ᑎᐱᑦ ᐅᓂᑭᒧᐅᓇ 16
16
Psalm 16 (Easter-2 Year A; Proper-28 Year B; Proper-8 Year C)
1ᑭᓄᐛᔨᒥ, ᐅ ᒋᓴᒪᓂᑐᐤ:
ᐛᔅ ᒋᔾ ᒋ ᒪᒥᓯᑐᑕᑎᓐ᙮
2ᐅ ᓂᑦ ᐊᒐᐧᒄ, ᔅᒋ ᐃᑕᐤ ᑎᐸᔨᒋᒐᓱᐤ, “ᒋᔾ ᓂᑎᐸᔨᒋᒐᓯᒻ:
ᓂᒥᔽᑎᓯᐅᓐ ᓇᒪᐎᔾ ᒋᑦ ᐊᐸᒋᐃᑯᓐ᙮”
3ᒪᒃ ᑲᐸᔭᒋᓯᓯᒡ ᐊᔅᒋᒡ ᑲ ᑕᒡ,
ᑭᔭ ᐅᒥᔽᑎᓯᐤ, ᒥᓯᐛ ᑲ ᒥᔽᔨᒥᒂᐤ᙮
4ᐅᑯᐸᑕᔨᑎᒧᐅᓄᐛᐛ ᒋᑭ ᐊᑎ ᒥᒐᓂᔪᐛ
ᐊᓐᒡ ᑲ ᐱᐸᒥᓇᓴᐛᒡ ᑯᑎᑲ ᒥᓂᑐᐛ:
ᐅᒥᓂᒂᐎ ᐱᔅᑎᓂᒐᐅᓄᐛᐛ ᒥᐧᑯᔪᐤ ᓇᒪᐎᔭ ᓂᑭ ᐱᔅᑎᓂᒐᐛᓐ,
ᓇᒪ ᑭᔭ ᓂᑭ ᐅᑎᓇᒺᓐ ᐅᑦ ᐃᓯᓂᐧᑲᓱᐅᓄᐛᐛ ᓂᑐᓂᒡ᙮
5ᑎᐸᔨᒋᒐᓱᐤ ᓂᑦ ᐊᔭᐛᐤ ᐊ ᑎᐱᔨᐛᐅᓯᔭᓐ ᑭᔭ ᐊ ᐅᒥᓂᒂᑭᓂᔭᓐ:
ᒋ ᑭᓄᐛᔨᑎᒧᐅᓐ ᓂᑦ ᐊᔭᓇ᙮
6ᒪᔭᐤ ᑕᑥᐸᒡ ᓂᑦ ᐅᑎᑎᑯᓐ ᐊᓐᑕ ᐊ ᐃᓯ ᒥᔪ ᐊᔅᒋᐅᒡ;
ᓂᐦᐃ, ᓂᑦ ᐊᔭᓐ ᒥᔪ ᑎᐱᔨᐛᐅᓯᐅᓐ᙮
7ᓂᑭ ᒪᒥᒋᒪᐤ ᑎᐸᔨᒋᒐᓱᐤ, ᑲᒋ ᑭᒐᔅᒋᒥᑦ;
ᓂᐱᒋᔪᐤ ᑭᔭ ᓂ ᒋᔅᒋᓄᐊᒪᑯᓐ ᒪᒂᒡ ᐊ ᑎᐱᔅᑲᒡ᙮
8ᒧᔅ ᓂ ᓂᑲᓇᔭᐤ ᑎᐸᔨᒋᒐᓱᐤ:
ᓂᒥᔪᐅᓂᒡ ᐊ ᑕᑦ, ᓇᒪ ᓂᑕ ᓂᑭ ᐊᒋᐸᔨᐃᑯᐅᓐ᙮
9ᐊᐅᒄ ᐅᒡ ᓂᑕᔨᔾ ᓯᒋᔭᓯᒥᑭᓐ, ᑭᔭ ᓂᒋᔅᑕᔨᑕᑯᓱᐅᓐ ᒥᔽᑎᒧᒥᑭᓐ:
ᓂᔭᔅ ᑭᔭ ᒋᑭ ᐊᔽᐱᒥᑭᓐ ᐊᔅᐸᔨᒧᐅᓂᒡ᙮
10ᐛᔅ ᓇᒪᐎᔾ ᒋᑭ ᓂᑭᑕᐤ ᓂᑦ ᐊᒐᐧᒄ ᒋᐱᔾ ᐊᔅᒋᒡ;
ᓇᒪ ᑭᔭ ᒋᑭ ᓇᐊᔨᒪᐤ ᒋ ᐸᔭᒋᓯᒻ ᒐᒋ ᐛᐸᑕᐧᒃ ᓂᓱᐅᓇᑎᓯᐅᓂᔪᐤ᙮
11ᒋᑭ ᐛᐸᑎᔨᓐ ᐱᒪᑎᓱᐅ-ᒪᔅᑭᓄᐤ:
ᐊ ᐸᑕᔅᑎᒥᐱᔨᓐ ᓴᑭᔅᒋᓇᐤ ᒥᔽᔨᑎᒧᐅᓐ;
ᒋᒥᔪᐅᓂᒡ ᑎᒂᓇ ᒥᔽᑎᑯᓯᐅᓇ ᑲᒋᒡ᙮
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada