खाना त उले कैले नुकशान नाहातिन और ऊस अगर हम खानू, त उले कै फैद ले नाहातिन। 9लेकिन सतर्क रया, इसो नै हो, कि तुमेरि यो आजादी विश्वास में कमजोर लोगून खिन पाप को कारण नै बनौ। 10तुम जाणछा कि यो मूर्ति सच्ची में परमेश्वर नाहातिन, अगर कोई विश्वास में कमजोर छै, और उले तुमून वाँ खानो खान देख लीछो, त क्या ऊस मूर्तिन का सामुनि बलि चढ़ाईना की चीजून खाना की हिम्मत नी होलि, पर यो सोचून की इसो करून पाप छै। 11इसीकैं तुमार ज्ञाना का कारण जो विश्वासी भाई विश्वास में कमजोर छन उ मसीह में विश्वास करूनो बन्द कर द्योलो, जैखिन यीशु मसीह ले अपूनास बलिदान करछ्य। 12अगर हमार इसा काम करना ले हमार विश्वासी भाई अपराधी महसूस करनान, त हमुले उक खिलाफ और मसीहक खिलाफ ले पाप करछा। 13येक कारण, अगर मूर्तिन को चढ़ाईनाक खान खाना ले दुसारा विश्वासी भाई विश्वास में कमजोर हुना को कारण बनछो, त मैं इसो खाना स कभै नी खूँ ताकि मैं दुसरा विश्वासीन का विश्वास स कमजोर हुना को कारण नै बनूँ।
Soriyali New Testament (सोरियाली नय्या नियम) 2020 by The Love Fellowship is licensed under a Creative Commons Attribution-ShareAlike 4.0 International License.
1 कुरिन्थियून 8
8
मूर्तिन खिन चढ़ाईना को खानो
1अब मूर्तिन का सामुनि बलि चढ़ाईना चीजून का बारिमें हम जाणनू कि हम सब ज्ञानी छा। सच्ची में ज्ञान हमून घमंडी बनूछो जब की प्रेम हमून एक-दुसारा खिन मददगार बनूछो। 2अगर कोई समझछो कि उ कै जाणछो, त उ ऐल तक यो कैले नै जाणनो जसो जाणू चैछो। 3लेकिन अगर कोई परमेश्वर थैं प्रेम राखछो, त परमेश्वर उ आदिमी स जाणछो।
4येक कारण अब मैं मूर्तिन का सामुनि बलि चढ़ाईना का चीजूनक बारिमें तुमोरो सवालो को जबाब दीन चाछूँ। हम जाणनू कि केवल एक्कै जीवित परमेश्वर छै और यो संसार में मूर्ति बेजान छन। 5-6लेकिन फिरले, आकाश में और धरती में कई लोगून परमेश्वर और प्रभु कयी जाछो। लेकिन हमून खिन एक्कै परमेश्वर छै और उई हमोरो पिता छै। उले सब कुछ बनाछ, और हम उक द्वारा ज्यूना छा। उसीकैं हमोरो एक्कै प्रभु छै और उ यीशु मसीह छै। उक द्वारा सब कुछ बनाई ग्यो छ्यो और उक द्वारा हम ज्यूना छा।
7लेकिन हमार थ्वाड़ा विश्वासी ऐल तक नै जाणना कि मूर्तिन का पास कैले शक्ति नाहातिन, क्याखिनकि उन पैलि उन मूर्तिन की पुज करछ्या। अब जब उन, उन मूर्तिन का सामुनि बलि चढ़ाईना को खाना स खानान, जो गलत सोचनान कि उन ऐल ले उन मूर्तिन की पूजा में शामिल छन। और उन यो सोचभेरन परेशान हुनान कि अगर उन मूर्तिन को चढ़ाईना को खानो खानान त उन पाप कर चुक ग्यान। 8लेकिन खानो हमून परमेश्वरा का नजदीक नै ल्या सकनो। अगर हम ऊस नै खाना त उले कैले नुकशान नाहातिन और ऊस अगर हम खानू, त उले कै फैद ले नाहातिन। 9लेकिन सतर्क रया, इसो नै हो, कि तुमेरि यो आजादी विश्वास में कमजोर लोगून खिन पाप को कारण नै बनौ। 10तुम जाणछा कि यो मूर्ति सच्ची में परमेश्वर नाहातिन, अगर कोई विश्वास में कमजोर छै, और उले तुमून वाँ खानो खान देख लीछो, त क्या ऊस मूर्तिन का सामुनि बलि चढ़ाईना की चीजून खाना की हिम्मत नी होलि, पर यो सोचून की इसो करून पाप छै। 11इसीकैं तुमार ज्ञाना का कारण जो विश्वासी भाई विश्वास में कमजोर छन उ मसीह में विश्वास करूनो बन्द कर द्योलो, जैखिन यीशु मसीह ले अपूनास बलिदान करछ्य। 12अगर हमार इसा काम करना ले हमार विश्वासी भाई अपराधी महसूस करनान, त हमुले उक खिलाफ और मसीहक खिलाफ ले पाप करछा। 13येक कारण, अगर मूर्तिन को चढ़ाईनाक खान खाना ले दुसारा विश्वासी भाई विश्वास में कमजोर हुना को कारण बनछो, त मैं इसो खाना स कभै नी खूँ ताकि मैं दुसरा विश्वासीन का विश्वास स कमजोर हुना को कारण नै बनूँ।
Soriyali New Testament (सोरियाली नय्या नियम) 2020 by The Love Fellowship is licensed under a Creative Commons Attribution-ShareAlike 4.0 International License.