ᑎᐱᑦ ᐅᓂᑭᒧᐅᓇ 11
11
1ᑎᐸᔨᒋᒐᓱᐤ ᓂ ᒪᒥᓯᑐᑐᐛᐤ;
ᒐᒂᓐ ᒪᒃ ᐛᒋ ᐃᓯᔨᓐ, “ᐃᑎᓯᒧᐤ ᒋ ᐱᔅᑯᑎᓇᒥᒡ ᒧᔭᒻ ᐱᔭᓯᔅ ?”
2ᐛᔅ, ᐛᐸᑎᒥᒄ, ᐅᒥᒋᑥᐅᒡ ᓯᒋᐱᑕᐅᒡ ᐅᑦ ᐊᒐᐱᐛᐛ,
ᒋᓴᒡ ᐅᑕᒋᐅᒡ ᒋᒧᑦ ᒐᒋ ᐱᒺᒡ ᑲ ᑯᐃᔅᑯᑕᐊᔨᒋ᙮
3ᐃᔅᐱ ᑕᑕᔅᑯᔅᑕᑭᓇ ᓂᓱᐛᓇᑎᒂᐛ,
ᒐᒂᔪᐤ ᒐᒋ ᑐᑕᒡ ᐅᑯᐃᔅᑯᑕᑎᓯᐅᒡ ?
4ᑎᐸᔨᒋᒐᓱᐤ ᑕᐤ ᐅᐸᔭᒋ-ᐊᔭᒥᐊᐅᒋᐛᐱᒡ,
ᑎᐸᔨᒋᒐᓱᐤ ᐅᒋᓴᐅᒋᒪᐤ ᑕᑎᐳᐛᑭᓐ ᒋᒋᒋᓯᑯᒡ ᑎᒂᓂᔪᐤ:
ᐛᐱᒪᐤ, ᓂᓇᐧᑲᒋᐃᒪᐤ ᐃᔪᐛ ᐅᑦ ᐊᐛᓯᒥᓯᔨᐛ᙮
5ᑎᐸᔨᒋᒐᓱᐤ ᑯᒂᒋᐊᐤ ᐅᑯᐃᔅᑯᑕᑎᓯᐛ:
ᒪᒃ ᐅᒥᒋᑥᐛ ᑭᔭ ᐊᓂᔭ ᑲ ᓴᒋᑕᔨᒋ ᐊᒂᑎᓯᐅᓂᔪᐤ, ᐅᑦ ᐊᒐᐧᑯᒡ ᐛᐧᑲᑕᐤ᙮
6ᐅᒪᒋᑥᐛ ᒋᑭ ᐃᑎᓴᒧᐛᐤ ᑲ ᐛᔭᑕᔨᒋ ᐃᔎᔅᒐᐛ, ᐃᔅᑯᑕᔪᐤ ᑭᔭ ᐎᔄᐛᐱᔅᑯᓯᓂᔭ, ᑭᔭ ᐊ ᑯᔅᑕᑎᑯᓂᔨᒡ ᐊ ᔪᑎᓂᔨᒡ:
ᐊᔪᑯᔪᐤ ᒐ ᒪᑎᓂᒧᐛᑭᓄᐅᒡ ᐅᒥᓂᒂᑭᓄᐛᒡ᙮
7ᐛᔅ ᑲ ᑯᐃᔅᑯᑕᑎᓯᑦ ᑎᐸᔨᒋᒐᓱᐤ ᓴᒋᑕᐤ ᑯᐃᔅᑯᑕᑎᓯᐅᓂᔪᐤ;
ᐅᑕᔅᑎᒥᐧᑯᒡ ᐅᒋ ᑲᓄᐛᐱᒪᐤ ᐅᑯᐃᔅᑯᑕᑎᓯᐛ᙮
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada