रोम 1
1
1-7म ईसु मसी को दास, भेजेड़ो चेलो पोलुस, जिनै परमेसर बुलायो अर चोखो समचार परचार करबा ताँई टाळ्यो, आ चिठी रोम की बिस्वासी मंडळीनै मांडूँ हूँ।
रोम म रेह्बाळा थारै सगळा प जखा परमेसर का लाडला अर पबितर होबा ताँई बुलाया गया हीं। आपणा परम-पिता परमेसर अर परबु ईसु मसी की दया अर स्यांती बणी रेह्वै।
चोखा समचार को बादो परमेसर की खेबाळा क जरिए पेलीऊँई कर्यो गयो, जंय्यां क पबितर सास्तर म मंडर्यो ह, ओ चोखो समचार परमेसर का बेटा क बारां म ह अर ओ काया रूप म दाऊद क कूणबा म जलम्यो। अर बिनै पबितर आत्माऊँ मरेड़ा मऊँ जीवार सक्ति क सागै ओ साबित कर्यो गयो क ओ परमेसर को बेटो ह जखो आपणो परबु ईसु मसी ह। मसी क जरिए परमेसर म्हानै ओ सोभाग अर भेजेड़ा चेला को ओदो दिओ, जिऊँ जगत का सगळा मिनख बिस्वास करीं अर बिकी मानी जिऊँ बिका नाम की मेमा होवै। थारी बी गिणती आमई आवै ह, थानै ईसु मसी का होबा ताँई बुलायो गयो ह।
रोम जाबा ताँई पोलुस की इंछ्या
8सऊँ पेली म थारै सगळा ताँई ईसु मसी म परमेसर को धनेवाद देऊँ हूँ, क्युं क सगळी दुनिया म थारा बिस्वास क बारां म बतायो जार्यो ह। 9परमेसर जिकी सेवा म मेरी आत्माऊँ बिका बेटा का चोखा समचार को परचार कर करूं हूँ, बो मेरो गुवा ह क म सदाई थानै मेरी अरदास म याद करूं हूँ। 10म सदाई अरदास कर माँगर्यो हूँ क परमेसर की इंछ्याऊँ म थारूँ मिलबा ताँई आ सकूँ।
11मेरी बोळी इंछ्या ह क म थानै देखूँ, क्युं क म आत्मिक आसिरबाद थारै सागै बाटबो चाऊँ हूँ जिऊँ थानै ताकत मिलै। 12मेरो मतबल ओ ह क, जद म थारै सागै होऊँ जणा थानै मेरा अर मनै थारा बिस्वासऊँ हिमत मिलै। 13#काम 19:21मेरा लाडला बिस्वासी भाईड़ो, म चाऊँ हूँ थे इनै जाणो क म बोळी बार थारै कनै आबा की सोची क थारै म बाकी का दुसरा गैर-यहूदि मिनखा की जंय्यां फळ पा सकूँ पण हर बर क्युंना क्युं अंय्यां होयो क म कोनी आ सक्यो।
14के यूनानी, के कुजात, के मूरख, के बुदीमान म तो आ सगळानै चोखो समचार सुणाबा ताँई जिमेदार हूँ। 15जणाई म थारै म जखा रोम म रेहर्या हो, बि चोखा समचार को परचार करबा ताँई उतावळो हूँ।
चोखा समचार की सक्ति
16 #
मर 8:38
म मसी का चोखा समचारऊँ कोनी सरमाऊँ क्युं क जखो बी बिस्वास करै बिकै छुटकारा ताँई ओ समचार पेली यहूदि मिनखा ताँई अर पाछै यूनानी मिनखा ताँई बी परमेसर की सक्ति ह। 17क्युं क चोखो समचार परमेसर की धारमिक्तानै बतावै, आ धारमिक्ता सरूआतऊँ लेर आखीर ताँई बिस्वास प टिकरी ह जंय्यां क पबितर सास्तर म मंडर्यो ह, “धरमी मिनख बिस्वासऊँ जिसी।”
अधरम्या प परमेसर की झाळ
