थरपेड़ा का काम 11
11
यरूसलेम की बस्वास्या की टोळी न्अ पतरस को समझाबो
1सबळा यहूद्या का बस्वासी अर थरपेड़ा सुण्या क परमेसर का बचन न्अ गेर यहूदी का बी मानर्या छ। 2तो जद्या पतरस यरूसलेम पुच्यो तो एकात यहूदी बस्वासी बीक्अ तोमत लगाया क, 3“तु गेर यहूदी#11:3 गेर यहूदी यहूदी बस्वासी मनख छाव्अ छा क गेर यहूदी बस्वासी मनख बी खतनो कराव्अ मनखा क घरा गियो अर बाकी लेरअ रोटी-पाणी बी खायो-पीयो छ।” 4जद्या पतरस बान्अ सांच्याई ज्यो होयो छो, बीन्अ सुणाबे समझाबे लागग्यो, 5म याफा नगर मं परातना करर्यो छो तो म एक दर्सण देख्यो क एक बड़ी चादरा जस्यानकी कोई चीज तण्अ उतररी छ, बीन्अ च्यारू कुणा पकड़र आम्बर सुं तण्अ धरती प उतारर्या छ। अर बा म्हारअ साम्अ आगी। 6म बीन्अ चत लगार देख्यो। बीक्अ उपरअ एकूं-एक जात्या का ज्यानबर किड़ा-मकोड़ा, आम्बर मं उडबाळा जन्दावर छा। 7जद्या म एक आवाज सुण्यो, ज्यो मन्अ खेरी छी, “पतरस उठ, मार अर खा।” 8पण म खियो, “परबु कतेई नही, क्युं क म कद्या बी कोई सुगली अर खराब चीजान्अ कोन्अ खायो।” 9आम्बर म सुं दुबारा आवाज आर खेई, “जिन्अ परमेसर पवितर बणायो छ बीन्अ तु सुगली मत समझ!” 10तीन बार अस्यान'ई होयो। फेर बा सबळी चीजान्अ अस्यान'ई आम्बर मं उठालिया। 11बी बगत मं जण्ढ्अ रूक मेल्यो छो उं घर म तीन मनख आपुच्या। बान्अ म्हारअ कन्अ कैसरिया सुं खन्दाया छा। 12परमेसर की आत्मा मन्अ बाकी लेरअ बेधोक्अ जाबा बेई खेई। ये छ: भाई बी म्हारी लेरअ गिया। अर में बी मनख का घर मं उळ्या। 13वो म्हान्अ बतायो क एक सरगदूत न्अ बीका घर मं कस्यान उबो देख्यो छो। ज्यो खियो छो क “याफा मं खन्दार पतरस खुवाबाळा समौन न्अ बला ले। 14वो थन्अ बचन सुणावलो जिसुं थारो अर थारा परवार को उद्धार हेव्अलो।” 15जद्या म परबचन सरू कर्यो तो पवितर-आत्मा वाक्अ उपरअ उतर्यायो। एकधम वस्यान ई जस्यान सरू मं आपण्अ उपरअ उतर्यो छो।
16 #
थरपेड़ा 1:5
फेर मन्अ परबु का खिया वे बचन याद आया क, “यूहन्ना पाणी सुं बतिस्मो देव्अ छो पण थान्अ पवितर-आत्मा सुं बतिस्मो दियो जावलो।” 17अस्यान परमेसर बान्अ बी बोई वरदान दियो ज्यो आपान्अ जद्या परबु ईसु मसी मं बस्वास कर्या जद्या दियो छो तो परमेसर को बिरोध करबाळो म कुण हेव्अ छो?
18बस्वासी जद्या या सुण्या तो वे तोमत लगाबो बन्द कर दिया। वे परमेसर की महमा करता होया खेबा लागग्या, “अच्छया तो परमेसर गेर यहूदया न्अ बी पापा सुं मन फराबा अर सांचो जीवन जीबा को मोको दियो छ!”
अन्ताकिया मं चोखा समचार को परचार
19 #
थरपेड़ा 8:1–4
बस्वासी मनख, स्तिफनुस की मोत क पाछ्अ आया दुखा की बजेसुं कण-कणका होग्या छा अर फिनिक, साइप्रस अर अन्ताकिया ताणी जा पुच्या। अर ये यहूदी मनखा न्अ ई चोखो समचार सुणाव छा। 20याई बस्वास्या मंसुं एकात साइप्रस अर कुरेन का रेबाळा छा। तो जद्या वे अन्ताकिया आया तो गेर यहूदया न्अ बी परबचन देता होया ईसु मसी को चोखो समचार सुणाबा लागग्या। 21परबु की सक्ति बाकी लेरअ छी। जिसुं घणासारा मनखा को टोळो बस्वास कर परबु ईसु ओड़ी मुड़ग्यो।
22जद्या ईको समचार यरूसलेम का बस्वास्या की टोळी का काना मं पुच्यो तो वे बरनबास न्अ अन्ताकिया खन्दाया। 23जद्या बरनबास उण्डअ पुच्यो अर परमेसर की दीया न्अ देख्यो तो घणो राजी होयो अर सबळा न्अ तन-मन सुं बिस्वासहाळा होर परबु मं बण्या रेबा बेई समझायो। 24क्युं क वो पवितर-आत्मा अर बस्वास सुं भर्यो एक चोखो मनख छो। फेर घणीसारी जळा परबु मं बस्वास कर्या।
25बरनबास साऊल न्अ हेरबा तरसुस मं चलग्यो। 26फेर वो बीन्अ हेरर अन्ताकिया मं लियायो। आख्अ साल वे बस्वास्या की टोळी सुं मलता अर जळा न्अ परबचन देता रिया। चेला सबसु पेली अन्ताकिया मं मसीही खुवाया।
27बी बगत यरूसलेम सुं एकात परमेसर की ओड़ी सुं बोलबाळा अन्ताकिया मं आया। 28#थरपेड़ा 21:10बाम्अ सुं अगबुस नांऊ को एक परमेसर की ओड़ी सुं बोलबाळो उबो होर पवितर-आत्मा सुं या भविष्यवाणी कर्यो क सबळी दनीया मं जोरदार काळ पड़बाळो छ। यो काळ राजा क्लौदियुस#11:28 राजा क्लौदियुस ईसु का जनम क पचास बरस पेली यो काळ पड़यो छो। का जमाना मं पड़यो। 29जद्या हरेक चेलो खुदकी सरदा सुं यहूद्या मं रेबाळा बस्वास्या की सायता बेई कोई-कांई खन्दाबा को नर्णो कर्या छा। 30अर वे बरनबास अर साऊल क हाथा यरूसलेम की बस्वास्या की टोळी का बढ़ा-बुढ़ा कन्अ सायता खन्दाया।
(c) 2010-2017, New Life Computer Institute. All rights reserved