Паччагьлугъар-2 5
5
Давуд вари Израилин паччагь шулу
1Израилин вари тухмар Хеврундиз Давуддихьна гъафнийи ва гъапнийи:
– Учу – яв йикк ва ифи. 2Улихьдира кмиди, Саул ихь паччагь вуйиган, израилар дявдиз уву гъахуйва. РАББИЙИ увуз гъапну: «Уву Йиз халкь, Израил уьрхидива ва уву Израилин гьюкумдар хьидива».
3Израилин вари гьюрматлу яшлуйир Хеврундиз Давуд паччагьдихьна гъафиган, дугъу дурарихъди Хеврундиъ РАББИЙИН улихь йикьрар гъийитӀу, ва дурари Давуддикан Израилин паччагь хьувалин ччим ктату.
4Учв паччагь гъахьиган, Давуддин сумчӀур йис яш вуйи, ва дугъу ягъчӀвур йисан паччагьвал гъапӀнийи. 5Хеврундиъ дугъу Ягьудайин ургуд йисан ва йирхьуб вазли паччагьвал гъапӀну, хъа Ерусалимдиъ вари Израилин ва Ягьудайин дугъу сумчӀурна шубуд йисан паччагьвал гъапӀну.
Давудди Ерусалим бисуру
6Чан адмийирра хъади паччагь Ерусалимдиина душваъ яшамиш шулайи евусеяриз къаршуди гъушнийи:
Евусеяри Давуддиз гъапнийи:
– Уву мушваъ учӀвидарва; уву гьятта бюркьюдарира ва ликударира кьяляхъ хътӀурккиди.
Дурари фикир гъапӀнийи: «Давуддихьан мушваъ учӀвуз хьибдар». 7Амма Давудди Сион гъала гъибиснийи, гьамус дидиз Давуддин Шагьур кӀуру. 8Думу йигъан Давудди гъапну:
– Гъит Давуддин рюгь даккни гьадму «ликударихьна ва бюркьюдарихьна» евусеяриз йиврур гьарсар шид дизигнайи туннеликкан ккудучӀври.
Ари гьаддиз кӀуру: «Бюркьюр ва ликур гъалайиъ учӀвидар».
9Давуд гъалайиъ биналамиш гъахьнийи, ва дидиз Давуддин Шагьур пуз хъюгънийи. Дугъу гъала гургутум мюгькам гъапӀнийи. 10Давуд хъана гужли шулайи, гьаз гъапиш дугъахъди РАББИ Заварин Кьувватарин Аьхюр, хъайи.
11Хирамди, Тирдин паччагьди, Давуддихьна вакилар, кедр гьарин хамхрар, хъа гьацира харатчйир ва гъвандин устйир гьаънийи, дурари Давуддиз гъала тикмиш гъапӀнийи. 12РАББИЙИ учв Израилин паччагьди тасдикь ва думу паччагьлугъ Израилин, РАББИЙИН халкь бадали за апӀувалин Давуд гъавриъ ахънийи.
Давуддин жара баяр
13Хеврундиан удучӀвну, Давудди чаз хъана ашнйир гъадагънийи, ва дугъахъ хъана баяр ва шубар гъахьнийи. 14Магьа дугъахъ душваъ гъахьи бицӀидарин ччвурар: Шаммуа, Шовав, Натан, Сулейман, 15Ивхар, Элишуа, Нефег, Яфия, 16Элишама, Элиада ва Элифелет.
Филистимар магълуб хьувал
17Давуд вари Израилин паччагь хьуваликан деебхьну, вари филистимар думу агуз удучӀвнийи, амма Давуд, дидкан аьгъю дубхьну, гъалайиз исина ктучӀвнийи. 18Филистимар Рефаим дерейиз гъафнийи ва душваъ ерлешмиш гъахьнийи.
19Давудди РАББИЙИХЬАН гьерхнийи:
– Узу филистимарихъди дявдиз гъягъидикӀан? Дурар Уву йиз хлиз туврива?
РАББИЙИ дугъаз жаваб тувнийи:
– Гъарах, Узу филистимар яв хлиз тувдиза.
20Давуд Баал-Перацимдихъна гъушнийи ва душваъ филистимар дагъитмиш гъапӀнийи. Дугъу гъапи:
– Штун селиси, РАББИЙИ йиз душмнар дагъитмиш гъапӀну.
Гьаддиз думу йишваз Баал-Перацим гъапну.
21Филистимари душваъ чпин бутар#5:21 Бутар: Заанурси гьисаб апӀури гъахьидар. дирчнайи, хъа Давудди ва дугъан адмийири дурар гъурху.
22Филистимар хъана гъафнийи ва Рефаим дерейиъ ерлешмиш гъахьнийи. 23Давудди РАББИЙИХЬАН гьерху ва Дугъу жаваб туву:
– Дурариин мушвхъанди маалархьан, хъа дурарин далу терефназди гъарах ва жихрин гьарарин терефнаанди дурариин алархь. 24Увуз жихрин гьарарин кӀакӀариъ ликар алдагъурайибсиб сес гъеебхьубси, дишлади дявдиъ архь, гьаз гъапиш филистимарин кьушум дагъитмиш апӀуз яв улихьди РАББИ гьучӀвна.
25Давудди, чаз РАББИЙИ фици амур гъапӀнуш, гьаци гъапӀнийи. Дугъу Гивондиан Гезерихъна рякъюъ вари филистимар дагъитмиш гъапӀнийи.
