मरकुस 8
8
येसुस चार हजार आलारिन ओन्त'अदस
(मत्ता 15:32-39)
1अबड़ा उल्ला नू फिन ओन्टा कोहाँ गोंहड़ा येसुसी ओनबेंड़र'आ ख़ूँड़रकी रहचा। अरा आर ही ओन्द्रका ओन्ना-मॊख़ना मुंज्रा केरा। ख़ने येसुस तंग्है चेलारिन मॆख़रकी बाचस, 2“एंगा ई गोंहड़न सोग्गे लग्गी, एन्देरगेका ईर तीन उल्ला ती एंग्है गने र'अनर। अक्कुन गा आर ही गुसन ओन्ना-मॊख़ना मुंज्रा। 3ऎन आरिन कूल कीड़ा ती एड़पा तइय्योन होले, आर डहरे नू पयहा मनोर क'ओर, एन्देरगेका जोक्को आलर गेच्छा ती बरचकानर।”
4ख़ने आसी चेलर आसिन बाचर, “इबड़ा आलर गे चाड़ पूरती ओन्त'आ गे ओन्ना-मॊख़नन इसन ई उछिन्द अड्डा नू एकासे बेद्दोम?”
5ख़ने येसुस आरिन मेंजस, “निम्है गुसन ऎ बग्गे असमा र'ई?” आर बाचर, “सात गोटंग र'ई।”
6ख़ने आस गोंहड़ा आबोन ख़ॆख़ेल नू ओक्का गे आनियस। अरा आस सात असमन होच्चस, अरा धर्मेसिन धन्यवाद ननरकी अदन किच्चियस। फिन आस गोंहड़ा गे चि'आ गे अबड़न तंग्है चेलर गुसन चिच्चस। अरा चेलर अदन गोंहड़ा गे ख़ट्टियर। 7आर गुसन जुक्किम सन्नी इंजो हूँ रहचा। आस धर्मेसिन बिन्ती ननरकी अदन गोंहड़ा नू ख़ट्टा गे चेलर गे चिच्चस। 8आलर मॊख़रकी उड़चर केरर। अरा चेलर एंगरका कुटका असमन पेत्तर ती सात डउड़ा निन्दर। 9आ गोंहड़ा नू मलागूटी चार हजार आलर रहचर। 10तहाँ येसुस गोंहड़ा आबोन तइय्यस। फिन आस लॆम चेलर गने डोंगा नू अरगियस अरा डलमनूता जिला तरा केरस।
फरिसीर अकबक चिन्हा मेर्ख़ा ती ने'अनर
(मत्ता 16:1-4)
11असन जोक्क फरिसीर येसुस गुसन बर'अरकी कत्था बरता नना हेलरर। अरा आसिन बझाब'आ गे मेर्ख़ा ती इन्द्रिइम अकबक नलख ही चिन्हा नॆचर।#मत्ता 12:38; लूक 11:16 12इदन मेनरकी आस तंग्है बॊलता नू नगदे ख़ोदख़रनुम बाचस, “एन्देरगे ई परिया ता आलर अकबक नलख ही चिन्हा बेद्दनर?, ऎन निमन मानिम ब'अदन, ऎन ई परिया ता आलर गे एन्देर चिन्हा हूँ मल चि'ओन।”#मत्ता 12:39; लूक 11:29 13एन्ने बाचका ख़ॊख़ा येसुस आरिन अम्बरकी डोंगा नू अरगियस ती आ पक्खे काला हेलरस।
फरिसीर अरा हॆरॊदॆर ही बिदगी ही पत्त नू येसुस चेताब'अदस
(मत्ता 16:5-12)
14काना नू चेलर ओन्ना-मॊख़नन हो'आ गे मोधरका रहचर, अरा डोंगा नू आर गुसन ओन्टा लेका असमा रहचा। 15येसुस आरिन चेताबाचस, “ऎरा, नीम फरिसीर अरा हॆरॊदॆर ही बिदगी#8:15 येसुस इसन फरिसीर अरा हॆरॊदॆर ही उत्तुरमाड़ू चालन अरा सिखाब'अनन ‘बिदगी’ ब'अदस। मत्ता 16:12 ती नाम इदन अख़'आ ओंग्दत। ही पत्त नू बड़ियर र'अके।”#लूक 12:1
