KORINT HIIŊ 1
1
1Go Poul na aa suyanɛ maa sha butumwa Jisus Krast tedure nu ukwulana wa Agwatana, abana Sosetɛnɛs, na shɛ yɛu-bino tu na amɛ Krast.
2No ofwo tu'ulwa ta Agwatana tu na tu namɛ nu Korint, a na ee tileni swooŋ na amɛ Krast Jisus, anaa na a suyanɛ maa a shɛ atwa tijilo Agwatana, keeni atwa elele na aa suyunɛ ni izeci ya Agwangwama tu Jisus Krast no ofwo elele, a na a zhɛba Agwangwama aba na shɛ Agwangwama tu hwɛɛ.#Ugo 18:1
3Go tulubo-ti-biye keeni amɛ-olom na banɛ no olugwo Agwatana na shɛ Bishi tu keeni Agwangwama tu Jisus Krast, tu nama ne hiŋ.
Uwebiye na Amɛ Krast
4Ma nda ugwoje wa Agwatana mi#1:4 Agwatana mi: Abayiburu oko zasa mi o, ɛ hiɛŋ kwakwa Agwatana. aka elele iwe hiŋ, keeni iwɛ tulubo tu bwa ti biye tu na bee m peni na amɛ Krast Jisus. 5Gana na ta a hiɛ njɛ azhɛgba nu n-ndumwa me elele keeni iyi-tumapa ye elele na amɛ Krast Jisus. 6Ibɛ i shɛ gana na te tiseyida tu na ahia la Krast ti shikeni dimi na shɛmɛ shi hiŋ. 7Ibɛ po upwaŋ tulubo-ti-biye#1:7 upwaŋ tulubo-ti-biye: Tɛjɛshɛrɛga tu ko ti hiɛŋ, upwaŋ mpiala, ono oko hiɛŋ, uwebiye kwo kaa upwaŋ mpiala. we elele ihi 'nyananɛ shɛ,#1:7 ihi 'nyananɛ shɛ: Abayiburu oko hiɛŋ, ehi le shi ekwunyi kwo kaa ehi kwu su. iwɛnɛ ahia nda ashɛlatụ tɛkapɛshɛnga tu na ɛɛ zhɛ a kapɛshɛnga hwuŋ Agwangwama tu Jisus Krast. 8Ubwa na zhɛ me hi shikicingo dimi uuwa i ci uce, maa kede hi 'yaga unu-tusapa#1:8 unu-tusapa: Abayiburu oko hiɛŋ, uzawa tụwụma kwo kaa utugbolo. nụ Ụjita wa Agwangwama tu Jisus Krast o. 9Agwatana ubwa shɛ bụtụ bɛ tɛcara, ubwa kaa ihi suyanɛ maa hi twa-ikpɛngwu ni Yɛu ibwɛ ge Jisus Krast Agwangwama tu.
Tubogwu ti Teni na Amɛ Tu'ulwa ta Ata
10A-miaụŋ-mo-bino mi na amɛ Krast, ma hi lụpa tedure ni izeci ya Agwangwama tu Jisus Krast, maa kede tubogwu tu nama na ashashɛ hiŋ o, ama ga ahaŋsa hiŋ keeni iyi-tumapa hiŋ i shɛ ike. 11A-miaụŋ-mo-bino mi na amɛ Krast, atwa ihwɛ Kilo e n swegeni maa ashamanjɛ uwuru#1:11 ashamanjɛ uwuru: Tɛjɛshɛrɛ tu ko ti 'yajɛ uwuru, tu zasa ashamanjɛ o, mo tu ko ti 'yajɛ ashamanjɛ, ama tu zasa wuru o. namba na ashashɛ hiŋ. 12Iyi nɛ Ama njɛ na, ɛ hiɛŋ bụtụ bu ko bɛ hiɛŋ, N shɛ bụtụ Poul, bụtụ ye bɛ hiɛŋ, N shɛ bụtụ Apụlụs, bụtụ na bɛ hiɛŋ, N shɛ bụtụ Kifas;#1:12 Kifas: Abayiburu oko hiɛŋ, Pita. Ta Pita tɛ shɛ izeci Rigrik, te Kifas tɛ shɛ Ru-aramaik, ama shigini shi ibɛ hwɛɛ shɛ shɛ oko, maa utayɛ. binya bụtụ bɛ hiɛŋ, N shɛ bụtụ Krast.