18परमेसर की झाळ ईस्बर नगरीऊँ मिनखा का हरेक पाप अर बुराई क खिलाप परगट होवै ह, जखा बुराईऊँ सचनै दबावै ह। 19परमेसर बानै सजा देसी, इकी बजे आ ह क बे परमेसर का बारां म जाणी हीं, क्युं क परमेसर खुदनै साप-साप परगट कर्यो ह। 20जद परमेसर इ सरस्टिनै रच्यो हो, जणाऊँई बिका नइ दिखबाळा गुण जखा बिकी जुग-जुग रेह्बाळी सक्ति अर ईस्बरीय सुभाव ह देख्यो गयो। परमेसर जोक्यु बी बणायो बिकै जरिए परमेसरनै साप-साप जाण्यो जावै ह, जिऊँ कोई कनै कोई भानो नइ होवै।
21 #
इफि 4:17,18 परमेसरनै जाणता बुजता बी बे बिको परमेसर की जंय्यां आदरमान कोनी कर्यो अर नइ बिनै धनेवाद दिओ। बाकी सोच बेकार होगी अर बाका बेबुदी मन अँधकारऊँ भरगा। 22बे बोलीं हीं क बे स्याणा हीं, पण बे तो मूरख हीं। 23अर बे नइ मिटबाळा परमेसर की मेमानै नास होबाळा मिनख, पंछ्या, जानबर अर पेटपल्याणा चालबाळा जिनावरा की मूरत्या म बदल दिआ।
24इ ताँई परमेसर बानै बाका हिया की सरमनाक इंछ्या ताँई छोड दिओ, क बे असुद होवीं अर एक दुसरा की काया क सागै ओछोपुणो करै। 25बे परमेसर का सचनै झूठ म बदल्या, अर जगतनै रचबाळा की झघा बिकी रचेड़ी चिजानै ध्यारीं अर बाकी सेवा करीं हीं, जगतनै रचबाळा की जे सदाई होवै। अंय्यांई होवै।
26इ बजेऊँ परमेसर बानै सरमनाक इंछ्या क बस म छोड दिओ। बाकी लूगाया बी आपका मोट्यार क सागै कुदरती भेवारनै छोडर अंय्यां-अंय्यां का भेवार राखबा लागगी जखा कुदरत क खिलाप ह। 27अर अंय्यांई मोट्यार लूगाया क सागै कुदरती भेवारनै छोडर मोट्यार, मोट्यार एक दुसरा क सागै काळो मुंडो करबा ताँई तड़फीं हीं। अंय्यां मोट्यार, मोट्यार क सागै काळो मुंडो कर बेसरमी भर्या कामा को फळ पार्या हीं जिका बे हकदार हीं।
28अर अठै ताँई बे परमेसरनै जाणबा को मोल कोनी जाण्या जणाई परमेसर बी बानै बाकी फालतु सोच प छोड दिओ, अर बे जखी नइ करनी चाए बे बाता करीं हीं। 29बे हरतर्या का अधरम, बुराई, लालच, बुरी लत, बळोकड़ापूणा, हत्या, राड़, धोको, बुरी मनस्या अर चुगली-चाळाऊँ भर्या पड़्या हीं। 30बे आपका मुंडाऊँ एक दुसरा की बुराई करबाळा, परमेसरऊँ नफरत करबाळा, उपरादी, गुमानऊँ भरेड़ा अर फांप मारबाळा हीं। बे बुराई करबा की नई-नई तरकीब घड़ी हीं। बे आपका माँ-बापा का कह्या म कोनी चालीं। 31बे बेबुदी का अर करारनै तोड़बाळा हीं। बे दुसरा प दया कोनी करै अर बाकै हिया म परेम कोनी। 32बे परमेसर का नियमानै जाणी हीं क जखो मिनख अंय्यां जीवै ह बो मोतनै पाळै ह जणा पाछै बी बे खुद तो अंय्यां करै जखा करैई ह अंय्यां करबाळा दुसरानै बी सई बतावै।
(c) 2010-2017, New Life Computer Institute. All rights reserved
