ՄԱՐԳԱՐԷՈՒԹԻՒՆ ԶԱՔԱՐԵԱՅ Գլուխ Ը
Գլուխ Ը
1 Եւ եղեւ բան Տեառն ամենակալի առ իս, եւ ասէ. Այսպէս ասէ Տէր ամենակալ. 2Նախանձեցայ #8։2 ՅԵբր. պակասէվասն Երուսաղեմի եւ՝՝ վասն Սիոնի նախանձ մեծ, եւ բարկութեամբ մեծաւ նախանձեցայ վասն նորա։ 3Այսպէս ասէ Տէր. Դարձայց ի Սիոն եւ բնակեցայց ի մէջ Երուսաղեմի. եւ կոչեսցի Երուսաղէմ Քաղաք ճշմարիտ, եւ լեառն Տեառն ամենակալի Լեառն սուրբ։
4Այսպէս ասէ Տէր ամենակալ. Դարձեալ նստցին ծերք եւ պառաւունք ի հրապարակս Երուսաղեմի, իւրաքանչիւր ցուպ ի ձեռին իւրում ի բազմութենէ աւուրց. 5եւ հրապարակք քաղաքին լցցին պատանեկօք եւ աղջկամբք որ խաղայցեն ի հրապարակս նորա։ 6Այսպէս ասէ Տէր ամենակալ. Եթէ #8։6 Եբր. զարմանալի իցէ յաչստկարանայցէ ինչ առաջի՝՝ մնացորդաց ժողովրդեանդ այդորիկ յաւուրսն յայնոսիկ, միթէ եւ #8։6 Եբր. յա՞չս իմ իցէ զարմանալիառաջի՞ իմ տկարանայցէ՝՝, ասէ Տէր ամենակալ։
7Այսպէս ասէ Տէր ամենակալ. Ահաւասիկ ես փրկեմ զժողովուրդ իմ յերկրէ արեւելից եւ յերկրէ արեւմտից. 8եւ ածից զնոսա եւ բնակեցուցից ի մէջ Երուսաղեմի, եւ եղիցին ինձ ժողովուրդ, եւ ես եղէց նոցա Աստուած ճշմարտութեամբ եւ արդարութեամբ։
9Այսպէս ասէ Տէր ամենակալ. Զօրասցին ձեռք ձեր որ լսէքդ յաւուրս յայսոսիկ զբանս զայս ի բերանոյ մարգարէիցն, յօրէ յորմէ արկէք հիմն տան Տեառն ամենակալի, եւ տաճարս յորմէ հետէ շինեցաւ։ 10Զի յառաջ քան զաւուրսն զայնոսիկ՝ վարձք մարդկան ոչ էին #8։10 ՅԵբր. պակասէյօգուտ, եւ վարձք անասնոց ոչ էին #8։10 ՅԵբր. պակասէյարգի, եւ ելողի եւ մտողի ոչ էր խաղաղութիւն ի նեղութենէ. #8։10 Եբր. զի յարուցեալ էր իմեւ առաքեցից՝՝ զամենայն մարդիկ իւրաքանչիւր առ ընկեր իւր։ 11Եւ արդ ոչ ըստ աւուրցն առաջնոց առնեմ ես մնացորդաց ժողովրդեանդ այդորիկ, ասէ Տէր ամենակալ։ 12Այլ #8։12 Եբր. եղիցի սերմն խաղաղութեանցուցից խաղաղութիւն՝՝. այգի տացէ զպտուղ իւր, եւ երկիր տացէ զարմտիս իւր, եւ երկինք տացեն զցօղ իւրեանց, եւ ժառանգեցուցից մնացորդաց ժողովրդեան իմոյ զայն ամենայն։ 13Եւ եղիցի որպէս էիքն յանէծս ի մէջ ազգաց տունդ Յուդայ եւ տունդ Իսրայելի, նոյնպէս ապրեցուցից զձեզ, եւ եղիջիք յօրհնութիւն. քաջալերեցարուք եւ զօրասցին ձեռք ձեր։ 14Զի այսպէս ասէ Տէր ամենակալ. Որպէս խորհեցայ չարչարել զձեզ՝ ի բարկացուցանել զիս հարցն ձերոց, ասէ Տէր ամենակալ, եւ ոչ զղջացայ, 15նոյնպէս #8։15 Եբր. դարձայպատրաստեալ եւ խորհեալ եմ յաւուրս յայսոսիկ բարի առնել Երուսաղեմի եւ տանդ Յուդայ. քաջալերեցարուք։ 16Այս բանք են զոր առնիցէք. Խօսեցարուք զճշմարտութիւն իւրաքանչիւր ընդ ընկերի իւրում, եւ դատաստան խաղաղութեան եւ արդար դատեցարուք ի դրունս ձեր. 17եւ իւրաքանչիւր չար ընկերի իւրում մի՛ խորհիք ի սիրտս ձեր, եւ զերդումն սուտ մի՛ սիրէք. զի զայն ամենայն ատեցի, ասէ Տէր ամենակալ։
