Tuumba Tuma 25
25
Pool yɛli ni o ni chaŋ Naa Siiza sani
1Gomna Fɛstus ni daa ʒini naai di daba ata dali ka o daa yi Siizaria chaŋ Jɛrusalɛm. 2Ka maligumaaniba kpamba mini Yɛhudianim’ ninvuɣ’ zuɣuri daa chaŋ o sani nti fiɣisi Pool, ka balim o 3ni o chɛ ka Pool lab’ Jɛrusalɛm na, dama bɛ daa lɔrila nia ni bɛ gu soli ku o. 4Ka Gomna Fɛstus daa garigi yɛli ba ni Pool be duu Siizaria, ka omaŋmaŋ’ mi lɔri nia ni o lab’ nimaani daba ayi sunsuuni. 5Ka lan yɛli ba ni dinzuɣu bɛ chɛ ka bɛ ni ninvuɣ’ shɛb bɛn nyɛ ninvuɣ’ zuɣuri dol’ o chaŋ ti wuhi doo maa taali ni nyɛ shɛli.
6O daa bi niŋ bɛ sani n-gari biɛɣ’ pia bee biɛr’ anii, ka yiɣisi lab’ Siizaria. N-daa yi biɛɣu ka o chaŋ ti ʒin’ o sariadibo ʒiishee, ka chɛ ka bɛ zaŋ Pool na. 7Pool ni daa paana ka Yɛhudianim’ bɛn daa yi Jɛrusalɛm kana la zani gil’ o m-mali yɛl’ biɛ’ shɛŋa pam bɛmaŋmaŋ’ ni ku tooi wuhi ni di nyɛla yɛlimaŋli fiɣisir’ o. 8Ka Pool daa tɔɣisi ni o zabi omaŋ’ zuɣu yɛli, “M bi tum birigi Yɛhudianim’ zaligu shɛli bee n-tum taal’ shɛli Naawuni jɛmbu duu; m mi bi tum Naa Siiza taali hal baabiɛla.”
9Gomna Fɛstus ni daa bɔri ni o niŋ Yɛhudianim’ maa ni yu shɛm zuɣu ka o daa bɔhi Pool, “A bɔri ni a chaŋ Jɛrusalɛm ka n ti kar’ a saria nimaani?”
10Ka Pool garigi yɛl’ o, “Kpe ka di tu ni bɛ di ma saria, dama Naa Siiza ni zali sariakarita so tooni ka n zani ŋɔ. Amaŋmaŋ’ gba mi ni m bi tum Yɛhudianim’ taal’ shɛli. 11N yi nyɛla tuumbiɛ’ tumda bee n yi tumla tuun’ shɛli din simdi kum, m bi bɔri soli ni n yi di ni; bɛ ni fiɣisiri ma shɛli zuɣu ŋɔ zaa yi nyɛla ʒiri, so ku tooi zaŋ ma niŋ bɛ nuu ni. N ni zaŋ yɛtɔɣa maa chaŋ Naa Siiza sani.”
12Gomna Fɛstus min’ o kpamba ni daa niŋ tab’ saawara naai ka o yɛli Pool, “A yɛliya ni a ni zaŋ yɛtɔɣa maa chaŋla Naa Siiza sani. Dindina Naa Siiza sani ka a shiri ni bahi chaŋ.”
Pool zani Naa Agiripa mini Bɛɛnis tooni
13Ka di daa niŋ daba ayi ka Naa Agiripa mini Bɛɛnis ka Siizaria na ni bɛ ti puhi Gomna Fɛstus. 14Bɛ ni daa niŋ dabisa biɛla o sani ka Gomna Fɛstus daa ti pii Pool yɛla maa n-yɛli Naa Agiripa. O daa yɛl’ o mi, “Gomna Filiksi daa chɛ do’ so niŋ sarika ni ya ŋɔ; 15ka n daa ti chaŋ Jɛrusalɛm ka Yɛhudianim’ maligumaaniba kpamba mini tiŋ’ maa ni kpamba daa yɛli ma o yɛla, ka yɛli ni n karim’ o saria n-luh’ o ti ba. 16Ka n daa yɛli ba ni di pala Romnim’ kali ni bɛ kari so saria ka dilan’ maŋmaŋ’ kani n-ni zani ka o mini bɛn fiɣisir’ o maa gbiɛri kpa taba, ka o tɔɣisi chihi o noli bɛ ni fiɣisir’ o yɛl’ shɛŋa zuɣu maa. 17Dinzuɣu bɛ ni daa ti paana n-yi biɛɣu n daa bi niŋ zinchili, ka chaŋ ti ʒini n sariadibo ʒiishee ka yɛli ni bɛ zaŋm’ Pool na. 18Bɛn daa fiɣis’ o maa ni daa yiɣisi zani bɛ daa bi zaŋ yɛtɔɣ’ biɛ’ shɛŋa n ni daa tɛhi ni bɛ ni zaŋ o tɔɣisi. 19Bɛ daa zaŋla yɛtɔɣ’ shɛŋa din nyɛ bɛmaŋmaŋ’ yɛla mini Yisa so ŋun daa kpi ka Pool yɛli ni o ne la yɛla tɔɣisi. 20N ni daa bi baŋ n ni yɛn gbaai yɛlli maa shɛm zuɣu ka n daa bɔhi Pool ni o bɔri ni o chaŋ Jɛrusalɛm ka n ti kar’ o saria nimaani. 21Amaa ka Pool daa yɛli ni o ni zaŋ o yɛtɔɣa maa chaŋla Naa Siiza sani; dinzuɣu ka n chɛ o niŋ sarika ni hal ni saha shɛli n ni ni ti tooi chɛ ka bɛ zaŋ o tahi Naa Siiza sani.”