16आर ताम ताम नू बाचनखर'आ हेलरर, “आस इदन ब'अदस एन्देरगेका नम्है गुसन असमा मल्ला।”
17आर एन्देर ब'आ लगियर अदिन येसुस अक्खस, ख़ने आस बाचस, “निम्है गुसन असमा मल्ला अदही पत्त नू नीम एन्देरगे बाचनखर'आ लगदर? नीम अक्कुन गूटी बलदर अरा मल बुझुरदर का? निमा सिख्र'आ मल तुक्की का? 18निमा ऎरा गे ख़न्न र'ई लिकिन मल बुझुरदर। निमा मेना गे ख़ेबदा र'ई लिकिन मल बुझुरदर। एंग्है नंजका अकबक नलख निमा गे सुरता मल र'ई का?#यिर्म 5:21; यहेज 12:2; मर 4:12 19एकाबारी ऎन पांच हजार आलर गे पांच गोटंग असमा ती मॊख़ताचकन, ख़ने नीम असमा ही एंगरका टुटकन पेत्तकर ती एवन्दा डउड़ा निन्दकर?” आर आसिन बाचर, “बारा डउड़ा” 20“अरा एकाबारी चार हजार आलर गे सात गोटंग असमा ती ओन्ताचकन, ख़ने नीम असमा ही एंगरका टुटकन पेत्तकर ती एवन्दा डउड़ा नू निन्दकर?” आर आसिन बाचर, “सात डउड़ा”
21फिन आस आरिन बाचस, “नीम अक्कुन ऎन एन्देर ब'अदन अदिन बलदर का?”
येसुस अन्धासिन कोड़े नन्दस
22तहाँ येसुस अरा आसी चेलर बॆतसैदा पद्दा नू बरचर, ख़ने जोक्क आलर ओन्टा अन्धासिन येसुस गुसन ओन्द्रर। अरा आर येसुसिन आ आलासिन कोड़े नना गे ऎसड़'आ गे गोहरारर। 23आस अन्धासी ख़ेक्खन धर'अरकी पद्दा ती बहरी होच्चस। अरा येसुस आसी ख़न्न नू लालेन नंजस ती आसी मइय्याँ तंग्है ख़ेक्खन उइय्यस ती मेंजस, “नीन अक्कुन इन्द्रिइम ऎरा ओंग्दय का?”
24आस मॆन ऎररकी आसिन बाचस, “हाँ, ऎन आलारिन ऎरदन, लिकिन फरीफरी मल ईथर'ई, एन्देरगेका आलर एंगा गे ऎकना मन्न बेसे ऎथ्रनर।”
25ख़ने येसुस अउरिम ओंग्होन आसी ख़न्न नू ख़ेक्खा उइय्यस, ख़ने आस कोड़े मंज ख़च्चियस, अरा आस जम्मानिम फरीफरी ऎरा उंगियस। 26“नीन पद्दा नू अमके कोर'आ मुन्द निंग्है एड़पा कला,” अन्ने बाचस ती येसुस आसिन एड़पा तइय्यस।
पतरस ब'अदस येसुस मसीस हिकदस
(मत्ता 16:13-20; लूक 9:18-21)