18Եւ եղեւ բան Տեառն ամենակալի առ իս՝ եւ ասէ. 19Այսպէս ասէ Տէր ամենակալ. Պահքն չորրորդք եւ պահքն հինգերորդք, պահքն եւթներորդք եւ պահքն տասներորդք՝ եղիցին տանդ Յուդայ ի խնդութիւն եւ յուրախութիւն եւ ի տօնս բարութեանց. #8։19 ՅԵբր. պակասէեւ ուրախ լիջիք,՝՝ եւ զճշմարտութիւն եւ զխաղաղութիւն սիրեցէք։
20Այսպէս ասէ Տէր ամենակալ. Դարձեալ եկեսցեն ժողովուրդք #8։20 ՅԵբր. պակասէբազումք եւ բնակիչք քաղաքաց բազմաց. 21եւ ժողովեսցին բնակիչք միոյ ի մեւս քաղաք, եւ ասասցեն. #8։21 Եբր. Երթալով երթիցուքԵրթիցուք աղաչել զերեսս Տեառն, եւ խնդրել #8։21 Եբր. զՏէր զօրութեանցզերեսս Աստուծոյ ամենակալի՝՝. երթայց եւ ես. 22եւ եկեսցեն ժողովուրդք բազումք #8։22 Եբր. եւ ազգք հզօրք խնդրել զՏէր զօրութեանց յԵրուսաղէմ, եւ աղաչելխնդրել զերեսս Տեառն ամենակալի յԵրուսաղէմ, եւ հաշտեցուցանել՝՝ զերեսս Տեառն։ 23Այսպէս ասէ Տէր ամենակալ. Յաւուրսն յայնոսիկ, բուռն հարկանիցեն արք տասն յամենայն լեզուաց ազգաց, բուռն հարկանիցեն զդրօշակէ առն Հրէի եւ ասասցեն. Երթիցուք մեք ընդ #8։23 Եբր. ձեզքեզ, զի լուաք թէ Աստուած ընդ #8։23 Եբր. ձեզքեզ է։
Հայաստանի Աստվածաշնչային Ընկերություն, 2018
Bible Society of Armenia, 2018
ՄԱՐԳԱՐԷՈՒԹԻՒՆ ԶԱՔԱՐԵԱՅ Գլուխ Ը
Գլուխ Ը
1 Եւ եղեւ բան Տեառն ամենակալի առ իս, եւ ասէ. Այսպէս ասէ Տէր ամենակալ. 2Նախանձեցայ #8։2 ՅԵբր. պակասէվասն Երուսաղեմի եւ՝՝ վասն Սիոնի նախանձ մեծ, եւ բարկութեամբ մեծաւ նախանձեցայ վասն նորա։ 3Այսպէս ասէ Տէր. Դարձայց ի Սիոն եւ բնակեցայց ի մէջ Երուսաղեմի. եւ կոչեսցի Երուսաղէմ Քաղաք ճշմարիտ, եւ լեառն Տեառն ամենակալի Լեառն սուրբ։
4Այսպէս ասէ Տէր ամենակալ. Դարձեալ նստցին ծերք եւ պառաւունք ի հրապարակս Երուսաղեմի, իւրաքանչիւր ցուպ ի ձեռին իւրում ի բազմութենէ աւուրց. 5եւ հրապարակք քաղաքին լցցին պատանեկօք եւ աղջկամբք որ խաղայցեն ի հրապարակս նորա։ 6Այսպէս ասէ Տէր ամենակալ. Եթէ #8։6 Եբր. զարմանալի իցէ յաչստկարանայցէ ինչ առաջի՝՝ մնացորդաց ժողովրդեանդ այդորիկ յաւուրսն յայնոսիկ, միթէ եւ #8։6 Եբր. յա՞չս իմ իցէ զարմանալիառաջի՞ իմ տկարանայցէ՝՝, ասէ Տէր ամենակալ։
7Այսպէս ասէ Տէր ամենակալ. Ահաւասիկ ես փրկեմ զժողովուրդ իմ յերկրէ արեւելից եւ յերկրէ արեւմտից. 8եւ ածից զնոսա եւ բնակեցուցից ի մէջ Երուսաղեմի, եւ եղիցին ինձ ժողովուրդ, եւ ես եղէց նոցա Աստուած ճշմարտութեամբ եւ արդարութեամբ։
