Vaefeso 6
6
Ang'ënya Nanë Afafi Vawe
1Nyee ang'ënya, vategheeyi afafi vanyu fana Müküü, gusoko ërëë ija na tutë. 2“Vakürye va ho vina nyokwe” (iraghëëyo ërëë unë iraghëëyo ra mwandyo nërina iraghano). 3“Uvii uhange mboto wikhee matiku mingë mu urëmi.”
4Nyeenoo vaa tata, mutavahurisyee ang'ënya vanyu, ëgweeso varëi mu uduvi në uja wa witegheeyi na masëyo a Müküü.
Atughwa Nane Aküü Vawe
5Nyee atughwa, vategheeyi vasaa në aküü vanyu afaa muurëmi gwa googhofa na ukhaghata, gwa nkhoo në njëru, mwino chuu mumutegheeya Kiristo. 6Tendi uvii ti itungo nëvëmuraraavie mwijëfëye kunë veeso, ëgweeso tendi mwëmo gwa nkhoo mwino Muungu ugufenja gusoko nyee mwatumami vamwa Kiristo. 7Muyanje utumama gusoko amwa Müküü na ti gusoko a antu. 8Manyi mwino mu ukhani në uja në muntu uguutendaa ugufewa ërëëro ërëëro na Müküü, mwino uu mutughwa namba wëë muuhaghaaro. 9Nyeenoo, aküü, vatendei veeso noo ayaayo ayaayo, sa muureka uvaoghofya, sa mumanyie rüküü mwino mweeso në Müküü wawe na wanyu në wëë girunde, ëgweeso kunë mweeso gutie gihenga usyu wa muntu.
Fëta a Nkhoo
10Mpeoayo, mufwaghëëre gimëka jënjëre fana Müküü na mu udaho wa nguu yakwe. 11Ryai mata oong'e, a Muungu, mudahe geambëa na ntendo në mbë yamwa Ibilisi. 12Gusoko fëta itu sese ti fëta a saghami na nyama, ëgweeso uu fëta agikhuva na maburi a urughu në uvë wa muurëmi wa vinyonyinyonyi, gugikhuva na atemi, aküü nanë anya nguu nëvibalie mu urëmi ürüü wa kiti. 13Gusoko ësëë, ryai mata oong'e a Muungu, mudahe giambëa vija na mahome a murughu, na nëmwadaha uyatenda oong'e, imëki jënjërë. 14Uvii, imëki jënjërë, tutë ëtendeke mukhova wa mu viëëno vyanyu, uduvi nëuja nëunoneye utenda isaa ragyambëëra mugëkuva, 15na nkümbü a utanantya Sayu Njija a majëghana ëtendeke mwino maatu mumëghuu anyu. 16Ukëra asaa oong'e, uhuvëi matiku oong'e utende mwino ngura mumëkhono anyu, ëmufe udaho wa gikita na mëvyë a moto a murughu uyoo. 17Kangë uhori utyoi mwino nkhüfia anyu a iyuma, na ukhani wa Muungu mwino mpaanga nëmuufewa na Mwahu Mweru. 18Gwa iküryo na marombi sa muuromba mu itungo gwa nguu ya Mwahu. Mutaree, mutakhatee sa müükürya gusoko a antu voong'e va Muungu. 19Nombei nëënoo noo nëngurighiitya Muungu ampe rauhanya nëdahe uvakhanëa antu mumpiinda wa Sayu Njija mwino inoneye. 20Nene në mutumwa gusoko a Sayu Njija ësëë mbesa itungwee nëëmugëtungo. Uvii rombi nëdahe utenda nina makura umëtanantya Sayu Njija mwino inoneye.
Maramucho a Mpëo
21Tukiko muuna itu, muyanjwi na mutumami në wa tutë wa Müküü, ugumufa sayu yanë yoong'e mudahe umanya nëngurëtenda. 22Namutuma kunë nyee amufe sayu yitu mudahe ukhomya nkhoo. 23Nyenye anyandughu mutendeke na majëghana, na uyanjo itambëëmwe na uhuvëi ufuma kunë Muungu Tata na kunë Müküü Yesu Kiristo. 24Mboto na ëtendeke itambëëmwe na voong'e nëvëmwaanjëte Müküü witu Yesu Kiristo gwa uyanjo nëutina mpëo.
Kirimi New Testament © Bible Society of Tanzania, 2008.
