ROME-TE 15
15
Nangma Hiloin Midangte Lungkimsah in.
1A thahat eite in eima’ lungkim nading beh sui loin a thanem mite’ gitnat lonate i thuohpi ding uh kilawm hi. 2Eite zosie in i vengte hoi nadingin amate lungkimsah a, i khansuo ding uh ahi hi. 3Azieh pen Khris zong ama le ama a kilungkimsah sih hi; hizongle Lai Siengtho sungah, “No ang zako mite’ ang zakona teng kei tung ang tu hi,” ci-in kigiel hi.#Late 69:9 4Bangzieh ahei cile eite in Lai Siengtho pana i nga thuohzawna le henepna ziehin lametna i nei nadingin nidang lai-a na kigiel popo eite thuhil nadinga kigiel ahi hi. 5Thuohzawhna le hanthotna’ Pasien in Khris Jesu’ deina tawh kituohin note khatlekhat kithuhuolin hing omsah ta heh. 6Tua hile note zong aw khatin luongtonin Pasien le i Topa Jesu Khris Pa’ min na thangsah thei ding uhi.
Jew Mite le Gentile-te ading Lungdamna Thu
7Tua ahi ziehin Khris in note ang san bangin Pasien’ minthan nadingin note zong khatlekhat na kisang un. 8Bangzieh ahei cile Pasien in i pupite tunga a na piehsa kamciemte a suhkip thei nadingin Pasien’ thuman thutah hangin Khris pen teptan mite’ nasem suohsah zo hi, ci-in kang gen hi. 9Tua pen Gentile-te in ama’ hepina ziehin Pasien’ min a thansah thei nading uh ahi hi. Lai Siengtho sungah,
“Tua ahi ziehin Gentile-te lahah kang pulah#15:9 Ahi sihle “lungdamko” ding a,
na min phatna la-in ka sa ding hi,” ci-in kigiel hi.#2Sam 22:50; Late 18:49
10Khatvei a genkiana-ah,
“Gentile-te aw, a mite tawh lungdamton un,’ a ci hi;#Thkna 32:43
11a cina le,
“No Gentile-te zosie aw, Topa phat unlen,
mi zosie in zong ama phat uheh,” a cikia hi;#Late 117:1
12tuale Isaiah in,
“Jessi’ zungpi ang meng ding a,
Gentile-te uh ding mi khat ang khang ding hi;
Gentile-te in ama
a lamen ding uhi,” na ci leuleu hi.#Isa 11:10
13Hlagau Siengtho’ vanglietna ziehin lametna tawh note na kidimlet thei nadingun, lametna Pasien in kipahna zosie le upna zieha lungmuonna zosie tawh note hing dim taheh.
Gentile-te tungah Paul in Hangtaha a Laigielna Thu
14Ka sanggamte aw, noma mama pen hoina bukim le theina zosie tawh kidimin khatlekhat a kihil thei dingin kang muong hi. 15Hinanle note’ phawkia dingin keima in hangsantahin na kung vuah thu pawlkhat kang giel zo hi. Pasien in ei pieh hepina ziehin, 16kei pen Gentile-te’ silpiehte pomtah ahi thei nading le Hlagau Siengtho in a siensuo thei nadingin, Gentile-te kungah siempu nasepna tawh Pasien’ lungdamna thu a gen ding Khris’ nasempa khat ka hi hi. 17Tua ahi ciengin Khris Jesu sungah Pasien ading ka sepnate tungah kisiel nading thu ka nei hi. 18Azieh pen sepna le genna tawh Khris in kei tungtawna a sepkhietsa nate simlo bangma kang gen ngam sih ding hi. 19Pasien’ Hlagau vanglietna#15:19 Adang tang laibute ah “Hlagau” ahi sihle “Hlagau Siengtho” ci-in kigiel hi. tawh lim le na lamdangte bawlin Jerusalem-a kipanin Illyricum gam dongah Khris’ lungdamna thu ka phuongzah sieng zo hi. 20Tua ahi ciengin midangte phusa khuombul tunga a lam ka hi lo nadingin Khris’ min a kilaw khah lona munte-ah lungdamna thu gen ding pen keima’ lungtup ahi hi. 21Ahi vangin Lai Siengtho sungah,
“Ama’ thu a kigen ngai lona mite in a mu ding vua,
ama’ thu a za ngai lote in a theitel ding uhi,” ci-a kigielsa bang ahi hi.#Isa 52:15
Rom ah Paul Zinsawm
