Нүүдл 23
23
Чик йовдлын тускар
1Худл үг бичә тарха. Зөв уга худл герчллһнд бичә дөң бол. 2Зөв уга кергт бичә олн кү дах. Зарһд орхларн олн-әмтнд таасгдхар бичә үнниг оңдарул. 3Зарһ болхла угатя күүнә түрү бәәдлднь бичә доталхар сед.
4Кемр чи дәәснәннь геедрсн бухиг эс гиҗ элҗгниг үзхләрн тедниг тууһад эзнднь күрг. 5Кемр һазр деер унсн чини дәәснә ацата элҗгн үзхләрн, чи терүг бичә тиигҗ үлдә. Терүнә ацаһинь буулһ.
6Бийиннь угатя ах-дүүһин күнд учринь тәәлхләрн, чикәр ке.
7Буру уга болн чик седклтә күүг алхар, зөрц, худлахар шиидҗәхиг бичә дөңн. Тегәд Би тиим хар саната күүг харсшгов! 8Авлһ бичә ав. Авлһ нүдтә күүг сохр кенә, үнн юмиг хаҗилһнә.
9Нутган соляд ирсн әмтиг бичә шахад бә. Талын һазрт яһҗ бәәдгиг тадн эврән меднәт. Египетд тадн нүүдлин улс биләт.
Амрлһна бәәдлин закан
10Зурһан җилдән эврәннь һазрт тәрә тәрәд, терүнә урһцинь цуглулад авча, 11доладгч җилдән тер һазриг хаһллго үлдә. Урһцин үлдлиг чини улсин угатя әмтн идтхә. Кемр урһцас юмн үлдхлә, зерлг аңгуд идтхә. Тиим кевәр эврәннь уста үзмән болн олив моддан хәлә.
12Зурһан хонгтан көдл. Доладгч өдр чамд амрлһна өдр болх. Тер өдр чини цар болн элҗгн амртха. Чини ялч гергнә көвүн болн нүүҗ ирсн күн санаһан автха.
13Мини келсиг цугтаһинь күцә. Талдан бурхдын нер бичә дуудтн: чини амнас теднә тускар бичә соңсгдтха!
Җил болһн болдг һурвн нәр
14Җилд һурв дәкҗ Мини нәр ке. 15Эс искәсн һуйрин нәр ке: Мини заасар долан хонгтан эс искәсн һуйриг кергтә цагтнь – авив сард – ид. Тиигхд Египетәс чи нүүҗ һарлач. Нег чигн күн Мини өмн хоосн һарта һарч иршго юмн!
16Эврәннь тәрсн тәрәнә түрүн урһцин хадлһна нәр ке. Темс хуралһна нәәриг җилин чилгчәр урһцан кевтнь цуглулҗ авхларн ке. 17Җилд һурв дәкҗ залус цугтан Бурхна – Деед Эзнә – өмн үзгдх йоста.
18Нанд тәкл тәкхлә искәсн өдмг деер цуснь бичә асхртха. Мини нәәрин тәклин малын тосн-өөкинь өрүн күртл бичә үлдә.
19Чини һазрин түрүн урһцас Деед Эзнд, эврәннь Бурхнд, мөргдг герт орулҗ авч ир.
Ямана ишкиг экиннь үснд бичә чан.
Израилин улс мандг Деед Эзнә элч
20Хәләтн, Би тадна өмн тадниг мандг элчән илгәҗәнәв. Тер тадниг хаалһд хәләҗ йовх, дәкәд таднд гиһәд Мини белдсн ормд авч одх. 21Терүнд оньган өгтн, терүг соңстн, бичә бурушатн. Тадна закрлһ авдгог тер хәләшго, яһад гихлә терүнд Мини нерн бәәнә. 22Кемр тадн терүг соңсад, Мини келсиг кевтнь күцәһәд бәәхлә, тиигхлә Би тадна дәәснә дәәсн болхув, тадна өшәтнә өшәтн болхув.
