Саалтыр 43
43
1Хуор салайааччытыгар. Корей уолаттарын үөрэтиитэ.
2Айыы Таҥара, былыр өбүгэлэрбит саҕана
Эн хайдахтаах дьайыылары оҥорбуккун
биһиги эт кулгаахпытынан истибиппит –
аҕаларбыт ону биһиэхэ кэпсээбиттэрэ.
3Эн, атын омуктары үүртэлээн баран,
кинилэр сирдэригэр өбүгэлэрбитин олордубутуҥ;
туора биис уустарын сууһартаан баран,
норуоккар көҥүлү тосхойбутуҥ.
4Өбүгэлэрбит бу сири кылыстарынан ылбатахтара,
бэйэлэрин кыахтарынан да быыһамматахтара:
Эн уҥа илииҥ, Эн күүһүҥ, Эн сирэйиҥ сырдыга
кинилэргэ кыайыыны биэрбитэ,
оннук үтүө сыһыаннааҕыҥ кинилэргэ.
5Эн буолаҕын мин Ыраахтааҕым, мин Таҥарам,
Иаковка кыайыыны Эн бэлэхтиигин.
6Эйигин кытта сылдьан, биһиги өстөөхпүтүн кыайыахпыт,
Эн ааккынан биһиги өрө турааччылары тэпсиэхпит.
7Ох саабар мин эрэммэппин,
кылыһым да миигин быыһыыр кыаҕа суох;
8Эн биһигини өстөөхтөрбүтүттэн быыһыырыҥ,
биһигини абааһы көрөөччүлэри саатырдарыҥ.
9Айыы Таҥарабытынан биһиги өрүү хайҕанарбыт;
Эн ааккын үйэлэр тухары айхаллыахпыт. Села
10Оттон билигин Эн биһигини киэр анньан саатыртыҥ,
биһиги сэриилэрбитин кытта барсыбатыҥ.
11Өһөгөйдөөхтөн куотар аакка ыытаҥҥын,
өстөөхтөрбүт биһигини талыыллар.
12Эн биһигини, барааннары курдук, өлөртөрө биэрдиҥ,
туора омуктар ортолоругар үрэйдиҥ.
13Норуоккун туох да барыһа суох атыылаатыҥ,
кини сыанатын үрдэтэ барбатыҥ.
14Эн биһигини ыалларбытыгар ыыстаттыҥ,
тула олорооччулар элэктэригэр, үөҕүүлэригэр ыыттыҥ;
15норуоттар ортолоругар биһигини тыл домоҕо оҥордуҥ,
туора уустары бастарын быһа илгиһиннэрдиҥ.
16Уһун күнү быһа мин сааты-сууту тулуйабын,
сирэйим уотунан умайар –
17күлээччи, үөҕээччи саҥатыттан,
өстөөх киһи, иэстэһээччи, хараҕыттан.
18Төһө да бу барыта үрдүбүтүгэр түстэр,
биһиги Эйигин умнубатыбыт,
Эн кэс тылгын кэспэтибит.
19-20Төһө да биһигини торҕоттор ордууларыгар сууһарбытыҥ,
төһө да өлүү күлүгүн биһиэхэ бүрүүкэппитиҥ иһин,
биһиги санаабыт Эйигиттэн тэйбэтэ,
Эн суолгуттан туораабатыбыт.
21Арай биһиги, Таҥарабыт аатын умнаммыт,
атын таҥараҕа илиибитин ууммут буолуубут,
22ама Таҥара, сүрэх кистэлэҥин курдат көрөөччү,
арыйыа суоҕа этэ дуо ону?
23Эн тускуттан биһигини күннэтэ өлөрөллөр,
туттарга анаммыт барааннары курдук көрөллөр.
24Оо, туруй, тоҕо утуйан хааллыҥ, Айыы Тойон?
Уһугун, биһигиттэн бүтэһиктээхтик аккаастаныма!
25Тоҕо Эн биһигиттэн киэр хайыһаҕын?
Тоҕо биһиги эрэйдэнэрбитин, баттанарбытын умнаҕын?
26Биһиги, быылга-буорга тэпсиллэн,
өрүттэр кыаҕа суох көлөттөн сытабыт.
27Туран, биһиэхэ көмөлөһө кэл,
үтүө санааҕыттан биһигини өрүһүйэн ыл.
