ԾՆՈՒՆԴՔ Գլուխ ԼԴ
Գլուխ ԼԴ
1 Եւ ել Դինա դուստր Լիայ՝ զոր ծնաւ Յակոբայ, ի զնին դստերաց աշխարհին։ 2Եւ ետես զնա Սիւքեմ որդի Եմովրայ #34։2 Եբր. ԽեւացիՔոռեցի, որ իշխանն էր երկրին, եւ առ զնա, եւ ննջեաց ընդ նմա, եւ տառապեցոյց զնա։ 3Եւ ուշ եդեալ Դինայի դստերն Յակոբայ՝ սիրեաց զկոյսն, եւ խօսեցաւ ըստ մտաց կուսին։ 4Եւ խօսեցաւ Սիւքեմ ընդ Եմովրայ հօր իւրոյ եւ ասէ. Առ դու ինձ զաղջիկս զայս կնութեան։ 5Եւ լուաւ Յակոբ եթէ պղծեաց որդի Եմովրայ զԴինա զդուստր նորա. եւ որդիք նորա էին ի խաշինս ի դաշտի. լուռ եղեւ Յակոբ մինչեւ եկին նոքա։ 6Եւ ել Եմովր հայր Սիւքեմայ առ Յակոբ խօսել ընդ նմա։ 7Եկին եւ որդիքն Յակոբայ ի դաշտէ. իբրեւ լուան, ստրջացան արքն, եւ տրտմութիւն էր նոցա յոյժ. զի խայտառակութիւն արար յԻսրայելի, մտանելով առ դուստրն Յակոբայ, եւ ոչ այնպէս վճարիցի։ 8Եւ խօսեցաւ ընդ նոսա Եմովր եւ ասէ. Սիւքեմ որդի իմ սիրեաց ոգւովք չափ զդուստրն ձեր. արդ տուք զնա նմա կնութեան, 9եւ արարէք ընդ մեզ խնամութիւն. զդստերս ձեր տուք մեզ, եւ զդստերս մեր առէք որդւոց ձերոց։ 10Եւ բնակեցէք ի միջի մերում, եւ երկիրդ ահա ընդարձակ է առաջի ձեր, եւ բնակեցէք եւ շահեցարուք ի դմա, եւ ստացարուք ստացուածս ի դմա։ 11Եւ ասէ Սիւքեմ ցհայր նորա եւ ցեղբարս նորա. Գտից շնորհս առաջի ձեր, եւ զոր ինչ ասիցէք՝ տացուք։ 12Յաճախեցէք յոյժ զվարձանս եւ զօժիտս, եւ տաց՝ որչափ եւ ասիցէք. եւ տուք ինձ զաղջիկն զայն կնութեան։ 13Պատասխանի ետուն որդիքն Յակոբայ Սիւքեմայ եւ Եմովրայ հօր նորա նենգութեամբ, եւ #34։13 Եբր. խօսեցանասեն ցնոսա՝՝, (վասն զի պղծեցին զԴինա զքոյր նոցա,) 14եւ ասեն #34։14 Եբր. ցնոսաՇմաւոն եւ Ղեւի եղբարքն Դինայ՝ որդիքն Լիայ՝՝. Ոչ կարեմք առնել զայդ բան, տալ զքոյրն մեր առն անթլփատի, քանզի նախատինք են մեզ. 15բայց այսու #34։15 Եբր. հաւանեսցուք ձեզնմանեսցուք ձեզ, եւ բնակեսցուք ի միջի ձերում՝՝, եթէ լինիցիք իբրեւ զմեզ եւ դուք՝ ի թլփատել ձեզ զամենայն արու, 16եւ տացուք զդստերս մեր ձեզ, եւ ի դստերաց ձերոց առցուք մեզ կանայս, եւ բնակեսցուք առ ձեզ, եւ եղիցուք իբրեւ ազգ մի։ 17Ապա թէ ոչ լսիցէք մեզ՝ թլփատել, առեալ #34։17 Եբր. զդուստրզդստերս մեր ի բաց գնասցուք։ 18Եւ հաճոյ թուեցան բանքն առաջի Եմովրայ, եւ առաջի Սիւքեմայ որդւոյ Եմովրայ։ 19Եւ ոչ յամեաց պատանին առնել զբանն, զի յոյժ հարեալ էր ի դստերն Յակոբայ. եւ նա էր պատուականագոյն քան զամենեսեան որ ի տան հօր նորա էին։
