1 Kōrinto 8:1-2

ꞌĪ a au he vānaŋa atu o ruŋa i te ꞌui era o kōrua o te kai tūtia ki te ꞌītoro. Taꞌatoꞌa o tātou e ꞌite rō ꞌā ꞌina e tahi pūai o te ꞌītoro ꞌi ruŋa i a tātou. Ka ai atu pē ira, ka haka topa te manaꞌu: mo haka tere o tātou hai ꞌite, he manaꞌu tātou i hau rō atu tātou ki te rua. ꞌE, mo haka tere hai haŋa, he aŋa tātou i te meꞌe riva-riva mo te rua. Te kope manaꞌu e ꞌite rahi rō ꞌana a ia o ruŋa i te meꞌe e tahi ꞌina kai aŋi-aŋi riva-riva i rā meꞌe pa he meꞌe haŋa e te ꞌAtua mo aŋi-aŋi e ia.