ᑎᐱᑦ ᐅᓂᑭᒧᐅᓇ 30
30
Psalm 30 (Epiphany-6 Year B; Easter-3 Year C)
1ᒋᑭ ᒋᔅᑕᒋᒥᑎᓐ, ᐅ ᑎᐸᔨᒋᒐᓱᐤ, ᐛᔅ ᔅᒋ ᐅᐱᓐ,
ᓇᒪ ᑭᔭ ᒋ ᐅᒋ ᐃᑐᑐᐛᐅᒡ ᑲ ᐛᐧᑲᓯᒡ ᒐᒋ ᒥᔽᔨᑕᒡ ᓂᔾ ᐅᒋ᙮
2ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᔅᒋ ᒧᔅᑯᐛᑎᑎᓐ;
ᔅᒋ ᒥᓏᒋᐃᓐ ᒪᒃ᙮
3ᐅ ᑎᐸᔨᒋᒐᓱᐤ, ᔅᒋ ᐸᓱᐛᐤ ᓂᑦ ᐊᒐᐧᒄ ᓂᒂᔅᑲᓂᒡ ᐅᒋ:
ᔅᒋ ᐱᒪᒋᐃᓐ, ᒐ ᐊᑲ ᒋ ᓂᑎᒋᐛᔭᓐ ᓂᒂᔅᑲᓂᒡ᙮
4ᓂᑭᒧᔅᑐᐛᐧᒄ ᑎᐸᔨᒋᒐᓱᐤ, ᐅ ᒋᔨᐛᐤ ᐅ ᐸᔭᒋᓯᒪ,
ᓂᓇᔅᑯᒥᐧᒄ ᑭᔭ ᐊ ᒋᔅᒋᑎᒺᒄ ᐅᐸᔭᒋᓯᐅᓐ᙮
5ᐛᔅ ᐛᐃᐱᔅᒋᔅ ᒥᒄ ᐱᒥᐱᔪᐤ ᐅᒋᔄᓱᐅᓐ;
ᐅᒥᔪᑐᑕᒐᐅᓐ ᑲᒋᒡ ᐱᒪᑎᓯᐅᓂᔪᐤ:
ᒪᐅᓐ ᐃᔅᑭᓐ ᑎᐱᔅᑲᐛ ᐱᒥᐱᔪᐤ,
ᒪᒃ ᒥᔽᔨᑎᒧᐅᓐ ᐅᑎᒋᐱᔪᐤ ᒋᔭᒋᓴᐸᔭᒋ᙮
6ᓂᒥᔽᐱᒪᐅᓱᐅᓂᒡ ᒪᒃ ᓂᒋ ᐃᔅᒋᔄᓐ,
“ᓇᒪ ᓂᑕ ᓂᑭ ᓴᑯᐃᑯᓐ᙮”
7ᑎᐸᔨᒋᒐᓱᐤ, ᒋᒥᔪᑐᑕᒐᐅᓂᒡ ᐅᒋ ᔅᒋ ᐊᔨᒋᑲᐳᐅᑕᓐ ᓂᐱᔅᑯᑎᓇᒻ:
ᔅᒋ ᑲᓱᓐ, ᐊᑯ ᒥᑯᔅᑲᑕᔨᑎᒪᓐ᙮
8ᔅᒋ ᒪᑕᑎᓐ, ᐅ ᑎᐸᔨᒋᒐᓱᐤ;
ᑎᐸᔨᒋᒐᓱᐤ ᒪᒃ ᓂ ᓂᑐᑎᒧᐛᐤ᙮
9“ᑕᓐ ᐊ ᐃᑕᐱᑎᒡ ᓂᒥᐧᒄ, ᓂᑎᒋᐛᔭᓇ ᓂᒂᔅᑲᓂᒡ ?
ᐊᓯᔅᒋᔾ ᐊ ᒋᑭ ᒪᒥᒋᒥᑯᓐ ?
ᒋᑭ ᐎᑕᒧᒥᑭᓐ ᐊ ᒋᑕᑈᐅᓐ ?
10ᓂᑐᑕ, ᐅ ᑎᐸᔨᒋᒐᓱᐤ, ᒋᔅᑎᒪᒐᔨᒥ ᒪᒃ:
ᑎᐸᔨᒋᒐᓱᐤ, ᐎᒋᐃ᙮”
11ᔅᒋ ᒂᔅᒋᓂᒧᐅᓐ ᓂ ᒪᐅᓐ ᓂᒧᐅᓂᒡ ᐃᔅ:
ᔅᒋ ᐃᒐᔅᑕᓐ ᓂᐱᒋᐅᔭᓇᒋᓂᔅᒋᔅ, ᑭᔭ ᔅᒋ ᐱᒂᑕᐅᓐ ᓯᒋᔭᓯᐅᓐ ᐅᒡ;
12ᓂᒋᔅᑕᔨᑕᑯᓱᐅᓐ ᐊ ᓂᑭᒧᒥᑲᒡ ᒐᒋ ᒪᒥᒋᒥᑯᔨᓐ, ᒐ ᐊᑲ ᑭᔭ ᒋᐱᑐᐛᒥᑲᒡ᙮
ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᒋᑭ ᓂᓇᔅᑯᒥᑎᓐ ᑲᒋᒡ᙮
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada