Саалтыр 73
73
1Асаф үөрэтиитэ.
Оо, Таҥара, тоҕо Эн биһигини букатын хааллардыҥ?
Тоҕо Бэйэҥ мэччирэҥиҥ барааннарыгар уордайдыҥ?
2Өйдөөн кэл былыр талан ылбыт дьоҥҥун –
Бэйэҕэр норуот гынаары толуйбуккун.
Өйдөө олохсуйа сылдьыбыт Сион хайаҕын.
3Кэлэн көр бу бүтэһиктээх урусхалы;
сибэтиэй Дьиэ иһигэр өстөөх тугу да ордорботох.
4Эн Дьиэҕэр өстөөхтөрүҥ үөгүлэһэллэр,
онно аны кинилэр былаахтара ыйанан тураллар.
5Кинилэр мас хатыһа үүммүт лабааларын
сүгэнэн кэрдээччилэри санаталлар.
6Быһан оҥоһуллубут ойууну-мандары барытын
сүгэнэн, өтүйэнэн үлтү сынньыбыттар.
7Эн сибэтиэй Дьиэҕин күл-көмөр оҥорбуттар,
Эн ааккар сүгүрүйэр сирбитин киртиппиттэр.
8«Букатыннаахтык кинилэри үрэйиэхпит», – дэммиттэр,
Таҥараҕа түмсэр сирбитин барытын умаппыттар.
9Ханнык да бэлиэ дьикти биһиэхэ көстүбэт буолбут;
аны пророктар суохтар,
хаһааҥҥа диэри маннык барарын хайабыт да билбэт.
10Хаһааҥҥа диэри, Айыы Таҥара, өстөөх биһигини үөҕэр?
Ама утарсааччы үйэ тухары холуннарыа дуо Эн ааккын?
11Тоҕо Эн илиигин кэннигэр кистии туттаҕын?
Оо, тоҕо уҥа илиигин хонноҕуҥ анныгар уктаҕын?
12Айыы Таҥара, аан маҥнайгыттан мин Ыраахтааҕым,
Эн сиргэ быыһабыллаахтык дьайаҕын.
13Эн сүдү күүскүнэн муораны икки аҥыы хайыппытыҥ,
ууга баар моҕойдор бастарын хампарыппытыҥ;
14Левиафан#73:14 Хара дьай символа буолар, номоххо кэпсэнэр харамай. кыылы, бастарын хампы охсон баран,
этин кураайы дуол харамайдарыгар сиэтэ биэрбитиҥ.
15Эн дьүүктэлэри, үрэхтэри сүүрдүбүтүҥ,
күүстээх өрүстэри кумаҕынан көрдөрбүтүҥ.
16Күнүскү кэм – Эйиэнэ, түүн эмиэ – Эйиэнэ,
күнү да, ыйы да Эн туруорбутуҥ;
17сир бары чэрчитин Эн быспытыҥ;
сайыны да, кыһыны да Эн айбытыҥ.
18Өйдөө, Айыы Тойон, өстөөх Эйигин үөҕэрин,
өйө суохтар Эн ааккын киртитэллэрин!
19Холуубуҥ дууһатын торҕон кыылларга туттарыма;
дьадаҥыларыҥ олохторун хаһан да умнума.
20Өйдөө Бэйэҥ кэс тылгын;
сир хараҥа муннуга барыта ороспуой ордуута буолла.
21Баттаммыты-үктэммити кыбыстыыга киллэртэримэ;
дьадаҥы-кыһалҕалаах Эн ааккар айхал этиэхтин.
22Туран, Айыы Таҥара, Бэйэҥ дьыалаҕын көмүскээ;
өйө суохтар күнү быһа Эйигин күлэллэрин Эн өйдөө.
23Умнума өстөөхтөрүҥ үөгүлэрин-хаһыыларын,
Эйигин утары өрө турааччылар намыраабат айдааннарын.