27येसुस अरा आसी चेलर कैसरेया फिलिप्पी नगरे ही ओनबेंड़र'आ पद्दा नू केरर। कालो बारी डहरे नू आस तंग्है चेलारिन मेंजस, “आलर एंगन नॆ ब'अनर?” 28ख़ने आर किर्त'अर बाचर, “जोक्क आलर ब'अनर यॊहन नूड़रत'उस फिन उज्जनुम किर्रियस, अरा जोक्क आलर ब'अनर धर्मेसी कत्था तिंगुस एलियस, अरा नन्नर ब'अनर चिरान ता धर्मेसी कत्था तिंगुर ती ओर्तोस”#मर 6:14,15; लूक 9:7,8 29ख़ने येसुस आरिन मेंजस, “लिकिन नीम एंगन नॆ ब'अदर?” ख़ने पतरस आसिन किर्त'अर बाचस, “नीन मसी हिकदय।”#यॊ 6:68,69 30ख़ने आस आरिन चेताबाचस का एंग्है पत्त नू इदन नॆकन हूँ अमके तेंगा।
येसुस तंग्है खे'अनन मुन्द तेंगना
(मत्ता 16:21-28; लूक 9:22-27)
31ख़ने येसुस चेलारिन तेंगा हेलरस का “चाड़ र'ई मनवा ख़द्दन एंगा गे अजम खिलपत मन्ना मनो, अरा यहूदी सेयान आलर अरा मुध नैगर अरा नॆग सिखाब'उर एंगन दुस'ओर अरा पिटोर। लिकिन ऎन तीन उल्ला ख़ॊख़ा उज्जा चॊर'ओन।” 32आस चेलारिन ई कत्थन डिढ लगे तिंगियस। ख़ने पतरस आसिन तरकूटी हो'अरकी कड़का हेलरस।
33लिकिन येसुस तंग्है चेलर तरा किर्रे ऎररकी पतरसिन हबड़ाचस अरा बाचस, “नीन सैतान लेक्खा ब'आलदय, एंग्है मुन्दहारे ती गेच्छा मना! नीन धर्मेसी सोचना लेक्खा मल सोचदय, लिकिन आलर ही सोचना लेक्खा सोचदय।”
34फिन आस गोंहड़ा गने चेलारिन हेद्दे मीख़ियस अरा बाचस,#मत्ता 10:38; लूक 14:27 “नीकईम एंग्है चेला मना बेद्दोस होले, आस गे तान तंग्है नना बेद्दना लेका अम्बोर नना अरा तंग्है क्रुस#8:34 इय्या क्रुस ही माने ‘तंग्है मने ती खिलपत सहना अरा लज्जे मॊख़रना खे'आ गे हूँ’। आबोन चेड़'अरकी एंग्है गने चॊंख़्रना र'ई। 35नीकईम तंग्है उज्जनन तंग्गा गे उज्जा बेद्ददस होले आस धर्मेस गने जनमजुग ही उज्जनन एबस'ओस, लिकिन आस एंग्है चड्डे अरा एंग्है दौ कत्था ही चड्डे तंग्है उज्जनन चि'ओस होले आस धर्मेस गने जनमजुग ही उज्जनन ख़क्खोस।#मत्ता 10:39; लूक 17:33; यॊ 12:25 36ओन्टा आलस ई ख़ॆख़ेल ता उर्मी जिनिसन अर्ज'अदस, अरा धर्मेस गने जनमजुग ही उज्जनन एबसदस होले, आस गे एन्देर नाफा मनो? 37आलर धर्मेस गने जनमजुग ही उज्जनन ख़क्खा गे ऊजी नू एन्द्रन हूँ चि'आ पोल्लोर। 38पपहर ही ई परिया नू नीकईम एंग्है कत्थन इंझ्र'आ गे अरा ‘ऎन येसुसी चेला हिकदन’ एन्ने आलर मुन्दहारे तेंगा गे लजर'ओस होले, आसिन ऎन हूँ नेम्हा मेर्ख़ा पैकर गने एम्बासी महबा नू किर्रना बारी ‘ईस एंग्है चेलस हिकदस’ एन्ने ब'आ गे लजर'ओन।”
Kurux NT - पुना गच्छरना NT
Copyright © Bible Society of India, 2014.
Used by permission. All rights reserved worldwide.
