Kula ɗa Njeka̰ykulaje 14
14
Pɔl je gə Barənabas d-ar mə ɓebo gə Ikoniyom
1Logə Pɔl je Barənabas d-aw Ikoniyom kara d-aw d-andə kəy nendo gə tɔ, ꞌpa tar ꞌcɛdə ne singa bula bo Jiibije gə dəwje gə ꞌgərə Luba ang d-ar ꞌta kagə. 2Ngaa Jiibije gə to nje məkədərəje ꞌsula dəwje gə ꞌgərə Luba ang d-ar d-aw gə kəji gə kṵra̰y baa ja dɔ ngan ko̰ naa gə. 3Ngaa d-isi kuru-je əw Ikoniyom, ꞌpa tar gə dɔ Mbayɓe gə ngadə-ngadə, ɗaa ye kara ɗa tar naji ɔji dɔ tar mənuji lə-a, ar netɔjije gə neje dang-dang gə kəm dəw o ndɔ kara ang ce ɗəw gə lə-je. 4Bula dəwje ꞌkay naa dana mə ɓebo gə: nje gə nee d-oso gəl Jiibije gə, nje gə kən d-oso gəl njeka̰ykulaje gə tɔ. 5Mba Jiibije gə dəwje gə ꞌgərə Luba ang gə mbayje lə-je ꞌsangə ɗəw mba ɗa-je məyɛr nəm ɓa, gə mba ɗɔ-je gə ər, 6ngaa Pɔl je gə Barənabas ꞌgərə ɗaa d-a̰y dɔ-je gə Likawni, gə Lisətərə, gə Dɛrəbə ngaɓa mə loje gə gugu dɔ-je. 7D-ila-je mbərə Tar gə May kəne tɔ.
D-ila mbərə Tar gə May Lisətərə
8Mə ɓe gə Lisətərə gə le, dəw kara to njegɔl godo, gə d-uji-e gə njeməndə, gə nja ndɔ kara ang ja, isi nangə. 9Dəw nee le o ndu Pɔl gə aw pa tar a-ɛ ne jii ɗaa, o to gə takagə lə-a asə kaj-ɛ, 10ɗaa pa gə singa na: Ḭ taar ar dɔ gɔl-i gə jagəra. N-al jagəra ɗaa n-nja.
11D-o ne gə Pɔl ɗa le ɗaa, bula dəwje d-ɔr ndu-je gə taar ngaɓa ꞌpa gə ndo̰ tar ɓe gə Likawni na: Oje magəje gə ꞌmbəl rɔ-je d-unda rɔ dəwje d-uru nangə horo-si gə. 12Be ɓa ꞌɓarje Barənabas na Jəsə ngaɓa ꞌɓarje Pɔl na Ɛrəmɛs mba Pɔl ɓa to nje pa tar. 13To gə be ɓa njekapolo lə Jəsə gə kəy gə lə Luba lə-a to ta ɗəw kɔgə ɓebo gə nee le ɗe gə bɔ mangəje gə ꞌnim pudu kagəje d-ila-je ꞌdaməsa̰ ngaɓa bula dəwje ꞌɗe sə-a naa gə mba kar njekapolo le un-je gə nepolo ar Pɔl je gə Barənabas. 14Ngaa logə njeka̰ykulaje, Barənabas je Pɔl d-o tar-ɛ ɗaa ꞌcir kubuje lə-je ngaɓa d-a̰y d-uru mə bula dəwje gə gə ꞌkuwi ta-je gə, 15na: Sisəy le, mba ɗi ɓa ꞌɗaje ne gə to gə be wa? Jeje kara j-a to dəwje to to gə sisəy be tɔ ɓa j-ila mbərə Tar gə May j-ar-si to gə may kar-si ꞌmbadə-je neje gə baa nee le ɓo ꞌturuje kəji lə-si, ꞌɗəmje gə rɔ Luba gə nje kisi kəm baa gə ɗa dara, gə dɔ nangə ngaɓa ɗa babo gə neje tɔ̰y gə to m-e gə. 16Dɔ ndɔje gə kede le n-ḭya̰ Gəl kuji dəwje tɔ̰y n-ar d-un ɗəwje gə mə-je njigi, 17ngaa n-iya̰ go ɗa tar naji dɔ rɔ-ɛ gə ɗəw ɗa mayje ang, n-ar nji ḭ dara ər ngaɓa ko ndɔje ce gə nay-ɛ nay-ɛ n-ar nekusa asə ne si nagə ngaɓa rɔləl ɗusu mə-si nəm tɔ. 18ꞌPa tarje to gə be ja ngaa to kədərə kar d-ɔgə dəwje lo kun nepolo kar je ang.
