Romnima 11
11
Naawuni nambɔzɔbo zaŋ chaŋ Izraɛlnim’ polo
1 #
Fil 3.5
N ni lan bɔhi bɔhigu ŋɔ yaha: Naawuni zaɣisila o niriba? Naawuni di wuhi gba! Mmaŋmaŋ’ nyɛla Izraɛl zuliya ŋun nyɛ ti yab’ Ibrahimma yaaŋa, ka nyɛ ŋun yi Bɛnjamin zuliya ni na. 2Naawuni bi zaɣis’ o ni pun piig’ o ninvuɣ’ shɛb’ la. Yi bi mi Naawuni Kundi ni yɛli shɛm zaŋ chaŋ Anabi Ilaija ni daa yɛli shɛm n-galim Izraɛlnima Naawuni san’ la yɛla? 3#1 Nan 19.10, 14 O daa yɛliya, “N Duuma Naawuni, bɛ ku a daanabinima, ka wurim a sara malibu bimbina, ka n kɔŋko n-kpalim ka bɛ bɔri ni bɛ yihi man’ gba nyɛvili.” 4#1 Nan 19.18 Amaa wula ka Naawuni daa lee garigi yɛl’ o? O daa yɛl’ o, “M mali niriba tusa ayopɔin bɛn na bi jɛm buɣili Baal.” 5Lala n-nyɛ li pumpɔŋɔ gba, niriba biɛla ka Naawuni piig’ o daalibarika zuɣu. 6Ka di yi nyɛla o daalibarika zuɣu ka o pii ba, dindina di pala bɛ ni tum shɛli zuɣu. Ka di yi nyɛla bɛ ni tum shɛli zuɣu, dindina alibarika maa naan ku lan nyɛla alibarika yaha. 7Bɔ n-lee pahi dimbɔŋɔ zuɣu? Izraɛlnim’ daa kɔŋ bɛ ni bɔri shɛli nyabu. Naawuni ni daa pii niriba biɛla shɛb’ la n-naɣ’ nya li, amaa bɛn kpalim la bɛn’ suhuri daa kpɛmmi 8#Zal 29.4; Aiz 29.10 kaman di ni sab’ shɛm la:
Naawuni daa chɛ ka bɛ leei suhutunanima,
ka chɛ ka bɛ mali nina ka bi nyara,
ka mali tiba ka bi wumdi hal ni pɔŋɔ. 9Naa Dauda daa yɛliya:
“N Duuma Naawuni, chɛ ka bɛ bindiriyubo leei zana mini tɔŋ gbahi ba;
ka chɛ ka bɛ lu ka nya tibidarigibo.
10 #
Yila 69.22-23
Chɛ ka bɛ nina niŋ liti ka bɛ ku tooi nya,
ka chɛ ka bɛ wahala leei ʒi’ tibisili m-marigi ba sahakam.” 11N ni lan bɔhi bɔhigu ŋɔ pahi: Izraɛlnim’ ni daa tuui lu la, di wuhiri ni bɛ daa lumi zaa? Naawuni di wuhi gba! Amaa bɛ biriginsim zuɣu ka tiliginsim paai bɛn pa Izraɛlnima ni di chɛ ka Izraɛlnim’ zab’ nyuli. 12Ka bɛ biriginsim zuɣu yi chɛ ka dunianim’ nya Naawuni daalibarika din galisi, ka bɛ ni kɔŋ shɛli nyabu zuɣu mi yi chɛ ka bɛn pa Izraɛlnim’ nya Naawuni daalibarika din galisi, dindina Izraɛlnim’ yi pahi bɛ zuɣu Naawuni daalibarika maa ni gari lala.
Bɛn pa Yɛhudianim’ tiliginsim nyabu
13Yinim’ bɛn pa Yɛhudianima ka n yɛri pumpɔŋɔ ŋɔ. N ni nyɛ Naawuni ni tim tuun’ so bɛn pa Yɛhudianim’ sani zuɣu ka m mali n tuma maa kuuna 14ni di chɛ ka nyuli gbaai Yɛhudianim’ bɛn nyɛ mmaŋmaŋ’ zuliya la, ka di zuɣu chɛ ka bɛ ni shɛb’ tiligi. 15Dama Naawuni ni zaɣisi ba zuɣu yi chɛ ka simdi kpe o mini dunianim’ sunsuuni, o yi lan deei ba, wula ka di lee ni be? Di ni ŋmanila kpiimba n-neei kum ni.
