Kula ɗa Njeka̰ykulaje 25
25
Pɔl ar no Pɛsətus gə
1Ndɔ munda nday go ɗe gə n-ɗe dəbə ɓeko̰ gə le ɗaa Pɛsətus ɔdə Sejare aw Jerujalɛm. 2Buba njekapoloje gə buba ɓeje ꞌɗe ꞌsəgə Pɔl no-ɛ gə ngaɓa ꞌtəl ɗ-ɛ kɔgərɔ, 3kar n-la gə je gə go ɗəw məmay n-ar ꞌɗe gə Pɔl Jerujalɛm, mba ꞌgɔl kum ba̰a̰ ɗəw boo mba tɔl Pɔl. 4Pɛsətus le təl ila-je kəne na Pɔl le d-a ngəm-e Sejare ngaɓa ꞌne kara nay njɛ̰ baa kar n-a təl kaw tɔ. 5Be ɓa nje gə kɛm horo-sisəy gə ɓo d-asə kaw nama kəm kar d-aw sə-m naa gə ngaɓa ɓo dəw nee le ɗa ne gə kṵra̰y nama d-ila tar dɔ-ɛ gə.
6Ɗaa Pɛsətus ɗa ndɔ ji nay joo ose dɔg horo-je gə ang ja baa ɔdə aw Sejare. Lo kar-ɛ, logə n-isi no ngɔ gangə tar ɗaa n-un ɗəw n-ar-je ꞌɗe gə Pɔl. 7Be ɓa logə Pɔl ɗe ɗaa, Jiibije gə d-ḭ Jerujalɛm le d-ila tarje gə to ɓəəl to ɓəəl ja bula dɔ-ɛ gə ngaa d-asə kɔr kud-e ang. 8Pɔl pa tar dɔ rɔ-ɛ gə na: M-ɗa ne gə kṵra̰y kara ɔji dɔ torondu lə Jiibije ang nəm, ɔji dɔ kəy lə Luba ang nəm ngaɓa ɔji dɔ Sejar ang nəm tɔ. 9Pɛsətus njigi may ta kəm Jiibije gə ɗaa ila Pɔl kəne na: Se njigi kar d-aw ɗa tar le no gɔl-m gə Jerujalɛm nu wa? 10Pɔl təl pa na: M-ar no ngɔ gangə tar gə lə Sejar ɓa nee ɗaa lo gə nee ja d-a ɗa tar nəm kəne. Ne gə kṵra̰y kara baa be gə m-ɗa gə Jiibije le godo, ꞌi ja kara ꞌgərə gə maj-ɛ. 11To gə ɓo m-ɗa ne gə gə dɔ gɔl-ɛ ang, gə asə kar ꞌgangə tar yo dɔ-m gə nama m-mbadə ang ngaa to gə ɓo tar gə d-ila dɔ-m le to tar gə baa nama dəw asə kuwa-m kila-m mə ji-je gə ang. Ɗaa m-njigi kaw no Sejar gə. 12Be ɓa logə ndu Pɛsətus asə naa gə nje baa kulaje lə-a tɔ̰y ɗaa ɗe ila kəne na: ꞋI ꞌnjigi kaw no Sejar gə le ɗaa a kaw ja.
Pɔl ar no Agiripa gə
13Ndɔje nday ɓəl go-e gə ɗaa mbay Agiripa je gə jene lə-a Berenisə ꞌɗe gə Sejare mba ɗa Pɛsətus m-o-i ɓa. 14Mba ꞌɗa-je ndɔ bula kəne ɗaa Pɛsətus un tar lə Pɔl le pa ar mbay Agiripa na: Pilis ɓa ḭya̰ dəw gə nee le kəy kula gə, 15dɔ ndɔ gə m-aw Jerujalɛm ɗaa buba njekapoloje gə buba ɓeje lə Jiibije ꞌɗe ꞌsəg-e ta-m gə mba kar m-gangə tar dɔ-ɛ gə. 16Be ɓa m-ila-je kəne m-pa na, dəwje gə Rɔm le, nam ɓa kar d-ila dəw mə ji nje gə d-aw sə-a gə tar gə nama, d-ar d-inga naa d-o tar le kəm naa gə ngaɓa dəw gə d-ila tar dɔ-ɛ gə le kara d-ḭya̰ ɗəw d-ar pa tar dɔ rɔ-ɛ gə tɔ ɓa. 17Lal kila ndɔ kar je ja ꞌɗe sə-m naa gə ɗaa lo kar-ɛ m-isi no ngɔ gangə tar gə lə-m ngaɓa m-un ɗəw m-ar ꞌɗe gə dəw nee le. 18Go-e gə ɗaa nje kəm tarje lə-a le ꞌɗe d-ila tar dɔ-ɛ gə ngaa oso go ye gə ꞌma m-əji kəne kara ang, 19ngaa tar gə ꞌɗa ne naa le ɔji dɔ nepoloje lə-je, gə ɔji dɔ dəw kara kəne əng ri-a na Jeju gə uy nam ja ngaa Pɔl na n-aw kəm baa. 20Ɔji dɔ-m ꞌma ɗaa m-gərə ne kara gə m-a ɗa ang ɗaa m-dəj-e pa na se n-a njigi kaw Jerujalɛm kar ꞌɗa tar lə-a le kəne nu wa? 21Ngaa Pɔl njigi kar d-aw sə-a no Sejar gə, be ɓa m-un ɗəw mba kar ꞌngəm-e saar mba kar m-ula no Sejar gə le.
