Аман өһө 7
7
Сэлээрчэххэ сүрэххин сүүйтэримэ
1Уолум, мин эппиппин тутус,
кэскиллээх кэс тылбын ытыктаа.
2Кэриэс-хомуруос тылбынан олоххун оҥкуллан,
үөрэтэр үөрэхпин, хараҕыҥ харатыныы, харыстаа,
3биһилэх курдук, тарбаххар кэтэ сырыт,
сүрэҕиҥ ньууругар сурунан кэбис;
4Дириҥ муудараска: «Эн миэхэ эдьиийим буолаҕын!» – диэн эт,
олохтоох толкуйу чугас убайгынан ааттаа,
5оччоҕо эн туора киһи ойоҕуттан,
эрдээх дьахтар эйэҕэс тылыттан көмүскэллээх буолуоҕуҥ.
6Биирдэ мин олорор дьиэм түннүгүнэн өҥөйөн
эрэһиэҥкэ быыһынан бүдүйэн көрдөхпүнэ,
7арай биир эдэркээн уолан, уһуну-киэҥи санаабат төбөт,
уулуссаҕа тоҕуоруспут улдьаа уолаттар,
оҕо дьон быыстарынан ааһан,
8чэпчэки дьахтар олорор уулуссатыгар туораабыта,
чопчу кини дьиэтин быспыта.
9Күн киирэн боруҥуй түһэн эрэрэ,
им балай хараҥа түүн иэһийэн иһэрэ.
10Онтон көрбүтүм, арай дьахтар уолга утары тахсан кэлбитэ;
ол эр дьону угуйардыы таҥныбыт, уодаһыннаах санаалаах,
11айдааннаах-куйдааннаах, баламат быһыылаах-майгылаах,
дьиэтигэр-уотугар түптээн-таптаан олорбот,
12арыт уулуссаҕа, арыт болуоссакка баран турар,
муннук-муннук ахсын эр дьону манаһар сэлээрчэх,
13уолу харбаан ылаат, кинини уураан барбыта
уонна ымыттан да көрбөккө эппитэ:
14«Мин сиэртибэ биэрээри, сүөһү өлөрдүм,
мэктиэ тылбын бүгүн дьэ толордум.
15Ол иһин бу эйиэхэ утары таҕыстым,
хата көрдөөн-көрдөөн, эйигин булан ыллым.
16Доҕоччуок, мин утуйар ороммун мааны сабыынан,
Египет дьэрэкээн өҥнөөх таҥаһынан, саппытым,
17сытар тэллэхпэр минньигэс сыттаах мирра,
алоэ уонна киннамон ыспытым.
18Чэ, киириэх, сарсыардааҥҥа диэри таптаһыах,
астына-дуоһуйа таҕылбытын тарҕатыах.
19Эрим билигин дьиэтигэр суох,
ыраах айаҥҥа аттаммыта.
20Көмүстээх көһүлүөгүн уктан барбыта,
ый эргэтэ биирдэ эргиллиэҕэ».
21Ити курдук аҕыластаан, албын тылынан абылаабыта,
эҥинэ бэйэлээх эйэҕэс тылынан эрийбитэ.
22Сонно уол кинини батыһан барбыта;
буойунаҕа илдьиллэр оҕустуу,
айаҕа табыллар табалыы#7:22 …айаҕа табыллар табалыы – Былыргы еврей тылынан суруллубут тиэкис бу кэрчигин ис хоһооно чуолкайа суох.,
23сүрэхпин ох дьөлө көтүө эрэ диэбэккэ,
көтөр курдук, туһахха иҥниэм диэн сэрэйэн да көрбөккө,
өлөр өлүү айаҕар киирэн биэрбитэ.
24Дьэ онон, уолаттарыам, мин этэрбин истиҥ,
аҕаҕыт тылын бигэтик өйдөөн кэбиһиҥ:
25чэпчэки дьахтарга сүрэххитин сүүйтэримэҥ,
кини содурдуур суолунан муна-тэнэ сүүрүмэҥ.
26Үксэ-дьүүлэ биллибэт эр бэртэрин кини сиэбитэ,
аата-ахса биллибэт көй дьону суорума суоллаабыта.
27Содур дьахтар дьиэтэ-уота – анараа дойду аартыга,
өлүү уораҕайын булларар амырыын суол айаҕа.