16Bɛ ni zaŋ bɔrɔbɔro kpil’ shɛli din daŋ tooni ti Naawuni yi be kasi, dindina bɔrɔbɔro maa zaa ni be kasi. Ka tia nyaɣa yi be kasi, di wula gba ni be kasi. 17Amaa Naawuni yi ŋmahi puu ni olivi tiwul’ shɛŋa bahi, ka zaŋ nyin’ ŋun nyɛ mɔɣu ni olivi tia na nti tuɣ’ li ni a nyu puu ni olivi tia maa sum, 18nyin’ di nyuri bara n-niŋdi tiwul’ shɛŋa o ni ŋmahi bahi maa. Ka a yi nyuri bara, nyin’ baŋmi ni pa nyini ŋun nyɛ tiwulli maa n-sɔŋdi tia maa nyaɣa, amaa di nyaya maa n-sɔŋd’ a.
19Amaa a ni yɛli, “Naawuni daa ŋmahila tiwula maa bahi ni di chɛ ka o zaŋ ma tuɣi.” 20Di nyɛla yɛlimaŋli. Bɛ ni daa bi niŋ yɛda zuɣu ka Naawuni daa ŋmahi ba bahi, amaa nyin’ gba kpalim ʒiɛla a yɛda niŋbu kɔŋko zuɣu. Dinzuɣu di nyuri bara; amaa chɛ ka a suhu zɔhira, 21dama Naawuni yi daa bi tiligi puu ni olivi tia maa wula la, dindina o ku tilig’ a gba. 22Kpahimmi baŋ Naawuni nirilim min’ o nimmoo sariakaribo ni nyɛ shɛm: Zaŋ chaŋ bɛn lu maa polo, Naawuni daa kari ba nimmoo saria; ka zaŋ chaŋ a mi polo, o daa niŋ a nirilim, amaa shee a kul kpalim bela o nirilim niŋbu maa ni. Di yi pa lala, o ni ŋmaag’ a gba bahi. 23Ka hal bɛn daa lu maa yi chɛ biɛhiŋ, Naawuni ni zaŋ ba labisi tuɣi, dama o mali yiko din ni tooi lan labisi ba tuɣi yaha. 24Naawuni yi daa ŋmaai nyin’ ŋun nyɛ mɔɣu ni olivi tiwulli na nti tuɣi puu ni olivi tia, dindina baŋmi ni di ku to ni ŋun’ Naawuni zaŋ puu ni olivi tia maa wula maa n-lan labisi tuɣi dimaŋmaŋ’ tia maa yaha.
Naawuni nambɔzɔbo zaŋ chaŋ sokam polo
25M mabihi, yɛlimaŋ’ sɔɣirili be kpe ka m bɔri ni yi baŋ li. Di nyɛla din ni chɛ ka yi ku duhi yimaŋa yi ni mi shɛli zuɣu. N ni yɛri shɛli maa m-bɔŋɔ: Izraɛlnim’ suhuri kpaŋbu nyɛla din ku yuui; amaa di lee ni be lala hal ka bɛn pa Izraɛlnim’ la kalinli zaa ti paai; 26#Aiz 59.20 ka Izraɛlnim’ zaa gba naanyi tiligi kaman di ni sab’ yɛli Naawuni Kundi ni shɛm la:
“Tiligira ni ti yi Ziɔn na;
o ni ti yihi Yaakubu zuliya tuumbiɛri zaa bahi.
27 #
Jɛr 31.33-34
Ka dimbɔŋɔ n-nyɛ alikauli shɛli n ni ti yɛn lo ba,
saha shɛli n yi ti kpihim bɛ daalahichi.” 28Ka zaŋ chaŋ bɛ ni zaɣisi lahibal’ suŋ la polo, bɛ nyɛla Naawuni dimnima ni di chɛ ka yi wum lahibal’ suŋ maa; amaa zaŋ chaŋ Naawuni ni pii ba la polo, bɛ nyɛla Naawuni ninvuɣ’ yurisi bɛ yaannim’ zuɣu. 29Dama Naawuni daalibarika niŋbu min’ o niriba piibu yɛla bi taɣira. 30Di bemi kaman yi ni daa nyɛ nɔzaɣisiriba Naawuni sani, amaa ka yipa nya nambɔzɔbo pumpɔŋɔ Izraɛlnim’ nɔzaɣisibo maa zuɣu la. 31Dinzuɣu bɛ gba nyɛla nɔzaɣisiriba pumpɔŋɔ ni di chɛ ka bɛ nya nambɔzɔbo kaman yi ni nya nambɔzɔbo shɛm, 32dama Naawuni chɛ ka sokam kpe bɛmaŋmaŋ’ nɔzaɣisibo ni m-be kaman dansarikanima n-nyɛ ba la ni di chɛ ka o zo sokam nambɔɣu.
Naawuni paɣibu yɛla
33 #
Aiz 55.8
Naawuni daazichi min’ o yɛm ni o baŋsim galisiya pam! Naawuni ni maani yɛla shɛm to ni baŋbu, ka o soya yɛla gariti sokam! 34#Aiz 40.13 Di bemi kaman di ni sab’ shɛm la:
Ŋuni n-lee ni tooi baŋ ti Duuma tɛha
bee ŋuni n-lee nyɛ o saawaralana?
35 #
Ayu 41.11
Bee ŋuni n-na mi n-dih’ o samli
ka di nyɛ talahi ni o yo dilana?
36 #
1 Kɔr 8.6
Dama binshɛɣukam yirila o sanna; ka binshɛɣukam bela o zuɣu; ka binshɛɣukam zaa nyɛla o ni su shɛli. Ŋuna n-simdi paɣibu hal ni saha din ka bahigu! Ami!
Dagbani Bible with Deuterocanonical Books © Bible Society of Ghana, 2011.
Romnima 11
11
Naawuni nambɔzɔbo zaŋ chaŋ Izraɛlnim’ polo
1 #
Fil 3.5
N ni lan bɔhi bɔhigu ŋɔ yaha: Naawuni zaɣisila o niriba? Naawuni di wuhi gba! Mmaŋmaŋ’ nyɛla Izraɛl zuliya ŋun nyɛ ti yab’ Ibrahimma yaaŋa, ka nyɛ ŋun yi Bɛnjamin zuliya ni na. 2Naawuni bi zaɣis’ o ni pun piig’ o ninvuɣ’ shɛb’ la. Yi bi mi Naawuni Kundi ni yɛli shɛm zaŋ chaŋ Anabi Ilaija ni daa yɛli shɛm n-galim Izraɛlnima Naawuni san’ la yɛla? 3#1 Nan 19.10, 14 O daa yɛliya, “N Duuma Naawuni, bɛ ku a daanabinima, ka wurim a sara malibu bimbina, ka n kɔŋko n-kpalim ka bɛ bɔri ni bɛ yihi man’ gba nyɛvili.” 4#1 Nan 19.18 Amaa wula ka Naawuni daa lee garigi yɛl’ o? O daa yɛl’ o, “M mali niriba tusa ayopɔin bɛn na bi jɛm buɣili Baal.” 5Lala n-nyɛ li pumpɔŋɔ gba, niriba biɛla ka Naawuni piig’ o daalibarika zuɣu. 6Ka di yi nyɛla o daalibarika zuɣu ka o pii ba, dindina di pala bɛ ni tum shɛli zuɣu. Ka di yi nyɛla bɛ ni tum shɛli zuɣu, dindina alibarika maa naan ku lan nyɛla alibarika yaha. 7Bɔ n-lee pahi dimbɔŋɔ zuɣu? Izraɛlnim’ daa kɔŋ bɛ ni bɔri shɛli nyabu. Naawuni ni daa pii niriba biɛla shɛb’ la n-naɣ’ nya li, amaa bɛn kpalim la bɛn’ suhuri daa kpɛmmi 8#Zal 29.4; Aiz 29.10 kaman di ni sab’ shɛm la:
Naawuni daa chɛ ka bɛ leei suhutunanima,
ka chɛ ka bɛ mali nina ka bi nyara,
ka mali tiba ka bi wumdi hal ni pɔŋɔ. 9Naa Dauda daa yɛliya:
“N Duuma Naawuni, chɛ ka bɛ bindiriyubo leei zana mini tɔŋ gbahi ba;
ka chɛ ka bɛ lu ka nya tibidarigibo.
