Аман өһө 1
1
Аан тыл
1 Давид уолун, Израиль ыраахтааҕытын Соломуон аман өһө
2эһигини муудараска, үтүөҕэ үөрэтэн-такайан,
бэргэн этиилэр дириҥ ис номохторун арыйан,
3олоххутун оттомноохтук олорорго уһуйуо,
көнө, кырдьыксыт, ыраас сүрэхтээх буоларгытыгар көмөлөһүө.
4Оччоҕо ким кэнэн, ол имигэс өйдөнүө,
ким эдэр, ол үөрэнэн, уһуну-киэҥи толкуйдуо;
5муударай да истэн, билиитэ эбии дириҥиэ;
мындыр киһи сөптөөх сүбэни-аманы булан ылан,
6аман өһү, тэгилитиилээх этиилэр суолталарын,
өркөн өйдөөхтөр тылларын тамаҕын,
таайтарбыт таабырыннарын ырыҥалыа.
7 Айыы Тойоҥҥо # 1:7 Айыы Тойон – Таҥара Эргэ Кэс Тылга суруллубут «Яхве», ол аата «Кини баар», эбэтэр «Кини олоҕу биэрэр» диэн суолталаах ытык аата бу тылбааска улахан буукубаларынан бэриллэр. ытыктабыл – бу баар билии-көрүү төрдө!
Муудараһы, сиэрдээх сүбэни-аманы арай акаарылар аахайбаттар.
Талабырдьыттартан сэрэтии
8Уолум, аҕаҥ сүбэлээн этэрин иһит,
ийэҥ үөрэппит үөрэҕин сиргэ-буорга кэбиһимэ.
9Төрөппүттэриҥ сүбэтэ төбөҕөр кэтэр үтүөкэн бөнүөгүҥ,
моонньугар иилинэр кылдьыы киэргэлиҥ буолуохтун.
10Тоойуом, аньыылаахтар эйигин куһаҕаҥҥа кучуйа сатаатахтарына,
эн кинилэргэ киирэн биэримэ.
11«Биһигини кытта барыс, – диэн уккуйуохтара. –
Тоһуур оҥорон уу субай хааннарын тоҕуохпут,
көр-оонньуу кэриэтэ буруйа суохтары көһүтүөхпүт!
12Өлүү айаҕа буоламмыт, кинилэри тыыннаахтыы ыйыстыахпыт,
өлүөхсүттэри мэҥиэстэр иин курдук, бүтүннүү мэҥиэстиэхпит.
13Эҥин-эгэлгэ күндү баайы-малы булунуохпут,
былдьаан-талаан ылан, дьиэбитин-уоппутун толоруохпут.
14Эн биһигини кытта бииргэ түөрэх кэбиһиэҥ,
булумньубутун тэҥҥэ үллэстиэҥ!»
15Уолум, куһаҕан дьоннуун куодарыһыма,
кинилэр ыллыктарын ыырданыма:
16хара дьайдаахтар алдьархайы тардаары сырсаллар,
киһи хаанын тоҕоору тиэтэйэллэр.
17Көтө-дайа сылдьар үөр чыычаах көрөрүгэр
кинилэргэ доҕуур иитэн көдьүүһүрбэккин эбээт;
18син ол кэриэтэ ороспуойдар эмиэ, тоһуур оҥоробут диэн,
бэйэлэрэ өлөллөрүн оҥостоллор.
19Босхоҕо суудайааччы суола ити курдук муҥурданыаҕа:
былдьаан-талаан ылабын диэн, былаҕайга былдьаныаҕа.
Дириҥ муударас бар дьону ыҥырыыта
20Дириҥ муударас#1:20 Муударас – Былыргы еврейдии тиэкискэ бу тыл женскэй родка турар, ол иһин муударас дьахтар уобараһынан хоһуйуллар. саҥата уулуссаҕа эҥсиллэр,
дорҕоонноох куолаһа болуоссаттарга дуораһыйар;
21кини дьон-сэргэ тоҕуоруйар сиригэр кэлэн ыҥырар,
куорат олбуорун айаҕар туран этэр:
22«Хаһааҥҥа диэри, ньүдьү-балайдар, хараҥаны ордороҕут,
кэрээнэ суохтар, муудараһы күлүү-элэк оҥостоҕут,
өйө суохтар, билиини абааһы көрөҕүт?
