Nüxíraxü̃xü̃ ga popera ga Coríntiuwa yexmagüxü̃ ga yaxõgüxü̃tanüwa namuxü̃ ga Pauru 8
8
Tupananetachicüna̱xãgüna naxuaxü̃güxü̃ ga õnachiga
1Ñu̱xma rü tá pemaxã nüxü̃ chixu i nachiga i namachi i ngẽma duü̃xü̃gü i tama Ngechuchuaxü̃́ yaxõgüxü̃ norü tupananetachicüna̱xãgüca̱x daixü̃. Rü aixcüma nixĩ i wüxichigü i yixema i meama nüxü̃ icuáxü̃ i ngẽmachiga. Natürü ngẽma nüxü̃ nax icuáxü̃gagu rü ñuxguacü rü yigü namaxã ticua̱xüü̃gü. Natürü ngẽma nax yigü ingechaü̃xü̃ rü tüxü̃ narüngü̃xẽxẽ nax yexeraãcü mea yaxõgüxü̃.
2Rü ngẽxguma chi texé tügügu rüxĩnügu nax nüxü̃ tacuáxü̃, rü name nixĩ i tügügu tarüxĩnü nax tama aixcüma nüxü̃ tacuáxü̃ i guxü̃ma i ngẽma cua̱x.
3Natürü ngẽxguma texé aixcüma Tupanaxü̃ ngechaü̃gu, rü Tupana rü tüxü̃ nacua̱x.
4Rü ngẽma nax nangṍxü̃ i ngẽma namachi i tupananetachicüna̱xãgüca̱x daixü̃, rü meama nüxü̃ tacua̱x nax taxuwama namexü̃ i ngẽma tupananetachicüna̱xãgü, erü tama aixcüma Tupanaxü̃chi nixĩgü. Erü wüxixicatama nixĩ ya Tupana ixĩcü, rü nataxuma i to.
5-6Rü woo duü̃xü̃gü namaxã tupanaã̱xgu rü namaxã coriã̱xgu i muxü̃ma i ta̱xacü i ñoma i naanewa ngẽxmagüxü̃ rü ta̱xacü i daxũguxü̃ i naanewa ngẽxmagüxü̃, natürü yixema nüxü̃ tacua̱x nax wüxitama yixĩxü̃ ya Tanatü ya Tupana ixĩcü. Rü nüma ya Tanatü nixĩ i naxüaxü̃ i guxü̃ma i ta̱xacü i ngẽxmaxü̃, rü naxca̱x nixĩ i imaxẽxü̃ i yixemax. Rü ngẽxgumarüxü̃ ta nangẽxma i wüxitama ya tórü Cori ya Ngechuchu ya Cristu. Rü yimágagu nixĩ nax nangẽxmaxü̃ i guxü̃ma, rü yimágagu nixĩ i tüxü̃́ nangẽxmaxü̃ i maxü̃.
7Natürü tama guxü̃ma i yaxõgüxü̃ nüxü̃ nacua̱x i ngẽmachiga. Rü ñuxre i nümagü rü namaxã nixü nax nangõ̱xgüãxü̃ i namachi i ngẽma tupananetachicüna̱xãgüca̱x daixü̃. Natürü naãxẽwa nagu narüxĩnüe nax chixexü̃ naxügüxü̃ i ngẽxguma nangõ̱xgüãgu i ngẽma naxü̃namachi i togü i duü̃xü̃gü norü tupananetachicüna̱xãgüca̱x daixü̃ nax nüxü̃ namaxã yacua̱xüü̃güxü̃ca̱x.
8Rü yixema nüxü̃ tacua̱x nax tama ta̱xacürü namachi nax ingṍxü̃gagu yixĩxü̃ nax Tupanape̱xewa imexü̃ rüe̱xna ichixexü̃.