मरकुस 8
8
येसुस चार हजार आलारिन ओन्त'अदस
(मत्ता 15:32-39)
1अबड़ा उल्ला नू फिन ओन्टा कोहाँ गोंहड़ा येसुसी ओनबेंड़र'आ ख़ूँड़रकी रहचा। अरा आर ही ओन्द्रका ओन्ना-मॊख़ना मुंज्रा केरा। ख़ने येसुस तंग्है चेलारिन मॆख़रकी बाचस, 2“एंगा ई गोंहड़न सोग्गे लग्गी, एन्देरगेका ईर तीन उल्ला ती एंग्है गने र'अनर। अक्कुन गा आर ही गुसन ओन्ना-मॊख़ना मुंज्रा। 3ऎन आरिन कूल कीड़ा ती एड़पा तइय्योन होले, आर डहरे नू पयहा मनोर क'ओर, एन्देरगेका जोक्को आलर गेच्छा ती बरचकानर।”
4ख़ने आसी चेलर आसिन बाचर, “इबड़ा आलर गे चाड़ पूरती ओन्त'आ गे ओन्ना-मॊख़नन इसन ई उछिन्द अड्डा नू एकासे बेद्दोम?”
5ख़ने येसुस आरिन मेंजस, “निम्है गुसन ऎ बग्गे असमा र'ई?” आर बाचर, “सात गोटंग र'ई।”
6ख़ने आस गोंहड़ा आबोन ख़ॆख़ेल नू ओक्का गे आनियस। अरा आस सात असमन होच्चस, अरा धर्मेसिन धन्यवाद ननरकी अदन किच्चियस। फिन आस गोंहड़ा गे चि'आ गे अबड़न तंग्है चेलर गुसन चिच्चस। अरा चेलर अदन गोंहड़ा गे ख़ट्टियर। 7आर गुसन जुक्किम सन्नी इंजो हूँ रहचा। आस धर्मेसिन बिन्ती ननरकी अदन गोंहड़ा नू ख़ट्टा गे चेलर गे चिच्चस। 8आलर मॊख़रकी उड़चर केरर। अरा चेलर एंगरका कुटका असमन पेत्तर ती सात डउड़ा निन्दर। 9आ गोंहड़ा नू मलागूटी चार हजार आलर रहचर। 10तहाँ येसुस गोंहड़ा आबोन तइय्यस। फिन आस लॆम चेलर गने डोंगा नू अरगियस अरा डलमनूता जिला तरा केरस।
फरिसीर अकबक चिन्हा मेर्ख़ा ती ने'अनर
(मत्ता 16:1-4)
11असन जोक्क फरिसीर येसुस गुसन बर'अरकी कत्था बरता नना हेलरर। अरा आसिन बझाब'आ गे मेर्ख़ा ती इन्द्रिइम अकबक नलख ही चिन्हा नॆचर।#मत्ता 12:38; लूक 11:16 12इदन मेनरकी आस तंग्है बॊलता नू नगदे ख़ोदख़रनुम बाचस, “एन्देरगे ई परिया ता आलर अकबक नलख ही चिन्हा बेद्दनर?, ऎन निमन मानिम ब'अदन, ऎन ई परिया ता आलर गे एन्देर चिन्हा हूँ मल चि'ओन।”#मत्ता 12:39; लूक 11:29 13एन्ने बाचका ख़ॊख़ा येसुस आरिन अम्बरकी डोंगा नू अरगियस ती आ पक्खे काला हेलरस।
फरिसीर अरा हॆरॊदॆर ही बिदगी ही पत्त नू येसुस चेताब'अदस
(मत्ता 16:5-12)
14काना नू चेलर ओन्ना-मॊख़नन हो'आ गे मोधरका रहचर, अरा डोंगा नू आर गुसन ओन्टा लेका असमा रहचा। 15येसुस आरिन चेताबाचस, “ऎरा, नीम फरिसीर अरा हॆरॊदॆर ही बिदगी#8:15 येसुस इसन फरिसीर अरा हॆरॊदॆर ही उत्तुरमाड़ू चालन अरा सिखाब'अनन ‘बिदगी’ ब'अदस। मत्ता 16:12 ती नाम इदन अख़'आ ओंग्दत। ही पत्त नू बड़ियर र'अके।”#लूक 12:1