23Болҕойуҥ мин сэмэлиир саҥабын:
билигин мин ис санаабын эһиэхэ биллэриэм,
этэр тылбын иһитиннэриэм.
24Эһигини ыҥырарым да, эһиги миигиттэн киэр хайыспыккыт,
илиибин утары уунарым да, миигин хайаҕыт да аахайбатаххыт.
25Мин биир да сүбэбин-амабын сэргээбэтэххит,
сэмэлээн этэрбин сэҥээрбэтэххит.
26Дьэ ол иһин мин эмиэ, иэдээҥҥэ түбэстэххитинэ, бэйэҕитин күлүөҕүм,
улуу кутталга ыллардаххытына, бэйэҕитин оонньуу оҥостуоҕум.
27Аан алдьархай ала буурҕалыы ытыйдаҕына,
улуу куттал добун холоруктуу бурайдаҕына,
кыһалҕаҕа ылларан, кыһарҕаҥҥа ыктаран,
28миигин ыҥырыаххыт да, мин хардарыам суоҕа,
миигин көрдүү сатыаххыт да, булуоххут суоҕа.
29Дьэ онон, эһиги билиини абааһы көрбүккүт,
Айыы Тойоҥҥо бас бэриниэххитин баҕарбатаххыт,
30мин сүбэлиирбин-амалыырбын ылымматаххыт,
өйдөтөн эппиппин барытын кэспиккит сэтигэр
31айбардаабыт аньыыгыт бэйэҕитин аймыаҕа,
куомуннаспыт куһаҕаҥҥыт бэйэҕитин буулуоҕа,
32тоҕо диэтэххэ, ньүдьү-балайдар өһөстөрүгэр өлөллөр,
акаарылар аахайбакка алдьаналлар.
33Оттон ким миигин истэр, ол холкутук олоруоҕа –
кини туох да куһаҕантан куттаныа суоҕа».
© Институт перевода Библии, 2008-2022
Аман өһө 1
1
Аан тыл
1 Давид уолун, Израиль ыраахтааҕытын Соломуон аман өһө
2эһигини муудараска, үтүөҕэ үөрэтэн-такайан,
бэргэн этиилэр дириҥ ис номохторун арыйан,
3олоххутун оттомноохтук олорорго уһуйуо,
көнө, кырдьыксыт, ыраас сүрэхтээх буоларгытыгар көмөлөһүө.
4Оччоҕо ким кэнэн, ол имигэс өйдөнүө,
ким эдэр, ол үөрэнэн, уһуну-киэҥи толкуйдуо;
5муударай да истэн, билиитэ эбии дириҥиэ;
мындыр киһи сөптөөх сүбэни-аманы булан ылан,
6аман өһү, тэгилитиилээх этиилэр суолталарын,
өркөн өйдөөхтөр тылларын тамаҕын,
таайтарбыт таабырыннарын ырыҥалыа.
7 Айыы Тойоҥҥо # 1:7 Айыы Тойон – Таҥара Эргэ Кэс Тылга суруллубут «Яхве», ол аата «Кини баар», эбэтэр «Кини олоҕу биэрэр» диэн суолталаах ытык аата бу тылбааска улахан буукубаларынан бэриллэр. ытыктабыл – бу баар билии-көрүү төрдө!
Муудараһы, сиэрдээх сүбэни-аманы арай акаарылар аахайбаттар.
Талабырдьыттартан сэрэтии
8Уолум, аҕаҥ сүбэлээн этэрин иһит,
ийэҥ үөрэппит үөрэҕин сиргэ-буорга кэбиһимэ.
9Төрөппүттэриҥ сүбэтэ төбөҕөр кэтэр үтүөкэн бөнүөгүҥ,
моонньугар иилинэр кылдьыы киэргэлиҥ буолуохтун.
10Тоойуом, аньыылаахтар эйигин куһаҕаҥҥа кучуйа сатаатахтарына,
эн кинилэргэ киирэн биэримэ.
