ኀበ ሰብአ ቆሮንቶስ 1 15
15
ምዕራፍ 15
በእንተ አዘክሮ ትምህርት
1 #
ገላ. 1፥11-12። ወአጤይቀክሙ አኀዊነ ትምህርተ ዘመሀርኩክሙ ዘአመ ተዐሎክሙ ዘቦቱ ሀለውክሙ ወዘቦቱ ተሐይዉ። 2#1፥21። እስመ በቃልየ መሀርኩክሙ ለእመ ትዜከሩ ዘመሀርኩክሙ ወእመ አኮሰ ከንቱ ዘአመንክሙ።
በእንተ ትንሣኤሁ ለእግዚእ ወአስተርእዮቱ
3 #
ኢሳ. 53፥8-9። ናሁ መሀርኩክሙ ቅድመ ዘከመ ተመሀርኩ እስመ ክርስቶስ ሞተ በእንተ ኀጢኣትነ በከመ ይቤ መጽሐፍ። 4#መዝ. 15፥10። ወተቀብረሂ ወተንሥአሂ አመ ሣልስት ዕለት በከመ ጽሑፍ። 5#ሉቃ. 24፥33-34፤ ማር. 16፥14። ወአስተርአዮ ለጴጥሮስ ወእምዝ አስተርአዮሙ ለዐሠርቱ ወአሐዱ አርዳኢሁ። 6ወእምዝ አስተርአዮሙ ለዘይበዝኁ እምኀምስቱ ምእት ቢጽ ወመብዝኅቶሙ ሀለዉ እስከ ይእዜ ወቦ እለሂ ኖሙ። 7#ሉቃ. 24፥50። ወእምዝ አስተርአዮ ለያዕቆብ ወለኵሎሙ ሐዋርያቲሁ። 8#ግብረ ሐዋ. 9፥5። ወድኅረ ኵሎሙ አስተርአየኒ ሊተ ዘእመስል ፃእፃአ። 9#ኤፌ. 3፥8። እስመ አነ እቴሐት እምኵሎሙ ሐዋርያቲሁ ወእንዘ ኢይደልወኒ እሰመይ ሐዋርያሁ በእንተ ዘሰደድኩ ሕዝቦ። 10#2ቆሮ. 11፥23። ወባሕቱ በጸጋ እግዚአብሔር ሀሎኩ ኀበ ዘአነ ላዕሌሁ ወጸጋሁኒ ዘወሀበኒ አኮ ለከንቱ ዘኮነኒ ወባሕቱ አነ ፈድፋደ እምኵሎሙ ጻመውኩ ወአኮሰ አነ አላ ውእቱ ጸጋሁ ዘላዕሌየ። 11ወአነሂ ይእዜ ወእሙንቱሂ ከመዝ ንሜህር ወአንትሙኒ ከመዝ አመንክሙ።
በእንተ ሕይወተ ሙታን
12ወእምከመሰ ንሜህር ለባዕድ ወንብል ተንሥአ ክርስቶስ እምዉታን በእፎ እንከ ሀለዉ እምውስቴትክሙ እለ ይብሉ ኢየሐይዉ ምዉታን። 13ወእመሰ ኢየሐይዉ ምዉታን ክርስቶስኒ ኢተንሥአ እምዉታን። 14ወእመሰኬ ክርስቶስ ኢተንሥአ እምዉታን ከንቱ ውእቱ ትምህርትነ ወከንቶ ተአመንክሙ ቦቱ። 15#ግብረ ሐዋ. 3፥15። ወንሕነኒ ኮነ ሰማዕተ ሐሰት ላዕለ እግዚአብሔር እስመ ንቤ አንሥኦ ለክርስቶስ ዘኢያንሥኦኑ እንከ።#ቦ ዘይዌስክ «ወኢይትነሥኡኑ እንከ ምዉታን» 16#ሮሜ 8፥11። ወእመሰ ኢይትነሥኡ ምዉታን ክርስቶስኬ ኢተንሥአ እምዉታን። 17ወእመሰ ክርስቶስ ኢተንሥአ እምዉታን ከንቱ ሃይማኖትክሙ ወዓዲክሙ ሀሎክሙ ውስተ ኀጢአትክሙ። 18ወእለሂ ኖሙ በክርስቶስ ተኀጕሉኬ እንከ። 19#መዝ. 24፥10። ወእምከመሰ በዝንቱ ሕይወትነ ባሕቲቱ ተወከልነ በክርስቶስ ፈድፈደ ሣህልነ እምኵሉ ሰብእ። 