Kula ɗa Njeka̰ykulaje 9
9
Mbəl kəji lə Sɔl
Kɗn 22.3-16; 26.9-20; Gal 1.1-16
1Dɔ ndɔ-ɛje gə nee le ɗaa kəji sangə ɗəw mba tɔl ngan njenendoje lə Mbayɓe uwa mə Sɔl ɓi. Be ɓa n-aw n-inga buba njekapolo, 2n-dəj-e mba kar ɗa mbede un ne ɗəw kar n-aw ne kəy nendo gə Damasə, mba kinga nje gə kɛm, jingawje gə jeneje, gə d-un ɗəw gə əng le, ɓo ꞌga̰ nama tuwa-je tɔ-je ɗe gə je Jerujalɛm.
3Logə n-aw n-nja ɗəw boo be, gə nay əw ang mba kandə Damasə ɗaa ndogo ḭ dara bus baa ɗe uru dɔ-ɛ gə ɗaa gugu-e mbugu. 4N-ce n-oso nangə ɗaa n-o ndu dəw pa ar-ɛ na: Sɔl, Sɔl, mba ɗi ɓa ula kəm-m ndoo wa? 5Ɗaa n-pa na: Mbayɓe, ꞌi ꞌto na wa? Cibi Mbayɓe pa na: ꞌMa m-to Jeju gə ula kəm-m ndoo. 6Ngaa ḭ taar ɓo andə mə ɓebo gə ɗaa d-a kula-i ne gə a ɗa. 7Dəwje gə d-aw sə-a le ɓəəl unda-je gangə-je ar d-ar nangə ta-je munduru ngaɓa d-o ndu dəw gə pa tar le ngaa d-o darɔ-ɛ ang. 8Be ɓa Sɔl uba nangə ḭ taar ɗaa kəm-e to tagəra ja ngaa o ne kara ang ɗaa d-uwa ji-a gə kuwa ɓa d-aw sə-a Damasə. 9N-ɗa ndɔ munda lal ko lo ngaɓa n-usa ne ang nəm n-ay man ang nəm tɔ.
10Ngon njenendo kara ri-a na Ananiyas ga̰ Damasə. Mbayɓe ce dɔ-ɛ gə ar-ɛ o ne lokiya gə na: Ananiyas, ɗaa n-njigi na: Mbayɓe, m-ar nee. 11Ɗaa Mbayɓe pa ar-ɛ na: Ḭ taar, aw ɗəw gə d-unda ri-a na to ndərəng, aw kəy lə Judas, ꞌdəji dəw kara ri-a na Sɔl gə Tarəsə. 12Mba n-aw n-dəji Luba ngaɓa n-o dəw kara mə ne gə n-o lokiya gə ri-a na Ananiyas andə kəy ngaɓa ila ji-a dɔ-ɛ gə mba kar n-təl n-o lo. 13Ananiyas ila kəne na: Mbayɓe, dəw gə nee le m-o tar lə-a ta dəwje gə bula to gə n-ula kəm njerɔsangəje gə Jerujalɛm ndoo ya̰. 14Ngaɓa buba njekapoloje d-un ndu d-ar-ɛ n-ɗe nee mba kar n-tuwa ne dəwje tɔ̰y gə ꞌɓar ri-i. 15Ngaa Mbayɓe təl pa ar-ɛ na: Aw, mba dəw nee le ꞌma ja m-mbər-e gə neɗa kula lə-m, mba kar n-un ri-m n-aw ne no dəwje gə ꞌgərə Luba ang gə, gə no mbayje gə, ɓa no ngan Ijirayɛlje gə; 16ɗaa m-a tɔj-ɛ ne ꞌməsərə gə ɗa-ɗa gə n-a ko mba ri-m.
17Be ɓa Ananiyas ɔdə aw ngaɓa logə ce mə kəy gə le ɗaa ila ji-a dɔ Sɔl gə le ngaɓa pa na: Ngon ko̰-m Sɔl, ɗe lə-i le Mbayɓe Jeju ce dɔ-i gə dɔ ɗəw gə aw ɗe ne gə le, n-ula-m mba kar kəm-i təl o lo ngaɓa kar Njil Njerɔsangə ɗusu mə-i tɔ. 18Dɔ kar-ɛ gə nee ja ne ce kəm-e gə to to gə nguway kənji be gə̰y nangə ɗaa n-təl n-o lo. Be ɓa n-ḭ taar ɗaa ꞌɗ-ɛ batɛm, 19ngaɓa logə n-usa ne ɗaa n-təl n-inga singa gugu.