19Cibi ɓa Jiibije gə d-ḭ Antiyos, gə nje gə d-ḭ Ikoniyom ɗe d-oso gəl bula dəwje gə, ꞌtila Pɔl gə kɔr ər ꞌndɔr-ɛ d-aw d-ila-a gir ɓe gə mba d-əji to gə n-uy gə kuy ngaa. 20Ngaa ngan njenendoje lə-a ꞌɗe ꞌgugu dɔ-ɛ mbugu ɗaa n-uba nangə n-ḭ n-təl n-andə mə ɓebo gə. Ngaɓa lo kar-ɛ ɗaa ꞌje gə Barənabas d-ɔdə d-aw Dɛrəbə.
Pɔl je Barənabas ꞌtəl d-aw Antiyos
Lo kar-ɛ ɗaa ꞌje gə Barənabas ꞌtəl d-aw Dɛrəbə 21D-ila mbərə Tar gə May mə ɓebo gə nee ngaɓa ꞌɗa dəwje bula gə ngan njenendoje nam ɓa ꞌtəl d-aw Lisətərə, gə Ikoniyom, gə Antiyos, 22d-ula jingaw mə ngan njenendoje gə ngaɓa ꞌdəji-je mba kar d-uwa takagə lə-je gədərə tɔ. Cibi ꞌtəl ꞌpa d-ar-je to gə ɗəw ko ꞌməsərə ya̰ ɓa dəw a kandə ne mə ɓeko̰ gə lə Luba. 23D-unda ngatɔgəje d-ar-je gə Mbo̰ naa lə njetakagəje kara kara ngaɓa go-e gə ɗaa ꞌtɔl mə-je ɓo gə ꞌdəji Luba ngaɓa d-um-je mə ji Mbayɓe gə to gə ꞌta kag-ɛ le. 24ꞌNdayje Pisidi ngaɓa d-aw Paməpili. 25D-ila mbərə tar Pɛrəjə nam ngaɓa d-ɔdə d-aw Atali ɓi. 26D-ḭ kəne ɗaa ꞌtəl d-al to d-aw Antiyos, lo gə d-ila-je mə ji Luba gə njemənuji gə nam ɓa, d-ar d-aw mba kula gə ꞌɗa-je nee le.
27Logə ꞌɗe ɗaa, ꞌmbo̰ bar kəm Mbo̰ naa lə njetakagəje, d-ɔr gəl ne tɔ̰y gə Luba ɗa gə je d-ar-je ngaɓa ɗəw gə n-ɔr ne ta ɗəw takagə n-ar dəwje gə ꞌgərə Luba ang. 28Be ɓa ꞌtəl d-isije gə ngan njenendoje ndɔ bula ɓəl ja cibi.
© 2020, ATALTRAB. All rights reserved
Kula ɗa Njeka̰ykulaje 14
14
Pɔl je gə Barənabas d-ar mə ɓebo gə Ikoniyom
1Logə Pɔl je Barənabas d-aw Ikoniyom kara d-aw d-andə kəy nendo gə tɔ, ꞌpa tar ꞌcɛdə ne singa bula bo Jiibije gə dəwje gə ꞌgərə Luba ang d-ar ꞌta kagə. 2Ngaa Jiibije gə to nje məkədərəje ꞌsula dəwje gə ꞌgərə Luba ang d-ar d-aw gə kəji gə kṵra̰y baa ja dɔ ngan ko̰ naa gə. 3Ngaa d-isi kuru-je əw Ikoniyom, ꞌpa tar gə dɔ Mbayɓe gə ngadə-ngadə, ɗaa ye kara ɗa tar naji ɔji dɔ tar mənuji lə-a, ar netɔjije gə neje dang-dang gə kəm dəw o ndɔ kara ang ce ɗəw gə lə-je. 4Bula dəwje ꞌkay naa dana mə ɓebo gə: nje gə nee d-oso gəl Jiibije gə, nje gə kən d-oso gəl njeka̰ykulaje gə tɔ. 5Mba Jiibije gə dəwje gə ꞌgərə Luba ang gə mbayje lə-je ꞌsangə ɗəw mba ɗa-je məyɛr nəm ɓa, gə mba ɗɔ-je gə ər, 6ngaa Pɔl je gə Barənabas ꞌgərə ɗaa d-a̰y dɔ-je gə Likawni, gə Lisətərə, gə Dɛrəbə ngaɓa mə loje gə gugu dɔ-je. 7D-ila-je mbərə Tar gə May kəne tɔ.
D-ila mbərə Tar gə May Lisətərə
8Mə ɓe gə Lisətərə gə le, dəw kara to njegɔl godo, gə d-uji-e gə njeməndə, gə nja ndɔ kara ang ja, isi nangə. 9Dəw nee le o ndu Pɔl gə aw pa tar a-ɛ ne jii ɗaa, o to gə takagə lə-a asə kaj-ɛ, 10ɗaa pa gə singa na: Ḭ taar ar dɔ gɔl-i gə jagəra. N-al jagəra ɗaa n-nja.
