Аман өһө 11
11
1 Айыы Тойон албын ыйааһыны абааһы көрөр,
Кини көнө атыыны-тутууну сөбүлүүр.
2Улаханнык сананыаҥ – саакка-суукка барыаҥ;
муударай киһи сэмэй.
3Көнө киһини ыраас сигилитэ сирдиэҕэ,
оттон уодаһыннааҕы уодаһына өлөрүөҕэ.
4Таҥара уордайар күнүгэр баайыҥ-дуолуҥ эйигин абырыа суоҕа,
оттон көнө быһыыҥ өлөртөн өрүһүйүөҕэ.
5Көнө быһыы, ыраас сигили эркээйилээх суолунан сирдииллэр,
оттон сидьиҥ сидьиҥи оҥоро сылдьан охтуоҕа.
6Көнө дууһалааҕы кырдьыга быыһыаҕа,
оттон уодаһыннааҕы кыдьыга алдьатыаҕа.
7Куһаҕан киһи өллө да, эрэммитэ барыта сүтүөҕэ,
хара санаалаахтар баҕалара туолуо суоҕа.
8Кырдьыксыт алдьархайтан быыһаныаҕа,
кини оннугар нэгэй киирэн биэриэҕэ.
9Таҥараны билиммэт киһи тыла-өһө дьону сатарытар,
ол эрээри көнө дьон билиилэринэн быыһаныахтара.
10Үтүө киһи этэҥҥэ олордоҕуна куорат бүттүүнэ үөрэр,
оттон куһаҕан дьон өллөҕүнэ дьоро кэм үүнэр.
11Көнө дьон алгыһа куораты албан аатырдар,
куһаҕан дьон тыла айгыратар.
12Акаары киһи атыттары сиилиир-хоһулуур,
оттон өйдөөх тугу да саҥарбат.
13Хобу-сиби таһааччы дьон кистэлэҥин ускайдыыр,
оттон эрэллээх киһи ону харыстыыр.
14Үтүө сүбэтэ-амата суох норуот сатарыйар,
оттон сүбэһит элбэҕэр быыһанар.
15Туора киһи туһугар илии охсуһуоҥ – сору булунуоҥ,
эрэннэрэргэ тиэтэйбэт ордук – холкутук олоруоҥ.
16Үтүө майгылаах дьахтар ытыктаныаҕа,
дьүккүөрдээх үлэһит байыаҕа.
17Үтүө санаалаах бэйэтигэр үтүөнү оҥостор,
хаҕыс майгылаах бэйэтигэр алдьархайы ыҥырар.
18Куһаҕаны оҥорооччу албын манньаны ылар,
оттон үтүөнү үксэтээччи дьиҥ манньаҕа тиксэр.
19Үтүөнү оҥорооччу олоҕун оҥкулланар,
оттон кири-дьайы сырсааччы өлөргө дьулуһар.
20Сидьиҥнэртэн Айыы Тойон сиргэнэр,
Кини иҥэ-дьаҥа суох көнө дьонтон үөрэр.
21Саараама даҕаны: хара дьайдаах киһи накаастабылтан куотуо суоҕа,
оттон көнө суолунан сылдьааччы быыһаныаҕа.
22Кыраһыабай гынан баран, акаары дьахтар
таныытыгар кыһыл көмүс көлөөскөлөөх сибиинньэ кэриэтэ.
23Үтүө киһи эрэмньитэ үтүөнү эргитэр,
оттон хара санаалаахтар ыралара Таҥараны уордатар.
24Сорох дэлэйдик бэрсэр эрээри, эбии байар-тайар,
сорох, сиэри таһынан кэччэйэрин үрдүнэн, дьадайар.
25Байым илиилээх баайдык олоруоҕа,
утаппыт утаҕын ханнарааччы уута суох хаалыа суоҕа.
26Бурдугу кистэнээччини дьон-сэргэ кырыыр,
оттон атыыга таһаарааччыны алгыыр.
27Ким үтүөҕэ дьулуһар, ол Таҥара алгыһын ылар,
ким кири-дьайы эккирэтэр, ол бэйэтигэр куһаҕаны ыҥырар.
28Баайыгар эрэнээччи эстиэҕэ,
оттон үтүө киһи киил мастыы чэлгийиэҕэ.
29Дьиэтин-уотун үрэйээччи тиһэҕэр кураанаҕы кууһуоҕа,
акаары киһи муударайга кулуттуоҕа.
30Көнө быһыы үүнүүтэ – олох Аал луук маһа;
муударай киһи дьон кутун тутар#11:30 Былыргы еврей тылынан суруллубут тиэкис бу кэрчигин ис хоһооно чуолкайа суох..
31Үтүө киһи манньатын бу сиргэ ылар эбит буоллаҕына,
нэгэй быһыылаах, аньыылаах киһи буруйданара биллэн турар.
