1 Akorinto 8
8
Mawëyo nëëhusu Ilëwa Nëraduyiwe gwa Arungu va wegheghe
1Itungwee gwa uhonga na ilëwa nëradwëëywe gwa arungu va wegheghe sese gumanyie mwino, “Sese soong'e gwina umanyi.” “Umanyi” ugweeta gëdida, ëgweeso uyanjo ugujengaa. 2Nësa muntu gëgaku uguhemaa mwino umanyie gëntu, mweeso kë atimanyie mwino mweeso ugufenjiwa umanya. 3Ëgweeso nesa muntu umuyanjëtë Muungu, Muungu umumanyie muntu wasuu.
4Uvii, gwa sayu a ula ilëwa nëradwëëywe gwa arungu va wegheghe, sese gumanyie mwino “murungu wa uregheghe atina ufanga mbanduvë.” Na gutëe muungu ungëja gunji a Muungu wa tutë. 5Gusoko mbesa vërëfo nëvëutaanwa arungu girunde mba fang'ë; mwino chu tutë gwina “arungu” vingë na “akuu” vingë. 6Gusoko gwa sese, kë, gwina Muungu umwedu na Tata umwedu. Mweeso watundie mantu oong'e na gwa mweeso sese guduvie. Na gwina Müküü umwedu, Yesu Kiristo, kunë mweeso mantu oong'e ëduvie. Na sese guduvie gusoko a mweeso.
7Mbesa uvii, ti voong'e nëvëkweti umanyi uruu. Ëgweeso mbesa uvii vijëvëe arungu va wegheeghe, vëula tutë ilëwa nëradwëëywe gwa arungu va wegheeghe. Na gusoko a dhamiri#8:7 Dhamiri: Udaho wa urëkanua mantu nëmaja nanë mabeë. yawe ndegheku, veeso vëughema mwino veeso vakhombekie gwa ula ilëwa nëradwëëywe gwa arungu va wegheghe. 8Ilëwa rëtinjë ugutënda sese guwurye ukhuvëi në uja nanguu itambëëmwe na Muungu. Sese gutiuwurya intu nesa gudëe ula, mbesa gutiuhanga intu nesa sese gula. 9Ghedi, uhaghaaro wanyu uruu utaje umutënda mutënde ihikë ra uvagwësya antu në vina uhuvëi unyughuu. 10Gusoko nesa muntu gëkaku ugugoona veve, muntu në wina umanyi, ugula ilëwa mung'ë a hekalu ra arungu va wegheghe, mweeso atiudaha gëkhomia nkhoo, nesa dhamiri akwe ndegheku, gwa ula ilëwa nëradwëëywe gwa arungu va wegheghe? 11Na uvii gwa umanyi wako, uyuu në wina uhuvëi unyughuu uguruvangwa, Mukiristo unë Kiristo wakure gunto a musalaba gusoko akwe. 12Uvii, utënda ihutye kunë aruna voyako na ugutumwua dhamiri yawe në ndegheku, veve ugutënda ihutye kunë Kiristo. 13Gwa uvii, nësa ilëwa ne soko a umugwësya mung'ë a uhuvëi, muunaane, nene ntiuja nële nyama kamwe, taje nëje umusacha muyane ugwa gwa uhuvëi.
Kirimi New Testament © Bible Society of Tanzania, 2008.
1 Akorinto 8
8
Mawëyo nëëhusu Ilëwa Nëraduyiwe gwa Arungu va wegheghe
1Itungwee gwa uhonga na ilëwa nëradwëëywe gwa arungu va wegheghe sese gumanyie mwino, “Sese soong'e gwina umanyi.” “Umanyi” ugweeta gëdida, ëgweeso uyanjo ugujengaa. 2Nësa muntu gëgaku uguhemaa mwino umanyie gëntu, mweeso kë atimanyie mwino mweeso ugufenjiwa umanya. 3Ëgweeso nesa muntu umuyanjëtë Muungu, Muungu umumanyie muntu wasuu.
4Uvii, gwa sayu a ula ilëwa nëradwëëywe gwa arungu va wegheghe, sese gumanyie mwino “murungu wa uregheghe atina ufanga mbanduvë.” Na gutëe muungu ungëja gunji a Muungu wa tutë. 5Gusoko mbesa vërëfo nëvëutaanwa arungu girunde mba fang'ë; mwino chu tutë gwina “arungu” vingë na “akuu” vingë. 6Gusoko gwa sese, kë, gwina Muungu umwedu na Tata umwedu. Mweeso watundie mantu oong'e na gwa mweeso sese guduvie. Na gwina Müküü umwedu, Yesu Kiristo, kunë mweeso mantu oong'e ëduvie. Na sese guduvie gusoko a mweeso.
7Mbesa uvii, ti voong'e nëvëkweti umanyi uruu. Ëgweeso mbesa uvii vijëvëe arungu va wegheeghe, vëula tutë ilëwa nëradwëëywe gwa arungu va wegheeghe. Na gusoko a dhamiri#8:7 Dhamiri: Udaho wa urëkanua mantu nëmaja nanë mabeë. yawe ndegheku, veeso vëughema mwino veeso vakhombekie gwa ula ilëwa nëradwëëywe gwa arungu va wegheghe. 8Ilëwa rëtinjë ugutënda sese guwurye ukhuvëi në uja nanguu itambëëmwe na Muungu. Sese gutiuwurya intu nesa gudëe ula, mbesa gutiuhanga intu nesa sese gula. 9Ghedi, uhaghaaro wanyu uruu utaje umutënda mutënde ihikë ra uvagwësya antu në vina uhuvëi unyughuu. 10Gusoko nesa muntu gëkaku ugugoona veve, muntu në wina umanyi, ugula ilëwa mung'ë a hekalu ra arungu va wegheghe, mweeso atiudaha gëkhomia nkhoo, nesa dhamiri akwe ndegheku, gwa ula ilëwa nëradwëëywe gwa arungu va wegheghe? 11Na uvii gwa umanyi wako, uyuu në wina uhuvëi unyughuu uguruvangwa, Mukiristo unë Kiristo wakure gunto a musalaba gusoko akwe. 12Uvii, utënda ihutye kunë aruna voyako na ugutumwua dhamiri yawe në ndegheku, veve ugutënda ihutye kunë Kiristo. 13Gwa uvii, nësa ilëwa ne soko a umugwësya mung'ë a uhuvëi, muunaane, nene ntiuja nële nyama kamwe, taje nëje umusacha muyane ugwa gwa uhuvëi.
Kirimi New Testament © Bible Society of Tanzania, 2008.