ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ Գլուխ Թ
Գլուխ Թ
1 Ո՞չ ապաքէն ազատ եմ, ո՞չ ապաքէն առաքեալ եմ, ո՞չ ապաքէն զՏէր մեր Յիսուս Քրիստոս #9։1 Ի Յունին պակասէաչօք իմովք՝՝ տեսի, ո՞չ ապաքէն գործ իմ դուք էք ի Տէր։ 2Թէպէտ եւ այլոց չիցեմ առաքեալ, այլ դէպ ձեզ եմ. զի կնիք իսկ առաքելութեան իմոյ դուք էք ի Տէր։ 3Իմ պատասխանի, ուր զիս հարցանիցեն, այս է. 4Միթէ ո՞չ ունիցիմք իշխանութիւն ուտել եւ ըմպել։ 5Միթէ ո՞չ ունիցիմք իշխանութիւն #9։5 Ոմանք. քոյր կինզքորս կանայս՝՝ շրջեցուցանել #9։5 Ի Յունին պակասէընդ մեզ՝՝. որպէս եւ այլ առաքեալքն եւ եղբարքն Տեառն եւ Կեփաս։ 6Եթէ միայն ես եւ Բառնաբա՞ս ոչ ունիցիմք իշխանութիւն չգործել ինչ։ 7Ո՞ ոք երբեք զինուորիցի իւրովք թոշակօք. ո՞ ոք տնկիցէ այգի, եւ ի պտղոյ նորա ոչ ուտիցէ. ո՞ ոք արածիցէ խաշն, եւ ի կաթանէ խաշինն ոչ ուտիցէ։ 8Միթէ ըստ մարդկութեա՞ն խօսիցիմ զայս. կամ թէ եւ օրէնքն զսոյն ո՞չ ասիցեն։ 9Ի Մովսիսի իսկ յօրէնսն գրեալ է. Ոչ կապեսցես զցռուկ եզին կալոտւոյ։ Միթէ զեզա՞նց ինչ փոյթ էր Աստուծոյ։ 10Ո՞չ ապաքէն վասն մեր ասէ, քանզի վասն մեր գրեցաւ. զի յուսով պարտի որ սերմանէն՝ սերմանել, եւ որ կասուն՝ յուսով վայելել։ 11Եթէ մեք ի ձեզ զհոգեւորսն սերմանեցաք, մեծ ի՞նչ է եթէ ի ձէնջ զմարմնաւորսդ հնձիցեմք։ 12Եթէ այլք ձերով իշխանութեամբդ վայելեն, ո՞չ առաւել եւս մեք. այլ ոչ ի գործ ինչ արկաք զիշխանութիւնս զայս. բայց ամենայնի համբերեմք, զի մի՛ խափան ինչ լինիցիմք #9։12 Յոյնն. աւետարանին Քրիստոսիաւետարանին։ 13Ո՞չ գիտէք, եթէ որ ի տաճարին գործեն՝ ի տաճարէ անտի ուտեն. եւ որ սեղանոյն պաշտօնեայք են՝ ի սեղանոյ անտի վայելեն։ 14Նոյնպէս եւ Տէր հրաման ետ որոց զաւետարանն աւետարանեն՝ յաւետարանէ անտի կեալ։ 15Բայց ես եւ ոչ զմի ինչ յայսցանէ արկի ի գործ, եւ ոչ գրեցի զայդ զի ինձ այսպէս ինչ լինիցի. լաւ է ինձ մանաւանդ մեռանել, եւ ոչ զի զպարծանս իմ ոք ընդունայն համարիցի։ 16Զի եթէ աւետարանեմ, ոչինչ են ինձ պարծանք, քանզի հարկ ի վերայ կայ. բայց վա՜յ է ինձ՝ թէ ոչ աւետարանեմ։ 17Եթէ կամաւ զայն առնեմ, վարձք են ինձ. եւ եթէ ակամայ՝ տնտեսութիւն յանձն է ինձ։ 18Եւ արդ զի՞նչ վարձք իցեն ինձ. #9։18 Կամ՝ այն՝ զիեթէ յաւետարանելն ձրի տաց #9։18 Ոմանք. զաւետարանն Քրիստոսիզաւետարանն՝ զի մի՛ զեղծիցիմ ինչ իշխանութեամբս իմով յաւետարանի անդ։ 19Քանզի ազատ էի յամենայնէ, եւ ամենեցուն զանձն ի ծառայութեան կացուցի, զի զբազումս շահեցայց։ 20Եղէ ընդ Հրեայսն իբրեւ զՀրեայ, զի զՀրեայսն շահեցայց։ 21Եղէ ընդ օրինօք իբրեւ զայնոսիկ որ ընդ օրինօքն էին, #9։21 Յոմանս պակասէիբր ոչ եթէ ընդ օրինօքն էի, այլ՝՝ զի որ ընդ օրինօքն իցեն՝ եւ զնոսա շահեցայց. ընդ անօրէնս եղէ իբրեւ զանօրէն, իբր ոչ եթէ անօրէն ինչ էի Աստուծոյ, այլ ընդ օրինօքն Քրիստոսի, զի շահեցայց զանօրէնսն։ 22Եղէ ընդ տկարս իբրեւ զտկար, զի զտկարսն շահեցայց. ընդ ամենայնի ամենայն եղէ, զի թերեւս ապրեցուցից զոմանս։ 23Զայս ամենայն առնեմ վասն աւետարանին, զի կցորդ եղէց նմա։
ԴԿ.