Cibi n-ɗa ndɔ ɓəəl gə ngan njenendoje gə Damasə, 20ɗaa gə tɔg-ɛ baa ja n-aw n-pa tar lə Jeju mə kəy nendoje gə to gə Jeju nee le to ngon lə Luba. 21Dəwje tɔ̰y gə d-o ndu-e le lo tar igi-je sɛl ar ꞌdəji rɔ-je tar na: ꞌNe ja ɓa n-ula kəm nje gə ɓar ri gə nee le ndoo Jerujalɛm gə ang wa? Ngaɓa n-ɗe nee mba tuwa-je tɔ-je kaw gə je no buba njekapoloje gə ang wa? 22Ngaa Sɔl inga singa gə kede-kede m-e gə ngaɓa logə tɔji to gə Jeju to Kirisi ɗaa lo tar igi Jiibije gə ɗa ɓe Damasə le sɛl.
23Logə kur-e əw ya̰ go-e gə ɗaa, Jiibije d-um njuma mə naa gə mba tɔl-ɛ, 24ngaa Sɔl gərə kum njuma mə naa gə lə-je le. ꞌNgəmje ta kəyje cil gə mba tɔl-ɛ. 25Ngaa lo ndul ɗaa ngan njenendoje d-ila-a mə karɛ gə, ꞌtɔ kula kəne ꞌɗisi-e gə ɗəw gə dɔ ndogo bɔrɔ gə.
26Ndɔ gə Sɔl ɗe ce Jerujalɛm ɗaa sangə ɗəw mba koso go ngan njenendoje gə ngaa tɔ̰y ja ꞌɓəəl-e mba ꞌta kag-ɛ to gə n-to ngon njenendo ang. 27Be ɓa Barənabas ɔr no-ɛ aw sə-a ɓə lə njeka̰ykulaje ngaɓa ɔr gəl ne gə ce dɔ-ɛ gə ɗəw boo le ar-je to gə Sɔl le o Mbayɓe, inga-a pa sə-a tar ngaɓa pa gə n-pa ne tar wəsəng Damasə gə ri Jeju. 28Sɔl nja gə je naa gə Jerujalɛm gə yo gə nee ngaɓa pa tar wəsəng gə ri Mbayɓe. 29Jiibije gə nje pa tar Gərɛgəje kara n-ma̰y gə je tar nəm ngaa ꞌjejee nee ꞌsangə ɗəw mba kar ꞌtɔl-ɛ. 30Logə ngan ko̰ naaje d-o tar-ɛ ɗaa d-ɔr-ɛ d-aw sə-a Sejare ngaɓa d-ar-ɛ n-aw Tarəsə.
Ene aji, Tabita uy ɓa ndol
31Mbo̰ naa lə njetakagəje gə Jude tɔ̰y, gə Galile gə Samari le dɔ-ɛ to ləl pɛ, inga singa, gə n-nja dan ɓəəl Mbayɓe gə ngaɓa uji mar-ɛ gə kede-kede ɗəw gə lə Njil Njerɔsangə.
32Piyɛr nja gə dɔɓe dɔɓe ngaɓa aw ɓə lə njerɔsangəje gə d-isi Lida. 33N-inga dəw kara ri-a na Ene kəne dəbə rɔ-ɛ uy ar to tuwa gə kur-e əw ɓal ji nay joo. 34Piyɛr pa ar-ɛ na: Ene, Jeju Kirisi aji-i, ḭ tar ɓo ꞌi ja ꞌkə ndag lə-i, ɗaa n-uba nangə warang n-ḭ tɔ. 35Logə nje gə d-isi Lida tɔ̰y gə nje gə mə mbo gə Saro̰ d-o-e ɗaa ꞌmbəl kəji lə-je d-ar Mbayɓe.
