Саалтыр 48
48
1Хуор салайааччытыгар. Корей уолаттарын псалома.
2Истиҥ маны, бары норуоттар;
болҕойуҥ, сир олохтоохторо бука бары, –
3намыһахтар да, үрдүктэр да,
баайдар да, дьадаҥылар да бүттүүн.
4Муудараһы мин эһиэхэ амалыйыам;
билиибин эһигинниин үллэстэн,
сүрэҕим кичэмэллээх санаатын арыйыам.
5Өс хоһоонугар мин кулгаахпын чугаһатыам,
арфаҕа оонньооммун, таабырыммын таайтарыам.
6Куттаныахтаахпын дуо мин алдьархай адаҕыйдаҕына,
миигин тилэх баттаһа иһээччилэр хара дьайдара
тула өттүбүттэн хаайдаҕына?
7Балым баайдарыгар кинилэр эрэнэллэр,
халыҥ харчыларынан хайҕаналлар.
8Киһи хайдах да кыайан бэйэтин#48:8 Сорох былыргы илиинэн суруйууга: быраатын. толунуо суоҕа,
тыынын төлөбүрүн Таҥараҕа биэриэ суоҕа.
9Кини дууһатын толуга муҥура биллибэт күндү,
ким да ону хаһан да ситэн төлүө суоҕа –
10киһи үйэлэр тухары өлбөтөҕө,
өҥкөөтүн өҥөйбөтөҕө диэн суох.
11Ким барыта көрөр: муударай да өлөр,
ньүдьү-балай, аҥала да барыта антах аттанар,
баайын-дуолун атыттарга хаалларар.
12Сирдэригэр бэйэлэрин ааттарын иҥэрэллэрэ эрээри,
иин буолар кинилэр үйэлэр тухары олорор дьиэлэрэ#48:12 Сорох былыргы илиинэн суруйууга: биһиги дьиэлэрбит үйэлэр тухары туруохтара дии саныыллар. ,
көлүөнэттэн көлүөнэҕэ олохсуйар сирдэрэ.
13Киһи, төһө да чиэстэммитин иһин, куруук баар буолуо суоҕа,
кини эмиэ, өлөр-сүтэр кыыл-сүөл курдук, суох буолуоҕа.
14Төһө да кэннилэриттэн иһээччилэр
кинилэр этэллэрин биһирээбиттэрин иһин,
ити суолунан барааччылар өйө суох быһыыланаллар. Села
15Барааннары курдук, кинилэри үтүгэн түгэҕэр хатыахтара,
онно өлөр өлүү барыларын маныаҕа;
оттон сарсыарда көнө дьон кинилэри баһылыахтара.
Симэлийэ сүтүөҕэ кинилэр эттэрэ-сииннэрэ,
үтүгэн түгэҕэ буолуоҕа олохсуйар дьиэлэрэ.
16Оттон мин дууһабын Таҥара өлүү айаҕыттан толуйуоҕа,
Кини миигин Бэйэтигэр ылыаҕа. Села
17Куттаныма киһи байарыттан-тайарыттан,
кини дьиэтин баайа-дуола хаҥыырыттан.
18Өллөҕүнэ, кини тугу да илдьэ барыа суоҕа,
баайа-дуола кэнниттэн батыһыа суоҕа.
19Төһө да тыыннааҕар дьоллоохпун дэммитин,
ситиһиилэнэн, дьонтон хайҕаммытын иһин,
20кини эмиэ өбүгэлэригэр аттаныаҕа,
сырдыгы аны хаһан да көрбөттөргө барыаҕа.
21Киһи, төһө да чиэстэммитин иһин, куруук баар буолуо суоҕа:
кини эмиэ, өлөр-сүтэр кыыл-сүөл курдук, суох буолуоҕа.
© Институт перевода Библии, 2008-2022
Саалтыр 48
48
1Хуор салайааччытыгар. Корей уолаттарын псалома.
2Истиҥ маны, бары норуоттар;
болҕойуҥ, сир олохтоохторо бука бары, –
3намыһахтар да, үрдүктэр да,
баайдар да, дьадаҥылар да бүттүүн.
4Муудараһы мин эһиэхэ амалыйыам;
билиибин эһигинниин үллэстэн,
сүрэҕим кичэмэллээх санаатын арыйыам.
5Өс хоһоонугар мин кулгаахпын чугаһатыам,
арфаҕа оонньооммун, таабырыммын таайтарыам.
6Куттаныахтаахпын дуо мин алдьархай адаҕыйдаҕына,
миигин тилэх баттаһа иһээччилэр хара дьайдара
тула өттүбүттэн хаайдаҕына?
7Балым баайдарыгар кинилэр эрэнэллэр,
халыҥ харчыларынан хайҕаналлар.
8Киһи хайдах да кыайан бэйэтин#48:8 Сорох былыргы илиинэн суруйууга: быраатын. толунуо суоҕа,
тыынын төлөбүрүн Таҥараҕа биэриэ суоҕа.
9Кини дууһатын толуга муҥура биллибэт күндү,
ким да ону хаһан да ситэн төлүө суоҕа –
10киһи үйэлэр тухары өлбөтөҕө,
өҥкөөтүн өҥөйбөтөҕө диэн суох.
11Ким барыта көрөр: муударай да өлөр,
ньүдьү-балай, аҥала да барыта антах аттанар,
баайын-дуолун атыттарга хаалларар.
12Сирдэригэр бэйэлэрин ааттарын иҥэрэллэрэ эрээри,
иин буолар кинилэр үйэлэр тухары олорор дьиэлэрэ#48:12 Сорох былыргы илиинэн суруйууга: биһиги дьиэлэрбит үйэлэр тухары туруохтара дии саныыллар. ,
көлүөнэттэн көлүөнэҕэ олохсуйар сирдэрэ.
13Киһи, төһө да чиэстэммитин иһин, куруук баар буолуо суоҕа,
кини эмиэ, өлөр-сүтэр кыыл-сүөл курдук, суох буолуоҕа.
14Төһө да кэннилэриттэн иһээччилэр
кинилэр этэллэрин биһирээбиттэрин иһин,
ити суолунан барааччылар өйө суох быһыыланаллар. Села
15Барааннары курдук, кинилэри үтүгэн түгэҕэр хатыахтара,
онно өлөр өлүү барыларын маныаҕа;
оттон сарсыарда көнө дьон кинилэри баһылыахтара.
Симэлийэ сүтүөҕэ кинилэр эттэрэ-сииннэрэ,
үтүгэн түгэҕэ буолуоҕа олохсуйар дьиэлэрэ.
16Оттон мин дууһабын Таҥара өлүү айаҕыттан толуйуоҕа,
Кини миигин Бэйэтигэр ылыаҕа. Села
17Куттаныма киһи байарыттан-тайарыттан,
кини дьиэтин баайа-дуола хаҥыырыттан.
18Өллөҕүнэ, кини тугу да илдьэ барыа суоҕа,
баайа-дуола кэнниттэн батыһыа суоҕа.
19Төһө да тыыннааҕар дьоллоохпун дэммитин,
ситиһиилэнэн, дьонтон хайҕаммытын иһин,
20кини эмиэ өбүгэлэригэр аттаныаҕа,
сырдыгы аны хаһан да көрбөттөргө барыаҕа.
21Киһи, төһө да чиэстэммитин иһин, куруук баар буолуо суоҕа:
кини эмиэ, өлөр-сүтэр кыыл-сүөл курдук, суох буолуоҕа.
© Институт перевода Библии, 2008-2022