24Ո՞չ գիտէք եթէ որ յասպարիսին ընթանան, ընթանալ ամենեքին ընթանան, բայց մի ոք առնու զյաղթութեանն. այնպէս ընթացարուք զի հասանիցէք։ 25Ամենայն որ պատերազմի՝ ամենայնի ժուժկալ լինի. նոքա զի զեղծանելի պսակն առնուցուն, եւ մեք զանեղծութեանն։ 26Արդ ես իսկ այնպէս ընթանամ, ոչ որպէս յաներեւոյթս. այնպէս մրցիմ, որպէս ոչ թէ զհողմս ինչ կոծելով. 27այլ ճնշեմ զմարմինս իմ եւ հնազանդեցուցանեմ, զի գուցէ որ այլոցն քարոզեցի՝ ես ինքն անպիտան գտանիցիմ։
Հայաստանի Աստվածաշնչային Ընկերություն, 2018
Bible Society of Armenia, 2018
ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ Գլուխ Թ
Գլուխ Թ
1 Ո՞չ ապաքէն ազատ եմ, ո՞չ ապաքէն առաքեալ եմ, ո՞չ ապաքէն զՏէր մեր Յիսուս Քրիստոս #9։1 Ի Յունին պակասէաչօք իմովք՝՝ տեսի, ո՞չ ապաքէն գործ իմ դուք էք ի Տէր։ 2Թէպէտ եւ այլոց չիցեմ առաքեալ, այլ դէպ ձեզ եմ. զի կնիք իսկ առաքելութեան իմոյ դուք էք ի Տէր։ 3Իմ պատասխանի, ուր զիս հարցանիցեն, այս է. 4Միթէ ո՞չ ունիցիմք իշխանութիւն ուտել եւ ըմպել։ 5Միթէ ո՞չ ունիցիմք իշխանութիւն #9։5 Ոմանք. քոյր կինզքորս կանայս՝՝ շրջեցուցանել #9։5 Ի Յունին պակասէընդ մեզ՝՝. որպէս եւ այլ առաքեալքն եւ եղբարքն Տեառն եւ Կեփաս։ 6Եթէ միայն ես եւ Բառնաբա՞ս ոչ ունիցիմք իշխանութիւն չգործել ինչ։ 7Ո՞ ոք երբեք զինուորիցի իւրովք թոշակօք. ո՞ ոք տնկիցէ այգի, եւ ի պտղոյ նորա ոչ ուտիցէ. ո՞ ոք արածիցէ խաշն, եւ ի կաթանէ խաշինն ոչ ուտիցէ։ 8Միթէ ըստ մարդկութեա՞ն խօսիցիմ զայս. կամ թէ եւ օրէնքն զսոյն ո՞չ ասիցեն։ 9Ի Մովսիսի իսկ յօրէնսն գրեալ է. Ոչ կապեսցես զցռուկ եզին կալոտւոյ։ Միթէ զեզա՞նց ինչ փոյթ էր Աստուծոյ։ 10Ո՞չ ապաքէն վասն մեր ասէ, քանզի վասն մեր գրեցաւ. զի յուսով պարտի որ սերմանէն՝ սերմանել, եւ որ կասուն՝ յուսով վայելել։ 11Եթէ մեք ի ձեզ զհոգեւորսն սերմանեցաք, մեծ ի՞նչ է եթէ ի ձէնջ զմարմնաւորսդ հնձիցեմք։ 12Եթէ այլք ձերով իշխանութեամբդ վայելեն, ո՞չ առաւել եւս մեք. այլ ոչ ի գործ ինչ արկաք զիշխանութիւնս զայս. բայց ամենայնի համբերեմք, զի մի՛ խափան ինչ լինիցիմք #9։12 