Vaefeso 4
4
Ukhuvëi wa Nongo ya Mwëërë
1Gwa uvii ngumunena, nene në nëëmutungwa gusoko ngumwitumamëa Müküü, muduve uduvi nëunoneye mwino nëmwautaanëwe. 2Gwa ginyumpya ino na gwa utenda mwaafoo, gwa ughimëëyi, ighimëëyi nyenye gwa nyenye gwa uyanjo. 3Jindami gwa uwughondanëëya ukhuvëi wa Mwahu mu gëtungo ga majëghana. 4Mwëërë rumwe, na Mwahu umwe, mwino ighonje nëmwataanëwe na Muungu uu rumwe. 5Müküü umwe, uhuvëi rumwe, ubadiso rimwe. 6Muungu umwe, mweeso noo Tata wa voong'e në wëë gunto a oong'e na mu oong'e na mukhatë a oong'e. 7Gweeso mu muntu mukhatë itu wafewe mboto gwa gining'anëëra gwa ngeero a gëfewa gakwe Kiristo. 8Uvii uguhanyaa,
“Nënaawanatëa girunde gunto
agahora ahumwa,
Agavafa anaantu vifëwa.”
9Uvii, nëguuhanya aganatëa gunto, ëna rianakëhe? rianaayo uu mwino mwandyo agatununta fang'ë mu urëmi. 10Uvii, wasuu nëwatununtie afaa mu urëmi, uu wasuu nëaganatëa gunto ino ukëra maunde oong'e, adahe uyijuya mantu oong'e. 11Mweeso uu wasuu nëagavafa antu vifewa: vangëja agavafa vëtendeke atumami, vangëja agavafa anyagëdaghu, vangëja vëtendeke atanantii, vangëja adëmi na asëyi. 12Agatenda uvii adahe uvakhamya antu voong'e va Muungu gusoko a mwëmo, wamwa Kiristo uwujenga mwëërë wamwa Kiristo, 13na uvii soong'e guufikëe ukhuvëi wa uhuvëi na umumanya ino Mwana wa Muungu, gutendeke antu nëvëkhomie na ufikëa uning'anëëyi wakwe Kiristo mughonjo. 14Uvii, gutiutendeka kangë mwino gwa ang'ënya, guujughutwa na ujunjwajunjwa ukoo nanë ukoo gwa mu mpefo a masëyo nëvëyakenkete antu në veegheeghee gwa uvayaghaya vangëja gwa lakuno. 15Gweeso gumëkwatëëre tutë mu uyanjo na üküra faka gumufikëe mweeso mukhatë a oong'e, mweeso unë mutongeeri, Kiristo. 16Gwa utongeeri wakwe, mwëërë woong'e ukhuvëywe itambëëmwe na gikwatëëra gwa waarëëyi wa muu nongo, gwa udaho wa muu nongo ëmwe ëmwe mwino ëgutendaa mwëmo, mwëërë woong'e ugüküraa na gijenga mu uyanjo.
Uduvi në ufya fana Kiristo
17Uvii, ngurëghëtya ukhani uruu, kangë ngusudangëa fana Müküü, udua itungwee mutaduvee mwino antu nëti Ayahudi mwino vëuduvaa, vasaa në masëgho awe aye ti intu mbanduvë, 18na mahaa awe ëëmukiti. Veeso noo vëëkure na vëtikweti ufanga wa Muungu, gusoko a ufutu në wëë mukhatë awe, gusoko a ukaku wa nkhoo yawe. 19Vasaa nënaa vakuya ighandi vëgighumëaa mu mantu në mavë vëdahe utenda muu uvaya hiyahiya gwa ukwatwa na nkumbu ya mantu. 20Ëgweeso nyenye, mwinësëyaa uwuu kunë Kiristo, 21nësa mugamutegheeya mugisëya kunë mweeso, mwino tutë ëtë ërë fana Yesu. 22Murue sayu a mweenendo wanyu wa mwandyo untu wa khae, nëuguruvëkaa gwa uyihonga nkumbu ya ukhonga, 23na mutendwe mwë vafya mu nkhoo na masëgho anyu. 24Ryai untu në ufya, nëwaumbiwe gwa nyinkhori a Muungu nëugidwëëyaa mu uduvi wa tutë nëughookie nanë weru wa tutë.
25Gwa uvii, ureki weegheeghe, murighitye tutë mu muntu na munyafifë wakwe, gusoko gwë nongo mu muntu nongo a vooyakwe. 26Mutende mwina ukharë, ëgweeso mutatendee mahutye, yuva taja rëhaarëe në uvavi wanyu ëkëë winamudua. 27Mutamufee Ibilisi iyoma. 28Mwivi ataivee kangë, ëgweeso bahu ikunkunyaye, atende mwëmo në uja gwa mëkhono akwe mughonjo adahe utenda wina intu ra umufa wasuu nëugufenja waarëëyi. 29Ukhani gëkaku në uvë utadwëërë mu mëomo anyu, ëgweeso në uja nëumunoneye nëugufenja waarëëyi, udahe uvafa mboto nëvëutegheeya. 30Ëgweeso mutamuhurisyee Mwahu Mweru wa Muungu, gusoko akwe nyenye mwatendewe mutojo faka itiku ra ukhomoi. 31Uvavi woong'e na simbë në mbë ino na ukharë na mukindo na matuki ëheghe kunë nyee itambëëmwe na muu uvë hiyahiya. 32Kangë tendi anya gifa mantu nyenye gwa nyenye, anyagionëa uvavi, mugirekëa mahutye mwino Muungu mukhatë amwa Kiristo nëwamurekëe nyee mahutye.
Kirimi New Testament © Bible Society of Tanzania, 2008.