16आर ताम ताम नू बाचनखर'आ हेलरर, “आस इदन ब'अदस एन्देरगेका नम्है गुसन असमा मल्ला।”
17आर एन्देर ब'आ लगियर अदिन येसुस अक्खस, ख़ने आस बाचस, “निम्है गुसन असमा मल्ला अदही पत्त नू नीम एन्देरगे बाचनखर'आ लगदर? नीम अक्कुन गूटी बलदर अरा मल बुझुरदर का? निमा सिख्र'आ मल तुक्की का? 18निमा ऎरा गे ख़न्न र'ई लिकिन मल बुझुरदर। निमा मेना गे ख़ेबदा र'ई लिकिन मल बुझुरदर। एंग्है नंजका अकबक नलख निमा गे सुरता मल र'ई का?#यिर्म 5:21; यहेज 12:2; मर 4:12 19एकाबारी ऎन पांच हजार आलर गे पांच गोटंग असमा ती मॊख़ताचकन, ख़ने नीम असमा ही एंगरका टुटकन पेत्तकर ती एवन्दा डउड़ा निन्दकर?” आर आसिन बाचर, “बारा डउड़ा” 20“अरा एकाबारी चार हजार आलर गे सात गोटंग असमा ती ओन्ताचकन, ख़ने नीम असमा ही एंगरका टुटकन पेत्तकर ती एवन्दा डउड़ा नू निन्दकर?” आर आसिन बाचर, “सात डउड़ा”
21फिन आस आरिन बाचस, “नीम अक्कुन ऎन एन्देर ब'अदन अदिन बलदर का?”
येसुस अन्धासिन कोड़े नन्दस
22तहाँ येसुस अरा आसी चेलर बॆतसैदा पद्दा नू बरचर, ख़ने जोक्क आलर ओन्टा अन्धासिन येसुस गुसन ओन्द्रर। अरा आर येसुसिन आ आलासिन कोड़े नना गे ऎसड़'आ गे गोहरारर। 23आस अन्धासी ख़ेक्खन धर'अरकी पद्दा ती बहरी होच्चस। अरा येसुस आसी ख़न्न नू लालेन नंजस ती आसी मइय्याँ तंग्है ख़ेक्खन उइय्यस ती मेंजस, “नीन अक्कुन इन्द्रिइम ऎरा ओंग्दय का?”
24आस मॆन ऎररकी आसिन बाचस, “हाँ, ऎन आलारिन ऎरदन, लिकिन फरीफरी मल ईथर'ई, एन्देरगेका आलर एंगा गे ऎकना मन्न बेसे ऎथ्रनर।”
25ख़ने येसुस अउरिम ओंग्होन आसी ख़न्न नू ख़ेक्खा उइय्यस, ख़ने आस कोड़े मंज ख़च्चियस, अरा आस जम्मानिम फरीफरी ऎरा उंगियस। 26“नीन पद्दा नू अमके कोर'आ मुन्द निंग्है एड़पा कला,” अन्ने बाचस ती येसुस आसिन एड़पा तइय्यस।
पतरस ब'अदस येसुस मसीस हिकदस
(मत्ता 16:13-20; लूक 9:18-21)