Յոյնն. աւետարանին Քրիստոսիաւետարանին։ 13Ո՞չ գիտէք, եթէ որ ի տաճարին գործեն՝ ի տաճարէ անտի ուտեն. եւ որ սեղանոյն պաշտօնեայք են՝ ի սեղանոյ անտի վայելեն։ 14Նոյնպէս եւ Տէր հրաման ետ որոց զաւետարանն աւետարանեն՝ յաւետարանէ անտի կեալ։ 15Բայց ես եւ ոչ զմի ինչ յայսցանէ արկի ի գործ, եւ ոչ գրեցի զայդ զի ինձ այսպէս ինչ լինիցի. լաւ է ինձ մանաւանդ մեռանել, եւ ոչ զի զպարծանս իմ ոք ընդունայն համարիցի։ 16Զի եթէ աւետարանեմ, ոչինչ են ինձ պարծանք, քանզի հարկ ի վերայ կայ. բայց վա՜յ է ինձ՝ թէ ոչ աւետարանեմ։ 17Եթէ կամաւ զայն առնեմ, վարձք են ինձ. եւ եթէ ակամայ՝ տնտեսութիւն յանձն է ինձ։ 18Եւ արդ զի՞նչ վարձք իցեն ինձ. #9։18 Կամ՝ այն՝ զիեթէ յաւետարանելն ձրի տաց #9։18 Ոմանք. զաւետարանն Քրիստոսիզաւետարանն՝ զի մի՛ զեղծիցիմ ինչ իշխանութեամբս իմով յաւետարանի անդ։ 19Քանզի ազատ էի յամենայնէ, եւ ամենեցուն զանձն ի ծառայութեան կացուցի, զի զբազումս շահեցայց։ 20Եղէ ընդ Հրեայսն իբրեւ զՀրեայ, զի զՀրեայսն շահեցայց։ 21Եղէ ընդ օրինօք իբրեւ զայնոսիկ որ ընդ օրինօքն էին, #9։21 Յոմանս պակասէիբր ոչ եթէ ընդ օրինօքն էի, այլ՝՝ զի որ ընդ օրինօքն իցեն՝ եւ զնոսա շահեցայց. ընդ անօրէնս եղէ իբրեւ զանօրէն, իբր ոչ եթէ անօրէն ինչ էի Աստուծոյ, այլ ընդ օրինօքն Քրիստոսի, զի շահեցայց զանօրէնսն։ 22Եղէ ընդ տկարս իբրեւ զտկար, զի զտկարսն շահեցայց. ընդ ամենայնի ամենայն եղէ, զի թերեւս ապրեցուցից զոմանս։ 23Զայս ամենայն առնեմ վասն աւետարանին, զի կցորդ եղէց նմա։
ԴԿ.
24Ո՞չ գիտէք եթէ որ յասպարիսին ընթանան, ընթանալ ամենեքին ընթանան, բայց մի ոք առնու զյաղթութեանն. այնպէս ընթացարուք զի հասանիցէք։ 25Ամենայն որ պատերազմի՝ ամենայնի ժուժկալ լինի. նոքա զի զեղծանելի պսակն առնուցուն, եւ մեք զանեղծութեանն։ 26Արդ ես իսկ այնպէս ընթանամ, ոչ որպէս յաներեւոյթս. այնպէս մրցիմ, որպէս ոչ թէ զհողմս ինչ կոծելով. 27այլ ճնշեմ զմարմինս իմ եւ հնազանդեցուցանեմ, զի գուցէ որ այլոցն քարոզեցի՝ ես ինքն անպիտան գտանիցիմ։
Հայաստանի Աստվածաշնչային Ընկերություն, 2018
Bible Society of Armenia, 2018