रोम 1
1
1-7म ईसु मसी को दास, भेजेड़ो चेलो पोलुस, जिनै परमेसर बुलायो अर चोखो समचार परचार करबा ताँई टाळ्यो, आ चिठी रोम की बिस्वासी मंडळीनै मांडूँ हूँ।
रोम म रेह्बाळा थारै सगळा प जखा परमेसर का लाडला अर पबितर होबा ताँई बुलाया गया हीं। आपणा परम-पिता परमेसर अर परबु ईसु मसी की दया अर स्यांती बणी रेह्वै।
चोखा समचार को बादो परमेसर की खेबाळा क जरिए पेलीऊँई कर्यो गयो, जंय्यां क पबितर सास्तर म मंडर्यो ह, ओ चोखो समचार परमेसर का बेटा क बारां म ह अर ओ काया रूप म दाऊद क कूणबा म जलम्यो। अर बिनै पबितर आत्माऊँ मरेड़ा मऊँ जीवार सक्ति क सागै ओ साबित कर्यो गयो क ओ परमेसर को बेटो ह जखो आपणो परबु ईसु मसी ह। मसी क जरिए परमेसर म्हानै ओ सोभाग अर भेजेड़ा चेला को ओदो दिओ, जिऊँ जगत का सगळा मिनख बिस्वास करीं अर बिकी मानी जिऊँ बिका नाम की मेमा होवै। थारी बी गिणती आमई आवै ह, थानै ईसु मसी का होबा ताँई बुलायो गयो ह।
रोम जाबा ताँई पोलुस की इंछ्या
8सऊँ पेली म थारै सगळा ताँई ईसु मसी म परमेसर को धनेवाद देऊँ हूँ, क्युं क सगळी दुनिया म थारा बिस्वास क बारां म बतायो जार्यो ह। 9परमेसर जिकी सेवा म मेरी आत्माऊँ बिका बेटा का चोखा समचार को परचार कर करूं हूँ, बो मेरो गुवा ह क म सदाई थानै मेरी अरदास म याद करूं हूँ। 10म सदाई अरदास कर माँगर्यो हूँ क परमेसर की इंछ्याऊँ म थारूँ मिलबा ताँई आ सकूँ।
11मेरी बोळी इंछ्या ह क म थानै देखूँ, क्युं क म आत्मिक आसिरबाद थारै सागै बाटबो चाऊँ हूँ जिऊँ थानै ताकत मिलै। 12मेरो मतबल ओ ह क, जद म थारै सागै होऊँ जणा थानै मेरा अर मनै थारा बिस्वासऊँ हिमत मिलै। 13#काम 19:21मेरा लाडला बिस्वासी भाईड़ो, म चाऊँ हूँ थे इनै जाणो क म बोळी बार थारै कनै आबा की सोची क थारै म बाकी का दुसरा गैर-यहूदि मिनखा की जंय्यां फळ पा सकूँ पण हर बर क्युंना क्युं अंय्यां होयो क म कोनी आ सक्यो।
14के यूनानी, के कुजात, के मूरख, के बुदीमान म तो आ सगळानै चोखो समचार सुणाबा ताँई जिमेदार हूँ। 15जणाई म थारै म जखा रोम म रेहर्या हो, बि चोखा समचार को परचार करबा ताँई उतावळो हूँ।
चोखा समचार की सक्ति
16 #
मर 8:38
म मसी का चोखा समचारऊँ कोनी सरमाऊँ क्युं क जखो बी बिस्वास करै बिकै छुटकारा ताँई ओ समचार पेली यहूदि मिनखा ताँई अर पाछै यूनानी मिनखा ताँई बी परमेसर की सक्ति ह। 17क्युं क चोखो समचार परमेसर की धारमिक्तानै बतावै, आ धारमिक्ता सरूआतऊँ लेर आखीर ताँई बिस्वास प टिकरी ह जंय्यां क पबितर सास्तर म मंडर्यो ह, “धरमी मिनख बिस्वासऊँ जिसी।”
अधरम्या प परमेसर की झाळ