27येसुस अरा आसी चेलर कैसरेया फिलिप्पी नगरे ही ओनबेंड़र'आ पद्दा नू केरर। कालो बारी डहरे नू आस तंग्है चेलारिन मेंजस, “आलर एंगन नॆ ब'अनर?” 28ख़ने आर किर्त'अर बाचर, “जोक्क आलर ब'अनर यॊहन नूड़रत'उस फिन उज्जनुम किर्रियस, अरा जोक्क आलर ब'अनर धर्मेसी कत्था तिंगुस एलियस, अरा नन्नर ब'अनर चिरान ता धर्मेसी कत्था तिंगुर ती ओर्तोस”#मर 6:14,15; लूक 9:7,8 29ख़ने येसुस आरिन मेंजस, “लिकिन नीम एंगन नॆ ब'अदर?” ख़ने पतरस आसिन किर्त'अर बाचस, “नीन मसी हिकदय।”#यॊ 6:68,69 30ख़ने आस आरिन चेताबाचस का एंग्है पत्त नू इदन नॆकन हूँ अमके तेंगा।
येसुस तंग्है खे'अनन मुन्द तेंगना
(मत्ता 16:21-28; लूक 9:22-27)
31ख़ने येसुस चेलारिन तेंगा हेलरस का “चाड़ र'ई मनवा ख़द्दन एंगा गे अजम खिलपत मन्ना मनो, अरा यहूदी सेयान आलर अरा मुध नैगर अरा नॆग सिखाब'उर एंगन दुस'ओर अरा पिटोर। लिकिन ऎन तीन उल्ला ख़ॊख़ा उज्जा चॊर'ओन।” 32आस चेलारिन ई कत्थन डिढ लगे तिंगियस। ख़ने पतरस आसिन तरकूटी हो'अरकी कड़का हेलरस।
33लिकिन येसुस तंग्है चेलर तरा किर्रे ऎररकी पतरसिन हबड़ाचस अरा बाचस, “नीन सैतान लेक्खा ब'आलदय, एंग्है मुन्दहारे ती गेच्छा मना! नीन धर्मेसी सोचना लेक्खा मल सोचदय, लिकिन आलर ही सोचना लेक्खा सोचदय।”
34फिन आस गोंहड़ा गने चेलारिन हेद्दे मीख़ियस अरा बाचस,#मत्ता 10:38; लूक 14:27 “नीकईम एंग्है चेला मना बेद्दोस होले, आस गे तान तंग्है नना बेद्दना लेका अम्बोर नना अरा तंग्है क्रुस#8:34 इय्या क्रुस ही माने ‘तंग्है मने ती खिलपत सहना अरा लज्जे मॊख़रना खे'आ गे हूँ’। आबोन चेड़'अरकी एंग्है गने चॊंख़्रना र'ई। 35नीकईम तंग्है उज्जनन तंग्गा गे उज्जा बेद्ददस होले आस धर्मेस गने जनमजुग ही उज्जनन एबस'ओस, लिकिन आस एंग्है चड्डे अरा एंग्है दौ कत्था ही चड्डे तंग्है उज्जनन चि'ओस होले आस धर्मेस गने जनमजुग ही उज्जनन ख़क्खोस।#मत्ता 10:39; लूक 17:33; यॊ 12:25 36ओन्टा आलस ई ख़ॆख़ेल ता उर्मी जिनिसन अर्ज'अदस, अरा धर्मेस गने जनमजुग ही उज्जनन एबसदस होले, आस गे एन्देर नाफा मनो? 37आलर धर्मेस गने जनमजुग ही उज्जनन ख़क्खा गे ऊजी नू एन्द्रन हूँ चि'आ पोल्लोर। 38पपहर ही ई परिया नू नीकईम एंग्है कत्थन इंझ्र'आ गे अरा ‘ऎन येसुसी चेला हिकदन’ एन्ने आलर मुन्दहारे तेंगा गे लजर'ओस होले, आसिन ऎन हूँ नेम्हा मेर्ख़ा पैकर गने एम्बासी महबा नू किर्रना बारी ‘ईस एंग्है चेलस हिकदस’ एन्ने ब'आ गे लजर'ओन।”
Kurux NT - पुना गच्छरना NT
Copyright © Bible Society of India, 2014.
Used by permission. All rights reserved worldwide.