Malika 7
7
1-23: Mat. 15, 1-20.
1Neke baho vakoṅanage pamwene ava-Fwalisaja navakagulihâte vamwi, avahuma-mu-Jelusaleme.
2Neke vavavonage avańigendwa vakwe avangi vilya namavoko amańalupumba, kwe kuta agasi makalave. Luk. 11, 38.
3Ndivwene avene ava-Fwalisaja nava-Juda vonda vasalyaga ifilyo kitakalava vukola mbando. Vagitaga-vo ukudzininila indzimbo, dze vavalekye avakatali.
4Neke na fye fyahumaga kusokôni, nafyo avene vasalidzaga kijagi, vatalaga vafihogofyage tândi. Potuli nutungi utwîmbo twanavo utolofu, twe vitigila umunu twe avagye agendelage, utwakuhogofya nindeve nututonga nifihava fya fidzelu.
5Neke baho ava-Fwalisaja navakagulihâte neke vamuvudzage vatigilage: uveve avańigendwa vako vasigendela kiki pandzimbo, dze vatulekye avakatali? Ka ifilyo vilya mwe kiki kitakalava amavoko?
6Neke umwene apilusage atigilage: agolwise ndakyene Jisaja, pakuvila lwa ńe vakedus’ańe, lwe alongye ululi pahâte ulwitigila: avanu ava vikundumbila gu mulomo, inumbula janavo jili kutali.
7Fye vitekela ukwangu fisikuvavumbulila kinu neke nuluvungo, lwe vivungila, lwîmbo hela lwa vanu.
8Pakuva indagi dza Nguluvi idzo mudzilekile neke indzimbo dza vanu idzo mukudzininila.
9Neke atigilage: muluvwene mbandu ulwa kudzidzumba indagi dza Nguluvi, pakuta tugendelage dzi dzesu indzimbo.
10Ndivwene umwene u-Mose alagilye ṅani lwa kuta: umuginyage udado nuńoko nulwa kuta: je ikumuliga udadye nuṅina, ujo je muńa-kufwa swe.
11Neke lino uńeńe mwitigila: umunu ngana alongile kwa dadye nuṅina ngana atigye: „Kolobana“ kwe kutigila: ndikupelye kya hela, kye ndikukutangilihidza unene,
12apo ujo musileka amulimilage ulungi udadye nuṅina.
13Neke twe twene utwîmbo tweńo, twe mulekanilye, mwe mwifufihidza nihdzwi lya Nguluvi. Nutungi utwîmbo, utuli nde utu, mwigendela tolofu.
14Neke umwene avalundasage avanu ikipuga neke avalongelage neke atigilage: uńeńe mwivonda mupulihidzage ukwangu neke mulufikage, lwe ndilonga.
15Pehela ifya kwivala, ifikumuhulila ilipumba umunu, ngana fikwingila mwileme lyakwe, hamu, ifihuma mwileme lyakwe, fye fyene, ifikumuvumbulila umunu ilipumba. Apos. 10, 14. 16.
16Neke je ali nago amatwi, ujo apulihidzage.
17Neke avye apilwike, kwe ali navanu, avye ingye muńumba, neke baho vamuvudzage avańi-gendwa vakwe uluhwananidzo ulu.
18Neke umwene atigilage: najuńe ve mulivo? Lwave uluhala lusina lutema humbe? Mwave najuńe ukulufika, ukuta fyonda, ifili pivala hela, ngana fikwingila, sifihulila ilipumba kwe munu?
19Pakuva fisikwingila mwe numbula, hamu, fikwingila mu mwileme, kangi fidzitagwa kudâsi. Mwe fivalahidzwa ndesi fyonda ifilyo.
20Neke atigilage: fyonda ifihuma mwileme lya munu, ifyo fye fikumuhulila umunu ilipumba.
21Ndivwene munumbula ja munu mugati mwe mwene mwe gihuma amahôdza amavîfu nuvugoni nuvuhidzi nuvuvuladzi
22nukudumula uvutolane nuvununumu nuvuhaluka nikigaho nuvukemi nilîho ilihaluka nuvulongafivi nuvwiginisi nuvupuva.
23Dzonda idza vuhaluka idzi dzihuma mwileme lya munu, dze dzene, idzikumuhulila umunu ilipumba.
24-30: Mat 15, 21-28.
24Neke baho ahegage neke ahelelage ku-ńi ja mu-Tili na mu-Sidono. Neke akadzikwingilage muńumba, atigilaga vatane ukukagula avanu. Neke alemwage ukwijadza.
25Pakuva pe ali jumwinga umudala, je ali nakahindza, ke gwamwingye umubepo umulamafu, apulike ukuta ali muno. Neke baho ahelelage baho, pe ali umwene, neke agonda-midzage mumagulu.