#Ugo 18:24 13O dwotwogonu suu Krast?#1:13 O dwotwogonu suu Krast: Abayiburu oko hiɛŋ, e eri shi o dwotwogonu Krast o. Okwo e n tegeni suu nrɛ nụ ụ'wụ'wụ-ubatanɛ Gamba go Poul iwe hiŋ? Okwo a hiɛ njɛ suu ubaptizim tedure ni izeci mi? 14Ma nda ugwoje wa Agwatana#1:14 Ma nda ugwoje wa Agwatana: Abayiburu oko hiɛŋ, N njɛ ugwoje duwa, kwo kaa N njɛ ugwoje wa Agwatana mi. #Ugo 18:8; 19:29; Rom 16:23 iwɛnɛ tu Ngaa njɛ shɛ bụtụ be elele ubaptizim na ashashɛ hiŋ, semi ge Krispos keeni Gaiyos kiri; 15shibwonu bụtụ bu ko gɛ zhɛ bɛ hiɛŋ yebe, Ni izeci mi aa njɛ bụ ubaptizim. 16N njɛ du atwa ihwɛ Stɛfanas ubaptizim. N eri shi me teyinje ya okwo binya bụtụ ta namba na Ngaa njɛ ubaptizim o.#1 Kor 16:15 17Iwɛnɛ po ga Krast n tumwanɛ shɛ maa mu na nda atwa ubaptizim o, ama semi iwɛ maa Ma ananga Anabarɛ Ebiye. Ama shɛ ni iwɛ ti'inta ta atwa o, yaa shɛ Ngaa njɛ nu uhwaŋna ti'inta ta atwa, asha ụ'wụ'wụ-ubatanɛ u tu'wo tu Krast zhɛ wa sha iyi tɛgadaga.
Ga Krast Ubwa Shɛ Ukpahiŋ Keeni Ti'inta ta Agwatana
18I'enenji iwɛ tu'wo tu Krast shanɛ atwa na a nda ufwu iyi tisashɛ, ama ukpahiŋ wa Agwatana tuba yaa ti shanɛ atuba na bee bicinji. 19Iwɛnɛ po e 'nyeci ni Iwɛ ya Agwatana, ɛɛ hiɛŋ,
N zhɛ ma nda ti'inta ta atwa na incɛ ufwu; keeni ti'eshicigo ta atwa na eshiciji iyi.#Ayiz 29:14
20Cee bụtụ bi ti'inta namɛɛ? Cee bi'nyeci bi iyi namɛɛ? Cee bɛnjɛ-ba-ashamanjɛ bu unyizo ga namɛɛ? Agwatana te shepi shi suu ti'inta tu unyizo ga baa njɛ tụ iyi ụlagwụ? #Job 12:17; Ayiz 19:12; 33:18; 44:25 21Gana na ta Agwatana incɛ, ibɛ po baa njɛ maa kede atwa unyizo mepi bu tedure na ti'inta ta aba o. Ama i kwụlanɛ tuba Agwatana maa bicingo atwa na tɛtanɛ-rishe tedure ni i'enenji ɛtɛ atwa a ananga nɛ i shanɛ atwa oko iyi tisashɛ. 22Eju a lụpa arụhwajɛ, atwa na shɛ shɛ Eju tuba a jalakaka ti'inta. 23Ama ta ananga tuba Krast na ee tegeni nrɛ nụ ụ'wụ'wụ-ubatanɛ. Inɛ ɛtɛ tuba shanɛ Eju iyi ukwurishi, yaa shanɛ kaa atwa na shɛ shɛ Eju iyi ụlagwụ. 24Ama ga Krast tuba shanɛ atwa na aa suyanɛ ukpahiŋ wa Agwatana keeni ti'inta tu bwa, te Eju keeni atwa na shɛ shɛ Eju hwɛɛ. 25Iwɛnɛ po okwo ụlagwụ wa Agwatana incɛ wee hwuri ti'inta ta atwa, tulwogogo ta Agwatana kaa ti 'yajɛ ikɛnyi tee hwuri ikɛnyi ya atwa.