9Natürü i pema i nüxü̃ nax pecuáxü̃ nax tama pecadu yixĩxü̃ nax nangṍxü̃ i ngẽma namachi, ¡rü pexuãẽgü erü ngürüãchi ngẽma nax pengṍxü̃gagu chixexü̃gu tá penayixẽxẽ i ngẽma peenexẽgü i taxũta aixcüma poraexü̃ i norü õwa!
10Erü cuma nax mea Tupanaxü̃ cucuáxü̃, rü ngẽxguma chi cunangõ̱xgu i ngẽma namachi i ngextá tupananetachicüna̱xãgüxü̃ íyacua̱xüü̃güxü̃wa, rü ngürüãchi wüxi i cuenexẽ i tauta mea Tupanaxü̃ cuáxü̃ tá cuxü̃ nadau. Rü ngürüãchi nüma rü tá ta nanangõ̱x i ngẽma namachi woo naãxẽwa nagu naxĩnügu nax wüxi i chixexü̃ yixĩxü̃ nax nangṍxü̃ i ngẽma namachi.
11Rü ngẽmaãcü i cuma nax mea Tupanaxü̃ cucuáxü̃, rü tá icuyanatauxẽxẽ i ngẽma cuenexẽ i Cristu naxca̱x yuxü̃ i tauta mea Tupanaxü̃ cuáxü̃.
12Rü ngẽmaca̱x i ngẽxguma chixexü̃gu cunanguxẽẽgu i ngẽma cuenexẽ i tauta poraxü̃ i norü õwa, rü Cristupe̱xewa chixexü̃ cuxü.
13Rü ngẽmaca̱x i ngẽxguma ngẽma namachi i changṍxü̃gagu chixexü̃gu chananguxẽẽgu i chauenexẽ, rü narümemae nixĩ i tama ngẽma namachi i tupananetachicüna̱xãgüca̱x daixü̃ changõ̱x nax tama pecadugu chananguxẽẽxü̃ca̱x i ngẽma chauenexẽ.
高亮显示
分享
复制
想要在所有设备上保存你的高亮显示吗？ 注册或登录
© 2022, Wycliffe Bible Translators, Inc. All rights reserved.
Nüxíraxü̃xü̃ ga popera ga Coríntiuwa yexmagüxü̃ ga yaxõgüxü̃tanüwa namuxü̃ ga Pauru 8
8
Tupananetachicüna̱xãgüna naxuaxü̃güxü̃ ga õnachiga
1Ñu̱xma rü tá pemaxã nüxü̃ chixu i nachiga i namachi i ngẽma duü̃xü̃gü i tama Ngechuchuaxü̃́ yaxõgüxü̃ norü tupananetachicüna̱xãgüca̱x daixü̃. Rü aixcüma nixĩ i wüxichigü i yixema i meama nüxü̃ icuáxü̃ i ngẽmachiga. Natürü ngẽma nüxü̃ nax icuáxü̃gagu rü ñuxguacü rü yigü namaxã ticua̱xüü̃gü. Natürü ngẽma nax yigü ingechaü̃xü̃ rü tüxü̃ narüngü̃xẽxẽ nax yexeraãcü mea yaxõgüxü̃.
2Rü ngẽxguma chi texé tügügu rüxĩnügu nax nüxü̃ tacuáxü̃, rü name nixĩ i tügügu tarüxĩnü nax tama aixcüma nüxü̃ tacuáxü̃ i guxü̃ma i ngẽma cua̱x.
3Natürü ngẽxguma texé aixcüma Tupanaxü̃ ngechaü̃gu, rü Tupana rü tüxü̃ nacua̱x.
4Rü ngẽma nax nangṍxü̃ i ngẽma namachi i tupananetachicüna̱xãgüca̱x daixü̃, rü meama nüxü̃ tacua̱x nax taxuwama namexü̃ i ngẽma tupananetachicüna̱xãgü, erü tama aixcüma Tupanaxü̃chi nixĩgü. Erü wüxixicatama nixĩ ya Tupana ixĩcü, rü nataxuma i to.
