Аман өһө 5
5
Сэлээр дьахтартан сэрэтии
1Уолум! Мин муудараспын болҕойон иһит,
ыллыктаах санаабын ырыҥалыы сырыт,
2оччоҕо ырааҕы анаарар тыйыс-чэгиэн өйдөнүөҥ,
үүттээх-ааннаах тылгынан чиҥ билиигин көрдөрүөҥ.
3Туора киһи ойоҕо, уоһуттан мүөт аллыах,
эйэргээн, сымнаҕас тылынан-өһүнэн ньылҕарытыа,
4ол эрээри тиһэҕэр кини сытыган эрбэһиҥҥэ кубулуйуо,
сытыы кылыс болотунан эйигин сулуйуо.
5Сырыы дьахтар суола-ииһэ өлүү айаҕар түһэрэр,
анараа дойду аартыгар салайар.
6Олох суолун туһунан кини санаан да ылбат,
муна-тэнэ сылдьарын бэйэтэ да билбэт.
7Онон, уолум, мин этэрбин иһит,
элэ-была тылларбын быһа гыныма.
8Киһимсэх дьахтартан ырааҕынан сырыт,
кини дьиэтин айаҕар чугаһаама.
9Киниэхэ киириэҥ да, күүскүн-сэниэҕин туора дьоҥҥо эһиэҕиҥ,
олоҕуҥ сылларын хабыр дьоҥҥо барыаҕыҥ,
10баайгын-дуолгун атыттар туһаныахтара,
хара көлөһүҥҥүн туора дьон супту уулуохтара.
11Дьэ онтон өлөр-хаалар күҥҥэр,
иинэн-хатан, мөлтөөн-ахсаан олорон, муҥҥун ытыаҕыҥ:
12«Оо, сүбэлэрин-амаларын тоҕо аахайбатаҕым,
хомуруйар тылларын тоҕо ылымматаҕым буолуой!
13Үөрэтээччилэрим этэллэрин истэ да барбат этим,
сүбэлиир-амалыыр дьоммун сэҥээрбэт этим.
14Дьэ ол сэтигэр бу сир-буор сирэйдэнэн эрдэҕим
дьон-сэргэ көрөрүгэр, ким барыта истэригэр!»
15Утаххын бэйэҥ көлүйэҕиттэн ханнар,
иһэр уугун бэйэҥ холуодьаскыттан баһын.
16Тоҕо эн аһыыр ууҥ уулуссаҕа тохтуохтааҕый,
эн дьүүктэҥ уута киэҥ болуоссакка баһыллан сытыахтааҕый?
17Уугун бэйэҥ эрэ туһан –
туора дьоннуун үллэстимэ.
18Эн иһэр дьүүктэҥ уута алгыстаах буолуохтун –
эдэр сааһыҥ аргыһа, кэргэниҥ, сүрэххин үөрдүөхтүн.
19Талыы табаҥ, кэрэ сернаҥ –
кини түөһэ эйигин өрүүтүн дуоһутуохтун,
кини таптала куруутун туймаардар буолуохтун.
20Уолум! Тоҕо эн эрдээх дьахтарга умсугуйуохтааххыный,
тоҕо туора киһи ойоҕун кууһуохтааххыный?
21 Айыы Тойон киһи суолун-ииһин көрөн турар,
кини ыллыгын барытын ааҕа анаарар.
22Ким куһаҕаны оҥорор, ол бэйэтин угаайытыгар түбэһиэҕэ,
аньыытын-харатын туһаҕар иҥниэҕэ.
23Иитиитэ тиийбэккэ, кини өлүөҕэ,
далай акаарытыгар мунуоҕа.
© Институт перевода Библии, 2008-2022
Аман өһө 5
5
Сэлээр дьахтартан сэрэтии
1Уолум! Мин муудараспын болҕойон иһит,
ыллыктаах санаабын ырыҥалыы сырыт,
2оччоҕо ырааҕы анаарар тыйыс-чэгиэн өйдөнүөҥ,
үүттээх-ааннаах тылгынан чиҥ билиигин көрдөрүөҥ.
3Туора киһи ойоҕо, уоһуттан мүөт аллыах,
эйэргээн, сымнаҕас тылынан-өһүнэн ньылҕарытыа,
4ол эрээри тиһэҕэр кини сытыган эрбэһиҥҥэ кубулуйуо,
сытыы кылыс болотунан эйигин сулуйуо.
5Сырыы дьахтар суола-ииһэ өлүү айаҕар түһэрэр,
анараа дойду аартыгар салайар.
6Олох суолун туһунан кини санаан да ылбат,
муна-тэнэ сылдьарын бэйэтэ да билбэт.
7Онон, уолум, мин этэрбин иһит,
элэ-была тылларбын быһа гыныма.
8Киһимсэх дьахтартан ырааҕынан сырыт,
кини дьиэтин айаҕар чугаһаама.
9Киниэхэ киириэҥ да, күүскүн-сэниэҕин туора дьоҥҥо эһиэҕиҥ,
олоҕуҥ сылларын хабыр дьоҥҥо барыаҕыҥ,
10баайгын-дуолгун атыттар туһаныахтара,
хара көлөһүҥҥүн туора дьон супту уулуохтара.
11Дьэ онтон өлөр-хаалар күҥҥэр,
иинэн-хатан, мөлтөөн-ахсаан олорон, муҥҥун ытыаҕыҥ:
12«Оо, сүбэлэрин-амаларын тоҕо аахайбатаҕым,
хомуруйар тылларын тоҕо ылымматаҕым буолуой!
13Үөрэтээччилэрим этэллэрин истэ да барбат этим,
сүбэлиир-амалыыр дьоммун сэҥээрбэт этим.
14Дьэ ол сэтигэр бу сир-буор сирэйдэнэн эрдэҕим
дьон-сэргэ көрөрүгэр, ким барыта истэригэр!»
15Утаххын бэйэҥ көлүйэҕиттэн ханнар,
иһэр уугун бэйэҥ холуодьаскыттан баһын.
16Тоҕо эн аһыыр ууҥ уулуссаҕа тохтуохтааҕый,
эн дьүүктэҥ уута киэҥ болуоссакка баһыллан сытыахтааҕый?
17Уугун бэйэҥ эрэ туһан –
туора дьоннуун үллэстимэ.
18Эн иһэр дьүүктэҥ уута алгыстаах буолуохтун –
эдэр сааһыҥ аргыһа, кэргэниҥ, сүрэххин үөрдүөхтүн.
19Талыы табаҥ, кэрэ сернаҥ –
кини түөһэ эйигин өрүүтүн дуоһутуохтун,
кини таптала куруутун туймаардар буолуохтун.
20Уолум! Тоҕо эн эрдээх дьахтарга умсугуйуохтааххыный,
тоҕо туора киһи ойоҕун кууһуохтааххыный?
21 Айыы Тойон киһи суолун-ииһин көрөн турар,
кини ыллыгын барытын ааҕа анаарар.
22Ким куһаҕаны оҥорор, ол бэйэтин угаайытыгар түбэһиэҕэ,
аньыытын-харатын туһаҕар иҥниэҕэ.
23Иитиитэ тиийбэккэ, кини өлүөҕэ,
далай акаарытыгар мунуоҕа.
© Институт перевода Библии, 2008-2022