Паччагьлугъар-1 31
31
Саулин ва дугъан баярин аьжал
1Филистимар израиларихъди кчӀихуб филистимарин гъалибвалиинди ккудубкӀу. Израилар гьергу, ва хайлиндар Гилбоа дагъдиин талаф гъахьи. 2Филистимар Саулихъ ва дугъан баярихъ хъергу, ва дурари Саулин баяр Юнатан, Авинадав ва Малкишуа йивну гъакӀи.
3Саулин багахь гургутум женг гъябгъюрайи. Дугъан багахьна деркку-чӀимрариан йиврудар гъафи, ва дурари Саулиз гъагъи зийнар гъапӀу. 4Думуган дугъу чан яракь хруриз гъапи:
– Тур уьчӀюбгъ ва узу урк, даршиш ккадрабтӀдари узу уркиди ва узук кярхди.
Амма яракь хруриз яманди гучӀ гъабхьи, ва дугъу думу ляхин кӀулʼин гъадабгъдар. Думуган Саул учв туриин алахъу. 5Саул йикӀнайивал дябкъну, яракь хрурра туриинади гатӀархьу ва Саулин багахь гъакӀи. 6Гьаци, сад йигъан Саул ва дугъан шубур бай, Саулин яракь хрур ва дугъан вари кьушум гъийиху.
7Дерейин тмунуб терефнаъ ва Ярдандин кьяляхъ яшамиш шулайи израилариз израил кьушум дагъитмиш апӀбакан ва Саулна дугъан баяр йихуваликан аьгъю гъабхьиган, дурари чпин шагьрар дирчу ва гьергу. Филистимар гъафи ва душваъ ерлешмиш гъахьи.
8Хъайигъан, филистимар йивну дийихнайидар тӀараш апӀуз гъафиган, дурариз Гилбоа дагъдиин талаф гъахьи Саулин ва дугъан шубур балин майтар гъидихъу. 9Саулин кӀул алдабтӀну, дугълан дявдин палтар илдитну, дурари филистимарин уьлке вуйибси, чпин бутарин хулаз ва вари халкьдиз гъалибваликан хабар тувуз, чархачйир гьау. 10Дявдин палтар дурари Астарта#31:10 Астарта: бегьерлувалин ва дявдин бут-дишагьли, дидиз ханаанари ибадат апӀури гъахьну. Астартайиз ибадат апӀру йишвариъ гакӀвлин дестгар дурснади гъахьну, мумкин ву, бут-дишагьлийин адатӀнайи шиклар кади. кӀуру бут-дишагьлийин хулаз бахш гъапӀу, хъа майит Бет-Шеандиъ цалик кьумар йивну керху.
11Галааддин Явеш шагьрин агьалйириз, филистимари Сауликан фу гъапӀнуш, аьгъю гъабхьи. 12Думуган Явешдин вари эскрар сад йишвандин арайиъ Бет-Шеандиз хъуркьу, ва дурари цалкан Саулин ва дугъан баярин майтар ктагъу. Явешдиз кьяляхъ хътаркиган, дурари майтар цӀигъ гъургу, 13хъа кӀурбар уч дапӀну, Явешдиъ тамариск гьарикк накьвдик киву. Дидин кьяляхъ дурари ургуд йигъан ушвар гъидису.
© Институт перевода Библии, 2010, 2013, 2016, 2018, 2023
Паччагьлугъар-1 31
31
Саулин ва дугъан баярин аьжал
1Филистимар израиларихъди кчӀихуб филистимарин гъалибвалиинди ккудубкӀу. Израилар гьергу, ва хайлиндар Гилбоа дагъдиин талаф гъахьи. 2Филистимар Саулихъ ва дугъан баярихъ хъергу, ва дурари Саулин баяр Юнатан, Авинадав ва Малкишуа йивну гъакӀи.
3Саулин багахь гургутум женг гъябгъюрайи. Дугъан багахьна деркку-чӀимрариан йиврудар гъафи, ва дурари Саулиз гъагъи зийнар гъапӀу. 4Думуган дугъу чан яракь хруриз гъапи:
– Тур уьчӀюбгъ ва узу урк, даршиш ккадрабтӀдари узу уркиди ва узук кярхди.
Амма яракь хруриз яманди гучӀ гъабхьи, ва дугъу думу ляхин кӀулʼин гъадабгъдар. Думуган Саул учв туриин алахъу. 5Саул йикӀнайивал дябкъну, яракь хрурра туриинади гатӀархьу ва Саулин багахь гъакӀи. 6Гьаци, сад йигъан Саул ва дугъан шубур бай, Саулин яракь хрур ва дугъан вари кьушум гъийиху.
7Дерейин тмунуб терефнаъ ва Ярдандин кьяляхъ яшамиш шулайи израилариз израил кьушум дагъитмиш апӀбакан ва Саулна дугъан баяр йихуваликан аьгъю гъабхьиган, дурари чпин шагьрар дирчу ва гьергу. Филистимар гъафи ва душваъ ерлешмиш гъахьи.
8Хъайигъан, филистимар йивну дийихнайидар тӀараш апӀуз гъафиган, дурариз Гилбоа дагъдиин талаф гъахьи Саулин ва дугъан шубур балин майтар гъидихъу. 9Саулин кӀул алдабтӀну, дугълан дявдин палтар илдитну, дурари филистимарин уьлке вуйибси, чпин бутарин хулаз ва вари халкьдиз гъалибваликан хабар тувуз, чархачйир гьау. 10Дявдин палтар дурари Астарта#31:10 Астарта: бегьерлувалин ва дявдин бут-дишагьли, дидиз ханаанари ибадат апӀури гъахьну. Астартайиз ибадат апӀру йишвариъ гакӀвлин дестгар дурснади гъахьну, мумкин ву, бут-дишагьлийин адатӀнайи шиклар кади. кӀуру бут-дишагьлийин хулаз бахш гъапӀу, хъа майит Бет-Шеандиъ цалик кьумар йивну керху.
11Галааддин Явеш шагьрин агьалйириз, филистимари Сауликан фу гъапӀнуш, аьгъю гъабхьи. 12Думуган Явешдин вари эскрар сад йишвандин арайиъ Бет-Шеандиз хъуркьу, ва дурари цалкан Саулин ва дугъан баярин майтар ктагъу. Явешдиз кьяляхъ хътаркиган, дурари майтар цӀигъ гъургу, 13хъа кӀурбар уч дапӀну, Явешдиъ тамариск гьарикк накьвдик киву. Дидин кьяляхъ дурари ургуд йигъан ушвар гъидису.
© Институт перевода Библии, 2010, 2013, 2016, 2018, 2023