22Be ɓa Agiripa pa ar Pɛsətus na, ꞌma ja kara m-njigi ko ndu dəw nee le tɔ. Ɗaa Pɛsətus na bara ɓa a ko ndu-e ɓi.
23Lokar-ɛ ɗaa Agiripa je gə Berenisə le ꞌɗe gə tɔg-ɛ baa d-andə no ngɔ gangə tar gə naa gə gə njekun dɔ njeɗɔje gə tɔl-tɔl dɔg ngaɓa gə buba ɓeje. Gə go ɗəw gə Pɛsətus un ɗaa ꞌɗe gə Pɔl le.
24Be ɓa Pɛsətus un tar pa na: Mbay Agiripa, gə sisəy dəwje tɔ̰y gə ꞌga̰ gə si nee, oje dəw gə to gə bula bo Jiibije ɗe no-m gə mba tar lə-a mə ɓe gə Jerujalɛm ngaɓa logə nee nəm, d-uru ne ꞌkuwi na kəm tɔl-ɛ gə tɔl. 25ꞌMa m-o to gə ne kara gə n-ɗa gə asə gangə ne tar yo dɔ-ɛ gə le godo ngaa ꞌne ja njigi kaw no Sejar gə ɗaa ꞌma kara m-njigi kula kəne tɔ. 26M-o ne kara gə arə ngadə gə m-a ɗa mbede gə kar yejeje ɔji dɔ-ɛ ang; gəl-e gə nee ɓa m-ar-ɛ n-ɗe no-si gə, ngaɓa no-i ꞌi mbay Agiripa gə mba kar gə go tarje gə a dəji-e nama m-a kinga ne ne gə m-a ɗa mbede gə. 27Mba kar m-a kuwa dəw kula lal kudu tar gə uwa dɔ-ɛ le m-o to gə to ne to gə dɔ gɔl-ɛ ang.
© 2020, ATALTRAB. All rights reserved
Kula ɗa Njeka̰ykulaje 25
25
Pɔl ar no Pɛsətus gə
1Ndɔ munda nday go ɗe gə n-ɗe dəbə ɓeko̰ gə le ɗaa Pɛsətus ɔdə Sejare aw Jerujalɛm. 2Buba njekapoloje gə buba ɓeje ꞌɗe ꞌsəgə Pɔl no-ɛ gə ngaɓa ꞌtəl ɗ-ɛ kɔgərɔ, 3kar n-la gə je gə go ɗəw məmay n-ar ꞌɗe gə Pɔl Jerujalɛm, mba ꞌgɔl kum ba̰a̰ ɗəw boo mba tɔl Pɔl. 4Pɛsətus le təl ila-je kəne na Pɔl le d-a ngəm-e Sejare ngaɓa ꞌne kara nay njɛ̰ baa kar n-a təl kaw tɔ. 5Be ɓa nje gə kɛm horo-sisəy gə ɓo d-asə kaw nama kəm kar d-aw sə-m naa gə ngaɓa ɓo dəw nee le ɗa ne gə kṵra̰y nama d-ila tar dɔ-ɛ gə.
6Ɗaa Pɛsətus ɗa ndɔ ji nay joo ose dɔg horo-je gə ang ja baa ɔdə aw Sejare. Lo kar-ɛ, logə n-isi no ngɔ gangə tar ɗaa n-un ɗəw n-ar-je ꞌɗe gə Pɔl. 7Be ɓa logə Pɔl ɗe ɗaa, Jiibije gə d-ḭ Jerujalɛm le d-ila tarje gə to ɓəəl to ɓəəl ja bula dɔ-ɛ gə ngaa d-asə kɔr kud-e ang. 8Pɔl pa tar dɔ rɔ-ɛ gə na: M-ɗa ne gə kṵra̰y kara ɔji dɔ torondu lə Jiibije ang nəm, ɔji dɔ kəy lə Luba ang nəm ngaɓa ɔji dɔ Sejar ang nəm tɔ. 9Pɛsətus njigi may ta kəm Jiibije gə ɗaa ila Pɔl kəne na: Se njigi kar d-aw ɗa tar le no gɔl-m gə Jerujalɛm nu wa? 10Pɔl təl pa na: M-ar no ngɔ gangə tar gə lə Sejar ɓa nee ɗaa lo gə nee ja d-a ɗa tar nəm kəne. Ne gə kṵra̰y kara baa be gə m-ɗa gə Jiibije le godo, ꞌi ja kara ꞌgərə gə maj-ɛ. 11To gə ɓo m-ɗa ne gə gə dɔ gɔl-ɛ ang, gə asə kar ꞌgangə tar yo dɔ-m gə nama m-mbadə ang ngaa to gə ɓo tar gə d-ila dɔ-m le to tar gə baa nama dəw asə kuwa-m kila-m mə ji-je gə ang. Ɗaa m-njigi kaw no Sejar gə. 12Be ɓa logə ndu Pɛsətus asə naa gə nje baa kulaje lə-a tɔ̰y ɗaa ɗe ila kəne na: ꞋI ꞌnjigi kaw no Sejar gə le ɗaa a kaw ja.
