Саалтыр 75
75
1Хуор салайааччытыгар. Устурууналаах инструмент доҕуһуолунан. Асаф псалома. Ырыа.
2Иудеяҕа Таҥараны билэллэр;
Кини аата Израильга – сүдү аат.
3Иерусалимҥа баар Кини олоҕо,
Сиоҥҥа Кини олорор.
4Онно тоһуталаабыта Кини кустук охтору,
хары куйаҕын, кылыһы, сэрии сэбин-сэбиргэлин. Села
5Эн кэрэмэн килбиэннээххин,
мэҥэ хайалардааҕар сүҥкэҥҥин.
6Харса суох буойуннар халаабыт булумньуларын былдьаппыттар,
уһуктубат уһун ууларын кинилэр утуйбуттар:
аны бу эрэттэр илиилэрин да өндөппөттөр.
7Эн буойуоҥ эрэ кэрэх, Иаков Таҥарата, –
аттар таалбыттар, колесницалар тохтообуттар.
8Оо, дьулааҥнын даҕаны Эн!
Ким Эн уордайар кэмҥэр иннигэр кэлэн туруоҕай?
9-10Дьүүл буоларын Эн халлааннартан биллэрдиҥ;
сир бары баттаммыттарын быыһыырдыы,
Таҥара буруйдаахтары дьүүллүү турбутугар,
сир үрдэ дьулайан ах барда. Села
11Бэл дьон уоҕа-кылына Эйиэхэ албан ааты эргитиэҕэ:
сэрииттэн ордубут өстөөх кытта
Эн дьоро күннэргин бэлиэтиэҕэ#75:11 Еврейдии тиэкис ис хоһооно чуолкайа суох. .
12Мэктиэ тылгытын биэриҥ Айыы Тойон Таҥараҕытыгар,
Киниэхэ эрэннэрбиккитин толоруҥ;
тулатыгар бааллар бука бары Киниэхэ, Дьулааҥҥа,
бэлэхтэрин аҕаллыннар.
13Кини киэмсик кинээстэри сыһыталыыр,
сир ыраахтааҕыларын салыннартыыр.
© Институт перевода Библии, 2008-2022