ᑎᐱᑦ ᐅᓂᑭᒧᐅᓇ 24

1ᐊᔅᒋᔪᐤ ᑎᐸᔨᒋᒐᓱᐤ ᑎᐱᔨᐛᐅᓯᐤ, ᑭᔭ ᐊ ᐃᓯ ᓴᑭᔅᒋᓇᔨᒡ:

ᐊᔅᒋᔾ, ᐊᓐᒡ ᑭᔭ ᐊᓐᑕ ᐊᑕᒡ᙮

2ᐛᔅ ᒋ ᐃᑎᔅᑕᐤ ᐎᓂᐸᑯᔪᐤ,

ᑭᔭ ᒋ ᐃᑎᔅᑕᐤ ᐊ ᒥᓴᔨᒡ ᓂᐱᔪᐤ᙮

3ᐊᐛᓐ ᒐ ᓴᑭᒋᐛᐛᑦ ᐅᐱᔅᑯᑎᓇᒥᔨᒡ ᑎᐸᔨᒋᒐᓱᐛ ?

ᐊᐛᓐ ᑭᔭ ᒐ ᓂᐳᐅᑦ ᐅᐸᔭᒋ-ᒥᒋᐛᐱᒥᔨᒡ ?

4ᐊᓐ ᑲ ᐸᔭᒋᔅᑕᒐᑦ, ᑭᔭ ᑲ ᐸᔭᒋᑕᐊᑦ;

ᐊᑲ ᑲᒋ ᐃᓯ ᐅᐱᓇᑦ ᐅᑦ ᐊᒐᒂ ᒋᔎᐅᓂᒡ,

ᐊᑲ ᑭᔭ ᑲᒋ ᐃᔅᒋᔄᑦ ᑭᑭᒋᔭᓯᐅᓂᒡ᙮

5ᐊᐅᒄ ᒐ ᒥᔨᑯᑦ ᒥᔽᒋᒧᐛᐅᓂᔪᐤ ᑎᐸᔨᒋᒐᓱᐛ,

ᑭᔭ ᑯᐃᔅᑯᑕᑎᓯᐅᓂᔪᐤ ᐅᐱᒪᒋᐃᐛᐎ ᒋᓴᒪᓂᑐᒪ᙮

6ᐊᐅᒄ ᐊ ᐃᑕᑎᓯᒡ ᐊᓐᒡ ᑲ ᓇᓂᑐᐛᔨᒪᒡ,

ᑲ ᓇᓂᑐᐛᔨᒥᔅᒡ, ᐅ ᒐᑭᑉ ᐅᒋᓴᒪᓂᑐᒪ᙮

7ᐅᐱᔎᔨᒄ, ᒋᔨᐛᐤ ᒋᒋᐃᔎᑕᒪᑎᒄ;

ᐊᑯᔅ ᐅᐱᓂᑎᓱᒄ ᒋᔨᐛᐤ ᑲᒋᒡ ᐃᔎᑕᒪᑎᒄ;

ᐊᑯ ᒐ ᐱᒐᑦ ᒋᔅᑕᔨᑕᑯᓱᐎ ᒋᓴᐅᒋᒪᐤ᙮

8ᐊᐛᓐ ᐅ ᒋᔅᑕᔨᑕᑯᓱᐎ ᒋᓴᐅᒋᒪᐤ ?

ᑎᐸᔨᒋᒐᓱᐤ ᑲ ᒥᔅᑯᐅᓯᑦ ᑭᔭ ᑲ ᓱᐧᑲᑎᓯᑦ,

ᑎᐸᔨᒋᒐᓱᐤ ᐊ ᓱᐧᑲᑎᓯᑦ ᓂᑐᐱᔪᐅᓂᒡ᙮

9ᐅᐱᔎᔨᐧᒄ, ᒋᔨᐛᐤ ᒋᒋᐃᔎᑕᒪᑎᒄ;

ᓂᐦᐃ ᐅᐱᓂᑎᓱᒄ ᒋᔨᐛᐤ ᑲᒋᒡ ᐃᔎᑕᒪᑎᒄ;

ᐊᑯ ᒐ ᐱᑐᒐᑦ ᒋᔅᑕᔨᑕᑯᓱᐎ ᒋᓴᐅᒋᒪᐤ᙮

10ᐊᐛᓐ ᐅ ᒋᔅᑕᔨᑕᑯᓱᐎ ᒋᓴᐅᒋᒪᐤ ?

ᒥᓯᐛ ᓱᐧᑲᑎᓯᑦ ᑎᐸᔨᒋᒐᓱᐤ,

ᐊᐅᑯᓐ ᒋᔅᑕᔨᑕᑯᓱᐎ ᒋᓴᐅᒋᒪᐤ᙮

目前选定：

ᑎᐱᑦ ᐅᓂᑭᒧᐅᓇ 24: ᓇᔅᑲᐱ

高亮显示

复制

想要在所有设备上保存你的高亮显示吗？注册或登录

ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ

Naskapi Development Corporation

Kawawachikamach, Québec G0G 2Z0 Canada

Canadian Bible Society

10 Carnforth Road, Toronto Ontario M4A 2S4 Canada

进一步了解ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

ᑎᐱᑦ ᐅᓂᑭᒧᐅᓇ 24