Паччагьлугъар-2 3
3
1Саулин ва Давуддин тухмарин арайиъ гизаф вахтна дяви гъябгъюрайи. Давуд айибтӀан кьувватлу шулайи, хъа Саулин тухум – хъанара зяиф.
Давуддин баяр
2Хеврундиъ Давуддиз баяр бабкан гъахьну. Дугъан сарпи бай изрееллушив Ахиноамдикан вуйи Амнон;
3кьюрпир Кармилиан вуйи Навалин ачӀни хпир Авигаиликан вуйи Килеав;
шубурпир – Авессалом, Гешурин паччагь Талмайин риш Маахайикан вуйир;
4юкьурпир – Хаггитдикан вуйи Адония;
хьурпир – Авиталайикан вуйи Шефатия;
5йирхьурпир – Давуддин хпир Эглайикан вуйи Итреам.
Дурар Хеврундиъ бабкан гъахьну.
Авнер Давуддин терефназ гъюру
6Саулин тухмин ва Давуддин тухмин арайиъ дявдин вахтна Авнери Саулин тухмиъ чан хусуси йишв мюгькам апӀури гъахьну. 7Саулиз Рицпа кӀуру ашна, Айяйин риш, ади гъахьну. Иш-Бошетди Авнериз гъапнийи:
– Уву йиз адашдин ашнайихъди гьаз дахърава?
8Авнериз Иш-Бошетдин гафарикан гизаф хъял кубчӀвнийи, ва дугъу жаваб тувнийи:
– Узу Ягьудайин терефназ гъуллугъ апӀурайи ху вуйин? Гъи узу яв адаш Саулин тухумдиз, дугъан хизандиз ва дустариз вафалу вуза. Узу уву Давуддиз масу тувундарза. Хъа уву, гьаму дишагьли себеб вуди, узук тахсир киправа! 9Гьаци вуйиган, гъит Заанури узуз ижми жаза гьадабтӀри, эгер РАББИЙИ Давуддиз гаф тувнайиб узу дарапӀиш! 10Хъа РАББИЙИН думу гаф гьамциб вуйи: «Узу Саулин тухумдихьан паччагьвал тадабгъидиза Израилиъ ва Дандихъан Беэр-Шевайихъна#3:10 Дандихъан Беэр-Шевайихъна: Дан кафарийиъ, Беэр-Шева кьиблайиъ айи шагьрар гъахьну, му вари Израилиъ кӀуру гаф ву. Ягьудайиъ паччагьдин тахтниин Давуд дитдиза».
11Сарун Авнерихъди гаф апӀузкьан Иш-Бошетдин кӀубанвал гьубкӀундайи, гьаз гъапиш дугъаз Авнерихьан гучӀ гъабхьнийи.
12Авнери Давуддиз гьамци пуз чан терефнаан вакилар гьаънийи: «Му жил шлинуб ву? Узухъди йикьрар йитӀ, ва узу увуз яв терефназ вари Израил зигуз кюмек апӀидиза».
13Давудди жаваб тувнийи:
– Ужуйи, узу увухъди йикьрар йитӀурза. Амма узу увкан саб тӀалаб апӀурза: узу рякъюз гъюруган, эгер увухъди Михал, Саулин риш, хъади гъюрдаш, узухьна мягъян.
14Хъасин Давудди Саулин бай Иш-Бошетдихьна тӀалаб хьади вакилар – чархачйир#3:14 Чархачи: табшуругъ хьади гьаънайир. гьаънийи: «Варж филистимдин ккадатӀну гъахидарихъ узу узуз гъадагъу йиз хпир Михал ча узуз#3:14 Лиг 1 Пачч. 18:20-27.». 15Иш-Бошетди амур гъапӀнийи, ва Михал чан жилир Палтиилихьан, Лаишдин балхьан, тадагънийи. 16Амма дугъан жилир кьяляхъди гъушнийи ва, Бахуримдихъна ярхи рякъди дугъан кьяляхъди гъягъюри, ишуйи. Авнери дугъаз гъапнийи:
– Хулаз гъарах!