10 #
Yila 69.22-23
Chɛ ka bɛ nina niŋ liti ka bɛ ku tooi nya,
ka chɛ ka bɛ wahala leei ʒi’ tibisili m-marigi ba sahakam.” 11N ni lan bɔhi bɔhigu ŋɔ pahi: Izraɛlnim’ ni daa tuui lu la, di wuhiri ni bɛ daa lumi zaa? Naawuni di wuhi gba! Amaa bɛ biriginsim zuɣu ka tiliginsim paai bɛn pa Izraɛlnima ni di chɛ ka Izraɛlnim’ zab’ nyuli. 12Ka bɛ biriginsim zuɣu yi chɛ ka dunianim’ nya Naawuni daalibarika din galisi, ka bɛ ni kɔŋ shɛli nyabu zuɣu mi yi chɛ ka bɛn pa Izraɛlnim’ nya Naawuni daalibarika din galisi, dindina Izraɛlnim’ yi pahi bɛ zuɣu Naawuni daalibarika maa ni gari lala.
Bɛn pa Yɛhudianim’ tiliginsim nyabu
13Yinim’ bɛn pa Yɛhudianima ka n yɛri pumpɔŋɔ ŋɔ. N ni nyɛ Naawuni ni tim tuun’ so bɛn pa Yɛhudianim’ sani zuɣu ka m mali n tuma maa kuuna 14ni di chɛ ka nyuli gbaai Yɛhudianim’ bɛn nyɛ mmaŋmaŋ’ zuliya la, ka di zuɣu chɛ ka bɛ ni shɛb’ tiligi. 15Dama Naawuni ni zaɣisi ba zuɣu yi chɛ ka simdi kpe o mini dunianim’ sunsuuni, o yi lan deei ba, wula ka di lee ni be? Di ni ŋmanila kpiimba n-neei kum ni.
16Bɛ ni zaŋ bɔrɔbɔro kpil’ shɛli din daŋ tooni ti Naawuni yi be kasi, dindina bɔrɔbɔro maa zaa ni be kasi. Ka tia nyaɣa yi be kasi, di wula gba ni be kasi. 17Amaa Naawuni yi ŋmahi puu ni olivi tiwul’ shɛŋa bahi, ka zaŋ nyin’ ŋun nyɛ mɔɣu ni olivi tia na nti tuɣ’ li ni a nyu puu ni olivi tia maa sum, 18nyin’ di nyuri bara n-niŋdi tiwul’ shɛŋa o ni ŋmahi bahi maa. Ka a yi nyuri bara, nyin’ baŋmi ni pa nyini ŋun nyɛ tiwulli maa n-sɔŋdi tia maa nyaɣa, amaa di nyaya maa n-sɔŋd’ a.