© Институт перевода Библии, 2008-2022
Саалтыр 73
73
1Асаф үөрэтиитэ.
Оо, Таҥара, тоҕо Эн биһигини букатын хааллардыҥ?
Тоҕо Бэйэҥ мэччирэҥиҥ барааннарыгар уордайдыҥ?
2Өйдөөн кэл былыр талан ылбыт дьоҥҥун –
Бэйэҕэр норуот гынаары толуйбуккун.
Өйдөө олохсуйа сылдьыбыт Сион хайаҕын.
3Кэлэн көр бу бүтэһиктээх урусхалы;
сибэтиэй Дьиэ иһигэр өстөөх тугу да ордорботох.
4Эн Дьиэҕэр өстөөхтөрүҥ үөгүлэһэллэр,
онно аны кинилэр былаахтара ыйанан тураллар.
5Кинилэр мас хатыһа үүммүт лабааларын
сүгэнэн кэрдээччилэри санаталлар.
6Быһан оҥоһуллубут ойууну-мандары барытын
сүгэнэн, өтүйэнэн үлтү сынньыбыттар.
7Эн сибэтиэй Дьиэҕин күл-көмөр оҥорбуттар,
Эн ааккар сүгүрүйэр сирбитин киртиппиттэр.
8«Букатыннаахтык кинилэри үрэйиэхпит», – дэммиттэр,
Таҥараҕа түмсэр сирбитин барытын умаппыттар.
9Ханнык да бэлиэ дьикти биһиэхэ көстүбэт буолбут;
аны пророктар суохтар,
хаһааҥҥа диэри маннык барарын хайабыт да билбэт.
10Хаһааҥҥа диэри, Айыы Таҥара, өстөөх биһигини үөҕэр?
Ама утарсааччы үйэ тухары холуннарыа дуо Эн ааккын?
11Тоҕо Эн илиигин кэннигэр кистии туттаҕын?
Оо, тоҕо уҥа илиигин хонноҕуҥ анныгар уктаҕын?
12Айыы Таҥара, аан маҥнайгыттан мин Ыраахтааҕым,
Эн сиргэ быыһабыллаахтык дьайаҕын.
13Эн сүдү күүскүнэн муораны икки аҥыы хайыппытыҥ,
ууга баар моҕойдор бастарын хампарыппытыҥ;
14Левиафан#73:14 Хара дьай символа буолар, номоххо кэпсэнэр харамай. кыылы, бастарын хампы охсон баран,
этин кураайы дуол харамайдарыгар сиэтэ биэрбитиҥ.
15Эн дьүүктэлэри, үрэхтэри сүүрдүбүтүҥ,
күүстээх өрүстэри кумаҕынан көрдөрбүтүҥ.
16Күнүскү кэм – Эйиэнэ, түүн эмиэ – Эйиэнэ,
күнү да, ыйы да Эн туруорбутуҥ;
17сир бары чэрчитин Эн быспытыҥ;
сайыны да, кыһыны да Эн айбытыҥ.
18Өйдөө, Айыы Тойон, өстөөх Эйигин үөҕэрин,
өйө суохтар Эн ааккын киртитэллэрин!
19Холуубуҥ дууһатын торҕон кыылларга туттарыма;
дьадаҥыларыҥ олохторун хаһан да умнума.
20Өйдөө Бэйэҥ кэс тылгын;
сир хараҥа муннуга барыта ороспуой ордуута буолла.
21Баттаммыты-үктэммити кыбыстыыга киллэртэримэ;
дьадаҥы-кыһалҕалаах Эн ааккар айхал этиэхтин.
22Туран, Айыы Таҥара, Бэйэҥ дьыалаҕын көмүскээ;
өйө суохтар күнү быһа Эйигин күлэллэрин Эн өйдөө.
23Умнума өстөөхтөрүҥ үөгүлэрин-хаһыыларын,
Эйигин утары өрө турааччылар намыраабат айдааннарын.
© Институт перевода Библии, 2008-2022