26A-miaụŋ-mo-bino mi na amɛ Krast, haŋsa ma atwa gana na ahiɛ shɛ la nazhɛ Agwatana ihi suyanɛ. Atwa na incɛ la okwo ti'inta ta butugwumwa twa sụ ufwugwo, atwa na shɛ la atwa ukpahiŋ twa sụ ufwugwo, atwa na 'yajɛ la izeci nu uhwaŋna butugwumwa twa sụ ufwugwo. 27Ama Agwatana teri iyi unyizo ga nɛ lagwụmɛ maa nda atwa na incɛ ezuye, bee teri kaa iyi nɛ lwegeji nu unyizo ga maa nda iyi nɛ 'yajɛ ikɛnyi ezuye. 28Agwatana teri iyi nɛ 'nyanɛ keeni iyi nɛ atwa ngbaracɛ cwɛŋ keeni iyi nɛ atwa heŋshi shi maa i shɛ iyi tandụ, maa nda iyi nɛ atwa heŋshi maa i shɛ iyi tandụ maa ga i shɛ iyi tɛgadaga. 29Iwɛ maa kede butugwumwa na busa na agba Agwatana o. 30Agwatana kaa ihiɛ njɛ maa hi 'yaga uraiŋ na amɛ Krast Jisus. Ge Jisus Krast kaa utu ndwanua ti'inta, ne tiririri, no tishilo swooŋ keeni tugwube tu tu, tu na tu banɛ no olugwo Agwatana. 31Iwɛ maa i shɛ gana na te e 'nyeci ni Iwɛ ya Agwatana, ɛɛ hiɛŋ, Bụtụ na ba busa, ga bu na busa iwɛ iyi nɛ Agwangwama ndanɛ bụ.#Jɛrɛ 9:24
Rubassa Bible © Bible Society of Nigeria, 2008
KORINT HIIŊ 1
1
1Go Poul na aa suyanɛ maa sha butumwa Jisus Krast tedure nu ukwulana wa Agwatana, abana Sosetɛnɛs, na shɛ yɛu-bino tu na amɛ Krast.
2No ofwo tu'ulwa ta Agwatana tu na tu namɛ nu Korint, a na ee tileni swooŋ na amɛ Krast Jisus, anaa na a suyanɛ maa a shɛ atwa tijilo Agwatana, keeni atwa elele na aa suyunɛ ni izeci ya Agwangwama tu Jisus Krast no ofwo elele, a na a zhɛba Agwangwama aba na shɛ Agwangwama tu hwɛɛ.#Ugo 18:1
3Go tulubo-ti-biye keeni amɛ-olom na banɛ no olugwo Agwatana na shɛ Bishi tu keeni Agwangwama tu Jisus Krast, tu nama ne hiŋ.
Uwebiye na Amɛ Krast
4Ma nda ugwoje wa Agwatana mi#1:4 Agwatana mi: Abayiburu oko zasa mi o, ɛ hiɛŋ kwakwa Agwatana. aka elele iwe hiŋ, keeni iwɛ tulubo tu bwa ti biye tu na bee m peni na amɛ Krast Jisus. 5Gana na ta a hiɛ njɛ azhɛgba nu n-ndumwa me elele keeni iyi-tumapa ye elele na amɛ Krast Jisus. 6Ibɛ i shɛ gana na te tiseyida tu na ahia la Krast ti shikeni dimi na shɛmɛ shi hiŋ. 7Ibɛ po upwaŋ tulubo-ti-biye#1:7 upwaŋ tulubo-ti-biye: Tɛjɛshɛrɛga tu ko ti hiɛŋ, upwaŋ mpiala, ono oko hiɛŋ, uwebiye kwo kaa upwaŋ mpiala. we elele ihi 'nyananɛ shɛ,#1:7 ihi 'nyananɛ shɛ: Abayiburu oko hiɛŋ, ehi le shi ekwunyi kwo kaa ehi kwu su. iwɛnɛ ahia nda ashɛlatụ tɛkapɛshɛnga tu na ɛɛ zhɛ a kapɛshɛnga hwuŋ Agwangwama tu Jisus Krast. 8Ubwa na zhɛ me hi shikicingo dimi uuwa i ci uce, maa kede hi 'yaga unu-tusapa#1:8 unu-tusapa: Abayiburu oko hiɛŋ, uzawa tụwụma kwo kaa utugbolo. nụ Ụjita wa Agwangwama tu Jisus Krast o. 9Agwatana ubwa shɛ bụtụ bɛ tɛcara, ubwa kaa ihi suyanɛ maa hi twa-ikpɛngwu ni Yɛu ibwɛ ge Jisus Krast Agwangwama tu.