20Եւ եկին Եմովր եւ Սիւքեմ որդի նորա ի դուռն քաղաքին իւրեանց, եւ խօսեցան ընդ արս քաղաքին իւրեանց եւ ասեն. 21Որեարն այն խաղաղութեամբ են ընդ մեզ. արդ բնակեսցեն յերկրիս եւ շահեսցին ի սմա. զի երկիրս ընդարձակ է առաջի նոցա. զդստերս նոցա առցուք մեզ կանայս, եւ զդստերս մեր տացուք նոցա։ 22Բայց միայն այսու #34։22 Եբր. հաւանեսցիննմանեսցեն մեզ որեարն՝ բնակել ընդ մեզ լինել ազգ մի, ի թլփատել մեզ զամենայն արու, որպէս նոքայն թլփատեալ են։ 23Եւ ինչք նոցա եւ անասուն նոցա եւ չորքոտանի նոցա ո՞չ ապաքէն մեր լինիցի. բայց այնու եւեթ #34։23 Եբր. հաւանեսցուքնմանեսցուք նոցա, եւ բնակեսցեն ի միջի մերում։ 24Եւ լուան Եմովրայ եւ Սիւքեմայ որդւոյ նորա ամենեքին որ ելանէին ընդ դուռն քաղաքին #34։24 Եբր. նորաիւրեանց. եւ թլփատեցին զմարմին անթլփատութեան իւրեանց ամենայն արու, ամենեքին որ ելանէին ընդ դուռն քաղաքի նորա։
25Եւ եղեւ յաւուրն երրորդի մինչդեռ էին նոքա ի ցաւսն, առին երկու որդիքն Յակոբայ, Շմաւոն եւ Ղեւի եղբարք Դինայ՝ իւրաքանչիւր զսուր իւր, եւ մտին ի քաղաքն #34։25 Եբր. համարձակութեամբկազմութեամբ, եւ կոտորեցին զամենայն արու։ 26Եւ զԵմովր եւ զՍիւքեմ զորդի նորա սպանին ի սուր սուսերի. եւ առին զԴինա ի տանէ Սիւքեմայ եւ ելին։ 27Եւ որդիքն Յակոբայ մտին ի վերայ վիրաւորացն, եւ առին աւար զքաղաքն, յորում պղծեցին զԴինա զքոյրն նոցա։ 28Զարջառ եւ զոչխար եւ զէշս նոցա #34։28 Եբր. եւ որ ինչ էրոր էին՝՝ ի քաղաքին, եւ որ ինչ ի բացի էր՝ առին։ 29Եւ զամենայն #34։29 ՅԵբր. պակասէմարդագերի նոցա, եւ զամենայն՝՝ զկահ եւ զկարասի նոցա, #34։29 Եբր. եւ զամենայն մանկունս նոցա եւեւ զկանայս նոցա գերեցին, եւ յափշտակեցին որ ինչ էր #34։29 ՅԵբր. պակասէի քաղաքին եւ որ ինչ՝՝ ի տունս։ 30Եւ ասէ Յակոբ ցՇմաւոն եւ ցՂեւի. #34։30 Եբր. Տագնապեցուցէք զիս լինել գարշելիԱտելի արարէք զիս, երեւել անզգամ ամենայն՝՝ բնակչաց երկրիս ի մէջ Քանանացւոց եւ Փերեզացւոց. եւ ես սակաւաւոր եմ թուով, արդ եթէ ժողովիցին ի վերայ իմ եւ հարկանիցեն զիս, սատակելով սատակիցիմ ե՛ւ ես ե՛ւ տուն իմ։ 31Եւ ասեն. #34։31 Եբր. Միթէ իբրեւ ընդ բոզի՞ պարտ էր գնալ ընդ քեռ մերում։Իսկ զիա՞րդ զի իբրեւ զբոզ քարշեցին զքոյրն մեր։՝՝
Հայաստանի Աստվածաշնչային Ընկերություն, 2018
Bible Society of Armenia, 2018