22Note kunga kang haw ding ei khahtan zelzel pen tami thu ahi hi.#Rom 1:13 23Hinanle tu-in tam kuol tengah ka sep nading mun a op tah lo zieh le na kung vua kang haw ding ka lunggul zaw kum tampi a phah tah ziehin, 24Spain ka pei ciengin na kung uh kang pha nuom hi. Azieh pen ka khuolzinna-ah note tawh kimu-in bakhat sung i kithuo zaw ciengin ka pei nading munah nei puohkia ding uh ka lamen hi. 25Hinanle tu tadi-in mi siengthote’ na a sem dingin Jerusalem ah ka pei phot ding hi; 26bangzieh ahei cile Macedonia gam le Achaia gam sunga mite in Jerusalem-a om misiengtho a zawngte lahah a neisate uh a hawm nuom uhi.#1Cor 16:1-4 27Amate in tam bangin a sem nuom uhi, a tahtahin amate in tuate tungah leiba nei ahi uhi; azieh pen Gentile-te in Jew mite tawh Hlagau thupha ngaton uh ahile, amate in zong tahsa lam thupha tawh Jew mite a hu ding uh a kilawm ahi hi.#1Cor 9:11 28Tua ahi ziehin tami nasep manin amate tungah a kidongsa sumte ka pieh zaw ciengin, no kungah hing baang kawmin Spain gamah ka pei ding hi. 29Na kung vua kang haw ciengin Khris’ thupha#15:29 Adang tang laibute ah “lungdamna” kibelap hi. a dimtah tawh kang tun ding lam ka thei hi.
30Sanggamte aw, note in i Topa Jesu Khris le Hlagau’ itna ziehin keima dingin Pasien kungah nahpi tahin thu ngetna tawh nei panpi nading ule, 31Judea gama om thu um lote’ khut sung panin keima suohta-in, mi siengthote in Jerusalem-a ka nasepnate#15:31 Adang tang laibute ah “letsongte ka puohna” ci-in kigiel hi. ang pom thei nadingun thu nei ngetpieh dingun kang thum hi. 32Tua khu Pasien’ deina tawh na kung vuah kipah tahin hing pei a, note tawh kithuo-in tha tha i ngaton thei nading uh ahi hi. 33Kilemna ei pie Pasien in note zosie hing ompi taheh.#15:33 Adang tang laibu khat in tam munah 16:25-27 belap hi. Amen.
Zo Bible © Bible Society of Myanmar, 2018.
ROME-TE 15
15
Nangma Hiloin Midangte Lungkimsah in.
1A thahat eite in eima’ lungkim nading beh sui loin a thanem mite’ gitnat lonate i thuohpi ding uh kilawm hi. 2Eite zosie in i vengte hoi nadingin amate lungkimsah a, i khansuo ding uh ahi hi. 3Azieh pen Khris zong ama le ama a kilungkimsah sih hi; hizongle Lai Siengtho sungah, “No ang zako mite’ ang zakona teng kei tung ang tu hi,” ci-in kigiel hi.#Late 69:9 4Bangzieh ahei cile eite in Lai Siengtho pana i nga thuohzawna le henepna ziehin lametna i nei nadingin nidang lai-a na kigiel popo eite thuhil nadinga kigiel ahi hi. 5Thuohzawhna le hanthotna’ Pasien in Khris Jesu’ deina tawh kituohin note khatlekhat kithuhuolin hing omsah ta heh. 6Tua hile note zong aw khatin luongtonin Pasien le i Topa Jesu Khris Pa’ min na thangsah thei ding uhi.
Jew Mite le Gentile-te ading Lungdamna Thu
7Tua ahi ziehin Khris in note ang san bangin Pasien’ minthan nadingin note zong khatlekhat na kisang un. 8Bangzieh ahei cile Pasien in i pupite tunga a na piehsa kamciemte a suhkip thei nadingin Pasien’ thuman thutah hangin Khris pen teptan mite’ nasem suohsah zo hi, ci-in kang gen hi. 9Tua pen Gentile-te in ama’ hepina ziehin Pasien’ min a thansah thei nading uh ahi hi. Lai Siengtho sungah,
“Tua ahi ziehin Gentile-te lahah kang pulah#15:9 Ahi sihle “lungdamko” ding a,
na min phatna la-in ka sa ding hi,” ci-in kigiel hi.#2Sam 22:50; Late 18:49
10Khatvei a genkiana-ah,
“Gentile-te aw, a mite tawh lungdamton un,’ a ci hi;#Thkna 32:43
11a cina le,
“No Gentile-te zosie aw, Topa phat unlen,
mi zosie in zong ama phat uheh,” a cikia hi;#Late 117:1
12tuale Isaiah in,
“Jessi’ zungpi ang meng ding a,
Gentile-te uh ding mi khat ang khang ding hi;
Gentile-te in ama
a lamen ding uhi,” na ci leuleu hi.#Isa 11:10
13Hlagau Siengtho’ vanglietna ziehin lametna tawh note na kidimlet thei nadingun, lametna Pasien in kipahna zosie le upna zieha lungmuonna zosie tawh note hing dim taheh.