26Neke umwene umukińinavo ali mu-Giliti, ahumile mukipelela kya Silofoniki, neke je adedevage ukwakwe neke atigilage: ungańedzehedza umudemono kwa mwali-vangu.
27Neke umwene atigilage: uleke tândi vigutage avâna vangu, ndivwene si lunofu ukujinula ifŭka ja vâna neke usopelage imbwa.
28Neke umwene umukiṅinavo apilusage neke atigilage: ulo hulo, mutw’ave, neke na tu tubwa, utuli mwifungu lya libiki lya kulila, twihola utuvuluvulu, twe vilagalidza avâna.
29Neke baho Jesu apilusage atigilage: baho ulilongile ilidzwi ili, swêla lino uhelelage, udzivona umudemono ahumile kwa mwalivo.
30Neke. baho ahelelage kuńumba jakwe neke akavonage umudemono ahumile ndakyene neke akavonage umwalive ilambalalye pavulili.
31Neke kangi ukuhuma mu-ńi ja mu-Tili ńeke adzumbanidzage ija mu-Sidono neke akafikage pańandza ja mu-Galilaja, pagatinapagati pa-ńi ja mu-Dekapōli; cf. Mat. 15, 29-31.
32neke baho vamuletage umudibafu, je ali kitadzova neke vahongedzage ukwakwe vatigilage: ungamuvika ilivoko. 5, 23.
33Neke umwene ibagulage nave kuvanu neke amusopage ifyâla mumatwi neke afuńage namati neke amwabasage ululimi lwakwe. 8, 23.
34Neke alolage kukyâńa neke lino iṅulandzage neke atigilage: hefwata! kwe kutigila: dinduka. 6, 41; Joh. 11, 41.
35Neke baho amasikidza gakwe gadindukage neke nuludela lwa lumili luvopokage neke alongage hela agolosage.
36Neke umwene adzidzage atigilage: mutane ukulonga kwe munu. Neke avene bahe idzidza neke baho neke avene vongeledzage vunofu ukupulisa. 1, 43-46.
37Neke vadzumage sikudzuma neke vatigilage: anodzidze fyonda, avadibafu akuvahulila ukuta vapulikage avakitadzova akuvahulila ukuta valongage.
New Testament in Bena © Bible Society of Tanzania, 1958.
Malika 7
7
1-23: Mat. 15, 1-20.
1Neke baho vakoṅanage pamwene ava-Fwalisaja navakagulihâte vamwi, avahuma-mu-Jelusaleme.
2Neke vavavonage avańigendwa vakwe avangi vilya namavoko amańalupumba, kwe kuta agasi makalave. Luk. 11, 38.
3Ndivwene avene ava-Fwalisaja nava-Juda vonda vasalyaga ifilyo kitakalava vukola mbando. Vagitaga-vo ukudzininila indzimbo, dze vavalekye avakatali.
4Neke na fye fyahumaga kusokôni, nafyo avene vasalidzaga kijagi, vatalaga vafihogofyage tândi. Potuli nutungi utwîmbo twanavo utolofu, twe vitigila umunu twe avagye agendelage, utwakuhogofya nindeve nututonga nifihava fya fidzelu.
5Neke baho ava-Fwalisaja navakagulihâte neke vamuvudzage vatigilage: uveve avańigendwa vako vasigendela kiki pandzimbo, dze vatulekye avakatali? Ka ifilyo vilya mwe kiki kitakalava amavoko?
6Neke umwene apilusage atigilage: agolwise ndakyene Jisaja, pakuvila lwa ńe vakedus’ańe, lwe alongye ululi pahâte ulwitigila: avanu ava vikundumbila gu mulomo, inumbula janavo jili kutali.
7Fye vitekela ukwangu fisikuvavumbulila kinu neke nuluvungo, lwe vivungila, lwîmbo hela lwa vanu.
8Pakuva indagi dza Nguluvi idzo mudzilekile neke indzimbo dza vanu idzo mukudzininila.
9Neke atigilage: muluvwene mbandu ulwa kudzidzumba indagi dza Nguluvi, pakuta tugendelage dzi dzesu indzimbo.
10Ndivwene umwene u-Mose alagilye ṅani lwa kuta: umuginyage udado nuńoko nulwa kuta: je ikumuliga udadye nuṅina, ujo je muńa-kufwa swe.
11Neke lino uńeńe mwitigila: umunu ngana alongile kwa dadye nuṅina ngana atigye: „Kolobana“ kwe kutigila: ndikupelye kya hela, kye ndikukutangilihidza unene,
12apo ujo musileka amulimilage ulungi udadye nuṅina.