11D-o ne gə Pɔl ɗa le ɗaa, bula dəwje d-ɔr ndu-je gə taar ngaɓa ꞌpa gə ndo̰ tar ɓe gə Likawni na: Oje magəje gə ꞌmbəl rɔ-je d-unda rɔ dəwje d-uru nangə horo-si gə. 12Be ɓa ꞌɓarje Barənabas na Jəsə ngaɓa ꞌɓarje Pɔl na Ɛrəmɛs mba Pɔl ɓa to nje pa tar. 13To gə be ɓa njekapolo lə Jəsə gə kəy gə lə Luba lə-a to ta ɗəw kɔgə ɓebo gə nee le ɗe gə bɔ mangəje gə ꞌnim pudu kagəje d-ila-je ꞌdaməsa̰ ngaɓa bula dəwje ꞌɗe sə-a naa gə mba kar njekapolo le un-je gə nepolo ar Pɔl je gə Barənabas. 14Ngaa logə njeka̰ykulaje, Barənabas je Pɔl d-o tar-ɛ ɗaa ꞌcir kubuje lə-je ngaɓa d-a̰y d-uru mə bula dəwje gə gə ꞌkuwi ta-je gə, 15na: Sisəy le, mba ɗi ɓa ꞌɗaje ne gə to gə be wa? Jeje kara j-a to dəwje to to gə sisəy be tɔ ɓa j-ila mbərə Tar gə May j-ar-si to gə may kar-si ꞌmbadə-je neje gə baa nee le ɓo ꞌturuje kəji lə-si, ꞌɗəmje gə rɔ Luba gə nje kisi kəm baa gə ɗa dara, gə dɔ nangə ngaɓa ɗa babo gə neje tɔ̰y gə to m-e gə. 16Dɔ ndɔje gə kede le n-ḭya̰ Gəl kuji dəwje tɔ̰y n-ar d-un ɗəwje gə mə-je njigi, 17ngaa n-iya̰ go ɗa tar naji dɔ rɔ-ɛ gə ɗəw ɗa mayje ang, n-ar nji ḭ dara ər ngaɓa ko ndɔje ce gə nay-ɛ nay-ɛ n-ar nekusa asə ne si nagə ngaɓa rɔləl ɗusu mə-si nəm tɔ. 18ꞌPa tarje to gə be ja ngaa to kədərə kar d-ɔgə dəwje lo kun nepolo kar je ang.
19Cibi ɓa Jiibije gə d-ḭ Antiyos, gə nje gə d-ḭ Ikoniyom ɗe d-oso gəl bula dəwje gə, ꞌtila Pɔl gə kɔr ər ꞌndɔr-ɛ d-aw d-ila-a gir ɓe gə mba d-əji to gə n-uy gə kuy ngaa. 20Ngaa ngan njenendoje lə-a ꞌɗe ꞌgugu dɔ-ɛ mbugu ɗaa n-uba nangə n-ḭ n-təl n-andə mə ɓebo gə. Ngaɓa lo kar-ɛ ɗaa ꞌje gə Barənabas d-ɔdə d-aw Dɛrəbə.
Pɔl je Barənabas ꞌtəl d-aw Antiyos
Lo kar-ɛ ɗaa ꞌje gə Barənabas ꞌtəl d-aw Dɛrəbə 21D-ila mbərə Tar gə May mə ɓebo gə nee ngaɓa ꞌɗa dəwje bula gə ngan njenendoje nam ɓa ꞌtəl d-aw Lisətərə, gə Ikoniyom, gə Antiyos, 22d-ula jingaw mə ngan njenendoje gə ngaɓa ꞌdəji-je mba kar d-uwa takagə lə-je gədərə tɔ. Cibi ꞌtəl ꞌpa d-ar-je to gə ɗəw ko ꞌməsərə ya̰ ɓa dəw a kandə ne mə ɓeko̰ gə lə Luba. 23D-unda ngatɔgəje d-ar-je gə Mbo̰ naa lə njetakagəje kara kara ngaɓa go-e gə ɗaa ꞌtɔl mə-je ɓo gə ꞌdəji Luba ngaɓa d-um-je mə ji Mbayɓe gə to gə ꞌta kag-ɛ le. 24ꞌNdayje Pisidi ngaɓa d-aw Paməpili. 25D-ila mbərə tar Pɛrəjə nam ngaɓa d-ɔdə d-aw Atali ɓi. 26D-ḭ kəne ɗaa ꞌtəl d-al to d-aw Antiyos, lo gə d-ila-je mə ji Luba gə njemənuji gə nam ɓa, d-ar d-aw mba kula gə ꞌɗa-je nee le.
27Logə ꞌɗe ɗaa, ꞌmbo̰ bar kəm Mbo̰ naa lə njetakagəje, d-ɔr gəl ne tɔ̰y gə Luba ɗa gə je d-ar-je ngaɓa ɗəw gə n-ɔr ne ta ɗəw takagə n-ar dəwje gə ꞌgərə Luba ang. 28Be ɓa ꞌtəl d-isije gə ngan njenendoje ndɔ bula ɓəl ja cibi.
© 2020, ATALTRAB. All rights reserved