Ва думу кьяляхъ хътаркнийи. 17Авнери Израилин яшлуйирихъди мясляаьтар гъапӀнийи ва гъапнийи:
– Улихьнаси учвуз Давуд ичв паччагьди дитуз ккундийчвуз. 18Гьамус думу ляхин апӀинай! РАББИЙИ Давуддиз гаф тувну аьхир: «Йиз лукӀ Давуддилантина Йиз Израил халкь Узу филистимариккан ва дидин вари душмнарин хилккан азад апӀидиза».
19Хъана Авнери Вениаминдин наслиан вуйидарихьна чав хусусиди гафар-чӀалар гъапӀнийи. Дидлан кьяляхъ думу Израилиз ва Вениаминдин вари наслиз апӀуз ккундайибдикан варибдикан Давуддиз ктибтуз Хеврундиз гъушнийи. 20Чахъди къар адмира хъади Авнер Давуддихьна Хеврундиз гъафиган, Давудди дугъаз ва дугъан адмийириз дем#3:20 Дем: ипӀруб-убхъруб гьивувал. тешкил гъапӀнийи. 21Авнери Давуддиз гъапнийи:
– Дурари увухъди йикьрар йитӀбан, хъа уву яв кӀваз ккунибдиин варибдиин гьякимвал апӀбан бадали, йиз агъа вуйи паччагьдихьна вари Израил уч апӀбан бадали, кьан дарапӀди гъягъюз ихтияр тув.
Давудди Авнер деетнийи, ва думу ислягьвалиинди гъушнийи.
Авнер йивну йикӀувал
22Гьадму вахтна Давуддин адмийир ва Юав, жара юрдариин алжагъну, чпихьди девлетлу хюрч хьади, гъафнийи. Амма Авнер Давуддихь Хеврундиъ имдайи, гьаз гъапиш Давудди думу деетнийи, ва думу ислягьвалиинди гъушнийи. 23Юав ва дугъахъди вари эскрар гъафиган, дугъакна Авнер, Нердин бай, паччагьдихьна гъюваликан, паччагьди думу деетуваликан ва думу ислягьвалиинди гъягъюваликан гъапнийи.
24Юав паччагьдихьна гъафнийи, ва дугъу гъапнийи:
– Уву фу гъапӀва? Увухьна Авнер гъафну аьхир! Уву думу гьаз деетунва? Гьамус думу гъушну! 25Увуз Авнер, Нердин бай, аьгъявуз аьхир – думу увуз кучӀлар апӀуз ва, уву фу апӀуруш ва уву наана гъягъюруш, вари аьгъю апӀуз гъафну.
26Юав Давуддихьан удучӀвнийи, дугъу Авнер кьяляхъ апӀуз чархачйир гьаъну, ва дурари думу Сирдин гъуйдихъан кьяляхъ гъапӀнийи. Давуддиз дидин гьякьнаан аьгъяди гъабхьундар. 27Авнер Хеврундиз кьяляхъ гъафиган, Юавди думу, сарна-сарди гафар апӀуз ккуниганси, урнарин айитӀинди хъайи йишвазди гьадаънийи. Ва душваъ, чан чве Асаилихъанди, ифдин кьисас алдабгъуз ккунди, Юавди дугъан фуниз гъивнийи, ва Авнер гъакӀнийи.
Авнер йивну йикӀувалин Давудди Юавдиз тюгьмет йивуру
28Дидин кьяляхъ, гъабхьибдикан деебхьну, Давудди гъапнийи:
– Узук ва йиз паччагьлугъдик Авнерин, Нердин балин, ифи удубзбан РАББИЙИ улихь аьсрариъра тахсир ктарчук. 29Гъит дугъан ифи удубзбан тахсир Юавдин гардандиъ ва дугъан адашдин тухумдиин ибшри! Гъит Юавдин тухум саб вахтнара чирк айи зиян кайи иццрур ясана гъидкьин уьзур кайир адарди гъудрубзри! Гъит дугъан наслари дишагьлийирин ляхнар апӀри – чухрайихъ деъри, гъит дурар турикк йикӀри, гъит дурари гашʼвал зигри!
30(Чпин чве Асаил Гивондин багахь гъабхьи дявдиъ йивну йикӀувализ лигну, Юавди ва дугъан чве Авишайи Авнер йивну гъакӀнийи.)
31Хъасин Давудди Юавдиз ва дугъахъди хъайи вари адмийириз гъапнийи:
– Учвʼин али палтар чӀяргъяй, яс уьбхбан лишан вуди, ирин палтар алахьай ва Авнерихъ ишай.
Давуд паччагь майит айи сурийихъди учв гъушнийи. 32Дурари Авнер Хеврундиъ накьвдик кивнийи, ва паччагь Авнерин накьвдихъ ягъалди гъишнийи. Вари халкьра ибшуйи. 33Паччагьди Авнерихъ гьамциб ишал гъапӀнийи:
«Авнер мяна адру аьжлиинди дукӀну ккундийинхъа?
34Яв хилар китӀну адайи,
яв ликариин рукьар алахьнадайи.
Уву гъачгъарин хилʼан йикӀруганси гъакӀунва».
Ва вари халкь дугъахъ хъана гъибшнийи.
35Хъасин дурар Давуддихьна гъафнийи, ва дурари думу йигъ имиди хураг ипӀуз инандирмиш апӀуйи, амма Давудди аьгьт гъапӀнийи ва гъапнийи:
– Ригъ алабхъайиз узу уьл ясана фукӀа жараб гъипӀиш, гъит Заанури узуз ижмиди жаза туври!
36Вари халкьдиз думу ляхин гъябкънийи ва дидʼин рази вуйи; паччагьди гъапӀуб, фу вушра, вари халкьдиз кьабул шуйи. 37Гьаци, вари халкьдиз ва вари Израилиз Авнер, Нердин бай, йивну йикӀувалиъ паччагьди саб жюрейииндира иштирак дарапӀувал аьгъю гъабхьнийи. 38Ва паччагьди чан адмийириз гъапнийи:
– Гъи Израилиъ регьбер ва машгьур адми дукӀнайивалин учву гъавриъ адарнучва дарш? 39Ва гъи узу, ччим кадатнайи паччагь вушра, умун вуза, хъа Церуяйин баяр гизаф писдар ву. Гъит РАББИЙИ писвал апӀруриз чан писвализ лигну туври!
© Институт перевода Библии, 2010, 2013, 2016, 2018, 2023
Паччагьлугъар-2 3
3
1Саулин ва Давуддин тухмарин арайиъ гизаф вахтна дяви гъябгъюрайи. Давуд айибтӀан кьувватлу шулайи, хъа Саулин тухум – хъанара зяиф.
Давуддин баяр
2Хеврундиъ Давуддиз баяр бабкан гъахьну. Дугъан сарпи бай изрееллушив Ахиноамдикан вуйи Амнон;
3кьюрпир Кармилиан вуйи Навалин ачӀни хпир Авигаиликан вуйи Килеав;
шубурпир – Авессалом, Гешурин паччагь Талмайин риш Маахайикан вуйир;
4юкьурпир – Хаггитдикан вуйи Адония;
хьурпир – Авиталайикан вуйи Шефатия;
5йирхьурпир – Давуддин хпир Эглайикан вуйи Итреам.
Дурар Хеврундиъ бабкан гъахьну.
Авнер Давуддин терефназ гъюру
6Саулин тухмин ва Давуддин тухмин арайиъ дявдин вахтна Авнери Саулин тухмиъ чан хусуси йишв мюгькам апӀури гъахьну. 7Саулиз Рицпа кӀуру ашна, Айяйин риш, ади гъахьну. Иш-Бошетди Авнериз гъапнийи:
– Уву йиз адашдин ашнайихъди гьаз дахърава?
8Авнериз Иш-Бошетдин гафарикан гизаф хъял кубчӀвнийи, ва дугъу жаваб тувнийи:
– Узу Ягьудайин терефназ гъуллугъ апӀурайи ху вуйин? Гъи узу яв адаш Саулин тухумдиз, дугъан хизандиз ва дустариз вафалу вуза. Узу уву Давуддиз масу тувундарза. Хъа уву, гьаму дишагьли себеб вуди, узук тахсир киправа! 9Гьаци вуйиган, гъит Заанури узуз ижми жаза гьадабтӀри, эгер РАББИЙИ Давуддиз гаф тувнайиб узу дарапӀиш! 10Хъа РАББИЙИН думу гаф гьамциб вуйи: «Узу Саулин тухумдихьан паччагьвал тадабгъидиза Израилиъ ва Дандихъан Беэр-Шевайихъна#3:10 Дандихъан Беэр-Шевайихъна: Дан кафарийиъ, Беэр-Шева кьиблайиъ айи шагьрар гъахьну, му вари Израилиъ кӀуру гаф ву. Ягьудайиъ паччагьдин тахтниин Давуд дитдиза».