© Институт перевода Библии, 2008-2022
Аман өһө 11
11
1 Айыы Тойон албын ыйааһыны абааһы көрөр,
Кини көнө атыыны-тутууну сөбүлүүр.
2Улаханнык сананыаҥ – саакка-суукка барыаҥ;
муударай киһи сэмэй.
3Көнө киһини ыраас сигилитэ сирдиэҕэ,
оттон уодаһыннааҕы уодаһына өлөрүөҕэ.
4Таҥара уордайар күнүгэр баайыҥ-дуолуҥ эйигин абырыа суоҕа,
оттон көнө быһыыҥ өлөртөн өрүһүйүөҕэ.
5Көнө быһыы, ыраас сигили эркээйилээх суолунан сирдииллэр,
оттон сидьиҥ сидьиҥи оҥоро сылдьан охтуоҕа.
6Көнө дууһалааҕы кырдьыга быыһыаҕа,
оттон уодаһыннааҕы кыдьыга алдьатыаҕа.
7Куһаҕан киһи өллө да, эрэммитэ барыта сүтүөҕэ,
хара санаалаахтар баҕалара туолуо суоҕа.
8Кырдьыксыт алдьархайтан быыһаныаҕа,
кини оннугар нэгэй киирэн биэриэҕэ.
9Таҥараны билиммэт киһи тыла-өһө дьону сатарытар,
ол эрээри көнө дьон билиилэринэн быыһаныахтара.
10Үтүө киһи этэҥҥэ олордоҕуна куорат бүттүүнэ үөрэр,
оттон куһаҕан дьон өллөҕүнэ дьоро кэм үүнэр.
11Көнө дьон алгыһа куораты албан аатырдар,
куһаҕан дьон тыла айгыратар.
12Акаары киһи атыттары сиилиир-хоһулуур,
оттон өйдөөх тугу да саҥарбат.
13Хобу-сиби таһааччы дьон кистэлэҥин ускайдыыр,
оттон эрэллээх киһи ону харыстыыр.
14Үтүө сүбэтэ-амата суох норуот сатарыйар,
оттон сүбэһит элбэҕэр быыһанар.
15Туора киһи туһугар илии охсуһуоҥ – сору булунуоҥ,
эрэннэрэргэ тиэтэйбэт ордук – холкутук олоруоҥ.
16Үтүө майгылаах дьахтар ытыктаныаҕа,
дьүккүөрдээх үлэһит байыаҕа.
17Үтүө санаалаах бэйэтигэр үтүөнү оҥостор,
хаҕыс майгылаах бэйэтигэр алдьархайы ыҥырар.
18Куһаҕаны оҥорооччу албын манньаны ылар,
оттон үтүөнү үксэтээччи дьиҥ манньаҕа тиксэр.
19Үтүөнү оҥорооччу олоҕун оҥкулланар,
оттон кири-дьайы сырсааччы өлөргө дьулуһар.
20Сидьиҥнэртэн Айыы Тойон сиргэнэр,
Кини иҥэ-дьаҥа суох көнө дьонтон үөрэр.
21Саараама даҕаны: хара дьайдаах киһи накаастабылтан куотуо суоҕа,
оттон көнө суолунан сылдьааччы быыһаныаҕа.
22Кыраһыабай гынан баран, акаары дьахтар
таныытыгар кыһыл көмүс көлөөскөлөөх сибиинньэ кэриэтэ.
23Үтүө киһи эрэмньитэ үтүөнү эргитэр,
оттон хара санаалаахтар ыралара Таҥараны уордатар.
24Сорох дэлэйдик бэрсэр эрээри, эбии байар-тайар,
сорох, сиэри таһынан кэччэйэрин үрдүнэн, дьадайар.
25Байым илиилээх баайдык олоруоҕа,
утаппыт утаҕын ханнарааччы уута суох хаалыа суоҕа.
26Бурдугу кистэнээччини дьон-сэргэ кырыыр,
оттон атыыга таһаарааччыны алгыыр.
27Ким үтүөҕэ дьулуһар, ол Таҥара алгыһын ылар,
ким кири-дьайы эккирэтэр, ол бэйэтигэр куһаҕаны ыҥырар.
28Баайыгар эрэнээччи эстиэҕэ,
оттон үтүө киһи киил мастыы чэлгийиэҕэ.
29Дьиэтин-уотун үрэйээччи тиһэҕэр кураанаҕы кууһуоҕа,
акаары киһи муударайга кулуттуоҕа.
30Көнө быһыы үүнүүтэ – олох Аал луук маһа;
муударай киһи дьон кутун тутар#11:30 Былыргы еврей тылынан суруллубут тиэкис бу кэрчигин ис хоһооно чуолкайа суох..
31Үтүө киһи манньатын бу сиргэ ылар эбит буоллаҕына,
нэгэй быһыылаах, аньыылаах киһи буруйданара биллэн турар.
© Институт перевода Библии, 2008-2022