22Di saha ka Naa Agiripa daa yɛli Gomna Fɛstus, “N gba bɔri ni n wum doo maa yɛtɔɣa.”
Ka Fɛstus yɛl’ o, “A sa ni wum li biɛɣuni.”
23N-daa yi biɛɣu ka Naa Agiripa mini Bɛɛnis di nachiinsi pam, ka bɛ mini sapashinnim’ mini tiŋ’ maa ni ninvuɣ’ zuɣuri daa chaŋ ti kpe bɛ laɣiŋgu duu. Ka Gomna Fɛstus daa tim ka bɛ ti zaŋ Pool na. 24Ka Gomna Fɛstus daa yɛli, “Naa Agiripa mini yi zaa bɛn be kpe ŋɔ, doo ŋɔ yɛla ka Yɛhudianim’ bɛn be Jɛrusalɛm mini ya ŋɔ zaa kul mali doli ma n-kuhiri yɛri ni o bi simdi ni o be la. 25Ka m mi nya ka o bi tum tuun’ shɛli din simdi kum; amaa omaŋmaŋ’ ni yɛli ni o bɔri ni o zaŋ yɛtɔɣa maa chaŋla Naa Siiza sani zuɣu ka n gba lɔri nia ni n chɛ ka bɛ zaŋ o tah’ o sani. 26Amaa m bi mi n ni yɛn sab’ o yɛla shɛm ti n dan’ Naa Siiza. Dinzuɣu ka n zaŋ o ka yi sanna, di bahi bamdi nyin’ Naa Agiripa. Ti yi vih’ o naai, di pa shɛli n ni baŋ n ni yɛn sab’ o yɛla shɛm; 27dama n sani, di bi tuhi ni n chɛ ka bɛ tahi dansarika so Naa Siiza sani ka m bi sabi wuhi o taali ni nyɛ shɛli.”
Dagbani Bible with Deuterocanonical Books © Bible Society of Ghana, 2011.
Tuumba Tuma 25
25
Pool yɛli ni o ni chaŋ Naa Siiza sani
1Gomna Fɛstus ni daa ʒini naai di daba ata dali ka o daa yi Siizaria chaŋ Jɛrusalɛm. 2Ka maligumaaniba kpamba mini Yɛhudianim’ ninvuɣ’ zuɣuri daa chaŋ o sani nti fiɣisi Pool, ka balim o 3ni o chɛ ka Pool lab’ Jɛrusalɛm na, dama bɛ daa lɔrila nia ni bɛ gu soli ku o. 4Ka Gomna Fɛstus daa garigi yɛli ba ni Pool be duu Siizaria, ka omaŋmaŋ’ mi lɔri nia ni o lab’ nimaani daba ayi sunsuuni. 5Ka lan yɛli ba ni dinzuɣu bɛ chɛ ka bɛ ni ninvuɣ’ shɛb bɛn nyɛ ninvuɣ’ zuɣuri dol’ o chaŋ ti wuhi doo maa taali ni nyɛ shɛli.
6O daa bi niŋ bɛ sani n-gari biɛɣ’ pia bee biɛr’ anii, ka yiɣisi lab’ Siizaria. N-daa yi biɛɣu ka o chaŋ ti ʒin’ o sariadibo ʒiishee, ka chɛ ka bɛ zaŋ Pool na. 7Pool ni daa paana ka Yɛhudianim’ bɛn daa yi Jɛrusalɛm kana la zani gil’ o m-mali yɛl’ biɛ’ shɛŋa pam bɛmaŋmaŋ’ ni ku tooi wuhi ni di nyɛla yɛlimaŋli fiɣisir’ o. 8Ka Pool daa tɔɣisi ni o zabi omaŋ’ zuɣu yɛli, “M bi tum birigi Yɛhudianim’ zaligu shɛli bee n-tum taal’ shɛli Naawuni jɛmbu duu; m mi bi tum Naa Siiza taali hal baabiɛla.”
9Gomna Fɛstus ni daa bɔri ni o niŋ Yɛhudianim’ maa ni yu shɛm zuɣu ka o daa bɔhi Pool, “A bɔri ni a chaŋ Jɛrusalɛm ka n ti kar’ a saria nimaani?”