Pɔl ar no Agiripa gə
13Ndɔje nday ɓəl go-e gə ɗaa mbay Agiripa je gə jene lə-a Berenisə ꞌɗe gə Sejare mba ɗa Pɛsətus m-o-i ɓa. 14Mba ꞌɗa-je ndɔ bula kəne ɗaa Pɛsətus un tar lə Pɔl le pa ar mbay Agiripa na: Pilis ɓa ḭya̰ dəw gə nee le kəy kula gə, 15dɔ ndɔ gə m-aw Jerujalɛm ɗaa buba njekapoloje gə buba ɓeje lə Jiibije ꞌɗe ꞌsəg-e ta-m gə mba kar m-gangə tar dɔ-ɛ gə. 16Be ɓa m-ila-je kəne m-pa na, dəwje gə Rɔm le, nam ɓa kar d-ila dəw mə ji nje gə d-aw sə-a gə tar gə nama, d-ar d-inga naa d-o tar le kəm naa gə ngaɓa dəw gə d-ila tar dɔ-ɛ gə le kara d-ḭya̰ ɗəw d-ar pa tar dɔ rɔ-ɛ gə tɔ ɓa. 17Lal kila ndɔ kar je ja ꞌɗe sə-m naa gə ɗaa lo kar-ɛ m-isi no ngɔ gangə tar gə lə-m ngaɓa m-un ɗəw m-ar ꞌɗe gə dəw nee le. 18Go-e gə ɗaa nje kəm tarje lə-a le ꞌɗe d-ila tar dɔ-ɛ gə ngaa oso go ye gə ꞌma m-əji kəne kara ang, 19ngaa tar gə ꞌɗa ne naa le ɔji dɔ nepoloje lə-je, gə ɔji dɔ dəw kara kəne əng ri-a na Jeju gə uy nam ja ngaa Pɔl na n-aw kəm baa. 20Ɔji dɔ-m ꞌma ɗaa m-gərə ne kara gə m-a ɗa ang ɗaa m-dəj-e pa na se n-a njigi kaw Jerujalɛm kar ꞌɗa tar lə-a le kəne nu wa? 21Ngaa Pɔl njigi kar d-aw sə-a no Sejar gə, be ɓa m-un ɗəw mba kar ꞌngəm-e saar mba kar m-ula no Sejar gə le.
22Be ɓa Agiripa pa ar Pɛsətus na, ꞌma ja kara m-njigi ko ndu dəw nee le tɔ. Ɗaa Pɛsətus na bara ɓa a ko ndu-e ɓi.
23Lokar-ɛ ɗaa Agiripa je gə Berenisə le ꞌɗe gə tɔg-ɛ baa d-andə no ngɔ gangə tar gə naa gə gə njekun dɔ njeɗɔje gə tɔl-tɔl dɔg ngaɓa gə buba ɓeje. Gə go ɗəw gə Pɛsətus un ɗaa ꞌɗe gə Pɔl le.
24Be ɓa Pɛsətus un tar pa na: Mbay Agiripa, gə sisəy dəwje tɔ̰y gə ꞌga̰ gə si nee, oje dəw gə to gə bula bo Jiibije ɗe no-m gə mba tar lə-a mə ɓe gə Jerujalɛm ngaɓa logə nee nəm, d-uru ne ꞌkuwi na kəm tɔl-ɛ gə tɔl. 25ꞌMa m-o to gə ne kara gə n-ɗa gə asə gangə ne tar yo dɔ-ɛ gə le godo ngaa ꞌne ja njigi kaw no Sejar gə ɗaa ꞌma kara m-njigi kula kəne tɔ. 26M-o ne kara gə arə ngadə gə m-a ɗa mbede gə kar yejeje ɔji dɔ-ɛ ang; gəl-e gə nee ɓa m-ar-ɛ n-ɗe no-si gə, ngaɓa no-i ꞌi mbay Agiripa gə mba kar gə go tarje gə a dəji-e nama m-a kinga ne ne gə m-a ɗa mbede gə. 27Mba kar m-a kuwa dəw kula lal kudu tar gə uwa dɔ-ɛ le m-o to gə to ne to gə dɔ gɔl-ɛ ang.
© 2020, ATALTRAB. All rights reserved