5-6Rü woo duü̃xü̃gü namaxã tupanaã̱xgu rü namaxã coriã̱xgu i muxü̃ma i ta̱xacü i ñoma i naanewa ngẽxmagüxü̃ rü ta̱xacü i daxũguxü̃ i naanewa ngẽxmagüxü̃, natürü yixema nüxü̃ tacua̱x nax wüxitama yixĩxü̃ ya Tanatü ya Tupana ixĩcü. Rü nüma ya Tanatü nixĩ i naxüaxü̃ i guxü̃ma i ta̱xacü i ngẽxmaxü̃, rü naxca̱x nixĩ i imaxẽxü̃ i yixemax. Rü ngẽxgumarüxü̃ ta nangẽxma i wüxitama ya tórü Cori ya Ngechuchu ya Cristu. Rü yimágagu nixĩ nax nangẽxmaxü̃ i guxü̃ma, rü yimágagu nixĩ i tüxü̃́ nangẽxmaxü̃ i maxü̃.
7Natürü tama guxü̃ma i yaxõgüxü̃ nüxü̃ nacua̱x i ngẽmachiga. Rü ñuxre i nümagü rü namaxã nixü nax nangõ̱xgüãxü̃ i namachi i ngẽma tupananetachicüna̱xãgüca̱x daixü̃. Natürü naãxẽwa nagu narüxĩnüe nax chixexü̃ naxügüxü̃ i ngẽxguma nangõ̱xgüãgu i ngẽma naxü̃namachi i togü i duü̃xü̃gü norü tupananetachicüna̱xãgüca̱x daixü̃ nax nüxü̃ namaxã yacua̱xüü̃güxü̃ca̱x.
8Rü yixema nüxü̃ tacua̱x nax tama ta̱xacürü namachi nax ingṍxü̃gagu yixĩxü̃ nax Tupanape̱xewa imexü̃ rüe̱xna ichixexü̃.
9Natürü i pema i nüxü̃ nax pecuáxü̃ nax tama pecadu yixĩxü̃ nax nangṍxü̃ i ngẽma namachi, ¡rü pexuãẽgü erü ngürüãchi ngẽma nax pengṍxü̃gagu chixexü̃gu tá penayixẽxẽ i ngẽma peenexẽgü i taxũta aixcüma poraexü̃ i norü õwa!
10Erü cuma nax mea Tupanaxü̃ cucuáxü̃, rü ngẽxguma chi cunangõ̱xgu i ngẽma namachi i ngextá tupananetachicüna̱xãgüxü̃ íyacua̱xüü̃güxü̃wa, rü ngürüãchi wüxi i cuenexẽ i tauta mea Tupanaxü̃ cuáxü̃ tá cuxü̃ nadau. Rü ngürüãchi nüma rü tá ta nanangõ̱x i ngẽma namachi woo naãxẽwa nagu naxĩnügu nax wüxi i chixexü̃ yixĩxü̃ nax nangṍxü̃ i ngẽma namachi.
11Rü ngẽmaãcü i cuma nax mea Tupanaxü̃ cucuáxü̃, rü tá icuyanatauxẽxẽ i ngẽma cuenexẽ i Cristu naxca̱x yuxü̃ i tauta mea Tupanaxü̃ cuáxü̃.
12Rü ngẽmaca̱x i ngẽxguma chixexü̃gu cunanguxẽẽgu i ngẽma cuenexẽ i tauta poraxü̃ i norü õwa, rü Cristupe̱xewa chixexü̃ cuxü.
13Rü ngẽmaca̱x i ngẽxguma ngẽma namachi i changṍxü̃gagu chixexü̃gu chananguxẽẽgu i chauenexẽ, rü narümemae nixĩ i tama ngẽma namachi i tupananetachicüna̱xãgüca̱x daixü̃ changõ̱x nax tama pecadugu chananguxẽẽxü̃ca̱x i ngẽma chauenexẽ.
© 2022, Wycliffe Bible Translators, Inc. All rights reserved.