13Neke twe twene utwîmbo tweńo, twe mulekanilye, mwe mwifufihidza nihdzwi lya Nguluvi. Nutungi utwîmbo, utuli nde utu, mwigendela tolofu.
14Neke umwene avalundasage avanu ikipuga neke avalongelage neke atigilage: uńeńe mwivonda mupulihidzage ukwangu neke mulufikage, lwe ndilonga.
15Pehela ifya kwivala, ifikumuhulila ilipumba umunu, ngana fikwingila mwileme lyakwe, hamu, ifihuma mwileme lyakwe, fye fyene, ifikumuvumbulila umunu ilipumba. Apos. 10, 14. 16.
16Neke je ali nago amatwi, ujo apulihidzage.
17Neke avye apilwike, kwe ali navanu, avye ingye muńumba, neke baho vamuvudzage avańi-gendwa vakwe uluhwananidzo ulu.
18Neke umwene atigilage: najuńe ve mulivo? Lwave uluhala lusina lutema humbe? Mwave najuńe ukulufika, ukuta fyonda, ifili pivala hela, ngana fikwingila, sifihulila ilipumba kwe munu?
19Pakuva fisikwingila mwe numbula, hamu, fikwingila mu mwileme, kangi fidzitagwa kudâsi. Mwe fivalahidzwa ndesi fyonda ifilyo.
20Neke atigilage: fyonda ifihuma mwileme lya munu, ifyo fye fikumuhulila umunu ilipumba.
21Ndivwene munumbula ja munu mugati mwe mwene mwe gihuma amahôdza amavîfu nuvugoni nuvuhidzi nuvuvuladzi
22nukudumula uvutolane nuvununumu nuvuhaluka nikigaho nuvukemi nilîho ilihaluka nuvulongafivi nuvwiginisi nuvupuva.
23Dzonda idza vuhaluka idzi dzihuma mwileme lya munu, dze dzene, idzikumuhulila umunu ilipumba.
24-30: Mat 15, 21-28.
24Neke baho ahegage neke ahelelage ku-ńi ja mu-Tili na mu-Sidono. Neke akadzikwingilage muńumba, atigilaga vatane ukukagula avanu. Neke alemwage ukwijadza.
25Pakuva pe ali jumwinga umudala, je ali nakahindza, ke gwamwingye umubepo umulamafu, apulike ukuta ali muno. Neke baho ahelelage baho, pe ali umwene, neke agonda-midzage mumagulu.
26Neke umwene umukińinavo ali mu-Giliti, ahumile mukipelela kya Silofoniki, neke je adedevage ukwakwe neke atigilage: ungańedzehedza umudemono kwa mwali-vangu.
27Neke umwene atigilage: uleke tândi vigutage avâna vangu, ndivwene si lunofu ukujinula ifŭka ja vâna neke usopelage imbwa.
28Neke umwene umukiṅinavo apilusage neke atigilage: ulo hulo, mutw’ave, neke na tu tubwa, utuli mwifungu lya libiki lya kulila, twihola utuvuluvulu, twe vilagalidza avâna.
29Neke baho Jesu apilusage atigilage: baho ulilongile ilidzwi ili, swêla lino uhelelage, udzivona umudemono ahumile kwa mwalivo.
30Neke. baho ahelelage kuńumba jakwe neke akavonage umudemono ahumile ndakyene neke akavonage umwalive ilambalalye pavulili.
31Neke kangi ukuhuma mu-ńi ja mu-Tili ńeke adzumbanidzage ija mu-Sidono neke akafikage pańandza ja mu-Galilaja, pagatinapagati pa-ńi ja mu-Dekapōli; cf. Mat. 15, 29-31.
32neke baho vamuletage umudibafu, je ali kitadzova neke vahongedzage ukwakwe vatigilage: ungamuvika ilivoko. 5, 23.
33Neke umwene ibagulage nave kuvanu neke amusopage ifyâla mumatwi neke afuńage namati neke amwabasage ululimi lwakwe. 8, 23.
34Neke alolage kukyâńa neke lino iṅulandzage neke atigilage: hefwata! kwe kutigila: dinduka. 6, 41; Joh. 11, 41.
35Neke baho amasikidza gakwe gadindukage neke nuludela lwa lumili luvopokage neke alongage hela agolosage.
36Neke umwene adzidzage atigilage: mutane ukulonga kwe munu. Neke avene bahe idzidza neke baho neke avene vongeledzage vunofu ukupulisa. 1, 43-46.
37Neke vadzumage sikudzuma neke vatigilage: anodzidze fyonda, avadibafu akuvahulila ukuta vapulikage avakitadzova akuvahulila ukuta valongage.
New Testament in Bena © Bible Society of Tanzania, 1958.