ኀበ ሰብአ ቆሮንቶስ 2 5
5
ምዕራፍ 5
በእንተ ዘብነ ተስፋ ሕይወት በሰማያት
1 #
ኢዮብ 4፥19፤ 2ጴጥ. 1፥13-14። ወነአምር ከመ ለእመሂ ተነሥተ ቤተ ማኅደርነ ዘበምድር ዘውእቱ ሥጋ#ቦ ዘኢይጽሕፍ «ዘውእቱ ሥጋ» ብነ ሕንጻ በኀበ እግዚአብሔር በሰማያት ዘኢገብሮ እደ ሰብእ። 2#1ቆሮ. 15፥18-19። ወኪያሁ ንሴፎ ንልበስ ቤተነ ዘውስተ ሰማያት ዘበእንቲኣሁ ንሰርሕ። 3ወእምከመ ለበስናሁ ኢኮነ ዘንትረከብ ዕራቃቲነ። 4#1ቆሮ. 15፥53። እስመ እንዘሂ ሀለውነ ውስተ ዝንቱ ቤት ነኀዝን ፈድፋደ እምክበደ ዚኣሁ ወኢንፈቅድ ንሰለብ ዘእንበለ ከመ ንልበስ ካልአ መልዕልቴሁ ከመ ይሠጠም መዋቲ በሕይወት። 5#1፥22፤ ሮሜ 8፥17-23፤ ኤፌ. 1፥13-14። ወውእቱ እግዚአብሔር ይረድአነ በዝንቱ ዘወሀበነ ዐረቦነ መንፈስ ቅዱስ ውስተ ልብነ። 6#ዕብ. 11፥13። ተአመኑ እንከ ወአጥብዑ በኵሉ ጊዜ ወተአምሩ እንከ ከመ እንግዳ አንትሙ ውስተ ዝንቱ ሥጋ ወትነግዱ እምነፍስትክሙ ወተሐውሩ ኀበ እግዚእነ። 7እስመ በአሚን ነሐውር ወአኮ በአድልዎ። 8#ፊልጵ. 1፥23። ወፈድፋደ ንትአመን ወንትፌሣሕ እስመ ወፂአነ እምነፍስትነ ነሐውር ኀቤሁ ወናሠምሮ ለእግዚእነ። 9ወይእዜኒ ናእኵቶ እመኒ ነገድነ ወእመኒ ሀሎነ ሎቱ ዳእሙ ናድሉ በምግባሪነ። 10#ግብረ ሐዋ. 17፥31፤ ሮሜ 2፥6፤ 14፥10። እስመ ሀለወነ ኵልነ ንቁም ቅድመ መንበረ ምኵናኑ ለክርስቶስ ከመ ንትፈደይ በከመ ገበርነ በሥጋነ እመኒ ሠናየ ወእመኒ እኩየ።
በእንተ መምህራን
11 #
ሮሜ 1፥16። ወእንበይነ ዘነአምር ጽድቀ እግዚአብሔር ወፈሪሆቶ ናአምን ሰብአ ለእግዚአብሔርሰ ንሕነ ክሡታን ሎቱ ወንትአመን ከመሂ ንትከሠት በልብክሙ። 12#3፥1። ወአኮ ዘንዌድስ ካዕበ ርእሰነ በዝንቱ በኀቤክሙ ወዳእሙ ንሁበክሙ ምክንያተ ትጽንዑ በዘትትሜክሑ ብነ አንትሙኒ ከማነ ከመ ይኩንክሙ ለኀበ እለ ይትሜክሑ ለገጽ ወአኮ ለልብ። 13እስመ ንሕነሰ ለእመኒ ኮነ አብዳነ እበድነ ለእግዚአብሔር ወእመኒ ኮነ ጠቢባነ ጥበብነ ለክሙ። 14#ዕብ. 2፥9። እስመ ፍቅረ ክርስቶስ ያጌብረነ ናጥብዕ ውስተ ዝንቱ ኅሊና እስመ አሐዱ ሞተ ቤዛ ኵሉ በዘወድአ ሞተ ኵሉ። 15#1ጢሞ. 2፥6፤ ሮሜ 14፥7-8። ውእቱ ሞተ በእንተ ኵሉ ከመ እለሂ የሐይዉ አኮ ለርእሶሙ ዘየሐይዉ ዘእንበለ ለዝኩ ዘበእንቲኣሆሙ ሞተሂ ወሐይወሂ። 