1 Timoteo 2
2
Maraghëëyo Gusoko a Iküryo u Kanisa
1Uvii, mwandyo wa oong'e nene ngufenja marombi a ginenera, marombi, marombi a urombea antu vangëja nanë ufunya asi ëtëndeke gwa antu voong'e. 2Nyenye inoneye murombe gusoko a atëmi nanë antu voong'e nëvina udaho mu wibali, gusoko gudahe uduva uduvi wa majëghana na ufoo. Uduvi nëughokie usonge a Muungu na wa ikuryo gwa njëa yoong'e. 3Ërëi në rija, na rauyanjisya usonge a Muungu Mutyoi witu, 4unë ugufenja antu voong'e vëtyowe na ufikëa umanyi wa tutë. 5Gusoko gwina Muungu umwedu, na gwina muntu umwedu në wë mukhatëkhatë mukhatë a Muungu na antu, muntu usuu në Kiristo Yesu. 6Mweeso wifunyiye mughonjo mwino mukhomoi gusoko a antu voong'e, usudanga në wafunyiywe gwa itungo nërënoneye. 7Gusoko ëyëë Muungu wang'waniye nene në mutanantii nanë mutumwa (nene ngurighëëtya tutë, ntiuregheegha), musëyi wa antu va ndughu ingëja mu uhuvëi nanë tutë.
8Nene nguromba gwa ginyumpya mwino goong'e fana aghosya vëutang'ana gwa umuromba Muungu, veeso inoneye vërombe kunu sa vëhumbue mëkhono awe gunto na vëtatëndeke sa vina makuo munkhoo yawe mba wikungumi wa nkhani itambëëmwe na antu vangëja. 9Nene noo nguhunukwa mwino goong'e fana ikuryo rëutendeka akhema vërie gwa njëa në ënoneye, sa vërie masaa në ëmomo na sa ti a ughuri üküü. Veeso vitafisighe#2:9 Vëtafisighe: Ukundëka ntuka gënyakhae. ntuka yawe mba uyaa sahabu mba uyaa iintu në vija go mba masaa në a ughuri ukuu. 10Ëgweeso, veeso inoneye vitende aghonjo aja gwa utënda ntendo në njija gusoko a antu vangëja, mwino akhema në vënoneye në vëumukuryaa Muungu. 11Mukhema në isëye gwa gënkie itambëëmwe na winyumpii woong'e. 12Nene ntiumurekea mukhema iyoma ra usëya mba utënda wina udaho gunto a mughosya: mweeso në akire twë. 13Gusoko Muungu wamutundie Adamu mwandyo, na uvii kang'ë agamutunda Eva. 14Gunto a asaa, naa ti Adamu unë njokha endie umukhonga. Ëgweeso në mukhema unë agenda ukhongwa na agatendeka muhutii. 15Kë Muungu winjë umutyoa mukhema ukëërëa ifafa ra vana, nesa mweeso ugufwaghëëra mu uhuvëi kunë Kiristo. Na mweeso afwaghëëre uvayanja antu vangëja na utendeka wina uduvi në utina ihondo.
Kirimi New Testament © Bible Society of Tanzania, 2008.
1 Timoteo 2
2
Maraghëëyo Gusoko a Iküryo u Kanisa
1Uvii, mwandyo wa oong'e nene ngufenja marombi a ginenera, marombi, marombi a urombea antu vangëja nanë ufunya asi ëtëndeke gwa antu voong'e. 2Nyenye inoneye murombe gusoko a atëmi nanë antu voong'e nëvina udaho mu wibali, gusoko gudahe uduva uduvi wa majëghana na ufoo. Uduvi nëughokie usonge a Muungu na wa ikuryo gwa njëa yoong'e. 3Ërëi në rija, na rauyanjisya usonge a Muungu Mutyoi witu, 4unë ugufenja antu voong'e vëtyowe na ufikëa umanyi wa tutë. 5Gusoko gwina Muungu umwedu, na gwina muntu umwedu në wë mukhatëkhatë mukhatë a Muungu na antu, muntu usuu në Kiristo Yesu. 6Mweeso wifunyiye mughonjo mwino mukhomoi gusoko a antu voong'e, usudanga në wafunyiywe gwa itungo nërënoneye. 7Gusoko ëyëë Muungu wang'waniye nene në mutanantii nanë mutumwa (nene ngurighëëtya tutë, ntiuregheegha), musëyi wa antu va ndughu ingëja mu uhuvëi nanë tutë.
8Nene nguromba gwa ginyumpya mwino goong'e fana aghosya vëutang'ana gwa umuromba Muungu, veeso inoneye vërombe kunu sa vëhumbue mëkhono awe gunto na vëtatëndeke sa vina makuo munkhoo yawe mba wikungumi wa nkhani itambëëmwe na antu vangëja. 9Nene noo nguhunukwa mwino goong'e fana ikuryo rëutendeka akhema vërie gwa njëa në ënoneye, sa vërie masaa në ëmomo na sa ti a ughuri üküü. Veeso vitafisighe#2:9 Vëtafisighe: Ukundëka ntuka gënyakhae. ntuka yawe mba uyaa sahabu mba uyaa iintu në vija go mba masaa në a ughuri ukuu. 10Ëgweeso, veeso inoneye vitende aghonjo aja gwa utënda ntendo në njija gusoko a antu vangëja, mwino akhema në vënoneye në vëumukuryaa Muungu. 11Mukhema në isëye gwa gënkie itambëëmwe na winyumpii woong'e. 12Nene ntiumurekea mukhema iyoma ra usëya mba utënda wina udaho gunto a mughosya: mweeso në akire twë. 13Gusoko Muungu wamutundie Adamu mwandyo, na uvii kang'ë agamutunda Eva. 14Gunto a asaa, naa ti Adamu unë njokha endie umukhonga. Ëgweeso në mukhema unë agenda ukhongwa na agatendeka muhutii. 15Kë Muungu winjë umutyoa mukhema ukëërëa ifafa ra vana, nesa mweeso ugufwaghëëra mu uhuvëi kunë Kiristo. Na mweeso afwaghëëre uvayanja antu vangëja na utendeka wina uduvi në utina ihondo.
Kirimi New Testament © Bible Society of Tanzania, 2008.