ՆՈՐ ԿՏԱԿԱՐԱՆ ՏԵԱՌՆ ՄԵՐՈՅ ՅԻՍՈՒՍԻ ՔՐԻՍՏՈՍԻ ՀԱՄԵՄԱՏՈՒԹԵԱՄԲ ՅՈՒՆԱԿԱՆ ԲՆԱԳՐԻՆ ԿՈՍՏԱՆԴՆՈՒՊՈԼԻՍ ՏՊԱԳՐՈՒԹԻՒՆ Գ. ՊԱՂՏԱՏԼԵԱՆ 1895 ԱՒԵՏԱՐԱՆ ԸՍՏ ՄԱՏԹԷՈՍԻ Գլուխ ԺԶ
Գլուխ ԺԶ
1 Եւ մատուցեալ փարիսեցիքն եւ սադուկեցիք, փորձելով խնդրէին ի նմանէ նշան յերկնից ցուցանել նոցա։ 2Նա պատասխանի ետ եւ ասէ ցնոսա#16։2 Բազումք յաւելուն. Յորժամ երեկոյ լինի, ասէք թէ՝ Ջեր լինելոց է, քանզի կարմրացան երկինք. (3) եւ ընդ այգս՝ Այսօր ձմեռն, քանզի կարմրացան խոժոռեցան երկինք. զերեսս երկնից գիտէք քննել, եւ զնշանս ժամանակաց չկարիցէ՞ք։. 4Ազգ չար եւ շնացող նշան խնդրէ, եւ նշան մի՛ տացի նմա, բայց նշանն Յովնանու մարգարէի։ Եւ եթող զնոսա եւ գնաց։
5Գնացին եւ աշակերտքն յայնկոյս, եւ մոռացան առնուլ հաց։ 6Ասէ ցնոսա Յիսուս. Տեսէք եւ զգոյշ լերուք ի խմորոյ սադուկեցւոցն եւ փարիսեցւոց։ 7Նոքա խորհէին ընդ միմեանս եւ ասէին թէ՝ Հաց ոչ բարձաք։ 8Գիտաց Յիսուս եւ ասէ. Զի՞ խորհիք ի միտս ձեր, թերահաւատք, եթէ հաց ոչ ունիք։ 9Տակաւին չիմանա՞յք եւ ո՞չ յիշէք զհինգ նկանակն ի հինգ հազարսն, եւ քանի՞ սակառի բարձէք. 10եւ ո՞չ զեւթն նկանակն ի չորս հազարսն, եւ քանի՞ զամբիղս բարձէք։ 11Արդ զիա՞րդ ոչ իմանայք եթէ ոչ վասն հացի ասացի ձեզ զգոյշ լինել ի խմորոյ փարիսեցւոցն եւ սադուկեցւոց։ 12Յայնժամ ի միտ առին, եթէ ոչ ասաց զգուշանալ #16։12 Ոմանք. ի խմորոյ հացիի խմորոյ, այլ՝ յաղանդոյ փարիսեցւոցն եւ սադուկեցւոց։
ԶԿ.
13Եւ ելեալ Յիսուս ի կողմանս Փիլիպպեայ Կեսարեայն՝ հարցանէր ցաշակերտսն եւ ասէր. Զո՞ ոք ասեն զինէն մարդիկն թէ իցէ Որդի մարդոյ։ 14Եւ նոքա ասեն. Ոմն՝ զՅովհաննէս մկրտիչ, եւ այլք՝ զԵղիա, եւ կէսք՝ զԵրեմիա կամ զմի ոք ի մարգարէիցն։ 15Ասէ ցնոսա. Իսկ դուք զո՞ ոք ասէք զինէն թէ իցեմ։ 16Պատասխանի ետ Սիմովն Պետրոս եւ ասէ. Դու ես Քրիստոսն, Որդի Աստուծոյ կենդանւոյ։ 17Պատասխանի ետ Յիսուս եւ ասէ ցնա. Երանի քեզ, Սիմովն, որդի Յովնանու, զի մարմին եւ արիւն ոչ յայտնեաց քեզ, այլ՝ Հայր իմ որ յերկինս է։ 18Եւ ես քեզ ասեմ, զի՝ Դու ես վէմ, եւ ի վերայ այդր վիմի շինեցից զեկեղեցի իմ, եւ դրունք դժոխոց զնա մի՛ յաղթահարեսցեն։ 19Եւ տաց քեզ զփականս արքայութեան երկնից. եւ զոր միանգամ կապեսցես յերկրի՝ եղիցի կապեալ յերկինս. եւ զոր արձակեսցես յերկրի՝ եղիցի արձակեալ յերկինս։ 20Յայնժամ սաստեաց աշակերտացն, զի մի՛ ումեք ասասցեն թէ նա է #16։20 Ոմանք. Յիսուս ՔրիստոսՔրիստոսն։
21Յայնմ հետէ սկսաւ Յիսուս ցուցանել աշակերտացն թէ պարտ է նմա երթալ յԵրուսաղէմ, եւ բազում չարչարանս չարչարել ի քահանայապետից եւ ի դպրաց եւ ի ծերոց #16։21 Ի բազումս պակասէժողովրդեանն եւ սպանանել, եւ յերիր աւուր յառնել։ 22Եւ առեալ զնա մեկուսի Պետրոսի՝ սկսաւ կագել ընդ նմա եւ ասել. Քաւ լիցի քեզ, Տէր, մի՛ եղիցի քեզ այդ։ 23Եւ նա դարձեալ ի Պետրոս՝ ասէ. Երթ յետս իմ, Սատանայ, գայթակղութիւն իմ ես. զի ոչ խորհիս զԱստուծոյսն, այլ՝ զմարդկան։
24Յայնժամ Յիսուս ասէ ցաշակերտսն իւր. Եթէ ոք կամի զկնի իմ գալ, ուրասցի զանձն եւ առցէ զխաչ իւր եւ եկեսցէ զկնի իմ։ 25Զի որ կամիցի զանձն իւր կեցուցանել՝ կորուսցէ զնա. եւ որ կորուսցէ զանձն իւր վասն իմ՝ գտցէ զնա։ 26Զի՞նչ օգտիցի մարդ եթէ զաշխարհս ամենայն շահեսցի եւ զանձն իւր տուժեսցի. կամ զի՞նչ տացէ մարդ փրկանս ընդ անձին իւրոյ։ 27Զի գալոց է Որդի մարդոյ փառօք Հօր իւրոյ հանդերձ հրեշտակօք իւրովք, եւ յայնժամ հատուսցէ իւրաքանչիւր ըստ գործս իւր։ 28Ամէն ասեմ ձեզ, զի իցեն ոմանք ի սոցանէ որք աստ կան, որք ոչ ճաշակեսցեն զմահ, մինչեւ տեսցեն զՈրդի մարդոյ եկեալ արքայութեամբ իւրով։
Հայաստանի Աստվածաշնչային Ընկերություն, 2018
Bible Society of Armenia, 2018