Vaefeso 4
4
Ukhuvëi wa Nongo ya Mwëërë
1Gwa uvii ngumunena, nene në nëëmutungwa gusoko ngumwitumamëa Müküü, muduve uduvi nëunoneye mwino nëmwautaanëwe. 2Gwa ginyumpya ino na gwa utenda mwaafoo, gwa ughimëëyi, ighimëëyi nyenye gwa nyenye gwa uyanjo. 3Jindami gwa uwughondanëëya ukhuvëi wa Mwahu mu gëtungo ga majëghana. 4Mwëërë rumwe, na Mwahu umwe, mwino ighonje nëmwataanëwe na Muungu uu rumwe. 5Müküü umwe, uhuvëi rumwe, ubadiso rimwe. 6Muungu umwe, mweeso noo Tata wa voong'e në wëë gunto a oong'e na mu oong'e na mukhatë a oong'e. 7Gweeso mu muntu mukhatë itu wafewe mboto gwa gining'anëëra gwa ngeero a gëfewa gakwe Kiristo. 8Uvii uguhanyaa,
“Nënaawanatëa girunde gunto
agahora ahumwa,
Agavafa anaantu vifëwa.”
9Uvii, nëguuhanya aganatëa gunto, ëna rianakëhe? rianaayo uu mwino mwandyo agatununta fang'ë mu urëmi. 10Uvii, wasuu nëwatununtie afaa mu urëmi, uu wasuu nëaganatëa gunto ino ukëra maunde oong'e, adahe uyijuya mantu oong'e. 11Mweeso uu wasuu nëagavafa antu vifewa: vangëja agavafa vëtendeke atumami, vangëja agavafa anyagëdaghu, vangëja vëtendeke atanantii, vangëja adëmi na asëyi. 12Agatenda uvii adahe uvakhamya antu voong'e va Muungu gusoko a mwëmo, wamwa Kiristo uwujenga mwëërë wamwa Kiristo, 13na uvii soong'e guufikëe ukhuvëi wa uhuvëi na umumanya ino Mwana wa Muungu, gutendeke antu nëvëkhomie na ufikëa uning'anëëyi wakwe Kiristo mughonjo. 14Uvii, gutiutendeka kangë mwino gwa ang'ënya, guujughutwa na ujunjwajunjwa ukoo nanë ukoo gwa mu mpefo a masëyo nëvëyakenkete antu në veegheeghee gwa uvayaghaya vangëja gwa lakuno. 15Gweeso gumëkwatëëre tutë mu uyanjo na üküra faka gumufikëe mweeso mukhatë a oong'e, mweeso unë mutongeeri, Kiristo. 16Gwa utongeeri wakwe, mwëërë woong'e ukhuvëywe itambëëmwe na gikwatëëra gwa waarëëyi wa muu nongo, gwa udaho wa muu nongo ëmwe ëmwe mwino ëgutendaa mwëmo, mwëërë woong'e ugüküraa na gijenga mu uyanjo.
Uduvi në ufya fana Kiristo
17Uvii, ngurëghëtya ukhani uruu, kangë ngusudangëa fana Müküü, udua itungwee mutaduvee mwino antu nëti Ayahudi mwino vëuduvaa, vasaa në masëgho awe aye ti intu mbanduvë, 18na mahaa awe ëëmukiti. Veeso noo vëëkure na vëtikweti ufanga wa Muungu, gusoko a ufutu në wëë mukhatë awe, gusoko a ukaku wa nkhoo yawe. 19Vasaa nënaa vakuya ighandi vëgighumëaa mu mantu në mavë vëdahe utenda muu uvaya hiyahiya gwa ukwatwa na nkumbu ya mantu. 20Ëgweeso nyenye, mwinësëyaa uwuu kunë Kiristo, 21nësa mugamutegheeya mugisëya kunë mweeso, mwino tutë ëtë ërë fana Yesu. 22Murue sayu a mweenendo wanyu wa mwandyo untu wa khae, nëuguruvëkaa gwa uyihonga nkumbu ya ukhonga, 23na mutendwe mwë vafya mu nkhoo na masëgho anyu. 24Ryai untu në ufya, nëwaumbiwe gwa nyinkhori a Muungu nëugidwëëyaa mu uduvi wa tutë nëughookie nanë weru wa tutë.
25Gwa uvii, ureki weegheeghe, murighitye tutë mu muntu na munyafifë wakwe, gusoko gwë nongo mu muntu nongo a vooyakwe. 26Mutende mwina ukharë, ëgweeso mutatendee mahutye, yuva taja rëhaarëe në uvavi wanyu ëkëë winamudua. 27Mutamufee Ibilisi iyoma. 28Mwivi ataivee kangë, ëgweeso bahu ikunkunyaye, atende mwëmo në uja gwa mëkhono akwe mughonjo adahe utenda wina intu ra umufa wasuu nëugufenja waarëëyi. 29Ukhani gëkaku në uvë utadwëërë mu mëomo anyu, ëgweeso në uja nëumunoneye nëugufenja waarëëyi, udahe uvafa mboto nëvëutegheeya. 30Ëgweeso mutamuhurisyee Mwahu Mweru wa Muungu, gusoko akwe nyenye mwatendewe mutojo faka itiku ra ukhomoi. 31Uvavi woong'e na simbë në mbë ino na ukharë na mukindo na matuki ëheghe kunë nyee itambëëmwe na muu uvë hiyahiya. 32Kangë tendi anya gifa mantu nyenye gwa nyenye, anyagionëa uvavi, mugirekëa mahutye mwino Muungu mukhatë amwa Kiristo nëwamurekëe nyee mahutye.
Kirimi New Testament © Bible Society of Tanzania, 2008.