11«Биһигини кытта барыс, – диэн уккуйуохтара. –
Тоһуур оҥорон уу субай хааннарын тоҕуохпут,
көр-оонньуу кэриэтэ буруйа суохтары көһүтүөхпүт!
12Өлүү айаҕа буоламмыт, кинилэри тыыннаахтыы ыйыстыахпыт,
өлүөхсүттэри мэҥиэстэр иин курдук, бүтүннүү мэҥиэстиэхпит.
13Эҥин-эгэлгэ күндү баайы-малы булунуохпут,
былдьаан-талаан ылан, дьиэбитин-уоппутун толоруохпут.
14Эн биһигини кытта бииргэ түөрэх кэбиһиэҥ,
булумньубутун тэҥҥэ үллэстиэҥ!»
15Уолум, куһаҕан дьоннуун куодарыһыма,
кинилэр ыллыктарын ыырданыма:
16хара дьайдаахтар алдьархайы тардаары сырсаллар,
киһи хаанын тоҕоору тиэтэйэллэр.
17Көтө-дайа сылдьар үөр чыычаах көрөрүгэр
кинилэргэ доҕуур иитэн көдьүүһүрбэккин эбээт;
18син ол кэриэтэ ороспуойдар эмиэ, тоһуур оҥоробут диэн,
бэйэлэрэ өлөллөрүн оҥостоллор.
19Босхоҕо суудайааччы суола ити курдук муҥурданыаҕа:
былдьаан-талаан ылабын диэн, былаҕайга былдьаныаҕа.
Дириҥ муударас бар дьону ыҥырыыта
20Дириҥ муударас#1:20 Муударас – Былыргы еврейдии тиэкискэ бу тыл женскэй родка турар, ол иһин муударас дьахтар уобараһынан хоһуйуллар. саҥата уулуссаҕа эҥсиллэр,
дорҕоонноох куолаһа болуоссаттарга дуораһыйар;
21кини дьон-сэргэ тоҕуоруйар сиригэр кэлэн ыҥырар,
куорат олбуорун айаҕар туран этэр:
22«Хаһааҥҥа диэри, ньүдьү-балайдар, хараҥаны ордороҕут,
кэрээнэ суохтар, муудараһы күлүү-элэк оҥостоҕут,
өйө суохтар, билиини абааһы көрөҕүт?
23Болҕойуҥ мин сэмэлиир саҥабын:
билигин мин ис санаабын эһиэхэ биллэриэм,
этэр тылбын иһитиннэриэм.
24Эһигини ыҥырарым да, эһиги миигиттэн киэр хайыспыккыт,
илиибин утары уунарым да, миигин хайаҕыт да аахайбатаххыт.
25Мин биир да сүбэбин-амабын сэргээбэтэххит,
сэмэлээн этэрбин сэҥээрбэтэххит.
26Дьэ ол иһин мин эмиэ, иэдээҥҥэ түбэстэххитинэ, бэйэҕитин күлүөҕүм,
улуу кутталга ыллардаххытына, бэйэҕитин оонньуу оҥостуоҕум.
27Аан алдьархай ала буурҕалыы ытыйдаҕына,
улуу куттал добун холоруктуу бурайдаҕына,
кыһалҕаҕа ылларан, кыһарҕаҥҥа ыктаран,
28миигин ыҥырыаххыт да, мин хардарыам суоҕа,
миигин көрдүү сатыаххыт да, булуоххут суоҕа.
29Дьэ онон, эһиги билиини абааһы көрбүккүт,
Айыы Тойоҥҥо бас бэриниэххитин баҕарбатаххыт,
30мин сүбэлиирбин-амалыырбын ылымматаххыт,
өйдөтөн эппиппин барытын кэспиккит сэтигэр
31айбардаабыт аньыыгыт бэйэҕитин аймыаҕа,
куомуннаспыт куһаҕаҥҥыт бэйэҕитин буулуоҕа,
32тоҕо диэтэххэ, ньүдьү-балайдар өһөстөрүгэр өлөллөр,
акаарылар аахайбакка алдьаналлар.
33Оттон ким миигин истэр, ол холкутук олоруоҕа –
кини туох да куһаҕантан куттаныа суоҕа».
© Институт перевода Библии, 2008-2022