19Amaa a ni yɛli, “Naawuni daa ŋmahila tiwula maa bahi ni di chɛ ka o zaŋ ma tuɣi.” 20Di nyɛla yɛlimaŋli. Bɛ ni daa bi niŋ yɛda zuɣu ka Naawuni daa ŋmahi ba bahi, amaa nyin’ gba kpalim ʒiɛla a yɛda niŋbu kɔŋko zuɣu. Dinzuɣu di nyuri bara; amaa chɛ ka a suhu zɔhira, 21dama Naawuni yi daa bi tiligi puu ni olivi tia maa wula la, dindina o ku tilig’ a gba. 22Kpahimmi baŋ Naawuni nirilim min’ o nimmoo sariakaribo ni nyɛ shɛm: Zaŋ chaŋ bɛn lu maa polo, Naawuni daa kari ba nimmoo saria; ka zaŋ chaŋ a mi polo, o daa niŋ a nirilim, amaa shee a kul kpalim bela o nirilim niŋbu maa ni. Di yi pa lala, o ni ŋmaag’ a gba bahi. 23Ka hal bɛn daa lu maa yi chɛ biɛhiŋ, Naawuni ni zaŋ ba labisi tuɣi, dama o mali yiko din ni tooi lan labisi ba tuɣi yaha. 24Naawuni yi daa ŋmaai nyin’ ŋun nyɛ mɔɣu ni olivi tiwulli na nti tuɣi puu ni olivi tia, dindina baŋmi ni di ku to ni ŋun’ Naawuni zaŋ puu ni olivi tia maa wula maa n-lan labisi tuɣi dimaŋmaŋ’ tia maa yaha.
Naawuni nambɔzɔbo zaŋ chaŋ sokam polo
25M mabihi, yɛlimaŋ’ sɔɣirili be kpe ka m bɔri ni yi baŋ li. Di nyɛla din ni chɛ ka yi ku duhi yimaŋa yi ni mi shɛli zuɣu. N ni yɛri shɛli maa m-bɔŋɔ: Izraɛlnim’ suhuri kpaŋbu nyɛla din ku yuui; amaa di lee ni be lala hal ka bɛn pa Izraɛlnim’ la kalinli zaa ti paai; 26#Aiz 59.20 ka Izraɛlnim’ zaa gba naanyi tiligi kaman di ni sab’ yɛli Naawuni Kundi ni shɛm la:
“Tiligira ni ti yi Ziɔn na;
o ni ti yihi Yaakubu zuliya tuumbiɛri zaa bahi.
27 #
Jɛr 31.33-34
Ka dimbɔŋɔ n-nyɛ alikauli shɛli n ni ti yɛn lo ba,
saha shɛli n yi ti kpihim bɛ daalahichi.” 28Ka zaŋ chaŋ bɛ ni zaɣisi lahibal’ suŋ la polo, bɛ nyɛla Naawuni dimnima ni di chɛ ka yi wum lahibal’ suŋ maa; amaa zaŋ chaŋ Naawuni ni pii ba la polo, bɛ nyɛla Naawuni ninvuɣ’ yurisi bɛ yaannim’ zuɣu. 29Dama Naawuni daalibarika niŋbu min’ o niriba piibu yɛla bi taɣira. 30Di bemi kaman yi ni daa nyɛ nɔzaɣisiriba Naawuni sani, amaa ka yipa nya nambɔzɔbo pumpɔŋɔ Izraɛlnim’ nɔzaɣisibo maa zuɣu la. 31Dinzuɣu bɛ gba nyɛla nɔzaɣisiriba pumpɔŋɔ ni di chɛ ka bɛ nya nambɔzɔbo kaman yi ni nya nambɔzɔbo shɛm, 32dama Naawuni chɛ ka sokam kpe bɛmaŋmaŋ’ nɔzaɣisibo ni m-be kaman dansarikanima n-nyɛ ba la ni di chɛ ka o zo sokam nambɔɣu.
Naawuni paɣibu yɛla
33 #
Aiz 55.8
Naawuni daazichi min’ o yɛm ni o baŋsim galisiya pam! Naawuni ni maani yɛla shɛm to ni baŋbu, ka o soya yɛla gariti sokam! 34#Aiz 40.13 Di bemi kaman di ni sab’ shɛm la:
Ŋuni n-lee ni tooi baŋ ti Duuma tɛha
bee ŋuni n-lee nyɛ o saawaralana?
35 #
Ayu 41.11
Bee ŋuni n-na mi n-dih’ o samli
ka di nyɛ talahi ni o yo dilana?
36 #
1 Kɔr 8.6
Dama binshɛɣukam yirila o sanna; ka binshɛɣukam bela o zuɣu; ka binshɛɣukam zaa nyɛla o ni su shɛli. Ŋuna n-simdi paɣibu hal ni saha din ka bahigu! Ami!
Dagbani Bible with Deuterocanonical Books © Bible Society of Ghana, 2011.