11Сарун Авнерихъди гаф апӀузкьан Иш-Бошетдин кӀубанвал гьубкӀундайи, гьаз гъапиш дугъаз Авнерихьан гучӀ гъабхьнийи.
12Авнери Давуддиз гьамци пуз чан терефнаан вакилар гьаънийи: «Му жил шлинуб ву? Узухъди йикьрар йитӀ, ва узу увуз яв терефназ вари Израил зигуз кюмек апӀидиза».
13Давудди жаваб тувнийи:
– Ужуйи, узу увухъди йикьрар йитӀурза. Амма узу увкан саб тӀалаб апӀурза: узу рякъюз гъюруган, эгер увухъди Михал, Саулин риш, хъади гъюрдаш, узухьна мягъян.
14Хъасин Давудди Саулин бай Иш-Бошетдихьна тӀалаб хьади вакилар – чархачйир#3:14 Чархачи: табшуругъ хьади гьаънайир. гьаънийи: «Варж филистимдин ккадатӀну гъахидарихъ узу узуз гъадагъу йиз хпир Михал ча узуз#3:14 Лиг 1 Пачч. 18:20-27.». 15Иш-Бошетди амур гъапӀнийи, ва Михал чан жилир Палтиилихьан, Лаишдин балхьан, тадагънийи. 16Амма дугъан жилир кьяляхъди гъушнийи ва, Бахуримдихъна ярхи рякъди дугъан кьяляхъди гъягъюри, ишуйи. Авнери дугъаз гъапнийи:
– Хулаз гъарах!
Ва думу кьяляхъ хътаркнийи. 17Авнери Израилин яшлуйирихъди мясляаьтар гъапӀнийи ва гъапнийи:
– Улихьнаси учвуз Давуд ичв паччагьди дитуз ккундийчвуз. 18Гьамус думу ляхин апӀинай! РАББИЙИ Давуддиз гаф тувну аьхир: «Йиз лукӀ Давуддилантина Йиз Израил халкь Узу филистимариккан ва дидин вари душмнарин хилккан азад апӀидиза».
19Хъана Авнери Вениаминдин наслиан вуйидарихьна чав хусусиди гафар-чӀалар гъапӀнийи. Дидлан кьяляхъ думу Израилиз ва Вениаминдин вари наслиз апӀуз ккундайибдикан варибдикан Давуддиз ктибтуз Хеврундиз гъушнийи. 20Чахъди къар адмира хъади Авнер Давуддихьна Хеврундиз гъафиган, Давудди дугъаз ва дугъан адмийириз дем#3:20 Дем: ипӀруб-убхъруб гьивувал. тешкил гъапӀнийи. 21Авнери Давуддиз гъапнийи:
– Дурари увухъди йикьрар йитӀбан, хъа уву яв кӀваз ккунибдиин варибдиин гьякимвал апӀбан бадали, йиз агъа вуйи паччагьдихьна вари Израил уч апӀбан бадали, кьан дарапӀди гъягъюз ихтияр тув.
Давудди Авнер деетнийи, ва думу ислягьвалиинди гъушнийи.
Авнер йивну йикӀувал
22Гьадму вахтна Давуддин адмийир ва Юав, жара юрдариин алжагъну, чпихьди девлетлу хюрч хьади, гъафнийи. Амма Авнер Давуддихь Хеврундиъ имдайи, гьаз гъапиш Давудди думу деетнийи, ва думу ислягьвалиинди гъушнийи. 23Юав ва дугъахъди вари эскрар гъафиган, дугъакна Авнер, Нердин бай, паччагьдихьна гъюваликан, паччагьди думу деетуваликан ва думу ислягьвалиинди гъягъюваликан гъапнийи.
