ᒫᓬᐊᑲᐩ 4
4
1ᒋᑫᒫ ᒫᑎᑲ, ᐹᐸᔨᐤ ᑭᓯᑳᐤ, ᑭᓯᑲᐤ ᑖᐱᐢᑯᐨ ᑎᐦᑳᐱᐢᑭᓯᑲᐣ; ᒥᓇ ᑲᐦᑭᔭᐤ ᐅᑭᐢᑌᔨᒧᐊᐧᐠ, ᒥᓇ ᑲᐦᑭᔭᐤ ᐊᑐᐢᑳᑕᐦᑭᐠ ᒪᒑᔨᐃᐧᐣ, ᑭᑕ ᐃᓯ ᐊᔮᐊᐧᐠ ᑖᐱᐢᑯᐨ ᐃᐢᑯᓵᐋᐧᒋᑲᐣ; ᐁᑯᓯ ᐊᓂᒪ ᑭᓯᑳᐤ ᑳ ᐹᐸᔨᐠ ᑭᑕ ᒣᐢᑎᑲᓱᑲᐧᐠ, ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ, ᐁᑯᓯ ᓇᒪᐃᐧᔭ ᑭᑕ ᐃᐢᑯᑲᓱᐊᐧᐠ ᐅᒉᐱᕽ ᐊᐦᐳ ᐊᐧᑎᑲᐧᐣ.
2ᒫᑲ ᑭᔭᐋᐧᐤ ᑳ ᑯᓯᑫᐧᔨᑕᒣᐠ ᓂ ᐃᐧᔪᐃᐧᐣ ᐁᐧᐱᓯᒧᑲᑕᕽ ᑲᐧᔭᐢᑭᑖᑎᓯᐃᐧᐣ ᑭ ᑲ ᓵᑳᐢᑌᐢᑳᑯᐋᐧᐤ ᒥᓈᐧᒋᐦᐃᐁᐧᐃᐧᐣ ᐁ ᐊᔮᔨᐠ ᐅᑕᐦᑕᑲᐧᓂᕽ; ᐁᑯᓯ ᑭ ᑲ ᐃᓯ ᐊᐧᔭᐃᐧᓈᐋᐧᐤ ᒥᓇ ᑭ ᑲ ᒣᑕᐁᐧᐸᔨᐅᓈᐋᐧᐤ ᑖᐱᐢᑯᐨ ᒧᐢᑐᓱᓯᓴᐠ ᑳ ᑖᐦᒋᐳᐃᐦᒋᐠ. 3ᐁᑯᓯ ᑭ ᑲ ᑖᑕᑯᐢᑳᑖᐋᐧᐊᐧᐠ ᑳ ᒪᒑᔨᐃᐧᒋᐠ; ᒋᑫᒫ ᐱᐦᑯᑌᐤ ᑭᑕ ᐃᓯ ᐋᔮᐊᐧᐠ ᓯᐹ ᑭᓯᑎᐋᐧᕽ ᐊᓂᒪ ᑭᓯᑳᑭ ᐅᒪ ᑫ ᑐᑕᒫᐣ, ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ.
4ᑭᐢᑭᓯᑐᑕᒧᐠ ᐅᔭᓱᐁᐧᐃᐧᐣ ᒧᓯᐢ ᓂᐟ ᐊᑐᐢᑫᔮᑲᐣ, ᑳ ᑭ ᐃᑕᓱᐋᐧᑕᐠ ᐊᓂᑕ ᐦᐋᕒᐃᑊ ᑲᐦᑭᔭᐤ ᐃᐢᕒᐁᐃᓬ ᐅᐦᒋ, ᑲᑫᐢᑫᐧᐃᐧᓇ ᐅᑎ ᒥᓇ ᐅᔭᓱᐊᐧᓯᐁᐧᐃᐧᓇ.
5 #
ᒫᐟᔪ 11:14; 17:10-13; ᒫᕒᐠ 9:11-13; ᓬᐅᐠ 1:17; ᒑᐣ 1:21 ᒫᑎᑲ ᑭ ᑲ ᐃᓯᑎᓴᐦᐊᒫᑎᓈᐋᐧᐤ ᐃᓬᐊᐃᒐ ᐅᑭᐢᑭᐁᐧᐦᐃᑫᐤ ᒪᐧᔦᐢ ᑕᑯᐸᔨᐠ ᐊᓂᒪ ᑳ ᑭᐦᒉᔨᑖᑲᐧᕽ ᒥᓇ ᑳ ᑯᐢᑖᑌᔨᑖᑲᐧᕽ ᐅ ᑭᓯᑳᒼ ᑳ ᑎᐯᔨᐦᒋᑫᐟ. 6ᐁᑯᓯ ᑭᑕ ᑫᐧᐢᑭᓇᒣᐧᐤ ᐅᑌᐦᐃᔨᐤ ᐅᑖᐃᐧᒫᐊᐧ ᐅᐟ ᐊᐋᐧᓯᒥᓯᐋᐧᕽ ᐃᓯ, ᒥᓇ ᐅᑌᐦᐃᔨᐤ ᐊᐋᐧᓯᓴ ᐅᑖᐃᐧᔨᕽ ᐃᓯ; ᐁᑳ ᒪᒐᑭᒥᐁᐧᐃᐧᐣ ᑭᑕ ᐯ ᐅᐦᒋ ᐸᑲᒪᐊᒫᐣ ᐊᐢᑭ.
This Bible text is a corrected edition of the 1908 Western Cree Bible; it is in the public domain.