Gentile-te tungah Paul in Hangtaha a Laigielna Thu
14Ka sanggamte aw, noma mama pen hoina bukim le theina zosie tawh kidimin khatlekhat a kihil thei dingin kang muong hi. 15Hinanle note’ phawkia dingin keima in hangsantahin na kung vuah thu pawlkhat kang giel zo hi. Pasien in ei pieh hepina ziehin, 16kei pen Gentile-te’ silpiehte pomtah ahi thei nading le Hlagau Siengtho in a siensuo thei nadingin, Gentile-te kungah siempu nasepna tawh Pasien’ lungdamna thu a gen ding Khris’ nasempa khat ka hi hi. 17Tua ahi ciengin Khris Jesu sungah Pasien ading ka sepnate tungah kisiel nading thu ka nei hi. 18Azieh pen sepna le genna tawh Khris in kei tungtawna a sepkhietsa nate simlo bangma kang gen ngam sih ding hi. 19Pasien’ Hlagau vanglietna#15:19 Adang tang laibute ah “Hlagau” ahi sihle “Hlagau Siengtho” ci-in kigiel hi. tawh lim le na lamdangte bawlin Jerusalem-a kipanin Illyricum gam dongah Khris’ lungdamna thu ka phuongzah sieng zo hi. 20Tua ahi ciengin midangte phusa khuombul tunga a lam ka hi lo nadingin Khris’ min a kilaw khah lona munte-ah lungdamna thu gen ding pen keima’ lungtup ahi hi. 21Ahi vangin Lai Siengtho sungah,
“Ama’ thu a kigen ngai lona mite in a mu ding vua,
ama’ thu a za ngai lote in a theitel ding uhi,” ci-a kigielsa bang ahi hi.#Isa 52:15
Rom ah Paul Zinsawm
22Note kunga kang haw ding ei khahtan zelzel pen tami thu ahi hi.#Rom 1:13 23Hinanle tu-in tam kuol tengah ka sep nading mun a op tah lo zieh le na kung vua kang haw ding ka lunggul zaw kum tampi a phah tah ziehin, 24Spain ka pei ciengin na kung uh kang pha nuom hi. Azieh pen ka khuolzinna-ah note tawh kimu-in bakhat sung i kithuo zaw ciengin ka pei nading munah nei puohkia ding uh ka lamen hi. 25Hinanle tu tadi-in mi siengthote’ na a sem dingin Jerusalem ah ka pei phot ding hi; 26bangzieh ahei cile Macedonia gam le Achaia gam sunga mite in Jerusalem-a om misiengtho a zawngte lahah a neisate uh a hawm nuom uhi.#1Cor 16:1-4 27Amate in tam bangin a sem nuom uhi, a tahtahin amate in tuate tungah leiba nei ahi uhi; azieh pen Gentile-te in Jew mite tawh Hlagau thupha ngaton uh ahile, amate in zong tahsa lam thupha tawh Jew mite a hu ding uh a kilawm ahi hi.#1Cor 9:11 28Tua ahi ziehin tami nasep manin amate tungah a kidongsa sumte ka pieh zaw ciengin, no kungah hing baang kawmin Spain gamah ka pei ding hi. 29Na kung vua kang haw ciengin Khris’ thupha#15:29 Adang tang laibute ah “lungdamna” kibelap hi. a dimtah tawh kang tun ding lam ka thei hi.
30Sanggamte aw, note in i Topa Jesu Khris le Hlagau’ itna ziehin keima dingin Pasien kungah nahpi tahin thu ngetna tawh nei panpi nading ule, 31Judea gama om thu um lote’ khut sung panin keima suohta-in, mi siengthote in Jerusalem-a ka nasepnate#15:31 Adang tang laibute ah “letsongte ka puohna” ci-in kigiel hi. ang pom thei nadingun thu nei ngetpieh dingun kang thum hi. 32Tua khu Pasien’ deina tawh na kung vuah kipah tahin hing pei a, note tawh kithuo-in tha tha i ngaton thei nading uh ahi hi. 33Kilemna ei pie Pasien in note zosie hing ompi taheh.#15:33 Adang tang laibu khat in tam munah 16:25-27 belap hi. Amen.
Zo Bible © Bible Society of Myanmar, 2018.