36Ngon njenendo gə jene kara ri-a na Tabita, gə ꞌɓar-ɛ Dɔrəkas gə tar gərɛk isi mə ɓe gə Jope. Jene nee le, ɗa neɗa gə may ya̰ ngaɓa ar njenekɔyje ne nəm. 37Ndɔ kara rɔ-ɛ to-e ɗaa n-uy. Logə ꞌndogo-e man yo ɗaa d-un nin-e d-unda mə kəy gə to dɔ mar-ɛ gə taar. 38Ngan njenendoje d-o tar lə Piyɛr gə ga̰ mə ɓe gə Lida ɗaa d-ula dəwje joo d-ar d-aw ꞌɓar-ɛ mba Lida le to əw ang gə ɓe gə Jope. Dəwje gə d-aw le ꞌpa d-ar Piyɛr na: Ḭ gə tɔg-ɛ aw gə si. 39Piyɛr uba nangə ḭ aw gə je ja tɔ. Logə ꞌce ɗaa d-aw gə Piyɛr mə kəy gə taar gə le. Jene ndubaje tɔ̰y ja ꞌɗe gə rɔ-ɛ gə gə man no kəm-je gə ngaɓa ꞌtɔj-ɛ ne kubuje gə Dɔrəkas uji ar-je. 40Be ɓa Piyɛr ar dəwje tɔ̰y ꞌce ɗaga ngaɓa um kəj-e nangə dəji Luba, cibi turu kəm-e gə dɔ nin Tabita gə le ɗaa pa na: Ḭ taar. Dɔ kar-ɛ gə nee ja Tabita cɛ̰ kəm-e o ne Piyɛr ɗaa ḭ isi taar. 41Go-e gə ɗaa Piyɛr uwa ji-a ar-ɛ n-uba nangə n-ḭ taar. Be ɓa n-ɓar njerɔsangəje gə jene ndubaje je n-ula-a ji-je gə kəm baa. 42Ne gə nee le dəwje gə Jope tɔ̰y ꞌgərə ngaɓa dəwje bula ꞌta kagə Mbayɓe. 43Piyɛr ɗa ndɔ ɓəl mə ɓe gə Jope mə kəy gə lə Simo gə njekunda ndaar.
© 2020, ATALTRAB. All rights reserved
Kula ɗa Njeka̰ykulaje 9
9
Mbəl kəji lə Sɔl
Kɗn 22.3-16; 26.9-20; Gal 1.1-16
1Dɔ ndɔ-ɛje gə nee le ɗaa kəji sangə ɗəw mba tɔl ngan njenendoje lə Mbayɓe uwa mə Sɔl ɓi. Be ɓa n-aw n-inga buba njekapolo, 2n-dəj-e mba kar ɗa mbede un ne ɗəw kar n-aw ne kəy nendo gə Damasə, mba kinga nje gə kɛm, jingawje gə jeneje, gə d-un ɗəw gə əng le, ɓo ꞌga̰ nama tuwa-je tɔ-je ɗe gə je Jerujalɛm.
3Logə n-aw n-nja ɗəw boo be, gə nay əw ang mba kandə Damasə ɗaa ndogo ḭ dara bus baa ɗe uru dɔ-ɛ gə ɗaa gugu-e mbugu. 4N-ce n-oso nangə ɗaa n-o ndu dəw pa ar-ɛ na: Sɔl, Sɔl, mba ɗi ɓa ula kəm-m ndoo wa? 5Ɗaa n-pa na: Mbayɓe, ꞌi ꞌto na wa? Cibi Mbayɓe pa na: ꞌMa m-to Jeju gə ula kəm-m ndoo. 6Ngaa ḭ taar ɓo andə mə ɓebo gə ɗaa d-a kula-i ne gə a ɗa. 7Dəwje gə d-aw sə-a le ɓəəl unda-je gangə-je ar d-ar nangə ta-je munduru ngaɓa d-o ndu dəw gə pa tar le ngaa d-o darɔ-ɛ ang. 8Be ɓa Sɔl uba nangə ḭ taar ɗaa kəm-e to tagəra ja ngaa o ne kara ang ɗaa d-uwa ji-a gə kuwa ɓa d-aw sə-a Damasə. 9N-ɗa ndɔ munda lal ko lo ngaɓa n-usa ne ang nəm n-ay man ang nəm tɔ.
10Ngon njenendo kara ri-a na Ananiyas ga̰ Damasə. Mbayɓe ce dɔ-ɛ gə ar-ɛ o ne lokiya gə na: Ananiyas, ɗaa n-njigi na: Mbayɓe, m-ar nee. 11Ɗaa Mbayɓe pa ar-ɛ na: Ḭ taar, aw ɗəw gə d-unda ri-a na to ndərəng, aw kəy lə Judas, ꞌdəji dəw kara ri-a na Sɔl gə Tarəsə. 12Mba n-aw n-dəji Luba ngaɓa n-o dəw kara mə ne gə n-o lokiya gə ri-a na Ananiyas andə kəy ngaɓa ila ji-a dɔ-ɛ gə mba kar n-təl n-o lo. 13Ananiyas ila kəne na: Mbayɓe, dəw gə nee le m-o tar lə-a ta dəwje gə bula to gə n-ula kəm njerɔsangəje gə Jerujalɛm ndoo ya̰. 14Ngaɓa buba njekapoloje d-un ndu d-ar-ɛ n-ɗe nee mba kar n-tuwa ne dəwje tɔ̰y gə ꞌɓar ri-i. 15Ngaa Mbayɓe təl pa ar-ɛ na: Aw, mba dəw nee le ꞌma ja m-mbər-e gə neɗa kula lə-m, mba kar n-un ri-m n-aw ne no dəwje gə ꞌgərə Luba ang gə, gə no mbayje gə, ɓa no ngan Ijirayɛlje gə; 16ɗaa m-a tɔj-ɛ ne ꞌməsərə gə ɗa-ɗa gə n-a ko mba ri-m.
17Be ɓa Ananiyas ɔdə aw ngaɓa logə ce mə kəy gə le ɗaa ila ji-a dɔ Sɔl gə le ngaɓa pa na: Ngon ko̰-m Sɔl, ɗe lə-i le Mbayɓe Jeju ce dɔ-i gə dɔ ɗəw gə aw ɗe ne gə le, n-ula-m mba kar kəm-i təl o lo ngaɓa kar Njil Njerɔsangə ɗusu mə-i tɔ. 18Dɔ kar-ɛ gə nee ja ne ce kəm-e gə to to gə nguway kənji be gə̰y nangə ɗaa n-təl n-o lo. Be ɓa n-ḭ taar ɗaa ꞌɗ-ɛ batɛm, 19ngaɓa logə n-usa ne ɗaa n-təl n-inga singa gugu.
Cibi n-ɗa ndɔ ɓəəl gə ngan njenendoje gə Damasə, 20ɗaa gə tɔg-ɛ baa ja n-aw n-pa tar lə Jeju mə kəy nendoje gə to gə Jeju nee le to ngon lə Luba. 21Dəwje tɔ̰y gə d-o ndu-e le lo tar igi-je sɛl ar ꞌdəji rɔ-je tar na: ꞌNe ja ɓa n-ula kəm nje gə ɓar ri gə nee le ndoo Jerujalɛm gə ang wa? Ngaɓa n-ɗe nee mba tuwa-je tɔ-je kaw gə je no buba njekapoloje gə ang wa? 22Ngaa Sɔl inga singa gə kede-kede m-e gə ngaɓa logə tɔji to gə Jeju to Kirisi ɗaa lo tar igi Jiibije gə ɗa ɓe Damasə le sɛl.
23Logə kur-e əw ya̰ go-e gə ɗaa, Jiibije d-um njuma mə naa gə mba tɔl-ɛ, 24ngaa Sɔl gərə kum njuma mə naa gə lə-je le. ꞌNgəmje ta kəyje cil gə mba tɔl-ɛ. 25Ngaa lo ndul ɗaa ngan njenendoje d-ila-a mə karɛ gə, ꞌtɔ kula kəne ꞌɗisi-e gə ɗəw gə dɔ ndogo bɔrɔ gə.
26Ndɔ gə Sɔl ɗe ce Jerujalɛm ɗaa sangə ɗəw mba koso go ngan njenendoje gə ngaa tɔ̰y ja ꞌɓəəl-e mba ꞌta kag-ɛ to gə n-to ngon njenendo ang. 27Be ɓa Barənabas ɔr no-ɛ aw sə-a ɓə lə njeka̰ykulaje ngaɓa ɔr gəl ne gə ce dɔ-ɛ gə ɗəw boo le ar-je to gə Sɔl le o Mbayɓe, inga-a pa sə-a tar ngaɓa pa gə n-pa ne tar wəsəng Damasə gə ri Jeju. 28Sɔl nja gə je naa gə Jerujalɛm gə yo gə nee ngaɓa pa tar wəsəng gə ri Mbayɓe. 29Jiibije gə nje pa tar Gərɛgəje kara n-ma̰y gə je tar nəm ngaa ꞌjejee nee ꞌsangə ɗəw mba kar ꞌtɔl-ɛ. 30Logə ngan ko̰ naaje d-o tar-ɛ ɗaa d-ɔr-ɛ d-aw sə-a Sejare ngaɓa d-ar-ɛ n-aw Tarəsə.
Ene aji, Tabita uy ɓa ndol
31Mbo̰ naa lə njetakagəje gə Jude tɔ̰y, gə Galile gə Samari le dɔ-ɛ to ləl pɛ, inga singa, gə n-nja dan ɓəəl Mbayɓe gə ngaɓa uji mar-ɛ gə kede-kede ɗəw gə lə Njil Njerɔsangə.
32Piyɛr nja gə dɔɓe dɔɓe ngaɓa aw ɓə lə njerɔsangəje gə d-isi Lida. 33N-inga dəw kara ri-a na Ene kəne dəbə rɔ-ɛ uy ar to tuwa gə kur-e əw ɓal ji nay joo. 34Piyɛr pa ar-ɛ na: Ene, Jeju Kirisi aji-i, ḭ tar ɓo ꞌi ja ꞌkə ndag lə-i, ɗaa n-uba nangə warang n-ḭ tɔ. 35Logə nje gə d-isi Lida tɔ̰y gə nje gə mə mbo gə Saro̰ d-o-e ɗaa ꞌmbəl kəji lə-je d-ar Mbayɓe.
36Ngon njenendo gə jene kara ri-a na Tabita, gə ꞌɓar-ɛ Dɔrəkas gə tar gərɛk isi mə ɓe gə Jope. Jene nee le, ɗa neɗa gə may ya̰ ngaɓa ar njenekɔyje ne nəm. 37Ndɔ kara rɔ-ɛ to-e ɗaa n-uy. Logə ꞌndogo-e man yo ɗaa d-un nin-e d-unda mə kəy gə to dɔ mar-ɛ gə taar. 38Ngan njenendoje d-o tar lə Piyɛr gə ga̰ mə ɓe gə Lida ɗaa d-ula dəwje joo d-ar d-aw ꞌɓar-ɛ mba Lida le to əw ang gə ɓe gə Jope. Dəwje gə d-aw le ꞌpa d-ar Piyɛr na: Ḭ gə tɔg-ɛ aw gə si. 39Piyɛr uba nangə ḭ aw gə je ja tɔ. Logə ꞌce ɗaa d-aw gə Piyɛr mə kəy gə taar gə le. Jene ndubaje tɔ̰y ja ꞌɗe gə rɔ-ɛ gə gə man no kəm-je gə ngaɓa ꞌtɔj-ɛ ne kubuje gə Dɔrəkas uji ar-je. 40Be ɓa Piyɛr ar dəwje tɔ̰y ꞌce ɗaga ngaɓa um kəj-e nangə dəji Luba, cibi turu kəm-e gə dɔ nin Tabita gə le ɗaa pa na: Ḭ taar. Dɔ kar-ɛ gə nee ja Tabita cɛ̰ kəm-e o ne Piyɛr ɗaa ḭ isi taar. 41Go-e gə ɗaa Piyɛr uwa ji-a ar-ɛ n-uba nangə n-ḭ taar. Be ɓa n-ɓar njerɔsangəje gə jene ndubaje je n-ula-a ji-je gə kəm baa. 42Ne gə nee le dəwje gə Jope tɔ̰y ꞌgərə ngaɓa dəwje bula ꞌta kagə Mbayɓe. 43Piyɛr ɗa ndɔ ɓəl mə ɓe gə Jope mə kəy gə lə Simo gə njekunda ndaar.
© 2020, ATALTRAB. All rights reserved