Tubogwu ti Teni na Amɛ Tu'ulwa ta Ata
10A-miaụŋ-mo-bino mi na amɛ Krast, ma hi lụpa tedure ni izeci ya Agwangwama tu Jisus Krast, maa kede tubogwu tu nama na ashashɛ hiŋ o, ama ga ahaŋsa hiŋ keeni iyi-tumapa hiŋ i shɛ ike. 11A-miaụŋ-mo-bino mi na amɛ Krast, atwa ihwɛ Kilo e n swegeni maa ashamanjɛ uwuru#1:11 ashamanjɛ uwuru: Tɛjɛshɛrɛ tu ko ti 'yajɛ uwuru, tu zasa ashamanjɛ o, mo tu ko ti 'yajɛ ashamanjɛ, ama tu zasa wuru o. namba na ashashɛ hiŋ. 12Iyi nɛ Ama njɛ na, ɛ hiɛŋ bụtụ bu ko bɛ hiɛŋ, N shɛ bụtụ Poul, bụtụ ye bɛ hiɛŋ, N shɛ bụtụ Apụlụs, bụtụ na bɛ hiɛŋ, N shɛ bụtụ Kifas;#1:12 Kifas: Abayiburu oko hiɛŋ, Pita. Ta Pita tɛ shɛ izeci Rigrik, te Kifas tɛ shɛ Ru-aramaik, ama shigini shi ibɛ hwɛɛ shɛ shɛ oko, maa utayɛ. binya bụtụ bɛ hiɛŋ, N shɛ bụtụ Krast.#Ugo 18:24 13O dwotwogonu suu Krast?#1:13 O dwotwogonu suu Krast: Abayiburu oko hiɛŋ, e eri shi o dwotwogonu Krast o. Okwo e n tegeni suu nrɛ nụ ụ'wụ'wụ-ubatanɛ Gamba go Poul iwe hiŋ? Okwo a hiɛ njɛ suu ubaptizim tedure ni izeci mi? 14Ma nda ugwoje wa Agwatana#1:14 Ma nda ugwoje wa Agwatana: Abayiburu oko hiɛŋ, N njɛ ugwoje duwa, kwo kaa N njɛ ugwoje wa Agwatana mi. #Ugo 18:8; 19:29; Rom 16:23 iwɛnɛ tu Ngaa njɛ shɛ bụtụ be elele ubaptizim na ashashɛ hiŋ, semi ge Krispos keeni Gaiyos kiri; 15shibwonu bụtụ bu ko gɛ zhɛ bɛ hiɛŋ yebe, Ni izeci mi aa njɛ bụ ubaptizim. 16N njɛ du atwa ihwɛ Stɛfanas ubaptizim. N eri shi me teyinje ya okwo binya bụtụ ta namba na Ngaa njɛ ubaptizim o.#1 Kor 16:15 17Iwɛnɛ po ga Krast n tumwanɛ shɛ maa mu na nda atwa ubaptizim o, ama semi iwɛ maa Ma ananga Anabarɛ Ebiye. Ama shɛ ni iwɛ ti'inta ta atwa o, yaa shɛ Ngaa njɛ nu uhwaŋna ti'inta ta atwa, asha ụ'wụ'wụ-ubatanɛ u tu'wo tu Krast zhɛ wa sha iyi tɛgadaga.