20#ግብረ ሐዋ. 26፥23። ወይእዜኒ ክርስቶስ ቀደመ ተንሥኦ እምኵሎሙ ሰብእ ምዉታን። 21#ዘፍ. 3፥19፤ ሮሜ 5፥12-21። እስመ በአሐዱ ብእሲ ኮነ ሞት ወበካልኡ ብእሲ ኮነ ትንሣኤ እምዉታን። 22#ሮሜ 5፥21። ወበከመ በአሐዱ#ቦ ዘይቤ «በእንተ አዳም» አዳም ኵልነ ንመውት ከማሁ በክርስቶስ ኵልነ ነሐዩ። 23#1ተሰ. 4፥14። ወኵሉ ሰብእ በበሥርዐቱ ቀዳሚ ክርስቶስ ውእቱ ዘተንሥአ እምዉታን ወእምዝ እለ በክርስቶስ በምጽአቱ። 24አሜሃ ይከውን ማኅለቅት አመ ተወፈየ እግዚአብሔር አብ መንግሥቶ ወአመ ተስዕረ ኵሉ መኰንን ወኵሉ ንጉሥ ወኵሉ ኀይል። 25#ማቴ. 22፥44፤ መዝ. 109፥1። እስመ ሀለዎ ይንግሥ እስከ አመ ይገብኡ ኵሉ ጸላእቱ ታሕተ እገሪሁ። 26#መዝ. 8፥7፤ ራእ. 20፥14፤ 21፥4። ወእምዝ ይሰዐር ደኃሪ ጸላኢ ዘውእቱ ሞት። 27እንዘሂ ያገርር ኵሎ ታሕተ እገሪሁ ወአመ ይቤ ኵሉ ይገርር ሎቱ ወባሕቱ ይትዐወቅ ከመ ይንእስ እምዘአግረረ ሎቱ ኵሎ። 28#ማቴ. 16፥21፤ ዮሐ. 13፥30፤ ዕብ. 2፥7-10። ወአመ ኵሉ ገነየ ሎቱ ይእተ ዕለተ ወልድኒ ይገኒ ለዘአግነየ ሎቱ ኵሎ ከመ ይኩን እግዚአ#ቦ ዘይቤ «እግዚአብሔር» በኵሉ ወላዕለ ኵሉ። 29#ቈላ. 2፥12፤ ሮሜ 6፥3-5። ወእመ አኮሰ ከመ ምንትኑ ያጠምቁ አኮኑ ከመ የሐይዉ ምዉታን ወእመሰኬ ኢይትነሥኡ ምዉታን ለምንትኑ እንከ ያጠምቁ። 30#ሮሜ 8፥36፤ መዝ. 43፥23። ወለምንትኑ እንከ ንሕነኒ ንሰርሕ ኵሎ ዕለተ ወንትቀተልሂ። 31#1ተሰ. 2፥19፤ 2ቆሮ. 4፥10-11። ወበእንተሂ ምክሕነ አኀዊነ ዘበኢየሱስ ክርስቶስ እግዚእነ። 32#2ጢሞ. 4፥17። ቦኑ ለአድልዎ ለሰብእ ተበአስኩ ምስለ አርዌ በኤፌሶን ምንተ እንከ ይበቍዐኒ ለእመ ኢየሐይዉ ምዉታን። 33#ኢሳ. 22፥13፤ ኤፌ. 5፥6። «ንብላዕ ወንስተይ ጌሠመ ንመውት» ኢያስሕቱክሙ አኀዊነ እስመ ነገር እኩይ ግዕዘ ሠናየ ያማስን።
ትምህርተ አምሳል በእንተ ትንሣኤ
34 #
ማቴ. 25፥23፤ ራእ. 3፥2። ትግሁ ለጽድቅ ወኢትስሐቱ እስመ ቦ ሰብእ እለ ኢየአምርዎ ለእግዚአብሔር። 35ወባሕቱ እብለክሙ ከመ ትኅፈሩ ሀሎ ዘይብል እፎ ይትነሥኡ ምዉታን ወበአይ ነፍስቶሙ የሐይዉ። 36#ዮሐ. 12፥24። ኦ አብድ አንተ ዘትዘርዕ ኢየሐዩ ለእመ ኢሞተ። 37#ዘፍ. 1፥11። ወዝኒ ዘትዘርዕ አኮ ዝንቱ ነፍስት ዘይትወለድ ዘትዘርዕ ዳእሙ ዕራቃ ሕጠት እመኒ ዘሥርናይ ወእመኒ ዘባዕድ። 