© Институт перевода Библии, 2008-2022
Аман өһө 7
7
Сэлээрчэххэ сүрэххин сүүйтэримэ
1Уолум, мин эппиппин тутус,
кэскиллээх кэс тылбын ытыктаа.
2Кэриэс-хомуруос тылбынан олоххун оҥкуллан,
үөрэтэр үөрэхпин, хараҕыҥ харатыныы, харыстаа,
3биһилэх курдук, тарбаххар кэтэ сырыт,
сүрэҕиҥ ньууругар сурунан кэбис;
4Дириҥ муудараска: «Эн миэхэ эдьиийим буолаҕын!» – диэн эт,
олохтоох толкуйу чугас убайгынан ааттаа,
5оччоҕо эн туора киһи ойоҕуттан,
эрдээх дьахтар эйэҕэс тылыттан көмүскэллээх буолуоҕуҥ.
6Биирдэ мин олорор дьиэм түннүгүнэн өҥөйөн
эрэһиэҥкэ быыһынан бүдүйэн көрдөхпүнэ,
7арай биир эдэркээн уолан, уһуну-киэҥи санаабат төбөт,
уулуссаҕа тоҕуоруспут улдьаа уолаттар,
оҕо дьон быыстарынан ааһан,
8чэпчэки дьахтар олорор уулуссатыгар туораабыта,
чопчу кини дьиэтин быспыта.
9Күн киирэн боруҥуй түһэн эрэрэ,
им балай хараҥа түүн иэһийэн иһэрэ.
10Онтон көрбүтүм, арай дьахтар уолга утары тахсан кэлбитэ;
ол эр дьону угуйардыы таҥныбыт, уодаһыннаах санаалаах,
11айдааннаах-куйдааннаах, баламат быһыылаах-майгылаах,
дьиэтигэр-уотугар түптээн-таптаан олорбот,
12арыт уулуссаҕа, арыт болуоссакка баран турар,
муннук-муннук ахсын эр дьону манаһар сэлээрчэх,
13уолу харбаан ылаат, кинини уураан барбыта
уонна ымыттан да көрбөккө эппитэ:
14«Мин сиэртибэ биэрээри, сүөһү өлөрдүм,
мэктиэ тылбын бүгүн дьэ толордум.
15Ол иһин бу эйиэхэ утары таҕыстым,
хата көрдөөн-көрдөөн, эйигин булан ыллым.
16Доҕоччуок, мин утуйар ороммун мааны сабыынан,
Египет дьэрэкээн өҥнөөх таҥаһынан, саппытым,
17сытар тэллэхпэр минньигэс сыттаах мирра,
алоэ уонна киннамон ыспытым.
18Чэ, киириэх, сарсыардааҥҥа диэри таптаһыах,
астына-дуоһуйа таҕылбытын тарҕатыах.
19Эрим билигин дьиэтигэр суох,
ыраах айаҥҥа аттаммыта.
20Көмүстээх көһүлүөгүн уктан барбыта,
ый эргэтэ биирдэ эргиллиэҕэ».
21Ити курдук аҕыластаан, албын тылынан абылаабыта,
эҥинэ бэйэлээх эйэҕэс тылынан эрийбитэ.
22Сонно уол кинини батыһан барбыта;
буойунаҕа илдьиллэр оҕустуу,
айаҕа табыллар табалыы#7:22 …айаҕа табыллар табалыы – Былыргы еврей тылынан суруллубут тиэкис бу кэрчигин ис хоһооно чуолкайа суох.,
23сүрэхпин ох дьөлө көтүө эрэ диэбэккэ,
көтөр курдук, туһахха иҥниэм диэн сэрэйэн да көрбөккө,
өлөр өлүү айаҕар киирэн биэрбитэ.
24Дьэ онон, уолаттарыам, мин этэрбин истиҥ,
аҕаҕыт тылын бигэтик өйдөөн кэбиһиҥ:
25чэпчэки дьахтарга сүрэххитин сүүйтэримэҥ,
кини содурдуур суолунан муна-тэнэ сүүрүмэҥ.
26Үксэ-дьүүлэ биллибэт эр бэртэрин кини сиэбитэ,
аата-ахса биллибэт көй дьону суорума суоллаабыта.
27Содур дьахтар дьиэтэ-уота – анараа дойду аартыга,
өлүү уораҕайын булларар амырыын суол айаҕа.
© Институт перевода Библии, 2008-2022