16ወይእዜሰ አልቦ ዘነአምሮ በሥጋ ወእመኒ አእመርናሁ ለክርስቶስ በሥጋ እምይእዜሰ አልቦ ዘነአምሮ እንከ። 17#ኢሳ. 43፥19፤ ሮሜ 8፥1-10፤ ራእ. 21፥5። ወይእዜሰ በክርስቶስ ተሐደሰ ኵሉ ዘኮነ ወኀለፈ ዘትካት ወናሁ ኮነ ሐዲሰ ኵሉ።
በእንተ መልእክተ ሥምረት
18 #
ሮሜ 5፥10፤ ሉቃ. 2፥14። ወኵሉሰ እምኀበ እግዚአብሔር ዘአቅረበነ ኀቤሁ በክርስቶስ ወወሀበነ መልእክተ ሥምረቱ። 19#ዮሐ. 20፥21-24፤ ሮሜ 3፥24-25፤ 8፥32፤ ቈላ. 1፥19-20። እስመ ተዋለጠ እግዚአብሔር ዓለመ በክርስቶስ አናሕስዮ ኀጢአቶሙ ወኢነጺሮ ጌጋዮሙ ወረሰየ ላዕሌነ ቃለ ሥምረቱ ወወሀበነ መልእክተ ሣህሉ። 20ወንሕነሰ ንተነብል በአምሳለ ክርስቶስ ወይሁበክሙ እግዚአብሔር ፍሥሓ በላዕሌነ ወንስእለክሙ በክርስቶስ ከመ ታሥምርዎ ለእግዚአብሔር። 21#1ቆሮ. 1፥30፤ ገላ. 3፥13፤ ፊልጵ. 3፥9፤ ዕብ. 4፥15፤ 1ጴጥ. 2፥22። እስመ ዘኢየአምር ኀጢአተ ረሰየ ርእሶ ኃጥአ በእንቲኣነ ከመ ኪያነ ያጽድቀነ ለእግዚአብሔር።
ኀበ ሰብአ ቆሮንቶስ 2 5
5
ምዕራፍ 5
በእንተ ዘብነ ተስፋ ሕይወት በሰማያት
1 #
ኢዮብ 4፥19፤ 2ጴጥ. 1፥13-14። ወነአምር ከመ ለእመሂ ተነሥተ ቤተ ማኅደርነ ዘበምድር ዘውእቱ ሥጋ#ቦ ዘኢይጽሕፍ «ዘውእቱ ሥጋ» ብነ ሕንጻ በኀበ እግዚአብሔር በሰማያት ዘኢገብሮ እደ ሰብእ። 2#1ቆሮ. 15፥18-19። ወኪያሁ ንሴፎ ንልበስ ቤተነ ዘውስተ ሰማያት ዘበእንቲኣሁ ንሰርሕ። 3ወእምከመ ለበስናሁ ኢኮነ ዘንትረከብ ዕራቃቲነ። 4#1ቆሮ. 15፥53። እስመ እንዘሂ ሀለውነ ውስተ ዝንቱ ቤት ነኀዝን ፈድፋደ እምክበደ ዚኣሁ ወኢንፈቅድ ንሰለብ ዘእንበለ ከመ ንልበስ ካልአ መልዕልቴሁ ከመ ይሠጠም መዋቲ በሕይወት። 5#1፥22፤ ሮሜ 8፥17-23፤ ኤፌ. 1፥13-14። ወውእቱ እግዚአብሔር ይረድአነ በዝንቱ ዘወሀበነ ዐረቦነ መንፈስ ቅዱስ ውስተ ልብነ። 6#ዕብ. 11፥13። ተአመኑ እንከ ወአጥብዑ በኵሉ ጊዜ ወተአምሩ እንከ ከመ እንግዳ አንትሙ ውስተ ዝንቱ ሥጋ ወትነግዱ እምነፍስትክሙ ወተሐውሩ ኀበ እግዚእነ። 7እስመ በአሚን ነሐውር ወአኮ በአድልዎ። 