© Институт перевода Библии, 2010, 2013, 2016, 2018, 2023
Паччагьлугъар-2 5
5
Давуд вари Израилин паччагь шулу
1Израилин вари тухмар Хеврундиз Давуддихьна гъафнийи ва гъапнийи:
– Учу – яв йикк ва ифи. 2Улихьдира кмиди, Саул ихь паччагь вуйиган, израилар дявдиз уву гъахуйва. РАББИЙИ увуз гъапну: «Уву Йиз халкь, Израил уьрхидива ва уву Израилин гьюкумдар хьидива».
3Израилин вари гьюрматлу яшлуйир Хеврундиз Давуд паччагьдихьна гъафиган, дугъу дурарихъди Хеврундиъ РАББИЙИН улихь йикьрар гъийитӀу, ва дурари Давуддикан Израилин паччагь хьувалин ччим ктату.
4Учв паччагь гъахьиган, Давуддин сумчӀур йис яш вуйи, ва дугъу ягъчӀвур йисан паччагьвал гъапӀнийи. 5Хеврундиъ дугъу Ягьудайин ургуд йисан ва йирхьуб вазли паччагьвал гъапӀну, хъа Ерусалимдиъ вари Израилин ва Ягьудайин дугъу сумчӀурна шубуд йисан паччагьвал гъапӀну.
Давудди Ерусалим бисуру
6Чан адмийирра хъади паччагь Ерусалимдиина душваъ яшамиш шулайи евусеяриз къаршуди гъушнийи:
Евусеяри Давуддиз гъапнийи:
– Уву мушваъ учӀвидарва; уву гьятта бюркьюдарира ва ликударира кьяляхъ хътӀурккиди.
Дурари фикир гъапӀнийи: «Давуддихьан мушваъ учӀвуз хьибдар». 7Амма Давудди Сион гъала гъибиснийи, гьамус дидиз Давуддин Шагьур кӀуру. 8Думу йигъан Давудди гъапну:
– Гъит Давуддин рюгь даккни гьадму «ликударихьна ва бюркьюдарихьна» евусеяриз йиврур гьарсар шид дизигнайи туннеликкан ккудучӀври.
Ари гьаддиз кӀуру: «Бюркьюр ва ликур гъалайиъ учӀвидар».
9Давуд гъалайиъ биналамиш гъахьнийи, ва дидиз Давуддин Шагьур пуз хъюгънийи. Дугъу гъала гургутум мюгькам гъапӀнийи. 10Давуд хъана гужли шулайи, гьаз гъапиш дугъахъди РАББИ Заварин Кьувватарин Аьхюр, хъайи.
11Хирамди, Тирдин паччагьди, Давуддихьна вакилар, кедр гьарин хамхрар, хъа гьацира харатчйир ва гъвандин устйир гьаънийи, дурари Давуддиз гъала тикмиш гъапӀнийи. 12РАББИЙИ учв Израилин паччагьди тасдикь ва думу паччагьлугъ Израилин, РАББИЙИН халкь бадали за апӀувалин Давуд гъавриъ ахънийи.
Давуддин жара баяр
13Хеврундиан удучӀвну, Давудди чаз хъана ашнйир гъадагънийи, ва дугъахъ хъана баяр ва шубар гъахьнийи. 14Магьа дугъахъ душваъ гъахьи бицӀидарин ччвурар: Шаммуа, Шовав, Натан, Сулейман, 15Ивхар, Элишуа, Нефег, Яфия, 16Элишама, Элиада ва Элифелет.
Филистимар магълуб хьувал
17Давуд вари Израилин паччагь хьуваликан деебхьну, вари филистимар думу агуз удучӀвнийи, амма Давуд, дидкан аьгъю дубхьну, гъалайиз исина ктучӀвнийи. 18Филистимар Рефаим дерейиз гъафнийи ва душваъ ерлешмиш гъахьнийи.
19Давудди РАББИЙИХЬАН гьерхнийи:
– Узу филистимарихъди дявдиз гъягъидикӀан? Дурар Уву йиз хлиз туврива?
РАББИЙИ дугъаз жаваб тувнийи:
– Гъарах, Узу филистимар яв хлиз тувдиза.
20Давуд Баал-Перацимдихъна гъушнийи ва душваъ филистимар дагъитмиш гъапӀнийи. Дугъу гъапи:
– Штун селиси, РАББИЙИ йиз душмнар дагъитмиш гъапӀну.
Гьаддиз думу йишваз Баал-Перацим гъапну.
21Филистимари душваъ чпин бутар#5:21 Бутар: Заанурси гьисаб апӀури гъахьидар. дирчнайи, хъа Давудди ва дугъан адмийири дурар гъурху.
22Филистимар хъана гъафнийи ва Рефаим дерейиъ ерлешмиш гъахьнийи. 23Давудди РАББИЙИХЬАН гьерху ва Дугъу жаваб туву:
– Дурариин мушвхъанди маалархьан, хъа дурарин далу терефназди гъарах ва жихрин гьарарин терефнаанди дурариин алархь. 24Увуз жихрин гьарарин кӀакӀариъ ликар алдагъурайибсиб сес гъеебхьубси, дишлади дявдиъ архь, гьаз гъапиш филистимарин кьушум дагъитмиш апӀуз яв улихьди РАББИ гьучӀвна.
25Давудди, чаз РАББИЙИ фици амур гъапӀнуш, гьаци гъапӀнийи. Дугъу Гивондиан Гезерихъна рякъюъ вари филистимар дагъитмиш гъапӀнийи.
© Институт перевода Библии, 2010, 2013, 2016, 2018, 2023