Саалтыр 62

1Давид псалома. Иудея кураайы дуолугар сылдьан.

2Айыы Таҥара, Эн буолаҕын мин Таҥарам;

Эйигин мин көрдүүбүн сарсыарда эрдэттэн,

Эйиэхэ дууһам утаппыттыы дьулуһар;

бу иччитэх, куура хаппыт, уута суох сиргэ сылдьан,

сүрэҕим-быарым Эйиэхэ курдаттыы тардыһар;

3Эн сүдү күүскүн, кэрэмэн килбиэҥҥин көрөөрү,

мин тиийэн кэлиэм этэ Эн сибэтиэй Дьиэҕэр!

4Бүтүн олохтооҕор күндү Эн бигэ тапталыҥ,

Эйиэхэ мин этиэм уруй-айхал тылларын.

5Олоҕум устатын тухары Эйигин мин алгыам;

Эн ааккын ааттаан, икки илиибин өрө көтөҕүөм.

6-7Утуйаары сытан Эйигин өйдөөн кэллэхпинэ,

уһун түүнү быһа Эйигин санаатахпына,

дууһам, сыаттан, елей арыыттан топпуттуу, дуоһуйар,

оччоҕо дьол-үөрүү тылынан мин Эйиэхэ айхал этэбин.

8Эн миэхэ көмөлөһөргүттэн үөрэммин,

мин Эн кынатыҥ хаххатыгар ырыа ыллыыбын.

9Дууһам Эйиэхэ ыга сыһынна,

Эн күүстээх илииҥ миигин өйөөтө.

10Оттон мин тыыммар туруммуттар

сир түгэҕэр түһүөхтэрэ,

11сытыы кылыһынан кыдыллан,

саһыл аһылыга буолуохтара.

12Ыраахтааҕы Таҥараттан үөрүөҕэ-көтүөҕэ;

албын тыллаахтар хам бараннар,

Таҥаранан андаҕайааччы барыта өрөгөйдүөҕэ.

目前选定：

Саалтыр 62: СБК

高亮显示

复制

想要在所有设备上保存你的高亮显示吗？注册或登录

进一步了解Сибэтиэй Биибилийэ кинигэлэрэ