8#ፊልጵ. 1፥23። ወፈድፋደ ንትአመን ወንትፌሣሕ እስመ ወፂአነ እምነፍስትነ ነሐውር ኀቤሁ ወናሠምሮ ለእግዚእነ። 9ወይእዜኒ ናእኵቶ እመኒ ነገድነ ወእመኒ ሀሎነ ሎቱ ዳእሙ ናድሉ በምግባሪነ። 10#ግብረ ሐዋ. 17፥31፤ ሮሜ 2፥6፤ 14፥10። እስመ ሀለወነ ኵልነ ንቁም ቅድመ መንበረ ምኵናኑ ለክርስቶስ ከመ ንትፈደይ በከመ ገበርነ በሥጋነ እመኒ ሠናየ ወእመኒ እኩየ።
በእንተ መምህራን
11 #
ሮሜ 1፥16። ወእንበይነ ዘነአምር ጽድቀ እግዚአብሔር ወፈሪሆቶ ናአምን ሰብአ ለእግዚአብሔርሰ ንሕነ ክሡታን ሎቱ ወንትአመን ከመሂ ንትከሠት በልብክሙ። 12#3፥1። ወአኮ ዘንዌድስ ካዕበ ርእሰነ በዝንቱ በኀቤክሙ ወዳእሙ ንሁበክሙ ምክንያተ ትጽንዑ በዘትትሜክሑ ብነ አንትሙኒ ከማነ ከመ ይኩንክሙ ለኀበ እለ ይትሜክሑ ለገጽ ወአኮ ለልብ። 13እስመ ንሕነሰ ለእመኒ ኮነ አብዳነ እበድነ ለእግዚአብሔር ወእመኒ ኮነ ጠቢባነ ጥበብነ ለክሙ። 14#ዕብ. 2፥9። እስመ ፍቅረ ክርስቶስ ያጌብረነ ናጥብዕ ውስተ ዝንቱ ኅሊና እስመ አሐዱ ሞተ ቤዛ ኵሉ በዘወድአ ሞተ ኵሉ። 15#1ጢሞ. 2፥6፤ ሮሜ 14፥7-8። ውእቱ ሞተ በእንተ ኵሉ ከመ እለሂ የሐይዉ አኮ ለርእሶሙ ዘየሐይዉ ዘእንበለ ለዝኩ ዘበእንቲኣሆሙ ሞተሂ ወሐይወሂ። 16ወይእዜሰ አልቦ ዘነአምሮ በሥጋ ወእመኒ አእመርናሁ ለክርስቶስ በሥጋ እምይእዜሰ አልቦ ዘነአምሮ እንከ። 17#ኢሳ. 43፥19፤ ሮሜ 8፥1-10፤ ራእ. 21፥5። ወይእዜሰ በክርስቶስ ተሐደሰ ኵሉ ዘኮነ ወኀለፈ ዘትካት ወናሁ ኮነ ሐዲሰ ኵሉ።
በእንተ መልእክተ ሥምረት
18 #
ሮሜ 5፥10፤ ሉቃ. 2፥14። ወኵሉሰ እምኀበ እግዚአብሔር ዘአቅረበነ ኀቤሁ በክርስቶስ ወወሀበነ መልእክተ ሥምረቱ። 19#ዮሐ. 20፥21-24፤ ሮሜ 3፥24-25፤ 8፥32፤ ቈላ. 1፥19-20። እስመ ተዋለጠ እግዚአብሔር ዓለመ በክርስቶስ አናሕስዮ ኀጢአቶሙ ወኢነጺሮ ጌጋዮሙ ወረሰየ ላዕሌነ ቃለ ሥምረቱ ወወሀበነ መልእክተ ሣህሉ። 20ወንሕነሰ ንተነብል በአምሳለ ክርስቶስ ወይሁበክሙ እግዚአብሔር ፍሥሓ በላዕሌነ ወንስእለክሙ በክርስቶስ ከመ ታሥምርዎ ለእግዚአብሔር። 21#1ቆሮ. 1፥30፤ ገላ. 3፥13፤ ፊልጵ. 3፥9፤ ዕብ. 4፥15፤ 1ጴጥ. 2፥22። እስመ ዘኢየአምር ኀጢአተ ረሰየ ርእሶ ኃጥአ በእንቲኣነ ከመ ኪያነ ያጽድቀነ ለእግዚአብሔር።