9Այսպէս ասէ Տէր ամենակալ. Զօրասցին ձեռք ձեր որ լսէքդ յաւուրս յայսոսիկ զբանս զայս ի բերանոյ մարգարէիցն, յօրէ յորմէ արկէք հիմն տան Տեառն ամենակալի, եւ տաճարս յորմէ հետէ շինեցաւ։ 10Զի յառաջ քան զաւուրսն զայնոսիկ՝ վարձք մարդկան ոչ էին #8։10 ՅԵբր. պակասէյօգուտ, եւ վարձք անասնոց ոչ էին #8։10 ՅԵբր. պակասէյարգի, եւ ելողի եւ մտողի ոչ էր խաղաղութիւն ի նեղութենէ. #8։10 Եբր. զի յարուցեալ էր իմեւ առաքեցից՝՝ զամենայն մարդիկ իւրաքանչիւր առ ընկեր իւր։ 11Եւ արդ ոչ ըստ աւուրցն առաջնոց առնեմ ես մնացորդաց ժողովրդեանդ այդորիկ, ասէ Տէր ամենակալ։ 12Այլ #8։12 Եբր. եղիցի սերմն խաղաղութեանցուցից խաղաղութիւն՝՝. այգի տացէ զպտուղ իւր, եւ երկիր տացէ զարմտիս իւր, եւ երկինք տացեն զցօղ իւրեանց, եւ ժառանգեցուցից մնացորդաց ժողովրդեան իմոյ զայն ամենայն։ 13Եւ եղիցի որպէս էիքն յանէծս ի մէջ ազգաց տունդ Յուդայ եւ տունդ Իսրայելի, նոյնպէս ապրեցուցից զձեզ, եւ եղիջիք յօրհնութիւն. քաջալերեցարուք եւ զօրասցին ձեռք ձեր։ 14Զի այսպէս ասէ Տէր ամենակալ. Որպէս խորհեցայ չարչարել զձեզ՝ ի բարկացուցանել զիս հարցն ձերոց, ասէ Տէր ամենակալ, եւ ոչ զղջացայ, 15նոյնպէս #8։15 Եբր. դարձայպատրաստեալ եւ խորհեալ եմ յաւուրս յայսոսիկ բարի առնել Երուսաղեմի եւ տանդ Յուդայ. քաջալերեցարուք։ 16Այս բանք են զոր առնիցէք. Խօսեցարուք զճշմարտութիւն իւրաքանչիւր ընդ ընկերի իւրում, եւ դատաստան խաղաղութեան եւ արդար դատեցարուք ի դրունս ձեր. 17եւ իւրաքանչիւր չար ընկերի իւրում մի՛ խորհիք ի սիրտս ձեր, եւ զերդումն սուտ մի՛ սիրէք. զի զայն ամենայն ատեցի, ասէ Տէր ամենակալ։
18Եւ եղեւ բան Տեառն ամենակալի առ իս՝ եւ ասէ. 19Այսպէս ասէ Տէր ամենակալ. Պահքն չորրորդք եւ պահքն հինգերորդք, պահքն եւթներորդք եւ պահքն տասներորդք՝ եղիցին տանդ Յուդայ ի խնդութիւն եւ յուրախութիւն եւ ի տօնս բարութեանց. #8։19 ՅԵբր. պակասէեւ ուրախ լիջիք,՝՝ եւ զճշմարտութիւն եւ զխաղաղութիւն սիրեցէք։
20Այսպէս ասէ Տէր ամենակալ. Դարձեալ եկեսցեն ժողովուրդք #8։20 ՅԵբր. պակասէբազումք եւ բնակիչք քաղաքաց բազմաց. 21եւ ժողովեսցին բնակիչք միոյ ի մեւս քաղաք, եւ ասասցեն. #8։21 Եբր. Երթալով երթիցուքԵրթիցուք աղաչել զերեսս Տեառն, եւ խնդրել #8։21 Եբր. զՏէր զօրութեանցզերեսս Աստուծոյ ամենակալի՝՝. երթայց եւ ես. 22եւ եկեսցեն ժողովուրդք բազումք #8։22 Եբր. եւ ազգք հզօրք խնդրել զՏէր զօրութեանց յԵրուսաղէմ, եւ աղաչելխնդրել զերեսս Տեառն ամենակալի յԵրուսաղէմ, եւ հաշտեցուցանել՝՝ զերեսս Տեառն։ 23Այսպէս ասէ Տէր ամենակալ. Յաւուրսն յայնոսիկ, բուռն հարկանիցեն արք տասն յամենայն լեզուաց ազգաց, բուռն հարկանիցեն զդրօշակէ առն Հրէի եւ ասասցեն. Երթիցուք մեք ընդ #8։23 Եբր. ձեզքեզ, զի լուաք թէ Աստուած ընդ #8։23 Եբր. ձեզքեզ է։
Հայաստանի Աստվածաշնչային Ընկերություն, 2018
Bible Society of Armenia, 2018