23Мини илгәсн тадниг мандг элч тадна өмн йовх. Тер тадниг амореймүд, хетмүд, перизмүд, кананахмуд, хивеймүд, евүсмүд тал авч одх. Би тер келн-әмтиг уга кеһәд алхв. 24Тадн болхла теднә бурхдт мөргәд бичә шүттн, бичә тер улсин авъясар бәәтн. Теднә бурхдынь хамхлтн, теднә әрүн чолун бахнсинь уга кетн! 25Тадна Бурхнд, Деед Эзнд, шүттн. Тегәд Би тадна өдмгиг болн тадна усиг әдслнәв, тадниг гемәс сулдхнав. 26Тегәд тадна һазрт зуурм үрд һардган уурх, үр-садн эс һарһлһн уга болх. Би тадна җирһлин өдрмүдиг дүүрң бәәдлтә кенәв.
27Бийиннь әәмшгән Би тадна өмн йовулнав. Тадна хаалһд Би келн-әмтиг кевтнь үүмүлнәв, тадна хортыг өмнәстн һарад зулдгар кесүв. 28Тадна өмн шар зөгин баг нисдгәр йовулсув. Тедн хивеймүдиг, кананахныг болн хетмүдиг таднас көөх. 29Болв тедниг тер дарунь Би көөшгов, нег җилин эргцд биш: эс гиҗ һазр хоосдад тадниг дәврх зерлг аңгуд дегд олн болх. 30Би эн келн-улсиг адһл уга көөхүв. Тадниг тооһарн өсәд, орн-нутгиг кевтнь эзләд автл адһхшув. 31Тадна эзлх һазрин меҗәс Улан теңгс болн Пилистин теңгс#23:31 Пилистин теңгс – Дунд һазрин теңгс гиҗ өдгә цагт нерәдгднә., көдә һазр болн Епрат һол болх. Би эн һазрар бәәх цуг әмтиг тадна һарт бәрүлнәв, тегәд тадн тедниг көөһәд йовулхит.
32Теднлә болн теднә бурхдла бооца бичә кетн! 33Эн келн-әмтн тадна һазрт бәәшго йоста. Эс гиҗ тедн тадниг Мини өмнәс килнц һарһулдг дасхх. Теднә бурхдт цергллһн тадниг мекллһн болх.
© Институт перевода Библии, 2002-2023
Нүүдл 23
23
Чик йовдлын тускар
1Худл үг бичә тарха. Зөв уга худл герчллһнд бичә дөң бол. 2Зөв уга кергт бичә олн кү дах. Зарһд орхларн олн-әмтнд таасгдхар бичә үнниг оңдарул. 3Зарһ болхла угатя күүнә түрү бәәдлднь бичә доталхар сед.
4Кемр чи дәәснәннь геедрсн бухиг эс гиҗ элҗгниг үзхләрн тедниг тууһад эзнднь күрг. 5Кемр һазр деер унсн чини дәәснә ацата элҗгн үзхләрн, чи терүг бичә тиигҗ үлдә. Терүнә ацаһинь буулһ.
6Бийиннь угатя ах-дүүһин күнд учринь тәәлхләрн, чикәр ке.
7Буру уга болн чик седклтә күүг алхар, зөрц, худлахар шиидҗәхиг бичә дөңн. Тегәд Би тиим хар саната күүг харсшгов! 8Авлһ бичә ав. Авлһ нүдтә күүг сохр кенә, үнн юмиг хаҗилһнә.
9Нутган соляд ирсн әмтиг бичә шахад бә. Талын һазрт яһҗ бәәдгиг тадн эврән меднәт. Египетд тадн нүүдлин улс биләт.
Амрлһна бәәдлин закан
10Зурһан җилдән эврәннь һазрт тәрә тәрәд, терүнә урһцинь цуглулад авча, 11доладгч җилдән тер һазриг хаһллго үлдә. Урһцин үлдлиг чини улсин угатя әмтн идтхә. Кемр урһцас юмн үлдхлә, зерлг аңгуд идтхә. Тиим кевәр эврәннь уста үзмән болн олив моддан хәлә.
12Зурһан хонгтан көдл. Доладгч өдр чамд амрлһна өдр болх. Тер өдр чини цар болн элҗгн амртха. Чини ялч гергнә көвүн болн нүүҗ ирсн күн санаһан автха.
13Мини келсиг цугтаһинь күцә. Талдан бурхдын нер бичә дуудтн: чини амнас теднә тускар бичә соңсгдтха!