© Институт перевода Библии, 2008-2022
Саалтыр 43
43
1Хуор салайааччытыгар. Корей уолаттарын үөрэтиитэ.
2Айыы Таҥара, былыр өбүгэлэрбит саҕана
Эн хайдахтаах дьайыылары оҥорбуккун
биһиги эт кулгаахпытынан истибиппит –
аҕаларбыт ону биһиэхэ кэпсээбиттэрэ.
3Эн, атын омуктары үүртэлээн баран,
кинилэр сирдэригэр өбүгэлэрбитин олордубутуҥ;
туора биис уустарын сууһартаан баран,
норуоккар көҥүлү тосхойбутуҥ.
4Өбүгэлэрбит бу сири кылыстарынан ылбатахтара,
бэйэлэрин кыахтарынан да быыһамматахтара:
Эн уҥа илииҥ, Эн күүһүҥ, Эн сирэйиҥ сырдыга
кинилэргэ кыайыыны биэрбитэ,
оннук үтүө сыһыаннааҕыҥ кинилэргэ.
5Эн буолаҕын мин Ыраахтааҕым, мин Таҥарам,
Иаковка кыайыыны Эн бэлэхтиигин.
6Эйигин кытта сылдьан, биһиги өстөөхпүтүн кыайыахпыт,
Эн ааккынан биһиги өрө турааччылары тэпсиэхпит.
7Ох саабар мин эрэммэппин,
кылыһым да миигин быыһыыр кыаҕа суох;
8Эн биһигини өстөөхтөрбүтүттэн быыһыырыҥ,
биһигини абааһы көрөөччүлэри саатырдарыҥ.
9Айыы Таҥарабытынан биһиги өрүү хайҕанарбыт;
Эн ааккын үйэлэр тухары айхаллыахпыт. Села
10Оттон билигин Эн биһигини киэр анньан саатыртыҥ,
биһиги сэриилэрбитин кытта барсыбатыҥ.
11Өһөгөйдөөхтөн куотар аакка ыытаҥҥын,
өстөөхтөрбүт биһигини талыыллар.
12Эн биһигини, барааннары курдук, өлөртөрө биэрдиҥ,
туора омуктар ортолоругар үрэйдиҥ.
13Норуоккун туох да барыһа суох атыылаатыҥ,
кини сыанатын үрдэтэ барбатыҥ.
14Эн биһигини ыалларбытыгар ыыстаттыҥ,
тула олорооччулар элэктэригэр, үөҕүүлэригэр ыыттыҥ;
15норуоттар ортолоругар биһигини тыл домоҕо оҥордуҥ,
туора уустары бастарын быһа илгиһиннэрдиҥ.
16Уһун күнү быһа мин сааты-сууту тулуйабын,
сирэйим уотунан умайар –
17күлээччи, үөҕээччи саҥатыттан,
өстөөх киһи, иэстэһээччи, хараҕыттан.
18Төһө да бу барыта үрдүбүтүгэр түстэр,
биһиги Эйигин умнубатыбыт,
Эн кэс тылгын кэспэтибит.
19-20Төһө да биһигини торҕоттор ордууларыгар сууһарбытыҥ,
төһө да өлүү күлүгүн биһиэхэ бүрүүкэппитиҥ иһин,
биһиги санаабыт Эйигиттэн тэйбэтэ,
Эн суолгуттан туораабатыбыт.
21Арай биһиги, Таҥарабыт аатын умнаммыт,
атын таҥараҕа илиибитин ууммут буолуубут,
22ама Таҥара, сүрэх кистэлэҥин курдат көрөөччү,
арыйыа суоҕа этэ дуо ону?
23Эн тускуттан биһигини күннэтэ өлөрөллөр,
туттарга анаммыт барааннары курдук көрөллөр.
24Оо, туруй, тоҕо утуйан хааллыҥ, Айыы Тойон?
Уһугун, биһигиттэн бүтэһиктээхтик аккаастаныма!
25Тоҕо Эн биһигиттэн киэр хайыһаҕын?
Тоҕо биһиги эрэйдэнэрбитин, баттанарбытын умнаҕын?
26Биһиги, быылга-буорга тэпсиллэн,
өрүттэр кыаҕа суох көлөттөн сытабыт.
27Туран, биһиэхэ көмөлөһө кэл,
үтүө санааҕыттан биһигини өрүһүйэн ыл.
© Институт перевода Библии, 2008-2022