38ወእግዚአብሔር ይሁቦ ነፍስተ ዘከመ ፈቀደ ወለለ አሐዱ ዘርዕ ዘዘዚኣሁ ነፍስቱ እስመ ኢኮነ አሐደ ሥጋሁ ለነፍስተ ኵሉ። 39ካልእ ዘሰብእ ወካልእ ሥጋ እንስሳ ወካልእ ዘዖፍ ሥጋሁ ወካልእ ነፍስተ ዓሣ። 40ወካልእ ነፍስት ዘበምድር ወካልእ ዘበሰማይ ካልእ ክብሩ ለዘበሰማይ ወካልእ ክብሩ ለዘበምድር። 41ካልእ ክብሩ ለፀሓይ ወካልእ ክብሩ ለወርኅ ወካልእ ክብሮሙ ለከዋክብት ኮከብ እምኮከብ ይኄይስ ክብሩ። 42ከማሁኬ ተንሥኦቶሙ ለምዉታን ይዘራዕ በዘይማስን ወይትነሥእ በዘኢይማስን። 43#ፊልጵ. 3፥20-21። ይዘራዕ በኀሣር ወይትነሣእ በክብር ይዘራዕ በድካም ወይትነሣእ በኀይል። 44ይዘራዕ በሥጋ ዘነፍስ ወይትነሣእ በሥጋ ዘመንፈስ እስመ ቦ ሥጋ ዘነፍስ ወቦ ሥጋ ዘመንፈስ። 45#ዘፍ. 1፥26፤ 2ቆሮ. 3፥17። እስመ ከማሁ ይቤ መጽሐፍ ተፈጥረ አዳም ቀዳሚ ብእሲ ዘነፍስ ሕያው ወደኃራዊ ብእሲ ዘመንፈስ የሐዩ። 46ወአኮ ቀዳሚ ዘመንፈስ ዘነፍስ ቀደመ ወእምዝ ዘመንፈስ። 47ቀዳማዊ ብእሲ እምድር መሬታዊ ወዳግም ብእሲ እምሰማይ ሰማያዊ። 48በከመ ዝኩ መሬታዊ ከማሁ መሬታውያን ወበከመ ዝኩ ሰማያዊ ከማሁ ሰማያውያን። 49ወበከመ ለበስነ አምሳሊሁ ለመሬታዊ ከማሁ ንለብስ አምሳሊሁ ለሰማያዊ። 50#ዮሐ. 1፥13። ወዘንተ ንብለክሙ አኀዊነ ከመ ዘሥጋ ወደም ኢይወርስ መንግሥተ እግዚአብሔር ወዘይማስን ኢይወርስ ዘኢይማስን።
በእንተ ኅቡእ ነገር
51ናሁ ኅቡአ ነገረ እነግረክሙ አኮ ኵልነ ዘንመውት። 52#ማቴ. 24፥31፤ 1ተሰ. 4፥16። ወባሕቱ ኵልነ ንትዌለጥ በምዕር ከመ ቅጽበተ ዐይን በደኃሪ ንፍኀተ ቀርን ወይነፍኁ ቀርነ ወይትነሥኡ ምዉታን እንዘ ኢይትነከዩ ወንሕነኒ ንትዌለጥ። 53#2ቆሮ. 5፥3-5። እስመ ሀለዎ ለዝንቱ ዘይማስን ይልበስ ዘኢይማስን ወዝንቱ መዋቲ ይልበስ ዘኢይመውት። 54#ኢሳ. 25፥8። ወአመ ለብሰ ዝንቱ መዋቲ ዘኢይመውት ውእተ አሚረ ይበጽሕ ቃል ዘተጽሕፈ «ተሠጥመ ሞት ውስተ ሙኣት። 55#ሆሴ. 13፥14። አይቴ እንከ ቀኖትከ ሞት ወአይቴ መዊኦትከ ሲኦል።» 56#ሮሜ 7፥13። ወቀኖቱሰ ለሞት ኀጢአት ወኀይላኒ ለኀጢአት ኦሪት። 57ወለእግዚአብሔር አኰቴት ዘወሀበነ ንማእ በእግዚእነ ኢየሱስ ክርስቶስ። 58#2ዜና መዋ. 15፥7። ወይእዜኒ አኀዊነ ፍቁራን ኩኑ ጽኑዓነ ወድልዋነ ወኢታንቀልቅሉ እምሃይማኖት ወአብዝኁ ገቢረ ሠናይ ለእግዚአብሔር ዘልፈ ተአምሩ ከመ ኢኮነ ለከንቱ ዘጻመውክሙ በእንተ እግዚእነ።