Җил болһн болдг һурвн нәр
14Җилд һурв дәкҗ Мини нәр ке. 15Эс искәсн һуйрин нәр ке: Мини заасар долан хонгтан эс искәсн һуйриг кергтә цагтнь – авив сард – ид. Тиигхд Египетәс чи нүүҗ һарлач. Нег чигн күн Мини өмн хоосн һарта һарч иршго юмн!
16Эврәннь тәрсн тәрәнә түрүн урһцин хадлһна нәр ке. Темс хуралһна нәәриг җилин чилгчәр урһцан кевтнь цуглулҗ авхларн ке. 17Җилд һурв дәкҗ залус цугтан Бурхна – Деед Эзнә – өмн үзгдх йоста.
18Нанд тәкл тәкхлә искәсн өдмг деер цуснь бичә асхртха. Мини нәәрин тәклин малын тосн-өөкинь өрүн күртл бичә үлдә.
19Чини һазрин түрүн урһцас Деед Эзнд, эврәннь Бурхнд, мөргдг герт орулҗ авч ир.
Ямана ишкиг экиннь үснд бичә чан.
Израилин улс мандг Деед Эзнә элч
20Хәләтн, Би тадна өмн тадниг мандг элчән илгәҗәнәв. Тер тадниг хаалһд хәләҗ йовх, дәкәд таднд гиһәд Мини белдсн ормд авч одх. 21Терүнд оньган өгтн, терүг соңстн, бичә бурушатн. Тадна закрлһ авдгог тер хәләшго, яһад гихлә терүнд Мини нерн бәәнә. 22Кемр тадн терүг соңсад, Мини келсиг кевтнь күцәһәд бәәхлә, тиигхлә Би тадна дәәснә дәәсн болхув, тадна өшәтнә өшәтн болхув.
23Мини илгәсн тадниг мандг элч тадна өмн йовх. Тер тадниг амореймүд, хетмүд, перизмүд, кананахмуд, хивеймүд, евүсмүд тал авч одх. Би тер келн-әмтиг уга кеһәд алхв. 24Тадн болхла теднә бурхдт мөргәд бичә шүттн, бичә тер улсин авъясар бәәтн. Теднә бурхдынь хамхлтн, теднә әрүн чолун бахнсинь уга кетн! 25Тадна Бурхнд, Деед Эзнд, шүттн. Тегәд Би тадна өдмгиг болн тадна усиг әдслнәв, тадниг гемәс сулдхнав. 26Тегәд тадна һазрт зуурм үрд һардган уурх, үр-садн эс һарһлһн уга болх. Би тадна җирһлин өдрмүдиг дүүрң бәәдлтә кенәв.
27Бийиннь әәмшгән Би тадна өмн йовулнав. Тадна хаалһд Би келн-әмтиг кевтнь үүмүлнәв, тадна хортыг өмнәстн һарад зулдгар кесүв. 28Тадна өмн шар зөгин баг нисдгәр йовулсув. Тедн хивеймүдиг, кананахныг болн хетмүдиг таднас көөх. 29Болв тедниг тер дарунь Би көөшгов, нег җилин эргцд биш: эс гиҗ һазр хоосдад тадниг дәврх зерлг аңгуд дегд олн болх. 30Би эн келн-улсиг адһл уга көөхүв. Тадниг тооһарн өсәд, орн-нутгиг кевтнь эзләд автл адһхшув. 31Тадна эзлх һазрин меҗәс Улан теңгс болн Пилистин теңгс#23:31 Пилистин теңгс – Дунд һазрин теңгс гиҗ өдгә цагт нерәдгднә., көдә һазр болн Епрат һол болх. Би эн һазрар бәәх цуг әмтиг тадна һарт бәрүлнәв, тегәд тадн тедниг көөһәд йовулхит.
32Теднлә болн теднә бурхдла бооца бичә кетн! 33Эн келн-әмтн тадна һазрт бәәшго йоста. Эс гиҗ тедн тадниг Мини өмнәс килнц һарһулдг дасхх. Теднә бурхдт цергллһн тадниг мекллһн болх.
© Институт перевода Библии, 2002-2023