Vaefeso 6
6
Ang'ënya Nanë Afafi Vawe
1Nyee ang'ënya, vategheeyi afafi vanyu fana Müküü, gusoko ërëë ija na tutë. 2“Vakürye va ho vina nyokwe” (iraghëëyo ërëë unë iraghëëyo ra mwandyo nërina iraghano). 3“Uvii uhange mboto wikhee matiku mingë mu urëmi.”
4Nyeenoo vaa tata, mutavahurisyee ang'ënya vanyu, ëgweeso varëi mu uduvi në uja wa witegheeyi na masëyo a Müküü.
Atughwa Nane Aküü Vawe
5Nyee atughwa, vategheeyi vasaa në aküü vanyu afaa muurëmi gwa googhofa na ukhaghata, gwa nkhoo në njëru, mwino chuu mumutegheeya Kiristo. 6Tendi uvii ti itungo nëvëmuraraavie mwijëfëye kunë veeso, ëgweeso tendi mwëmo gwa nkhoo mwino Muungu ugufenja gusoko nyee mwatumami vamwa Kiristo. 7Muyanje utumama gusoko amwa Müküü na ti gusoko a antu. 8Manyi mwino mu ukhani në uja në muntu uguutendaa ugufewa ërëëro ërëëro na Müküü, mwino uu mutughwa namba wëë muuhaghaaro. 9Nyeenoo, aküü, vatendei veeso noo ayaayo ayaayo, sa muureka uvaoghofya, sa mumanyie rüküü mwino mweeso në Müküü wawe na wanyu në wëë girunde, ëgweeso kunë mweeso gutie gihenga usyu wa muntu.
Fëta a Nkhoo
10Mpeoayo, mufwaghëëre gimëka jënjëre fana Müküü na mu udaho wa nguu yakwe. 11Ryai mata oong'e, a Muungu, mudahe geambëa na ntendo në mbë yamwa Ibilisi. 12Gusoko fëta itu sese ti fëta a saghami na nyama, ëgweeso uu fëta agikhuva na maburi a urughu në uvë wa muurëmi wa vinyonyinyonyi, gugikhuva na atemi, aküü nanë anya nguu nëvibalie mu urëmi ürüü wa kiti. 13Gusoko ësëë, ryai mata oong'e a Muungu, mudahe giambëa vija na mahome a murughu, na nëmwadaha uyatenda oong'e, imëki jënjërë. 14Uvii, imëki jënjërë, tutë ëtendeke mukhova wa mu viëëno vyanyu, uduvi nëuja nëunoneye utenda isaa ragyambëëra mugëkuva, 15na nkümbü a utanantya Sayu Njija a majëghana ëtendeke mwino maatu mumëghuu anyu. 16Ukëra asaa oong'e, uhuvëi matiku oong'e utende mwino ngura mumëkhono anyu, ëmufe udaho wa gikita na mëvyë a moto a murughu uyoo. 17Kangë uhori utyoi mwino nkhüfia anyu a iyuma, na ukhani wa Muungu mwino mpaanga nëmuufewa na Mwahu Mweru. 18Gwa iküryo na marombi sa muuromba mu itungo gwa nguu ya Mwahu. Mutaree, mutakhatee sa müükürya gusoko a antu voong'e va Muungu. 19Nombei nëënoo noo nëngurighiitya Muungu ampe rauhanya nëdahe uvakhanëa antu mumpiinda wa Sayu Njija mwino inoneye. 20Nene në mutumwa gusoko a Sayu Njija ësëë mbesa itungwee nëëmugëtungo. Uvii rombi nëdahe utenda nina makura umëtanantya Sayu Njija mwino inoneye.
Maramucho a Mpëo
21Tukiko muuna itu, muyanjwi na mutumami në wa tutë wa Müküü, ugumufa sayu yanë yoong'e mudahe umanya nëngurëtenda. 22Namutuma kunë nyee amufe sayu yitu mudahe ukhomya nkhoo. 23Nyenye anyandughu mutendeke na majëghana, na uyanjo itambëëmwe na uhuvëi ufuma kunë Muungu Tata na kunë Müküü Yesu Kiristo. 24Mboto na ëtendeke itambëëmwe na voong'e nëvëmwaanjëte Müküü witu Yesu Kiristo gwa uyanjo nëutina mpëo.
Kirimi New Testament © Bible Society of Tanzania, 2008.