18परमेसर की झाळ ईस्बर नगरीऊँ मिनखा का हरेक पाप अर बुराई क खिलाप परगट होवै ह, जखा बुराईऊँ सचनै दबावै ह। 19परमेसर बानै सजा देसी, इकी बजे आ ह क बे परमेसर का बारां म जाणी हीं, क्युं क परमेसर खुदनै साप-साप परगट कर्यो ह। 20जद परमेसर इ सरस्टिनै रच्यो हो, जणाऊँई बिका नइ दिखबाळा गुण जखा बिकी जुग-जुग रेह्बाळी सक्ति अर ईस्बरीय सुभाव ह देख्यो गयो। परमेसर जोक्यु बी बणायो बिकै जरिए परमेसरनै साप-साप जाण्यो जावै ह, जिऊँ कोई कनै कोई भानो नइ होवै।
21 #
इफि 4:17,18 परमेसरनै जाणता बुजता बी बे बिको परमेसर की जंय्यां आदरमान कोनी कर्यो अर नइ बिनै धनेवाद दिओ। बाकी सोच बेकार होगी अर बाका बेबुदी मन अँधकारऊँ भरगा। 22बे बोलीं हीं क बे स्याणा हीं, पण बे तो मूरख हीं। 23अर बे नइ मिटबाळा परमेसर की मेमानै नास होबाळा मिनख, पंछ्या, जानबर अर पेटपल्याणा चालबाळा जिनावरा की मूरत्या म बदल दिआ।
24इ ताँई परमेसर बानै बाका हिया की सरमनाक इंछ्या ताँई छोड दिओ, क बे असुद होवीं अर एक दुसरा की काया क सागै ओछोपुणो करै। 25बे परमेसर का सचनै झूठ म बदल्या, अर जगतनै रचबाळा की झघा बिकी रचेड़ी चिजानै ध्यारीं अर बाकी सेवा करीं हीं, जगतनै रचबाळा की जे सदाई होवै। अंय्यांई होवै।
26इ बजेऊँ परमेसर बानै सरमनाक इंछ्या क बस म छोड दिओ। बाकी लूगाया बी आपका मोट्यार क सागै कुदरती भेवारनै छोडर अंय्यां-अंय्यां का भेवार राखबा लागगी जखा कुदरत क खिलाप ह। 27अर अंय्यांई मोट्यार लूगाया क सागै कुदरती भेवारनै छोडर मोट्यार, मोट्यार एक दुसरा क सागै काळो मुंडो करबा ताँई तड़फीं हीं। अंय्यां मोट्यार, मोट्यार क सागै काळो मुंडो कर बेसरमी भर्या कामा को फळ पार्या हीं जिका बे हकदार हीं।
28अर अठै ताँई बे परमेसरनै जाणबा को मोल कोनी जाण्या जणाई परमेसर बी बानै बाकी फालतु सोच प छोड दिओ, अर बे जखी नइ करनी चाए बे बाता करीं हीं। 29बे हरतर्या का अधरम, बुराई, लालच, बुरी लत, बळोकड़ापूणा, हत्या, राड़, धोको, बुरी मनस्या अर चुगली-चाळाऊँ भर्या पड़्या हीं। 30बे आपका मुंडाऊँ एक दुसरा की बुराई करबाळा, परमेसरऊँ नफरत करबाळा, उपरादी, गुमानऊँ भरेड़ा अर फांप मारबाळा हीं। बे बुराई करबा की नई-नई तरकीब घड़ी हीं। बे आपका माँ-बापा का कह्या म कोनी चालीं। 31बे बेबुदी का अर करारनै तोड़बाळा हीं। बे दुसरा प दया कोनी करै अर बाकै हिया म परेम कोनी। 32बे परमेसर का नियमानै जाणी हीं क जखो मिनख अंय्यां जीवै ह बो मोतनै पाळै ह जणा पाछै बी बे खुद तो अंय्यां करै जखा करैई ह अंय्यां करबाळा दुसरानै बी सई बतावै।
(c) 2010-2017, New Life Computer Institute. All rights reserved