Ga Krast Ubwa Shɛ Ukpahiŋ Keeni Ti'inta ta Agwatana
18I'enenji iwɛ tu'wo tu Krast shanɛ atwa na a nda ufwu iyi tisashɛ, ama ukpahiŋ wa Agwatana tuba yaa ti shanɛ atuba na bee bicinji. 19Iwɛnɛ po e 'nyeci ni Iwɛ ya Agwatana, ɛɛ hiɛŋ,
N zhɛ ma nda ti'inta ta atwa na incɛ ufwu; keeni ti'eshicigo ta atwa na eshiciji iyi.#Ayiz 29:14
20Cee bụtụ bi ti'inta namɛɛ? Cee bi'nyeci bi iyi namɛɛ? Cee bɛnjɛ-ba-ashamanjɛ bu unyizo ga namɛɛ? Agwatana te shepi shi suu ti'inta tu unyizo ga baa njɛ tụ iyi ụlagwụ? #Job 12:17; Ayiz 19:12; 33:18; 44:25 21Gana na ta Agwatana incɛ, ibɛ po baa njɛ maa kede atwa unyizo mepi bu tedure na ti'inta ta aba o. Ama i kwụlanɛ tuba Agwatana maa bicingo atwa na tɛtanɛ-rishe tedure ni i'enenji ɛtɛ atwa a ananga nɛ i shanɛ atwa oko iyi tisashɛ. 22Eju a lụpa arụhwajɛ, atwa na shɛ shɛ Eju tuba a jalakaka ti'inta. 23Ama ta ananga tuba Krast na ee tegeni nrɛ nụ ụ'wụ'wụ-ubatanɛ. Inɛ ɛtɛ tuba shanɛ Eju iyi ukwurishi, yaa shanɛ kaa atwa na shɛ shɛ Eju iyi ụlagwụ. 24Ama ga Krast tuba shanɛ atwa na aa suyanɛ ukpahiŋ wa Agwatana keeni ti'inta tu bwa, te Eju keeni atwa na shɛ shɛ Eju hwɛɛ. 25Iwɛnɛ po okwo ụlagwụ wa Agwatana incɛ wee hwuri ti'inta ta atwa, tulwogogo ta Agwatana kaa ti 'yajɛ ikɛnyi tee hwuri ikɛnyi ya atwa.
26A-miaụŋ-mo-bino mi na amɛ Krast, haŋsa ma atwa gana na ahiɛ shɛ la nazhɛ Agwatana ihi suyanɛ. Atwa na incɛ la okwo ti'inta ta butugwumwa twa sụ ufwugwo, atwa na shɛ la atwa ukpahiŋ twa sụ ufwugwo, atwa na 'yajɛ la izeci nu uhwaŋna butugwumwa twa sụ ufwugwo. 27Ama Agwatana teri iyi unyizo ga nɛ lagwụmɛ maa nda atwa na incɛ ezuye, bee teri kaa iyi nɛ lwegeji nu unyizo ga maa nda iyi nɛ 'yajɛ ikɛnyi ezuye. 28Agwatana teri iyi nɛ 'nyanɛ keeni iyi nɛ atwa ngbaracɛ cwɛŋ keeni iyi nɛ atwa heŋshi shi maa i shɛ iyi tandụ, maa nda iyi nɛ atwa heŋshi maa i shɛ iyi tandụ maa ga i shɛ iyi tɛgadaga. 29Iwɛ maa kede butugwumwa na busa na agba Agwatana o. 30Agwatana kaa ihiɛ njɛ maa hi 'yaga uraiŋ na amɛ Krast Jisus. Ge Jisus Krast kaa utu ndwanua ti'inta, ne tiririri, no tishilo swooŋ keeni tugwube tu tu, tu na tu banɛ no olugwo Agwatana. 31Iwɛ maa i shɛ gana na te e 'nyeci ni Iwɛ ya Agwatana, ɛɛ hiɛŋ, Bụtụ na ba busa, ga bu na busa iwɛ iyi nɛ Agwangwama ndanɛ bụ.#Jɛrɛ 9:24
Rubassa Bible © Bible Society of Nigeria, 2008