2 Atesalonike 1
1
1Nene Faulo, Silivano nanë Timoteo guumwandëkëa nyenye Kanisa ra uTesalonike, nyenye në mwë antu vakwe Muungu Tata witu na wa Müküü Yesu Kiristo:
2Mboto itendeke kunë nyee na majëghana ufuma kunë Muungu Tata na Müküü Yesu Kiristo.
Iramwuëywa itungo ra uja kunë Kiristo
3Vaunaanë, igunoneye umurumba Muungu matiku oong'e gusoko anyu. Igunoneye kunë see utenda uvii gusoko uhuvëi wanyu ugüküra ino na giyanja kunë nyenye gugiongeeya ino. 4Gwa uvii sese aghonjo gugikumajua gusoko anyu mung'ë a makanisa a Muungu, gusoko a ukhamu wanyu nanë uhuvëi mu makhasëko anyu oong'e nanë mung'ë a malwe në nyenye muyaghiimëye.
5Uruu nëusudanga wa uramui wa Muungu wa tutë, mwino nyenye mudahe utendeka munoneye mu utemi wa Muungu unë gusoko ësëë nyenye mukhasëka. 6Gusoko në tutë Muungu ugoona inoneye uvarëfa makhasëko avoo nëvëumukhasya nyenye, 7na umufa ituëyo nyenye nëmuukhasëkaa, nanë sesenoo. Ugurëtenda intu rasëë itungo në Müküü ikwë wadwëëra ufuma girunde itambëëmwe na malaëka në vina udaho wakwe, 8na ndëmë ya moto, uvarëfyaa makundo gwa uvakuurya vasaa nëvëumuhitaa Muungu na vasaa nëvëtiumëhongaa Sayu Njija a Müküü witu Yesu. 9Iküü riwa rawe rëutendeka iruvangwa ra khae na khae na ubaghuwa ufuma usyu wa Müküü nanë üküü wa nguu yakwe, 10Itungo në ikwë mweeso waja itiku rasëë ukuriwa na antu vakwe në veru, nanë utakwa na voong'e nëvahuvëe, gusoko usudanga witu kunë nyee arë wauhuvëwa.
11Gwa mpeo ëyëë sese gumurombea nyenye matiku oong'e gusoko Muungu witu amuvarëye mwino munoneye ietaanwa ranyu, utenda ayoo në maja nëmuyafenja nanë mwëëmo wanyu uhuvëi ukhondeke gwa udaho wakwe. 12Gusoko uvii rina ra Müküü witu Yesu rëuhanga iküryo ufuma kunë nyenye nyeenoo muuhanga iküryo ufuma kunë mweeso gwa mboto a Muungu witu na a Müküü Yesu Kiristo.
Kirimi New Testament © Bible Society of Tanzania, 2008.
2 Atesalonike 1
1
1Nene Faulo, Silivano nanë Timoteo guumwandëkëa nyenye Kanisa ra uTesalonike, nyenye në mwë antu vakwe Muungu Tata witu na wa Müküü Yesu Kiristo:
2Mboto itendeke kunë nyee na majëghana ufuma kunë Muungu Tata na Müküü Yesu Kiristo.
Iramwuëywa itungo ra uja kunë Kiristo
3Vaunaanë, igunoneye umurumba Muungu matiku oong'e gusoko anyu. Igunoneye kunë see utenda uvii gusoko uhuvëi wanyu ugüküra ino na giyanja kunë nyenye gugiongeeya ino. 4Gwa uvii sese aghonjo gugikumajua gusoko anyu mung'ë a makanisa a Muungu, gusoko a ukhamu wanyu nanë uhuvëi mu makhasëko anyu oong'e nanë mung'ë a malwe në nyenye muyaghiimëye.
5Uruu nëusudanga wa uramui wa Muungu wa tutë, mwino nyenye mudahe utendeka munoneye mu utemi wa Muungu unë gusoko ësëë nyenye mukhasëka. 6Gusoko në tutë Muungu ugoona inoneye uvarëfa makhasëko avoo nëvëumukhasya nyenye, 7na umufa ituëyo nyenye nëmuukhasëkaa, nanë sesenoo. Ugurëtenda intu rasëë itungo në Müküü ikwë wadwëëra ufuma girunde itambëëmwe na malaëka në vina udaho wakwe, 8na ndëmë ya moto, uvarëfyaa makundo gwa uvakuurya vasaa nëvëumuhitaa Muungu na vasaa nëvëtiumëhongaa Sayu Njija a Müküü witu Yesu. 9Iküü riwa rawe rëutendeka iruvangwa ra khae na khae na ubaghuwa ufuma usyu wa Müküü nanë üküü wa nguu yakwe, 10Itungo në ikwë mweeso waja itiku rasëë ukuriwa na antu vakwe në veru, nanë utakwa na voong'e nëvahuvëe, gusoko usudanga witu kunë nyee arë wauhuvëwa.
11Gwa mpeo ëyëë sese gumurombea nyenye matiku oong'e gusoko Muungu witu amuvarëye mwino munoneye ietaanwa ranyu, utenda ayoo në maja nëmuyafenja nanë mwëëmo wanyu uhuvëi ukhondeke gwa udaho wakwe. 12Gusoko uvii rina ra Müküü witu Yesu rëuhanga iküryo ufuma kunë nyenye nyeenoo muuhanga iküryo ufuma kunë mweeso gwa mboto a Muungu witu na a Müküü Yesu Kiristo.
Kirimi New Testament © Bible Society of Tanzania, 2008.