10Ka Pool garigi yɛl’ o, “Kpe ka di tu ni bɛ di ma saria, dama Naa Siiza ni zali sariakarita so tooni ka n zani ŋɔ. Amaŋmaŋ’ gba mi ni m bi tum Yɛhudianim’ taal’ shɛli. 11N yi nyɛla tuumbiɛ’ tumda bee n yi tumla tuun’ shɛli din simdi kum, m bi bɔri soli ni n yi di ni; bɛ ni fiɣisiri ma shɛli zuɣu ŋɔ zaa yi nyɛla ʒiri, so ku tooi zaŋ ma niŋ bɛ nuu ni. N ni zaŋ yɛtɔɣa maa chaŋ Naa Siiza sani.”
12Gomna Fɛstus min’ o kpamba ni daa niŋ tab’ saawara naai ka o yɛli Pool, “A yɛliya ni a ni zaŋ yɛtɔɣa maa chaŋla Naa Siiza sani. Dindina Naa Siiza sani ka a shiri ni bahi chaŋ.”
Pool zani Naa Agiripa mini Bɛɛnis tooni
13Ka di daa niŋ daba ayi ka Naa Agiripa mini Bɛɛnis ka Siizaria na ni bɛ ti puhi Gomna Fɛstus. 14Bɛ ni daa niŋ dabisa biɛla o sani ka Gomna Fɛstus daa ti pii Pool yɛla maa n-yɛli Naa Agiripa. O daa yɛl’ o mi, “Gomna Filiksi daa chɛ do’ so niŋ sarika ni ya ŋɔ; 15ka n daa ti chaŋ Jɛrusalɛm ka Yɛhudianim’ maligumaaniba kpamba mini tiŋ’ maa ni kpamba daa yɛli ma o yɛla, ka yɛli ni n karim’ o saria n-luh’ o ti ba. 16Ka n daa yɛli ba ni di pala Romnim’ kali ni bɛ kari so saria ka dilan’ maŋmaŋ’ kani n-ni zani ka o mini bɛn fiɣisir’ o maa gbiɛri kpa taba, ka o tɔɣisi chihi o noli bɛ ni fiɣisir’ o yɛl’ shɛŋa zuɣu maa. 17Dinzuɣu bɛ ni daa ti paana n-yi biɛɣu n daa bi niŋ zinchili, ka chaŋ ti ʒini n sariadibo ʒiishee ka yɛli ni bɛ zaŋm’ Pool na. 18Bɛn daa fiɣis’ o maa ni daa yiɣisi zani bɛ daa bi zaŋ yɛtɔɣ’ biɛ’ shɛŋa n ni daa tɛhi ni bɛ ni zaŋ o tɔɣisi. 19Bɛ daa zaŋla yɛtɔɣ’ shɛŋa din nyɛ bɛmaŋmaŋ’ yɛla mini Yisa so ŋun daa kpi ka Pool yɛli ni o ne la yɛla tɔɣisi. 20N ni daa bi baŋ n ni yɛn gbaai yɛlli maa shɛm zuɣu ka n daa bɔhi Pool ni o bɔri ni o chaŋ Jɛrusalɛm ka n ti kar’ o saria nimaani. 21Amaa ka Pool daa yɛli ni o ni zaŋ o yɛtɔɣa maa chaŋla Naa Siiza sani; dinzuɣu ka n chɛ o niŋ sarika ni hal ni saha shɛli n ni ni ti tooi chɛ ka bɛ zaŋ o tahi Naa Siiza sani.”
22Di saha ka Naa Agiripa daa yɛli Gomna Fɛstus, “N gba bɔri ni n wum doo maa yɛtɔɣa.”
Ka Fɛstus yɛl’ o, “A sa ni wum li biɛɣuni.”
23N-daa yi biɛɣu ka Naa Agiripa mini Bɛɛnis di nachiinsi pam, ka bɛ mini sapashinnim’ mini tiŋ’ maa ni ninvuɣ’ zuɣuri daa chaŋ ti kpe bɛ laɣiŋgu duu. Ka Gomna Fɛstus daa tim ka bɛ ti zaŋ Pool na. 24Ka Gomna Fɛstus daa yɛli, “Naa Agiripa mini yi zaa bɛn be kpe ŋɔ, doo ŋɔ yɛla ka Yɛhudianim’ bɛn be Jɛrusalɛm mini ya ŋɔ zaa kul mali doli ma n-kuhiri yɛri ni o bi simdi ni o be la. 25Ka m mi nya ka o bi tum tuun’ shɛli din simdi kum; amaa omaŋmaŋ’ ni yɛli ni o bɔri ni o zaŋ yɛtɔɣa maa chaŋla Naa Siiza sani zuɣu ka n gba lɔri nia ni n chɛ ka bɛ zaŋ o tah’ o sani. 26Amaa m bi mi n ni yɛn sab’ o yɛla shɛm ti n dan’ Naa Siiza. Dinzuɣu ka n zaŋ o ka yi sanna, di bahi bamdi nyin’ Naa Agiripa. Ti yi vih’ o naai, di pa shɛli n ni baŋ n ni yɛn sab’ o yɛla shɛm; 27dama n sani, di bi tuhi ni n chɛ ka bɛ tahi dansarika so Naa Siiza sani ka m bi sabi wuhi o taali ni nyɛ shɛli.”
Dagbani Bible with Deuterocanonical Books © Bible Society of Ghana, 2011.