24Юав паччагьдихьна гъафнийи, ва дугъу гъапнийи:
– Уву фу гъапӀва? Увухьна Авнер гъафну аьхир! Уву думу гьаз деетунва? Гьамус думу гъушну! 25Увуз Авнер, Нердин бай, аьгъявуз аьхир – думу увуз кучӀлар апӀуз ва, уву фу апӀуруш ва уву наана гъягъюруш, вари аьгъю апӀуз гъафну.
26Юав Давуддихьан удучӀвнийи, дугъу Авнер кьяляхъ апӀуз чархачйир гьаъну, ва дурари думу Сирдин гъуйдихъан кьяляхъ гъапӀнийи. Давуддиз дидин гьякьнаан аьгъяди гъабхьундар. 27Авнер Хеврундиз кьяляхъ гъафиган, Юавди думу, сарна-сарди гафар апӀуз ккуниганси, урнарин айитӀинди хъайи йишвазди гьадаънийи. Ва душваъ, чан чве Асаилихъанди, ифдин кьисас алдабгъуз ккунди, Юавди дугъан фуниз гъивнийи, ва Авнер гъакӀнийи.
Авнер йивну йикӀувалин Давудди Юавдиз тюгьмет йивуру
28Дидин кьяляхъ, гъабхьибдикан деебхьну, Давудди гъапнийи:
– Узук ва йиз паччагьлугъдик Авнерин, Нердин балин, ифи удубзбан РАББИЙИ улихь аьсрариъра тахсир ктарчук. 29Гъит дугъан ифи удубзбан тахсир Юавдин гардандиъ ва дугъан адашдин тухумдиин ибшри! Гъит Юавдин тухум саб вахтнара чирк айи зиян кайи иццрур ясана гъидкьин уьзур кайир адарди гъудрубзри! Гъит дугъан наслари дишагьлийирин ляхнар апӀри – чухрайихъ деъри, гъит дурар турикк йикӀри, гъит дурари гашʼвал зигри!
30(Чпин чве Асаил Гивондин багахь гъабхьи дявдиъ йивну йикӀувализ лигну, Юавди ва дугъан чве Авишайи Авнер йивну гъакӀнийи.)
31Хъасин Давудди Юавдиз ва дугъахъди хъайи вари адмийириз гъапнийи:
– Учвʼин али палтар чӀяргъяй, яс уьбхбан лишан вуди, ирин палтар алахьай ва Авнерихъ ишай.
Давуд паччагь майит айи сурийихъди учв гъушнийи. 32Дурари Авнер Хеврундиъ накьвдик кивнийи, ва паччагь Авнерин накьвдихъ ягъалди гъишнийи. Вари халкьра ибшуйи. 33Паччагьди Авнерихъ гьамциб ишал гъапӀнийи:
«Авнер мяна адру аьжлиинди дукӀну ккундийинхъа?
34Яв хилар китӀну адайи,
яв ликариин рукьар алахьнадайи.
Уву гъачгъарин хилʼан йикӀруганси гъакӀунва».
Ва вари халкь дугъахъ хъана гъибшнийи.
35Хъасин дурар Давуддихьна гъафнийи, ва дурари думу йигъ имиди хураг ипӀуз инандирмиш апӀуйи, амма Давудди аьгьт гъапӀнийи ва гъапнийи:
– Ригъ алабхъайиз узу уьл ясана фукӀа жараб гъипӀиш, гъит Заанури узуз ижмиди жаза туври!
36Вари халкьдиз думу ляхин гъябкънийи ва дидʼин рази вуйи; паччагьди гъапӀуб, фу вушра, вари халкьдиз кьабул шуйи. 37Гьаци, вари халкьдиз ва вари Израилиз Авнер, Нердин бай, йивну йикӀувалиъ паччагьди саб жюрейииндира иштирак дарапӀувал аьгъю гъабхьнийи. 38Ва паччагьди чан адмийириз гъапнийи:
– Гъи Израилиъ регьбер ва машгьур адми дукӀнайивалин учву гъавриъ адарнучва дарш? 39Ва гъи узу, ччим кадатнайи паччагь вушра, умун вуза, хъа Церуяйин баяр гизаф писдар ву. Гъит РАББИЙИ писвал апӀруриз чан писвализ лигну туври!
© Институт перевода Библии, 2010, 2013, 2016, 2018, 2023